SUDDEN TAKES THE TRAIL CHAPTER 14
Posted: March 25th, 2018, 3:01 pm
SUDDEN - TAKES THE TRAIL
AUTHOR : OLIVER STRANGE (1940)
EPISODE - 14
Welcome khua a thlen hnuin Dave-a hnenah chuan, "Ezra Kent-a i hre tawh ngai em?" tiin a zawt chawt mai a. Inchhungah chuan Sloppy-a pawh a awm ve a, Dave-a leh Sloppy-a chuan Ezra Kent-a chu an la hre ngai lo ve ve a. Sudden-a chuan, "Ezra Kent-a chu kan zawng chhuak ngei tur a ni. Vaihlo Bawm hi a ta a ni. Lyman-a chuan Sark-a hi a thuhnuaiah a dah tih ka hrechhuak bawk a, thil awmdan hriatchian a țha hle ang," a han ti leh a. Dave-a chu tukverha a va dah lai a ni hlauh mai a, "Hun remchang tak i nei tihna a nih chu. Saw... Red Light Saloon-ah Jasee Sark-a a lut mek a ni," a han ti a. Sudden-a chuan, "A țha a nih chu, tikhan lo awm rawh u," a ti a, Red Light Saloon chu a pan ve ta nghal a.
Saloon chhung a va luh chuan Nippert-a'n a lo hmu hmasa a, "Lo leng teh, Marshal, Mullins-a kha ka rin aiin a lo sual zawk daih a ni," a lo ti a. Sudden-a chuan, "I hre daih tawh emaw ka tia sin," a ti a. Sark-a chuan, "Keimah vanga hrechiang leh zual a nia lawm. Mullins-a sualzia kha ka hre ve tawh a, tun chinah chuan ka kawp leh tawh ngai lovang, min tibuai tawk ta hlein ka hria," a lo ti thuai a. Sudden-a chuan, "A țha a nih chu. Mahse kei chu ka thinrimna hi ka lo theihnghilh leh mai țhin a," a han ti a. Sark-a chuan, "A țha a nih chu, Owen-a hnena ngaihdam dil chu ka hreh hle a, mahse, ka ba tlat si a le, ka va dil poh aniang chu," hlim hmel fe hian a han ti a.
Sudden-a chuan zu no chu a la a, "Inhriatthiam tawn zawk nan," a han ti a, Zu chu a han in pawp a. Sark-a chuan Sudden-a chu meizial han țheh a tum a, Sudden-a chuan, "Ka meizial hi ka duh zawk e," tih pahin a ipte ațangin vaihlo bawm chu a rawn phawrh a. Vaihlo bawm a hmuh lai a Sark-a hmel danglam nasatzia chu Sudden-a chuan a hmu chiang hle a ni. Chumi hnua a aw chhuak pawh chu a danglam ta viau bawk a. Sudden-a hnenah chuan, "I vaihlo bawm kha khawi ațanga i neih nge?" tiin a zawt ta hial a. Sudden-a chuan, "Ka chhar a nih hi. Hmanni deuh lawk khan," tiin a chhang mai a.
Sark-a chuan, "Khatiang vaihlo bawm kha chu ram dangah pawh a tam mai thei, mahse, tun kha ka vawikhat hmuhna chauh a la ni. Hralh dawn ta la, engzatnge i chhiar ang?" a han ti leh ta zel a. Sudden-a chuan, "Vaihlo dah nan hian a remchang viau a, ka hralh phal lovang," tih pahin mei chu a'n zial a. "Drywash khua chu a lo țhang lian ta hle a ni awm a, eng niah emaw chuan ka va tlawh ve ang," Sudden-a chuan a han ti leh a. Sark-a chuan, "Kei pawh kar thum lai chu ka tlawh tawh lova, Saloon leh Nula dukdaklo an tam lutuk niin ka hria. Tunah hi chuan nupui neih lam a ni ka rilruk tawh zawk ni," a ti a.
