† R.E.B.E.L † Chapter -10

Episode kal lai dah luhna

Moderator: writers

Noah Hringngen
Posts: 225
Joined: June 14th, 2016, 10:29 pm
Location: Durtlang

† R.E.B.E.L † Chapter -10

Unread post by Noah Hringngen » June 16th, 2016, 10:40 pm

† R.E.B.E.L † (18+ Adults only)
.
.
CHAPTER -10
.
"Ka dinhmunah hian ding ni ta la khawi zawk nge i thlan ang ka ti? Ryan leh Maddie te chu dinhmun hlauhawm takah awm ta se,thil dik tih nge an nun derthawng tak a dah sak i duh zawk ang?"
.
"Chumi kawngah chuan nang leh kei chu kan dang a lawm bawihte"
.
"Eng nge a danglam bik na?"
.
"Kei chuan ka chhungkua beih tum tu te chu ka that mai dawn a, chuvang chuan kan tihdan tur pawh a inang thei lo alawm" tihpahin a lut leh a "Ka sawi ang a i tih phawt chuan Sophi.....thil tihsak lo che chuan ka kal bik tawp lovang. I chhungkua ka venhim sak ang che"
.
.
> REBEL <
.
Kan luh leh hnu chuan Sophia-i chu a hnungah ni lovin a hma lamah a rawn thu ve ta thung a.
.
Ka titi pui a,ka sawi turte pawh ka sawi fel ta e. Mahse engtin nge ni ta zel ang? Min pui angem? Aih....nilo chuti ringawtte chu ni lo ve. Bei nge sei run dung kan la ti ve tang tang ang chu le.
.
A ni erawh a muhil hmak thung. Darkar 5 dawn kan tlan leh hnu chuan Dallas kan thleng a,khua a thim tawh avangin khawpui chhung chu eng chhit chi hrang hrangin a khat a,kan zinna a thui bawk a,ka rawl ve them thum mai.
.
"Mmmmm.....khawilai nge kan thlen tawh a?" Sophia-i chu Zawhte ang mai hian a rawn zi tial tial a,a rawn rum tuah tuah bawk a. Naupang ang maiin a mit a nuai nauh nauh a,a duhawm zia chu.......en tlawk tlawk a phu a ni.
.
"Dallas" ka lo ti a. "Kawng chanve na chiah vel ania,kan thleng har tawh lovang. Mahse zan lamah chuan kan tlan tawh rih lovang"
.
"Keiman ka lo khalh mai ang. Keimah-....khai aa,ka lo muhil rei hlemai" tihpahin Sana chu an en a.
.
"Zanlam chu a ngaihna a awm lo. Ka chau ve tawh lutuk a,chawlh hahdam ve phawtte ka ngai alawm". Steering ka vuan a,ka kawngte chu a kham thum a. Nileng a long run chu a hahthlak ve reng mai.
.
"A nih khawiah nge kan riah ang a?"
.
"Ka thianpate an awm alawm"
.
"MC Clubhouse dang a la awm tihna em ni?" A aw ah chuan peihlohna ri a lang tel a,ka hrethiam viau tho mai. Zu in luai luai,damdawi tih, hmeichhiat mipatna leh insual tih vel hi chu a ni ang hmeichhe innocent lutuk tan chuan thil ninawm tak a ni ngei ang.
.
"Ni lo ve....hmun dangah. Motel ah a ni mai"
.
"Chuan....ihh..room khatah ami kan mut dawn?" Muang ban fan raih hian a han ti a.
.
"Aw...pindan khat a kan mut mai loh chuan. Tinge...harsatna a awm ami?"
.
"Awm tehreng mai"
.
"A nihte chuan tian motor chhungah hian kan riak thei tho a lawm. Keite chu tui deuhin ka muhil thei tho a". A hrilhhai vel hmel chu hmuh nuam ka ti tlat.
.
"Anih.....a tha e"
.
"A tha e maww...!?"
.
"Aw.....khum pahnih awmna room ah a ni mai. Nang i khum bak i pel lo ang a,chutiangin kei pawn"
Hmeichhe tam tak chuan an khum tawmpui turin min ngen lawm lawm thin. A ngen a ngenin. Sophia-i erawh a danglam tlat. Chu tak chuan a ti duhawm sauh a,diktak chuan duhtawk a khum a tal pui ka chak takzet.
.
Motel pakhatah Sophia-i chu ka hruai a,chu Motel chu ka thianpa Alex-a ta anih avangin ka mikhual lem lo. Kan room turah chuan kan lut a,a lum nuam thain a fai tha hle a.
.
Kan luh ve leh Sophia-i chuan bathroom a pan nghal a,tui phuh ri sung sung riin a zawm nghal a. Khum tlangah chuan ka thu a,tun a ka tih tur hmasa ber chu Cade-a phone ani.
.
"Hey..thian a. Zan in riak dawn em ni?"
.
"Aw riak dawn e. Naktuk dar 3 velah Louise Place chu kan thleng ang a,Leah kha kan rawn kal mek tih min lo hrilh sak thei a ngem?" Leah McPherson chu ka pa tan a thawk a ni a,ka pa in a thu thawn nan a a hman ber ani.
.
"Awle...ka lo va call dawn nia. E chuan...Shay i'n tukin a hmeichhe thawmhnaw awm ho kha tu lei nge a tia,a thik deuh a nih ka ring"
.
"Ohh...zialo thin ve"
.
"Clubhouse ah hmeichhe dang i lo hruai lut bawk sia"
.
"Anih eng nge ti tur a min duh a? Nupuiah ka nei ang a maw?"
.
Cade-a chu a nui hak a. "Nang meuhin nupui i nei a nih chuan meidil pawh hi a khang theih hial ka ring. Tak tak a....eng emaw talte chu hrilh ve rawh. Ngawi reng ringawt lovin"
.
