STORM FORCE - 15

[ngaia]

BAthroom chu a nuam tih mai hian a sawi phak lo, shower a awm mai bakah bualthleng lain tawk, mi pakhat aia tam lennna ngei tur hi a awm a, lu nghahchhan a la awm bawk nen. DArthlalang a awm fur bawk a, reilote shower hmanga a inbual hnua towel lian tawka a inhruk hul lai chuan a beisei loh leh rin lohna lamah chuan a thla chu a hmu a hmu mai a, Kylie pianghmang nena teh chuan ani chu cher leh ria deuh ni hian a inhmu a, lunghnu r tak chung chuan mutkawr chu a inthawlh a.

Inen reng chung chuan a heh chu a pet fan mai a, Pyjama te lo ha ve se tha zawk tur tiin a ngaihtuah a. A mutkawr chunglam chuan ahnute chu hliah ahnekin a tilang chiang zawkin a fual lam lah chuan apianhmang chu a tilang zaih mai a.

Chu mutkawr chu Robin nena an zan hun hmasa ber a hak atana a lei a ni tih a hrechhuak ta thut a. A thawmhnaw lei dangte pawh chu a mawihnai vak hlawm lo a.

Naktuk lamah bazar mai a ngai dawn a ni tiin a ngaihtuah a, mahse nassau ah chuan a duh ang chi thawmhnaw lei tur a awm vak a ring lo a.

Mahse le, a khum lam a pan lai a lo en vel tur Jay-a awm lo hlauh alawm le.

A chau hle mai a, a chhuanlam pawh kha a dik tak tak a, mahse a muhil thei tlat lo.l

Thiam zingah chuan Jay leh Kylie te, hla muang tak rema an han lam dun tur vel suangtuah chuan a mu meng kar reng a.

Chutiang chu a mitthlaa hmuh fo a duh lo, mahse le, Jay-a lu, a piah lawk khuma zan tina a mu ve tur chu a ngaihtuah duh zawng a ni hek lo.

Awm hle hle thei lo chuan a let sek a, a dinhmunah hian midang chu ding sela chuan he hun remchang hi pelh duh an awm a rin loh mai bakah reilote chhung pawh nise a theih ang tawka chenin an inthliarfihlim zui mai duh a ring a.

Mahse, Chutiang chu ka ni ve thei si lo, tiin a ngaihtuah a. Ka khawngaihthlakawmin dinosour angmai ka ni. Mahse, naran taka ka taksa pek a, thil pawimawh vak lo nia ngaih chu ka thei lo, AJay laka chuan ka inpe thei lo a chhan pawh ka tan a pawimawh lutuk dawn tlat a ni.

A thaw deuh hak a, chuti tak chuan a duhin a mamawh thei loang, chuti ni lo se engtinnge khatianga a tihtir theih ang? "Nangmah i che hmasa zawk tawh ang' a tih te kha a la hrereng a.

Phal takin inpe chu nisela a thilpek chu a lo la mai ang, a chhan chu, a pek pawha a lak duh loh chuan a nunrawn thlak dawn lutuk a, a nun a rawng si lo, mipa nunrawng chu a hria ani. World's end a an awm dun khan a chungah a tha hle a, a chang chuan a ngeiawm viau bawk, thlamuan a mamawh pawhin a thlamuan mai ani. Mahse, mipat hmeichhiat thilah fiamin it hle niawm taka chein chu tawrh thiam a ti a ni tih chu tilang tho mahse a intiam ang a laka awm chu ahrsa ti angin a awm chuan glo.

"Min rawn pan tho ang, chu chu kan hre dun a ni."

Hun rei lote chhung atan chauh niawm takin, a ti rilru a, mahse midang tam takte anga a lak hmeichhe tisa pu nih ngawt chu ka duh lo. Robin-a lakah pawh a tha ber dawttu chauh niin ka lo lungawi tep a, chutiang chu ka ti thei tawh lo ang.

Car lo let leh thawm a awm pawh chuan a la harh reng a, kawngka lamhnuchhawn chuan inherin tukver lam chu a hawi nghal daih a, muhil niawm tak hian a thaw sak sak a.

Thawm dik tak hian Jay chu a lo lut a, mahse a che vel reng reng, a thawmhnaw phelh thawmte chu a hre thei vek tho a. A kalsawn thawm chu hriain a khum bulah chuan arawn ding a ni tih a hria a.

"Maggie?" zawite hian a rawn ti a.

A kohna chu chhanga a lam lo hawia lo kuah mai a taksa pengtin chuan an duh ngawihngawih laia muthilh der tlat mai chu thil hreawm tawp a ni hial ang.

A heh chu a pet teuh a, a tawpah zawnga kalsawn thawm chu ahre ta tawk a. A reh ta thap a, a khua a har nghal ngawih ngawih bawk a.