Nippert-a chuan, "Welcome khua-ah hian nupui i zawng a nih chuan an vang viau in ka ring," a lo ti mai a. Sark-a chuan, "Mai mai țhin a, Mary Gray-i a awm alawm," a han ti a. Sudden-a te pahnih chu an ngawi tak reng avangin Sark-a chuan, "A awmna tur hmun dik taka awm chu Mary tan thil hlu tak a nih ka ring," a han ti leh a. Nippert-a chuan, "A ni mai thei, mahse, Mary chuan a chak vak lo ni awmin ka lo hria a," a han ti ve leh a. Sark-a chuan, "I hriat chu a dik a ni, ka ruih deuh avangin a thin ka ti ur a nih kha. Engpawhnise, ka rim leh dawn a, a tana țha tur chu a haiin ka ring lo," a ti a, reilote ah a chhuak ta a.
Sudden-a te pahnih chu rei an la țhut hmain Dave-a chu a lo lut ve a. "Enge a duh, Sark-a saw, Mrs Gray-i dawra a luh ngawt chu le?" a rawn ti a. Sudden-a chuan, "A ril a țam a ni ang chu, chaw zawhna dawr a ni a lawm," a lo ti thuai a. Sudden-a vek chuan, "I hre duh tak tak a nih chuan, Mrs Gray-i chu Dumb-Bell Ranch hotunu ni turin va thlem a tum a nih kha," nui chung hian a han ti leh a. Dave-a chuan a puakruk paina kawnghren chu a han sawi fual deuh a, chhuah leh nghal mai tuma a han inher lai chuan Sudden-a chuan a lo man bet thuai a. "Mrs Gray-i sawn ven a ngaiin ka ring lo, a in enkawl ve thei thoin ka ring, i lo inrawlh ve na tur chhan enge awm?" a lo ti a.
Dave-a chuan chhan ngaihna vak a hriat loh a vangin kawtthler lam chu a hawi a, ngawi rengin a ding ta a. Minute sawmpanga vel a ral tawh ang tihah chuan Mrs Gray-i dawr ațang chuan Sark-a chu a lo chhuak ta a. Thinrim hmel tak hian a sakawrah chuan a lawn ta a, a sakawr chu na zetin a hlap țhuai a, kawtthlerah chuan chak deuhin a tlantir ta vak mai a. Sudden-a chuan, "Pastor va koh a tum a nih loh vek chuan...." a han ti a.
Dave-a chuan, "A hmel kha i hmu em?" phur zet hian a lo ti a. Sudden-a chuan, "Hmu e, Mrs Gray-i chuan a rilru a lo hrilh chiang hle a nih dawn kha le," a lo ti a. Dave-a chuan, "A rilru chu a sawi chhuak duh mai lovang...." a han ti zet a, zak hmelpu deuh tak chung chuan, "Ka sawi tum tak chu...." a han ti leh ta thuai a. Sudden-a chuan, "Nang zawk hian a nih hi i rilru chu sawi chiang," nui chung hian a lo tih khalh ta thuai a.
Sark-a haw ta chu a thinrim tak zet a ni. Mary-i chuan a duh loh chian zia a lo hrilh chiang tawk viau a. Dumb-Bell a va thlen veleh Mullins-a ko turin a hote zinga pakhat chu a tir nghal vat a. Darkar engemaw zat hnuah Mullins-a pawh a lo thleng ve ta a. "Min ko em ni, Sark?" a rawn ti a. Sark-a chuan, "Hnathawh tur ka nei..... i duh chuan..., i duh loh erawh chuan... midang pawh an tam tho," a lo ti a. Mullins-a chuan, "A țha a nih chu," tih pahin chhuah leh mai a tum a, mahse Sark-a chuan, "Â lutuk teh suh, he thilah hian i hlawk hle dawn a ni. Țhu la, zu hi in ve phawt mai teh," a ti ta a.
Mullins-a chu tițha inti fe hian a la ding reng a, zu pawh chu in duh lovin, "Engzatnge ka hlawh ang?" a han ti a. Sark-a chuan, "Dollar sangkhat," tiin a chhang a. Mullins-a chuan, "Dollar za țheuh kan chang dawn tihna a ni a, a chau kher mai, engnge thawh tur?" a han ti leh a. Sark-a chuan a thil tum chu a hrilh ta vek a. Mullins-a chuan ngawi rengin a lo ngaithla a, ama riru a thil lo tum lawk nen chuan inhmehna tak awm dawna a hriat avangin a țhu ve ta a. Zu no chu a la a, Sark-a hnenah chuan, "Mrs Gray-i chu neih i tum em ni?" tiin a zawt a, Sark-a chuan, "Tum chiang e, dan pangngai ang taka neih ka tum a ni. Mahse, min nei duh tura a rilru siam turin fuih a ngai a ni," a han ti a.
