RUDE BY Haylor (Remruati)

Moderator: Remruati (Haylor)

Ngaia
Site Admin
Posts: 15546
Joined: April 30th, 2016, 4:07 pm

RUDE BY Haylor (Remruati)

Unread post by Ngaia » June 22nd, 2016, 11:05 pm

.
RUDE
.
IMG_20170127_175523_694.jpg
IMG_20170127_175523_694.jpg (73.83 KiB) Viewed 38508 times
Haylor(Remruati Bawitlung)
.
.

Chapter-1
.
( Harry Styles Fanfiction)
.
Kawngka rawn in hawng ri thuai avangin ka harh zawk a, ka chau em avangin ka awm na pawh chu ka hre mumal thei lo , tha chak tak mai in ka sam ah min rawn tham kang lawp avang chuan ka te nghal thawt a ,room thim tak atang chuan min pawt chhuak nghal lawp lawp a. Room pakhatah chuan min luh pui in chair ah min thut tir hnawk a , ka tui in a hal em a avang chuan ka chil chu ka han lem kawk a. Hmeichhe pahnih hian ka thawmhnaw hak lai chu min rawn phelh sak nghal sawk sawk a .Ka chauh em avangin zawhna tam tak awm mahse min kawih her dan ang ang chuan ka dawh tawp mai a ni.
.

'Kawiah nge ka awm?', zawi sap chuan ka han ti a, tu mah in min chhan loh avang chuan tal deuh pah chuan
"tute nge in nih hetah hian eng vangin nge ka awm", ka han ti leh a.
.
Nula pakhat zawk chuan dim lo taka ka sam min khuih sak pah chuan
.
" hetah hian hralh tura man i ni " vin deuh tak hian ti a.
.

*FLASHBACK*
.

Ka hming chu Violet Anderson a ni a, sang tak tih ai chuan a te lam ka pawl mah zawk. Kum 19 thla leh ah khian ka tling dawn a ni. London,Chesire ah apartment te reuh te ah ka cheng a. Ka pa in kum2 ka nih laiin min boral san avangin ka nu in harsa tak chungin min enkawl seilian a. Kan harsat em avangin college pawh kal lo in part time hna che te te ka thawk kual ve thin ani.
.

Ka nu hi a hrisel loh em avangin hna rim tak tak a thawk thei tawh lo a,phal lo hle mah ila a in thlahrung theih em avangin mi in tifai in a lo inhlawh ve thin ani.
Chau thin hle mah ila ka nu kawng zai nana ka hlawh chhuah ani tih ka hriat hian min ti hlim a, phur takin ka thawh theih pah thin ani.
.

Ka sam buang thang sei tak te chu enkawl na tur ka neih zawh ve loh avangin a ro bam a,mi te angin ei tur tha leh in hnawih tur tha nei lo mah ila ka nu chungah ka vui ngai lo.
.
Ka alarm set chuan min ti harh zawk a dar zat kan han en chuan dar 7 a lo ri va tawh a, phur lo tak chuan ka tho taih taih a ka in phih fai sawk sawk a, ka insiam zawh hnu pawh chuan ka nu chu a lo la mutui hle a, tih harh hlau takin si in hmanhmawh tak chuan ka hnathawh na coffee dawr lam chu ka pan nghal a.
.
"good morning"