A tukleh zinga a harh chuan a lo tlai tawhin a iah khum chu a lo ruak huai tawh a, a sana a en muah chuan rum hawk chung hian Maggie chu a thu hlawl a, hnathawh chu a tum ve bawk ania tia ngaihtuah chungina tho a, thawmhnaw a inbel nghal a.

A pindan a chhuahsan chuan Leah chu a tawk a.

"Breakfast ei i inpeih tawh em? I mu tha hle mai" tiin a nui a.

"Ka lo mu tha deuh a niang" tiin Maggie chuan a sam chu a tuai puat a, "MIssS john-in min zawng tawh em?"
"zawng lo, car in Nassau ah bazar tumin a chhuak a nih kha, nilengin a lo kir hman pawh ka ring lo.

"Ka hre thiam e, Jay a kal ve em?"

"Kal lo, beach a awm tur thu lo hrilh tur chein min chah a ni."

.......................


Ni a sa rum rut a, hnim thlawhfai tharlam rim nam cham chamte chu ahre thei bawk a. Chung chu thil engemaw lo thleng tur hrilh lawk ang mai hian awm hle hle thei lo in a che sek a.

Ka mumang mai ani, thil thleng tak tak pawh a ni lo, mumang mai a ni, tiin a inhrilh mawlh mawlh a.

Mahse, a hnungzang lum ham ham a oil han vawt deuh ngiai chu a tak ang chiah a ni bawk si, amah khawihtu kut, a hnungzang chultu ngei pawh chu a tak a ang a ni.

Chiai taka te chhuakin amah rawn khawihtu chu a lo bei let a.

Chhechham chung hian a banrekah chuan alo manin a nawrbet ta tlat a.

"I a ta em ni?" thinur tak hian a rawn ti a. "Engemaw i rhait le? Oil ka hnaiwh mai chauh che alawm, niin a em chein, i vun a hem nasa lutuk dawn alawm," a ti a.

Chiang lo riai hian Jay thinur hmel zet chu a en chho ta hau mai a.
"Nangmah i lo ni a? tiin a insut hraih a.

"Tunge nia min hriat?"

"Leslie, ka pahrawn!" tham tiak hian a ti a.

Jay chuan a vawnna chu a thlah a, Maggie chu thu chhuakin a hmai chu a hup a.

"Ni lo, inthup bo suh, chu chu em ni i mumangah chuan i hmuh thin?" a ti a, a aw chu a zawi hle bawk a.

Maggie chu a lo bu nghat a.

"Ka hre duh ania, min hrilh chu i ba vein ka hria" tih pahin a kut chu a lakkian sak a.

Rapthlak ti zet hian
a sawi awmzia chu a en ta a, a kut tinin a hamna thla chu a lo lang riak a, pakhat phei chu a lo thi tiam tiam lehnghal a.

"Pawi ka ti ngawt mai," a ti a, a mittui a lo far ta hial a, "Ka ti takzet a ni."

"I mumang chu min han hrilh teh" tiin a bulah chuan athu thla a. "Min hrilh vek rawh, engtianga lo intan nge ni?"

"Huanah ka aawm a... a lum hle bawk a. Tu emaw hian khawlin hnim a thlo bawk a, hmin rimte pawh ka hre thei a" tiin hreh tak chung hian a sawi a.
"Leslie chuan maw hnim chu nawrfai?"

"ni lo... kan thenawmpa a nia, ka nu ri hriain min chhan turin a lo kal a."

"engvanga au nge i nih, Maggie?"



"Leslie alawm, hna a thawk emaw ka ti a, ka ti tak tak ani. Chuvang chuan ania ka bikini chunglam kilhna pawh ka phelh. Dawt ka sawi miah lo. Chawhthawh tuma ti pawh ka ni miah lo, kan inah chuan a lo kal dawn tih pawh ka hre lo, adik hauh lo," a aw bakah a taksa zawng zawng pawh chu a khur a.

Jay chuan kaithoin a malchungah chuan apawm kang a.

"A dik hauh lo ang," a lo tihpui a.

"Ka nuin a ti tlat alawm, ka sawi a awih lo a," a ti a, a awm chu naupang chhia ang mai hian a sin ret a.

"Ka chungah a thin a rim a, nasa takin! An inkara buaina siam ka tum thu leh a mit lak tuma che velah min puh a, min rawn hmuh chuan saruak veka ka lo awm thu Mr Helloran-an a hrilh thu a sawi a, ti lui ka an thu thlengin."

Thawk a la halh a,"A dik huah lo, mahse tuman ka sawi chu an awih hauh si lo" a ti a.

"I sawi chu ka awih alawm, Leslie chuan eng thil nge a tih a?"

"Ka hnungah lotion a hnawih a," then deuh sak chung hain a ti a. Jay chu a lo ner sak bawk a,"Min hnawih chu ka duh lo a, ka hua a, ka hlau bawk. Ka hlau thin reng reng bawk a, a chhan phei chu ka hre chuang lo, mahse min han tawh phatatang chuan ka hre mai a ni."