Mullins-a chuan, "I tan chuan a țha hle ang chu, mahse, kei leh ka hote tan a hlauhawm viau ang," a lo ti a. Sark-a chuan, "Dollar sangkhat chu a tlem lutuk i tihna em ni?" a ti leh a. Mullins-a chuan, "Jesse, ka rin aiin i lo fing daih mai," a han ti a, chanțha a intih avangin nuam a ti hle mai a. Sark-a chu ngun fe hian a han inngaihtuah a, tahchuan, "A nih leh Dollar sanghnih ka pe ang che, chu aia tam chu a theih loh vang," a ti ta a. Mullins-a chu a lungawi tawk viau a, riru dang a pe tel tlat bawk si a. Tichuan, "Pawisa chu engtikah nge min pek ang?" a han ti a.
Sark-a chuan, "In hlawhtlin hunah. Mrs Gray-i chu in kawl anga, a tlanna tur pawisa in rawn tuk dawn a ni. Pawisa chu kengin ka rawn tlanchhuak mai ang. Hlauthawng taka in lo siam theih phawt chuan, ka rawn chhanchhuak dawn si a, ka chungah a lawm hlein ka ring," a han ti a. Mullins-a chuan, "A zam tawk viau bawk ang, a hun tur chu i rel fel tawh em?" a han ti a. Sark-a chuan, "La rel fel lo. Mahse inpeih rengin lo awm phawt ula, 'a hun ta', ka tih veleh in che nghal vat dawn nia. Mullins-a chuan, "Hmanhmawh deuh la a țha ang, sum kan tlachham tawh viau a nia", a ti a, a chhuak ta nghal a. Mullins-a chhuah hnuin Sark-a chuan thil kal dan tur ngaihtuah pahin Zu um khat a in zo leh phawt a, a mu ta a.
Sark-a zing tho chu a nelawm loh kher mai a, coffee no hnih lai a in zawh hnu erawh chuan tlemin a nelawm leh deuh a, țhutkhawmna pindanah a va lut a, Lyman-a'n a lo nghak reng tawh a. Sark-a a hmuh veleh Lyman-a chuan, "Zu hi chu i la chhiat phah dawn a nih hi," a lo ti a. Sark-a chuan, "Inneih zu ka lo chhim lawk a nih hi," a han ti a. Lyman-a chuan, "Neih che a duh ta a ni maw?" a han ti a. Sark-a chuan, "Duh rih lo ve, mahse, min duh turin rem ka ruat fel vek tawh, i hrethiam em?" a han ti a. Lyman-a chuan, "I la rui tih chu hrethiam e, i thusawi chu han sawi fiah deuh teh," a ti a.
Sark-a chuan a tum dan leh Mullins-a te a rawih a tum dan chu a sawi vek hnuin, "Ka tihdan chu țhain i ring em? Engnge i ngaihdan?" tiin a han zawt a, chutihlai chuan chak taka sakawr tlan ri an hria a, kawt zawnah chuan a tawp ta chawt a. In chhungah chuan Sark-a hote zinga pakhat chu a lo lut a. Sark-a hnenah chuan, "Ka pu, tukin khan Bentley panin Marshal a chhuak a, hriat i duh ka ring a, ka lo tlan vat a ni," a rawn ti sawk sawk a. Sark-a chuan makti leh thinur deuh tak si hian, "Bentley khuaah chuan enge tih a va tum?" a han ti a. Chu pa chuan a kutphah pahnih chu zangthal zawngin a phar a, a dar chhin ak pahin, "Ka hre bik lo, min hrilh theihnghilh aniang," nui chungin a lo ti a.