.
"morning" phur lo tak chung chuan ka han ti a.
.
"tinge i va chauh hmel ve?", Liam chuan a rawn ti a.
Chhan pawh chhang chuang lo chuan ka apron chu ka ha mawlh mawlh a.
.
" Tinge kan mitmu liani chu a va hah awm ve "coffee min rawn pek pah chuan Liam chuan a rawn ti a.Ni e ka mitmu hi ka taksa ah chuan ka chhuan ve awmchhun ani ,a pawl kak a mi te pawh in nalh min tih sak ve thei hle ani.
.
Liam hi ka thian neih chhun a ni a, kan chhungkaw thian ani bawk ani. Ka nu chuan kan inkawp emaw a ti a mahse Liam hi tlangval fel leh hmeltha tak ni mahse ngaihzawng ang chuan ka en lem lo bakah ngaihzawng ka ngaihsak hman meuh lo ani.Min ngaihsak em em a, ka nu pawh in a ngaina reng ani.
.
"Enteh Liam tunah hian fiamthu ka ngaithla peih lo ania", tih pah chuan coffee chu ka han lem khawlh a, ala hma deuh a min dawrtu pawh an tam hrih loh avangin inbiak na hun kan nei mai mai ani.
.
.
"i nu chu eng nge a an tawh a, ka buai thei lutuk a i nu pawh ka kawm hman meuh lo" min rawn melh pah chuan a ti a.
.
'ka nu chu a tha alawm , ka duhthusam ber chu ka
nu kawng na zai tir hi ani' za lo zeta nuih sak pah chuan ka lo ti a.
.
"violet lungngai suh hna ka thawh belh ang nga pawisa ka thawhchhuah tam deuh hunah i nu chu kan zai tir dawn nia", tiin min rawn hnem a, chung chu harsa dawn viau mahse tiang thian tha ka nei hi vannei ka in ti hle ani.

.
Tlai Dar5
.
Tlai lampang ah chuan restaurant ah ka thawh thin avangin ka buai leh hle tawh a
.
"Violet zanin chu customer kan ngah bakah ka haw hma a ngaih dawn avangin i haw tlai angai dawn nia", Pi caro-i chuan thip zep hian min rawn melh a,a nelawm loh ve ngawt mai.
.
"aw le boss" tih pah chuan ka thawh lai chu ka thawh chhunzawm leh nghal sawk sawk a.
.
****
Dawr chu ka khar fel chiah a, dar zat kan en chuan dar11 alo ri va tawh a, ka chauh em avang chuan ka ham leh bai bai thin a. Zan a rei deuh hlek tawh avangin taxi han phar mai tur pawh a awm tawh lo a. Rei tak nghah ai chuan tiin kan apartment awmna a hla lutuk lo bawk nen ke chuan ka kal ta zawk a.
.

Ruah chu a tlak deuh cherh cherh avangin hmanhmawh tak chuan ka kal hlawk hlawka, ka hnung lamah chuan min zui tu awma ka hriat avangin hawi let lo in hmanhmawh tak chuan ka tlan ti tih deuh a.Ka hlauthawng ngei mai, ke a ka kal avang hian ka inchhir lek lek ani. Hmun thim lai deuh ka thlen chuan Van dum hi ka zawnah tak chuan a rawn ding thut a, mipa pahnih lian tak kawr dum ha hi Van atang chuan an rawn chhuaka. An hmai an tuam tlat avangin an hmel chu ka hmu thei lo ani,Au ka tum lai tak chuan hnung lam atangin ka ka chu puan in min rawn hup sak thut a, tal kan tum a damdawi a min hrai avang chuan van chhung ah min luhpui tih zawng chu ka hriat awmchhun ani .
.
*END Of FLASHBACK *
.
Attachments
IMG_20170127_151230_600.JPG
IMG_20170127_151230_600.JPG (104.35 KiB) Viewed 38527 times
IMG_20170127_151230_600.JPG
IMG_20170127_151230_600.JPG (104.35 KiB) Viewed 38528 times