"Ka lo ngaihtuah dawn nia"
.
"A tha e thian-a. Mexican ho chuan an-" a thusawi lai chu a ti tawp daih a,a ngawi vang vang a,thil pawimawh tak sawi a tum emaw tihnak laiin. A nih loh pawn chanchin tha vaklo pawh ani zawk maithei.
.
"Engtin maw....? Eng nge sawi i tum a?"
.
"TV bulah i awm em? Chanchinthar kha en vat teh"
.
.
Rang takin TV chu ka on a,hmeichhe kawr hring ha hi mic keng chungin a lo ding a. A aw an thian kharh a. "Mi 18 zetin nunna an chan a,mi 7 zetin hliam an tuar leh ta. Tun tum hi Los Angeles a misual rual ho pawikhawihna rapthlak berte zing a mi ani. Mit a hmu tute sawi danin vawiin tlai lam dar 3 vel khan misual rual,leather jacket leh jeans dum ha te chu Sunset Boulevard dawr chhungah lutin dawr chhung a awm ho an pawng kah chiam a ni. Mi engzat chiah nge an nih tih erawh chiang tak a hriat a la ni lo. Hetia pawi an khawih zawh hian Motorcycle hmangin rangtakin helai hmun hi an chhuahsan lehnghal ani".
.
Screen ah chuan misual ho chetla lai Security camera in a a lo lak chu an rawn ti lang a,maktak maiin chung ho kawr hak hnungah chuan Window Makers chhinchhiahna a awm vek mai. Kan tih ang a lantir an tum ngei anih hi.
.
"Hei hi News 541 ani e. Heng ho chanchin eng pawh hria kan awm anih chuan rang takin thuneitute inhriattir vat dawn nia"
.
.
"Kareii lehhhh.....!!!"
.
Rang takin TV chu ka off nghal a,ka sir lawkah Sophia-i chu a lo ding reng chu niin. Towel in a invet a,a la huh chap bawk a. Min en dan lah chu ramhuai a hmu emaw tih mai tur ani.
.
"Engthil nge in tih a? Kha kha in Club ho thil tih a ni tiraw? Window Makers tih a lang kulh kha. Engvang a khang mipuite kha that nge innih?"
.
.
.
> SOPHIA <
.
Rebel-a chu khumah chuan a thu a,a hmelah chuan hamhaihna leh hlauhthawnna hmel ka hmu thei a,a vawt ruih a ni ber mai. "Keimahni kan ni lo" a rawn ti a.
.
TV lam chu a melh leh vang vang a,chutah a phone ken lai chu a la kang a "I la awm em thianpa"
.
A bulah chuan muangchangin ka va thu a,ka thawmhnaw chu ka ban a,ka nghilh dup mai. Eng nge phone ah chuan an sawi tih ka hrethiam ve lo. Ka hriat chhun erawh Rebel-a leh a pawlte chuan mi an pawng thah vak tih chauh ani.
.
Rebel-a chuan min rawn en a,kan in en vang vang ringawt a. Ka thin a phu dup dup a,mipui hlau thlabar lai video lah kha ka hmu chiang ropui si. "Engkim kha lo hal vek ang che u. Silai ho kha phum ula,Weed kha hal vek ula him deuhin In kha in lo venghim dawn nia" phone ah chuan a han ti a. "Khalam pan khan police ho an rawn kal ngei ang"
.
Police ho an kal dawn maw...? Ka tah a chhuak a,ka nuih a za bawk si. Clubhouse ah khan lo awm ta mai mai ila a tha zawk tur. Tichuan police ho in room a kalh khum a ka awm lai min rawn hmu ang a,min chhanchhuak mai tur hi a nia.
.
Rebel-a chuan a phone chu a dah a,chutah min rawn en a,thawk an la hak a. Ka malchungah a kut a rawn nghat a..."Soph?"
.
"Eng nge?"
.
"In tur ka va duh ve"
.
Engtin nge chutiang mi bawraw lutuk bulah te chuan ka muttui theih tehlul ang le. "Awle.....i thu thu a lawm"
.
"Ka lawm e" a tho a,intercom awmna lam chu a pan a. "Hey...Alex,Whiskey ka va duh ve. Eng chi nge i neih?" a han ti a. "Aw le...chu chu a tha ang. Min rawn pe mai dawn em ni ang?"
.
A tei sek a,a awm hle hle thei lo. Eng emaw vei lian tak leh kam tu lian tak nei ang mai hian.
.
"Eng nge thil thlen dan hi? Engmah min hrilh ve dawn lo em ni?"
.
Rebel-a chuan min rawn en a "Eng nge kan inremsiamna kha? Club a thil thleng zawng zawng saw ka hrilh ve vek zel dawn che tihna em ni?"
.
"I hmel en chuan Club chungchang ringawt pawh niin ka hre lo. Bakah tinge kha tia i awm vak a? Min ti hlauthawng a lawm. TV a ka thil hmuh talte kha chu min hrilhfiah ve la mawle". Zu um an rawn dah pakhat zawk chu ka va ban ve ringawt a,ani pawh chuan min lo dang bik chuang lo.
.
Kan hnim chhin a a rim chuan hnar chhung a ti kang thei mai dawn alawm le.
.
TV remote chu a la lawk a,bangah chuan a vawm darh chuai a. "ZAWNG HMELCHHE HOOO....."
.
A tei bulh bulh a,thil vawm chhiat tur a zawng ni maiin ka hria. A inhum ruh hle a.
.
"Rebel..?" Ka koh chu hre awm pawn a lang lo. "Rebel.....?"
.
"ENG NGEEE....??" a ding a,min rawn en a.
.
"Min ti hlauthawng ania"
.
.
END OF CHAPTER -10