Sark-a chuan thinrim deuh maia chu pa chu hauh hrep mai a duh deuh a, mahse a hote tih lungnihloh chu fel dawna a hriat loh avangin a insum hram hram a. Marshal chu mahni chauh a kal a nih thu a hriat chuan chu pa chu a chhuahtir ta a. A chhuah hnu chuan, "Marshal chuan Bentley khua chu va tlawh a tum satliah mai mai a ni ang," Sark-a chuan a han ti a. "A nih ka ring lo, mi pakhat Lumpy-a ti a an koh țhin kha i hre ve em?" a han ti a. Sark-a chuan a hriat loh thu a sawi a.
Lyman-a chuan, "Dawt sawi kher a ngai lovang. Bentley khuaah em ni Lumpy-a nen chuan in inhmelhriat?" a ti leh a. Sark-a chuan a chhan lawk loh avangin Lyman-a bawk chuan, "I dinhmun hlauhthawnawm zia hi i la hre chiang lo a ni ang e..," a han ti leh a. Sark-a chuan, "Ka dinhmun hi a hlauhawm zia ka hria," a lo ti ve ngat a. Lyman-a chuan, "Kei chu ka insawi mar thei vek ang, mahse, Marshal chuan thil thar hriatchhuah a va neih vaih zawngin nang chu...," a han ti a, a dar pan zet chu a han chhin vei ak a.
Sark-a chuan, "Lumpy-a hian min hmuh lohna a rei tawh em a, min hre tawh lo a nih ka ring. Chuvangin tul lovah rilru ka lo tihah mai mai niin ka hria," a ti a. Lyman-a erawh chuan, "Marshal te ang hi chuan ram mawi zia en tur ringawtin mel za tam an kal ve ngai lo. Tum a nei a ni mai. Chuvangin, tih tur kawng khat chiah kan nei tawh a ni. I lo ruahman lawk tawh ang chu puitlin kan tum mai tur a ni," a ti ta a. Sark-a chuan, "I ngaihdan i thlak ta a ni maw?" a han ti a.
Lyman-a chuan, "A țul huna rilru thlak nachang hre lo chu mi â a ni. I thil tum hi a hlawhtlin chuan, Dumb-Bell hi i nei hlen mai thei dawn a, i hlawhchham erawh chuan, i sakawr chak ber chungah chuangin he ram hi i chhuahsan vat a țul ang," a ti ta a. A chunga thuneitu ber anga Lyman-a'n thu a sawi țhin chu Sark-a chuan a ning tawh hle a. Mahse, eng a tih hmain Lyman-a bawk chuan, "Marshal lo kir leh hmain kan chet vat a țul ang, zaninah chet nghal tur a ni," a han ti leh a. Sark-a chuan, "Mullins-a hrilh turin mi ka va koh tir nghal ang e," a ti a, pawnah a chhuak ta a.
Reiloteah Sark-a chu a lo kir leh thuai a, "Ka tifel vek tawh e, naktukah Drywash-ah kan va kal anga, kan innei tawh mai dawn a ni. Tichuan, ka...," a ti hman chauhva, Lyman-a chuan, "Chuiti zawng, hmeichhia chu i ruk boah an ngai ngei anga, i chak lo nasa mai ang. Ngaithla ngun rawh, hmeichhia an rukbo a țanga ni hnih ni thum velah an rukbo thu leh i hnen ațanga tlanna pawisa an ngiatna lehkha chu i hmu chauh tur a ni," a ti ta a. "Mary-i chu midangin zawngin va hmu ta hlauh sela?" Sark-a chuan a han ti a.
Lyman-a chuan, "Thil tihsual engmah a awm tur a ni lo. I ât vangin Welcome mipuite chuan an ngaina tawh vak lo che a, mahse, Mary-i chu i va chhanchhuah chuan an ngaina leh thei deuh tawh chein ka ring a ni," a ti a. Sark-a chuan, "Seth, min hau min hau teh suh, ka rilru a hah ve viau a nia. Ka chunga i thiltih chu ka theihnghilh dawn chuang hleinem," a ti a. Lyman-a chuan, "Theihnghilh lo la, i nihlawh hle ang. I hotu ka nih hi hre reng la, kan inngeih mai ang. Chanchin mi hrilh ve zel ang che," a ti a, pawnah a chhuak ta nghal a.
Thinur zetin Sark-a chuan Lyman-a sakawr chungchuang kal liam tur chu a thlir zui reng a, zu no chu a han lekchhuak a, "Chatuana hreawm taka i tawrh theih nan," ti chungin zu chu a han in pawp a.