Link:
BBcode:
HTML:
Hide post links
Show post links

Ngaia
Site Admin
Posts: 15546
Joined: April 30th, 2016, 4:07 pm

Unread post by Ngaia » June 22nd, 2016, 11:07 pm

Chapter-2

.
Violet's POV *

"hetah hian hralh tura man i ni"
.
Chu thu ka hriat chuan ka meng nghal kawk a, room te chu a vir pup pup hian ka hria a ka mittui chu a rawn tla nghal zawih zawih a .
.
" ani thei lo ka nu in min mamawh asin " ka ti chhuak thei hram a.
.
Engtin nge ka nu a awm tak ang ? ka awm loh in tuin nge enkawl ta ang? , a natna te kha rawn chhuak leh sela tuin nge damdawi in ah hruai ta ang? ka rilru ah chuan zawh na tamtak a rawn lang nghal zut zut a. Ani thei lo heihi a tak ani lo tiin ka lu chu kan thing nawk nawk a ,a awmzia a awm der si lo.
.
" kha damdawi hi ei rawh" hmeichhe pakhat chuan aw vin zet hian a rawn ti a
.
"aih ka ei dawn lo" tih pah chuan damdawi leh tui chu ka lo paih sak a.
.
" nula i duh emaw duh lo emaw luhlul chhuah lo khan awm hle hle rawh " tih pah in chu nu meng thip zet chuan ka ka ah a rawn hnawh lui nghal tawn tawn a, tui te chu ka hak bawrh bawrh a tuman an pawisa tawh lo.Tah chu ka tih theih tawk a ni si.
.
.2days later
.
Bang awng atanga eng rawn lut chuan min rawn chhun a ,ka han meng siar siar a,ka han hawi kual vel chuan a hma a ka awm na ah khan ka lo awm tawh reng reng lo,ka bul vel chu a bal in a rim chhe em em a, ka piah ah chuan keimah ang rual vel hmeichhe tleirawl ho chu an lo mu bam hlawm a.An man khawm ani ngei ang?
.
Ka tho vat a chhuah na tur chu ka zawng kual nghal ruai a,bang awng te reuh te bak chu hmuh tur a awm si lo.Ka thu hnawk a ka hmai chu ka hup a ka tap nghal zawih zawih a.Rei tak ka tah hnu chuan aw zawi sap hian