"Khawiah nge a khawih che?"

"Hetah hian, hetah pawh, chutah a tum... duhdan..." a sawi zawm thei ta lo a.

"Hush, a duh chu a nei ta em?"

"Nei lo, a chhan chu ka seh bakah ka au chiam bawk a. Mr Halloron chuan ka au ri hriain thil awmdan hre turin a l oka la, ka tusawi chu a awih emaw ka ti a, mahse a hnuah Leslie chuan ka mitmei thin niin a lo hrilh a, ka nu hnenah p[awh chutiang tho chuan a sawi a, ka bikini chhung lam phelha oil min hnawih tura ka tih ni angin, reilote chhung chu ainthunun theih loh thu leh a amah pawh a inzahpui thu a sawi a, ka nu hnenah chuan ngaihdam dilin thupha a chawi a," a ti ta a.

Tichuan, a thusawi chu i nu chuan a awih amaw?"

A darah chuan alu nghatin Jay kut chu a malah chuan a innghat bawk a, an lo inkuah hnai hle ani tih Maggie chuan a hre ta a, Thawh a tum chuan Jay chuan a lo thlah ve nghal mai a, a pian deuh hlekah chuan athu hrang ta a.

A hmai hliah tu a sam chu hui kiangin Jay chu a en duh hauh lo a,"Heng thil hi hrilh ch epahw ka tum hauh l oa, tuman hrilh ka tum tawh l ohrim hrim a ni," a ti a.

"Robin pawh maw?"

"Teuh lo, ka thei lo, khang thil zawng zawng kha, theihnghilh vek mai ka tum ani."

"Mahse, i theinghilh thei hleinme, i mumang lam thlengin a ti buai ta che ania," tiin a khabeah chuan dawmin a lamhawi chuan a kuai dak a,"I hria em Maggie Carlyle? tun atang chuan khatiang thil khan a tibuai tawh hauh lo ang che tih ka chiang ngam a, ka kum khat hlawh pawh ka thap ngam hial ang."

A kun a, leia oil inhung chu a la a, a keng deuh vang vang a, ahmel landan chu hriatthiam a har hle a, chuan a rawn en ta a.

"Experiment i ti teh ang."

"Ka... theih pawh ka ring lo."

"I tih ngei tul ka ti tlat," tiin khap lek lo hian a rawn en a, "Min ring mai rawh, Maggie" a ti a.

Meggie chu a thaw deuh hak a, "A tha alawm," tiin a bawk leh a, a maimitchhing a, a tang teuh bawk a.

A hnunga oil a rawn hnawih chuan tawlhsawn lo turin heh pet teuh chung hian a insum fan fan a.

Jay kut chu a lum thar tharin a dam htlap mai a, a dar atang chuan hnawihin lotion rimtui cham cham a hnawih lai chuan a taksa pawh a tawk hian a hriat mang loh a. Han chawhthawh deuh tumna pawh nei lem lo a a thawhna avang chuan zawi zawin Maggie pawh chu a inthlah dul ve tial tial a. A kiniki chung zawk a thlen thlak chuan Jay chu a tim deuh a, Maggie chu a lo insanmar deuh bawk si avang chuan phelh loin a hnuai lam chu ahnawih chhunzawm ta zel a.

Lawm tur nge lawm loh tur tih pawh hre lo hian Maggie chuan cushion-ah chuan a hmai a phum a.

Tunah chuan a khawih vel dan pawh a dang hret tawhin Maggie pawhin zamna deuh chu la nei mahse phurna riau hi a nei ve tawh a.

Chutianga awm kumkhua mai chu a duh a, a duh...

"Kha kha a ni mai lawm, tawrh a har viau em ni?" bung angreng tak hian a ti a.

A biang sen tan thup deuh chung chuan muangchang hian Maggie chu a thuchhuak a.

"har lo e, i tidik ani, ka lawm e."

"eng hunah pawh, tui kan cheng teh ang, engahnge beach ah lo kalin min rawn zawm ve loh ang? Thlifim pawh a tam sin."

"Hetah hian ka awm, mai zawk ang e" a ti a.

An ngawih deuh vang vang hnu chuan Jay chuan a dar a san ak a, a hma aia awka chang deuh zawk hian,"I duh dan dan le" a ti a.

Chutah thaw deuh huai chung hian a mu leh ta a, Jay chuan a mangchhia chu a tihreh sak a ni mai mahna, mahse tunah chuan a dang hmachhawn tur a nei leh tlat tawh.

A nun atanga a kalbo a nun thim tak, a tel lo a a hman tur chu, tiin a ngaihtuah a, A chhan chu chu thil ngei chu a atan chuan mangchhia a ni dawn tlat a ni tih a hrechhuak ta thut a ni.