ADVERTISMENT CLICK
AUTHOR : OLIVER STRANGE (1940)
EPISODE - 14
Welcome khua a thlen hnuin Dave-a hnenah chuan, "Ezra Kent-a i hre tawh ngai em?" tiin a zawt chawt mai a. Inchhungah chuan Sloppy-a pawh a awm ve a, Dave-a leh Sloppy-a chuan Ezra Kent-a chu an la hre ngai lo ve ve a. Sudden-a chuan, "Ezra Kent-a chu kan zawng chhuak ngei tur a ni. Vaihlo Bawm hi a ta a ni. Lyman-a chuan Sark-a hi a thuhnuaiah a dah tih ka hrechhuak bawk a, thil awmdan hriatchian a țha hle ang," a han ti leh a. Dave-a chu tukverha a va dah lai a ni hlauh mai a, "Hun remchang tak i nei tihna a nih chu. Saw... Red Light Saloon-ah Jasee Sark-a a lut mek a ni," a han ti a. Sudden-a chuan, "A țha a nih chu, tikhan lo awm rawh u," a ti a, Red Light Saloon chu a pan ve ta nghal a.
Saloon chhung a va luh chuan Nippert-a'n a lo hmu hmasa a, "Lo leng teh, Marshal, Mullins-a kha ka rin aiin a lo sual zawk daih a ni," a lo ti a. Sudden-a chuan, "I hre daih tawh emaw ka tia sin," a ti a. Sark-a chuan, "Keimah vanga hrechiang leh zual a nia lawm. Mullins-a sualzia kha ka hre ve tawh a, tun chinah chuan ka kawp leh tawh ngai lovang, min tibuai tawk ta hlein ka hria," a lo ti thuai a. Sudden-a chuan, "A țha a nih chu. Mahse kei chu ka thinrimna hi ka lo theihnghilh leh mai țhin a," a han ti a. Sark-a chuan, "A țha a nih chu, Owen-a hnena ngaihdam dil chu ka hreh hle a, mahse, ka ba tlat si a le, ka va dil poh aniang chu," hlim hmel fe hian a han ti a.
Sudden-a chuan zu no chu a la a, "Inhriatthiam tawn zawk nan," a han ti a, Zu chu a han in pawp a. Sark-a chuan Sudden-a chu meizial han țheh a tum a, Sudden-a chuan, "Ka meizial hi ka duh zawk e," tih pahin a ipte ațangin vaihlo bawm chu a rawn phawrh a. Vaihlo bawm a hmuh lai a Sark-a hmel danglam nasatzia chu Sudden-a chuan a hmu chiang hle a ni. Chumi hnua a aw chhuak pawh chu a danglam ta viau bawk a. Sudden-a hnenah chuan, "I vaihlo bawm kha khawi ațanga i neih nge?" tiin a zawt ta hial a. Sudden-a chuan, "Ka chhar a nih hi. Hmanni deuh lawk khan," tiin a chhang mai a.
Sark-a chuan, "Khatiang vaihlo bawm kha chu ram dangah pawh a tam mai thei, mahse, tun kha ka vawikhat hmuhna chauh a la ni. Hralh dawn ta la, engzatnge i chhiar ang?" a han ti leh ta zel a. Sudden-a chuan, "Vaihlo dah nan hian a remchang viau a, ka hralh phal lovang," tih pahin mei chu a'n zial a. "Drywash khua chu a lo țhang lian ta hle a ni awm a, eng niah emaw chuan ka va tlawh ve ang," Sudden-a chuan a han ti leh a. Sark-a chuan, "Kei pawh kar thum lai chu ka tlawh tawh lova, Saloon leh Nula dukdaklo an tam lutuk niin ka hria. Tunah hi chuan nupui neih lam a ni ka rilruk tawh zawk ni," a ti a.