"heta tang hian chhuahna a awm lo" chu aw lo chhuah na lam chu ka hawi phei vat a. Ka va pan hnai a.
.
"hi! stella ka nia "hmeichhe pakhat hmelchhe lo tak chuan a kut chu a rawn phar chhuaka,
.
" Violet ka nia, hetah hian ni engzat nge ka awm tawh" chibai pah chuan ka han ti a
.
" hetah hian nihnih chhung nikhaw hrelo in i awm a, kha hei hi ei rawh" ti pahin
chhangthawp leh tui chu min rawn pe a, ka ril a tam tawh em avang chuan ka keih nghal tawn tawn a. Ka ei mawlh mawlh lai chuan thil hre chhuak ni awm tak chuan ka thil ei lai chu ka tawp chawt a,ka mittui chu a rawn luang leh nghal zung zung a. Ka nu ka ngai takzet ani, damdawi min pek kha ani ngei ang nikhaw hrelo a ka awmna chhan tia ka ngaihtuah ringawt pawh hian ka khur nghal zawih zawih ani.
.
Ani thei lo ka nu tan chak taka ka awm angai,heta tang hian ka chhuah vat angai ani tiin keimah leh keimah chu ka in fuih mawlh mawlh a. Stella-i chuan ngawi rengin min lo en reng a ,melh pah chuan " ka lawm e" ka ti sap a.
.
Stella nen a kan chanchin kan in hrilh chuan ani pawh chu fahrah a lo ni a , hetah hian thla hnih lai a lo awm tawh alo ni a ,mihausa tak tak ten an lei a, an duh loh hnuah an hralh leh thin tih thu te min hrilh a , chutia min hrilh mawlh mawlh lai chuan kawngka chu a rawn in hawng thuai a, ka phu zawk a, a pa lianpui hian zahngaihna leh dimna tel hauh lo in ka sam ah chuan a rawn tham lawp a min pawt chhuak nghal dawr dawr a,na ka ti lutuk chu min hruai na lam lam ah chuan tang eih lo in ka zui tawp ani.....
.
Room zau vak lo ah chuan min nam luta ,min khawih chu a tum ta mai a,ka lo tang ve tlat avang chuan ka hmaiah min beng nghal thuai a," mihur nu i tang vel maw" tih pah in ka thawmhnaw chu min pawh thler sak a tum a, chumi lai tak chuan hnung lam atang chuan pa thau lian pui coat fual ha, lukhum parh khum, a dum veka inchei chuan
.
"hey! stephen kan pawisa hmuh na tur anih hi, kan nula te hi khawih na hnuhma a awm chuan Lord Desmon Styles an a duh hauh lo ang" tiin a rawn tham tho lawp a.Stephen-a chuan Lord Desmon Styles tih hming a hriat ringawt chuan a zam nghal der a ,in thiam lo tak chuan min rawn kawh pah chuan room atang chuan a chhuak nghala.
.
Chupa lukhum khum chuan min kaihthawh pah chuan " nula tunge i hming?" tiin min zawt a,ka chhang duh miah lo a,ka ngawih reng avang chuan ka nghawng a reh pah chuan "tunge i hming? ka tih chu" ha seh chilh ran chuan rum fe hian min melh a.
.
"Violet , Violet Anderson" ka aw te chu a lawi vek a,chhuatah chuan min paih lawp a, ka nghawnga min reh na chu a nat em avangin ka nghawng chu ka dawm ka khuh nghal bawrh bawrh a.
.
" Hruai ula a pem zawng zawng hi hliah khuh ula Lord Desmon Styles hma ah a tha thei ang berin lan tir ang che u" tih pah chuan hmeichhe pahnih hi a ko a.
.
Hmeichhe pahnih thawmhnaw bul tak tak a in thuam te chuan min rawn kai a makeup room ah chuan min hruai lut nghal a.Ka sam te chu a pawr phanga ,ka hmai te chu a bal niau bawk a.Mahse ka rilru a awm chu tunge Lord Desmon Styles hi ? a hming an hriat ringawt pawh a an khurh a an zam em em na chu tu chiah nge a nih?
.
Tunge LORD DESMON STYLES chu ni ta ang?
.
Chutia ka in ngaihtuah buai lai tak chuan ,min chei tu pakhat zawk chuan kawr hak tur chu min rawn pe a ,stephen chu rawn lutin chu nula chu a rawn hrilh ru zeuh a ,a mit mei nghal zeuh bawka,ngeiawm zeta min rawn melh pah chuan a chhuak daih a hmeichhe pahnih pawh chuan a zui chhuak ve nghal a, hmanhmawh turin min tur pah nghal bawka.
.
" Stella , eng nge kan tih dawn?" tiin ka bula thu Stella in chei mawlh mawlh lai chu ka va nghawk zeuh a.
.
" tunah hian min lilam dawn ani" ti pah chuan a thaw halh a, a thil tih lai chu a tih chhunzawm leh nghal mawlh mawlh a. Chu thu ka hriat chuan ka chi ai nghal veka, ngaihtuahna mumal pawh pu lo chuan ka ding khawng reng a.
Chutia ka in ngaihtuah buai lai chuan Hmeichhe pakhat zawk kha a rawn let leh a in thlak lo a ka lo la din reng avang chuan min rawn nam sawn dawrh a
.
" nangni ho hmeichhe inla inno lutuk vang hian kan pawisa hmuh tur ang pawh kan hmu ngai lo" tia a phun mawlh mawlh pah chuan dressing room ah chuan min nawr lut nawk nawk a.
.
Ka kawr hak chu a chhin em avangin ka malpui chanve chauh a khuh thei a, hetiang ang kawr hi mi khawlo leh mi lepchiah ho chauh in a an hak thin anga ka lo ngaih chu ka hak a lo ngai ve ta reng ani.Ni e tunah chuan lilam tur ,mihausa ten a an duh duh dan a an khaeih tur leh nawm chen nana an hman tur naute lem mai ka ni tawh.
.
Ngatinge mi hausa te hi an sual em em le? Ngatinge hmeichhe pawi sawi lo hmanga an sumdawng kher kher le? Ngatinge kan hmei chhiatpui te pawh an in hnamhnawih . Ngatinge kei kher?