Link:
BBcode:
HTML:
Hide post links
Show post links

Theo Khiangte
Posts: 3
Joined: May 17th, 2016, 11:54 pm

Unread post by Theo Khiangte » June 16th, 2016, 11:53 pm

Ziaktu i nih angin fakna leh selna i dawng thiam turah ngai ila :) .. Hemi i thuziak hi a ngaihnawm khawp mai a. Mahse a chhuak khat lutuk hian a ngaihnawm ang turin a ngaihnawm tir theilo in ka hria. Zanin ka han chhiar pawh bo hu in bul ka tan lehpek a. Chutah an motor chuan leh Motel an luh chungchang chiah a la ni zui a. Ril a ti tram a, karlehah chuak leh ta se keini ang rilru chaklo tan chuan ngaihtuah let paha chhiar a ngai leh anga. A theih chuan a chhuah chhunah hian thui deuhhlek ni thei se tiin ka rawn request pah cheeka ni.

Link:
BBcode:
HTML:
Hide post links
Show post links

Noah Hringngen
Posts: 225
Joined: June 14th, 2016, 10:29 pm
Location: Durtlang

Unread post by Noah Hringngen » June 17th, 2016, 8:28 am

Story ziah hi hun neih angai khawp a,thil dang tih tur hian min delh ve reng si a,duh reng vang a tichhuak khat kan ni lo ania. A chhuah khat hian a ziaktu lam hlei hlei tan inthlahrung a na...

Link:
BBcode:
HTML:
Hide post links
Show post links

mpifanai
Posts: 2
Joined: June 13th, 2016, 12:32 am

Unread post by mpifanai » June 18th, 2016, 1:56 am

:roll: chhiar zawm chak tawh eeeeeeeee....... noah,, hehhhh

Link:
BBcode:
HTML:
Hide post links
Show post links

Noah Hringngen
Posts: 225
Joined: June 14th, 2016, 10:29 pm
Location: Durtlang

Unread post by Noah Hringngen » June 19th, 2016, 8:28 pm

Aw le...inchhiar leh thei tep toh e

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)