Nippert-a chuan, "Welcome khua-ah hian nupui i zawng a nih chuan an vang viau in ka ring," a lo ti mai a. Sark-a chuan, "Mai mai țhin a, Mary Gray-i a awm alawm," a han ti a. Sudden-a te pahnih chu an ngawi tak reng avangin Sark-a chuan, "A awmna tur hmun dik taka awm chu Mary tan thil hlu tak a nih ka ring," a han ti leh a. Nippert-a chuan, "A ni mai thei, mahse, Mary chuan a chak vak lo ni awmin ka lo hria a," a han ti ve leh a. Sark-a chuan, "I hriat chu a dik a ni, ka ruih deuh avangin a thin ka ti ur a nih kha. Engpawhnise, ka rim leh dawn a, a tana țha tur chu a haiin ka ring lo," a ti a, reilote ah a chhuak ta a.
Sudden-a te pahnih chu rei an la țhut hmain Dave-a chu a lo lut ve a. "Enge a duh, Sark-a saw, Mrs Gray-i dawra a luh ngawt chu le?" a rawn ti a. Sudden-a chuan, "A ril a țam a ni ang chu, chaw zawhna dawr a ni a lawm," a lo ti thuai a. Sudden-a vek chuan, "I hre duh tak tak a nih chuan, Mrs Gray-i chu Dumb-Bell Ranch hotunu ni turin va thlem a tum a nih kha," nui chung hian a han ti leh a. Dave-a chuan a puakruk paina kawnghren chu a han sawi fual deuh a, chhuah leh nghal mai tuma a han inher lai chuan Sudden-a chuan a lo man bet thuai a. "Mrs Gray-i sawn ven a ngaiin ka ring lo, a in enkawl ve thei thoin ka ring, i lo inrawlh ve na tur chhan enge awm?" a lo ti a.
Dave-a chuan chhan ngaihna vak a hriat loh a vangin kawtthler lam chu a hawi a, ngawi rengin a ding ta a. Minute sawmpanga vel a ral tawh ang tihah chuan Mrs Gray-i dawr ațang chuan Sark-a chu a lo chhuak ta a. Thinrim hmel tak hian a sakawrah chuan a lawn ta a, a sakawr chu na zetin a hlap țhuai a, kawtthlerah chuan chak deuhin a tlantir ta vak mai a. Sudden-a chuan, "Pastor va koh a tum a nih loh vek chuan...." a han ti a.
Dave-a chuan, "A hmel kha i hmu em?" phur zet hian a lo ti a. Sudden-a chuan, "Hmu e, Mrs Gray-i chuan a rilru a lo hrilh chiang hle a nih dawn kha le," a lo ti a. Dave-a chuan, "A rilru chu a sawi chhuak duh mai lovang...." a han ti zet a, zak hmelpu deuh tak chung chuan, "Ka sawi tum tak chu...." a han ti leh ta thuai a. Sudden-a chuan, "Nang zawk hian a nih hi i rilru chu sawi chiang," nui chung hian a lo tih khalh ta thuai a.
Sark-a haw ta chu a thinrim tak zet a ni. Mary-i chuan a duh loh chian zia a lo hrilh chiang tawk viau a. Dumb-Bell a va thlen veleh Mullins-a ko turin a hote zinga pakhat chu a tir nghal vat a. Darkar engemaw zat hnuah Mullins-a pawh a lo thleng ve ta a. "Min ko em ni, Sark?" a rawn ti a. Sark-a chuan, "Hnathawh tur ka nei..... i duh chuan..., i duh loh erawh chuan... midang pawh an tam tho," a lo ti a. Mullins-a chuan, "A țha a nih chu," tih pahin chhuah leh mai a tum a, mahse Sark-a chuan, "Â lutuk teh suh, he thilah hian i hlawk hle dawn a ni. Țhu la, zu hi in ve phawt mai teh," a ti ta a.
Mullins-a chu tițha inti fe hian a la ding reng a, zu pawh chu in duh lovin, "Engzatnge ka hlawh ang?" a han ti a. Sark-a chuan, "Dollar sangkhat," tiin a chhang a. Mullins-a chuan, "Dollar za țheuh kan chang dawn tihna a ni a, a chau kher mai, engnge thawh tur?" a han ti leh a. Sark-a chuan a thil tum chu a hrilh ta vek a. Mullins-a chuan ngawi rengin a lo ngaithla a, ama riru a thil lo tum lawk nen chuan inhmehna tak awm dawna a hriat avangin a țhu ve ta a. Zu no chu a la a, Sark-a hnenah chuan, "Mrs Gray-i chu neih i tum em ni?" tiin a zawt a, Sark-a chuan, "Tum chiang e, dan pangngai ang taka neih ka tum a ni. Mahse, min nei duh tura a rilru siam turin fuih a ngai a ni," a han ti a.