________________________________________________
.
Harry Styles:
.
Styles of world Company President ,Lord Desmon Styles a fapa neih chhun Styles of world company CEO ni mek sawisel bo Harry Edward Styles hi a hna a tlin leh a hna thawh thiam em avangin mi te ngaihsan rawn ani.Amah hi ft6 a sang ani a, awmze nei lo takin a sam chu a kir bap bawk a,a hmelthat leh a chhiat loh em avanga nula te ngaihzawn rawn luai luai a, a zuna uai lo an awm lo,hmeichhia mi tak a nih na hi alarna ber pawh ani reng ani.A tih tur zawng chu a duh duh kawh a neih mai hi ani.A duh tawh chu a nei ngei ngei thin bawk.Amah a in ring tawk in a fing em em a, Styles of world company rochun tu tur a ni nghe nghe a ni.
.
Hetih rual hian Harry hian ze tha lo tak tak a nei a Lainatna , hawihhawm na tih vel hi amah ah hmuh tur a awm ngai lo . A luhlul in a thinchhe em em a. Kar tluana rim taka hna a thawh thin avangin kartawp ah chuan thian ho a party, hmeichhe mutpui leh ruih te chu a tih ber thin te an ni.A tan chuan 'Hmangaihna' leh ' inneihna' tih vel hian awmzia a nei lo ani.
.
NEW YORK ,US
.
*saturday
*
.
Harry chu New York a a penthouse pakhatah chuan a phone ri in a tih harh hma chu tui takin a muhil sak sak a, zing kara thawm bengchheng siam hi a ngaihtheih loh avangin tu mah in an kaitho ngai lo ani,a thinrim chuan phone chu chhuatah chuan a paih keh nghal pawp a, a muhil zui leh nghal mai a. Amut laia thawm bengchheng siam tawh hi chuan nilenga a mood a fuh loh thin avangin leh pawisak a neih ngai loh avangin amah hre chiang tute chuan zingkarah an ti buai ngai lo reng ani.

.
A hnu rei lo te ah chuan Harry secretary Mr.white chu rawn lut leh in "Master, i pa in a be duh che" a tih chuan Harry chu a tho vat a. Mr.White chuan kun chungin in thiam lo tak chung chuan a bulsh chuan a lo ding ran a. phone chu a pe a. Harry an apa a biak zawh chuan a phone chu Mr.White-a lamah chuan a vawm phei nghal thuai a, mahse a na lo hlauh .
.
" i vanneih ni ani" thinrim tak chuan a ti a.
.
Chumi thawmchuan Harry bula hmeichhe chhelo tak lo mu ve chu a ti harh a, a rawn zi tiam tiam a,
.
"naute, tinge zing zing ah i thinrim tak mai ,lo mu rawh .....beng daih dan che ka hria a nia" tih pah chuan Sarah chuan a siai zeuh a. Harry chu kuah in mu leh turin a pawt a, mahse Harry chu tho thut a.
.
" f**k! Sarah eng thil nge i tih hi , tho la chhuak nghal rawh"
.
" eng maw , engmaw i sawi kha?!!!"
.
" hahh Sarah mi mawl tak i ni, nizan bak kha i service hun anilo hmeichhia ka mutpui tawh ka mut pui nawn tawh ngailo Chuvang chuan chhuak nghal rawh".
.
Sarah chu thinrim tak chung chuan a thawmhnaw chu a la sawk sawk a,a chhuak nghala. A dik reng ani Harry hian hmeichhia a vawikhat mutpui tawh a mutpui nawn tawh ngailo.
.
"Mr .White Thawhtanni a meeting kha cancel ang che a pawimawh tih ka hria mahse ka pa in London a haw turin min tih avangin ka private jet kha lo peih fel rawh " ti pah chuan room atang chuan a chhuah nghal a.
.
Mr. White hian Harry hi a nu in a thih san atang tawh in rinawm takin a tan alo thawk char char tawh a,a hre chiang em em a,apa in a ngaihsak loh avang leh a duh duh a neih theih avanga hetianga awm hi ani tih pawh a hrechhiang hle, model chhelo tak tak a room ah a hruai lut thin tih thlengin a hre vek thin ani.Harry pawh hian vin in a chungah rawng tak tak in che thin mahse a ring em em ani.
.
Mr.White chuan Harry room a hmeichhe perfume rim na zet te,zu bur te ,khum bula condom let bal te leh khum hnawk nuai te chu a hmuh hmaih hauh lo ,chuvang chuan tifai turin a bik takin a ruat thin reng ani. Harry a thuruk zawng zawng hi midangte leh chanchinbu mi te hriattir kher a duh lo a , a bik takin Harry-a pa ,misual hotu ti a lar Lord Desmon styles chu ani.