Mullins-a chuan, "I tan chuan a țha hle ang chu, mahse, kei leh ka hote tan a hlauhawm viau ang," a lo ti a. Sark-a chuan, "Dollar sangkhat chu a tlem lutuk i tihna em ni?" a ti leh a. Mullins-a chuan, "Jesse, ka rin aiin i lo fing daih mai," a han ti a, chanțha a intih avangin nuam a ti hle mai a. Sark-a chu ngun fe hian a han inngaihtuah a, tahchuan, "A nih leh Dollar sanghnih ka pe ang che, chu aia tam chu a theih loh vang," a ti ta a. Mullins-a chu a lungawi tawk viau a, riru dang a pe tel tlat bawk si a. Tichuan, "Pawisa chu engtikah nge min pek ang?" a han ti a.
Sark-a chuan, "In hlawhtlin hunah. Mrs Gray-i chu in kawl anga, a tlanna tur pawisa in rawn tuk dawn a ni. Pawisa chu kengin ka rawn tlanchhuak mai ang. Hlauthawng taka in lo siam theih phawt chuan, ka rawn chhanchhuak dawn si a, ka chungah a lawm hlein ka ring," a han ti a. Mullins-a chuan, "A zam tawk viau bawk ang, a hun tur chu i rel fel tawh em?" a han ti a. Sark-a chuan, "La rel fel lo. Mahse inpeih rengin lo awm phawt ula, 'a hun ta', ka tih veleh in che nghal vat dawn nia. Mullins-a chuan, "Hmanhmawh deuh la a țha ang, sum kan tlachham tawh viau a nia", a ti a, a chhuak ta nghal a. Mullins-a chhuah hnuin Sark-a chuan thil kal dan tur ngaihtuah pahin Zu um khat a in zo leh phawt a, a mu ta a.
Sark-a zing tho chu a nelawm loh kher mai a, coffee no hnih lai a in zawh hnu erawh chuan tlemin a nelawm leh deuh a, țhutkhawmna pindanah a va lut a, Lyman-a'n a lo nghak reng tawh a. Sark-a a hmuh veleh Lyman-a chuan, "Zu hi chu i la chhiat phah dawn a nih hi," a lo ti a. Sark-a chuan, "Inneih zu ka lo chhim lawk a nih hi," a han ti a. Lyman-a chuan, "Neih che a duh ta a ni maw?" a han ti a. Sark-a chuan, "Duh rih lo ve, mahse, min duh turin rem ka ruat fel vek tawh, i hrethiam em?" a han ti a. Lyman-a chuan, "I la rui tih chu hrethiam e, i thusawi chu han sawi fiah deuh teh," a ti a.
Sark-a chuan a tum dan leh Mullins-a te a rawih a tum dan chu a sawi vek hnuin, "Ka tihdan chu țhain i ring em? Engnge i ngaihdan?" tiin a han zawt a, chutihlai chuan chak taka sakawr tlan ri an hria a, kawt zawnah chuan a tawp ta chawt a. In chhungah chuan Sark-a hote zinga pakhat chu a lo lut a. Sark-a hnenah chuan, "Ka pu, tukin khan Bentley panin Marshal a chhuak a, hriat i duh ka ring a, ka lo tlan vat a ni," a rawn ti sawk sawk a. Sark-a chuan makti leh thinur deuh tak si hian, "Bentley khuaah chuan enge tih a va tum?" a han ti a. Chu pa chuan a kutphah pahnih chu zangthal zawngin a phar a, a dar chhin ak pahin, "Ka hre bik lo, min hrilh theihnghilh aniang," nui chungin a lo ti a.
Sark-a chuan thinrim deuh maia chu pa chu hauh hrep mai a duh deuh a, mahse a hote tih lungnihloh chu fel dawna a hriat loh avangin a insum hram hram a. Marshal chu mahni chauh a kal a nih thu a hriat chuan chu pa chu a chhuahtir ta a. A chhuah hnu chuan, "Marshal chuan Bentley khua chu va tlawh a tum satliah mai mai a ni ang," Sark-a chuan a han ti a. "A nih ka ring lo, mi pakhat Lumpy-a ti a an koh țhin kha i hre ve em?" a han ti a. Sark-a chuan a hriat loh thu a sawi a.