Link:
BBcode:
HTML:
Hide post links
Show post links

Ngaia
Site Admin
Posts: 15546
Joined: April 30th, 2016, 4:07 pm

Unread post by Ngaia » June 22nd, 2016, 11:07 pm

Chapter-3
.
LONDON
.
Violet's POV*
.
Lilam na hmuna a ka kal duh loh avanga drugs a min chiau na chuan min ti chau in ngaihtuah na fim pawh ka pu thei lo a, "$30,000 in ka ngam e"
.
Pa awfiah tak leh British awphawi nalh tak thum taka tawng ri chu ka hria a, tuin nge kei ang hmeichhia $30,000 seng a min lei duh nge an nih le?, drugs chuan min hneh em avangin ding pawh ding ngil thei lo chuan ka han melh tawk tawk a. Min lei tupa chuan Coat fual man to hmel tak a ha a, meizial lian tak a chuktuah vanga a hmel chu a nel awm loh in min melh khai bawk a.
.
" Violet Anderson kum 18,Chesire ami chu $30,000 a hralh ani e" tih pah chuan tuboh chu a chhu ri karh a. Engtin nge ka chanchin chutiang zah zah ka kum nen thlenga an hriat tih zawhna chu ka han in zawt leh ta hrama.
.
Room thim tak ah chuan min thut khawm tir tham a, ka mittui tling pam leh makeup pherh nuai chung chuan ka chauh em avangin ka maimichhing vang vang a, ka hma a tleirawl pakhat tap faih faih awmna lam ah chuan hnem tumin ka va pan hnaia.
.
"tap tawh suh" ka va ti mawl tawp a, ka piah a hmeichhia lo thu ve chuan
.
" Violet Anderson i ni tiraw?"
.
" aw ni e" phawk tak chuan ka va melh a
.
" I vannei ngawt mai Lord Desmon Styles an a lei che a, a fapa avangin mi tamtakin a lei nih kan chak asin" , zawi sap chuan min rawn ti a.
.
" Sual hle si tinge a lei nih in chak em em a, Tinge helai ami te hian Lord Demon Styles hming hi i sawi reng le, tu chiah nge a nih?" hul hak chuan kan han ti a
.
" Lord Desmon Styles chu khawvel mihausa ber ber zinga mi a ni a,a nunrawng leh inluling em avangin misual hotupa tiin an sawi thin bawk" a han tih chuan ka khur nghal der dera.Ka hlau nghal takzet ani.
.
" chutiang taka hausa si chu tinge keini ang te min lei duh " beidawng tak chuan ka zawt a
.
" Lord Desmon Styles chuan hmeichhe Virgin kher alawm a zawn thin , amah leh a fapa tilawm turin hmeichhe thiang hlim kher a lei thin a, a chhan erawh ka hrelo" ka ngaihtuahna chu a kal thui hle a, Engtiang chiah in nge ka khawvel thar ah chuan ka khawsak ang?
rin dan pawh ka nei lo ani.
.
"Violet Anderson London, Chesire " ring tak chuan min rawn ko lawng lawng a. Chu aw ka hriat velah chuan ka khur a, ka hlau lutuk chu bang thim lampang ah chuan ka tawl lut vat a.
.
" tunah chuan Lord Desmon Styles a thuhnuai ah i awm tawh a, i tih lawm ngei ka beisei" tih pah chuan min rawn kai chhuak dawr dawr a, ka mit chu min tuam sak nawk nawk a min kal chhuahpui nghal dawr dawr a, ka hriat theih zawng chu motor ah min chuanpui tih chu ani.
.
" kan thleng e " tih pah chuan ka mit tuamna chu min rawn phelh sak a , a eng em avang chuan ka mit chu ka hup vata. Ka bula putar ding chuan min melh reng tih ka hriat chuan
ka zam nghal der a.
.