Lyman-a chuan, "Dawt sawi kher a ngai lovang. Bentley khuaah em ni Lumpy-a nen chuan in inhmelhriat?" a ti leh a. Sark-a chuan a chhan lawk loh avangin Lyman-a bawk chuan, "I dinhmun hlauhthawnawm zia hi i la hre chiang lo a ni ang e..," a han ti leh a. Sark-a chuan, "Ka dinhmun hi a hlauhawm zia ka hria," a lo ti ve ngat a. Lyman-a chuan, "Kei chu ka insawi mar thei vek ang, mahse, Marshal chuan thil thar hriatchhuah a va neih vaih zawngin nang chu...," a han ti a, a dar pan zet chu a han chhin vei ak a.
Sark-a chuan, "Lumpy-a hian min hmuh lohna a rei tawh em a, min hre tawh lo a nih ka ring. Chuvangin tul lovah rilru ka lo tihah mai mai niin ka hria," a ti a. Lyman-a erawh chuan, "Marshal te ang hi chuan ram mawi zia en tur ringawtin mel za tam an kal ve ngai lo. Tum a nei a ni mai. Chuvangin, tih tur kawng khat chiah kan nei tawh a ni. I lo ruahman lawk tawh ang chu puitlin kan tum mai tur a ni," a ti ta a. Sark-a chuan, "I ngaihdan i thlak ta a ni maw?" a han ti a.
Lyman-a chuan, "A țul huna rilru thlak nachang hre lo chu mi â a ni. I thil tum hi a hlawhtlin chuan, Dumb-Bell hi i nei hlen mai thei dawn a, i hlawhchham erawh chuan, i sakawr chak ber chungah chuangin he ram hi i chhuahsan vat a țul ang," a ti ta a. A chunga thuneitu ber anga Lyman-a'n thu a sawi țhin chu Sark-a chuan a ning tawh hle a. Mahse, eng a tih hmain Lyman-a bawk chuan, "Marshal lo kir leh hmain kan chet vat a țul ang, zaninah chet nghal tur a ni," a han ti leh a. Sark-a chuan, "Mullins-a hrilh turin mi ka va koh tir nghal ang e," a ti a, pawnah a chhuak ta a.
Reiloteah Sark-a chu a lo kir leh thuai a, "Ka tifel vek tawh e, naktukah Drywash-ah kan va kal anga, kan innei tawh mai dawn a ni. Tichuan, ka...," a ti hman chauhva, Lyman-a chuan, "Chuiti zawng, hmeichhia chu i ruk boah an ngai ngei anga, i chak lo nasa mai ang. Ngaithla ngun rawh, hmeichhia an rukbo a țanga ni hnih ni thum velah an rukbo thu leh i hnen ațanga tlanna pawisa an ngiatna lehkha chu i hmu chauh tur a ni," a ti ta a. "Mary-i chu midangin zawngin va hmu ta hlauh sela?" Sark-a chuan a han ti a.
Lyman-a chuan, "Thil tihsual engmah a awm tur a ni lo. I ât vangin Welcome mipuite chuan an ngaina tawh vak lo che a, mahse, Mary-i chu i va chhanchhuah chuan an ngaina leh thei deuh tawh chein ka ring a ni," a ti a. Sark-a chuan, "Seth, min hau min hau teh suh, ka rilru a hah ve viau a nia. Ka chunga i thiltih chu ka theihnghilh dawn chuang hleinem," a ti a. Lyman-a chuan, "Theihnghilh lo la, i nihlawh hle ang. I hotu ka nih hi hre reng la, kan inngeih mai ang. Chanchin mi hrilh ve zel ang che," a ti a, pawnah a chhuak ta nghal a.
Thinur zetin Sark-a chuan Lyman-a sakawr chungchuang kal liam tur chu a thlir zui reng a, zu no chu a han lekchhuak a, "Chatuana hreawm taka i tawrh theih nan," ti chungin zu chu a han in pawp a.
ADVERTISMENT CLICK