" Lord Desmon Styles a mi i nih?" kan han ti deuh ha a
" Nula master tiin ko ang che" a tih chuan ani lo tih ka hre nghal a,Lord Desmon styles ani lo tih ka hriat chuan ka thaw nghal huai a.
.
Gate lian tak chhungah kan lut , Car man to tak tak tam tak dah khawmna chu kan kalpel a, heng mite hian car an zuar ami le tin zawh na chu a lo lut nghal a.
.
" Styles Palace ah kan awm" min veng tute zing pakhat chuan a han ti a,phone ah chuan mi a be mawlh mawlh a.
.
Ka awmna ka han en chian a ka hawi kual chuan football field hi ka tehkhin nghala,a hmun a zau in pangpar a tam hle a, rei deuh tak min tlan pui hnu ah chuan car atang chuan dimna tel hauh lo in min pawt chhuaka, lal in ang mai a Lian ah chuan min hruai luta ,ka tlan chhuah an hlau ani ngei ang car tam tak in an inzui a, pa lian pui pui chu min veng tur chuan an rawn ding khup hlawm a, inchhuangah chuan kan lut zela, a ropui lutuk chu a eng lai pawh hi hmuhnawm a tling vek ani. Bungraw to hmel tak tak te chu awmze nei takin an hung tlar duah a, hnahnawktu chhiahhlawh tamtak an lo in tlan pel sung sung a, Engvanga phi buai em em nge maw an nih tih ka ngaihtuah a mak ti taka ka din reng lai chuan
.
" nula hi master sawisel tur awmlo in han buaipui rawh u" putar ka bula ding in a han ti takah chuan , chhiahhlawh nula tam tak chu rawn tlan in min buaipui nghal sawk sawka, rei fe min siam hnu deuh lawkah chuan bell a rawn ri ral ral a, awmpui ho chu zam tak leh thaw dep dep chuan hmanhmawh takin an rawn in tlar phei tham a. Sipai ho an pu ber lo kal tur te poh an ang lek lek ani.
.
Kawngka Lianpui chu rawn in hawngin chhiahhlawh ho chuan chibai an lo buk sap sap a, Car lian sei tak, en ringawt pawh a man to tih hriat hliah hliah atang chuan pa lian tak a dum veka in thuam , lukhum parh khum chu rawn chhuakin, a zial zuk lai chu a bula ding pa kutah chuan a nawr hlum a, chupa chuan na ti hle mah se aw rawl khat pawh a chhuah ngam lo ani, a mit meidil ang maia hlauh awm chuan min en a... min rawn pan hnai a.
.

Link:
BBcode:
HTML:
Hide post links
Show post links

Ngaia
Site Admin
Posts: 15546
Joined: April 30th, 2016, 4:07 pm

Unread post by Ngaia » June 22nd, 2016, 11:08 pm

Chapter-4
.
Harry's POV~
.
Ka thianten golf khel tura min rawn sawm avang chuan phurlo tak chung chuan ka insiama ka inkhalh chhuak nghal a, a hmun ka thlen chuan Zayn leh Louis te chuan an lo inkhel tan mawlh mawlh tawh a.
.
" kan thiana chu leh!! a pentawng leh tawh animaw? ava tum lian ve " tiin Zayn chuan min lo fiam a.
.
" Naktukah Lord Desmon Styles oops... ka pa in hmanhmawh taka London a haw turin min ti a" phur lo fahran a ka han tih chuan hriat thiam hmel tak chuan min en a.
.
Ka pa hian min ngaisak ngai lo a , ka duh ka sawi ang chu min lei sak tawp zela min ngaihtuah zui ngai lo ani , ka tet lai atang tawhin a tha ber ni turin min chher cho a. Ka thei lo tih hi ka sawi a thiang lo tawp ani ,keimah ai chuan ka pa hian company leh nula chu a ngaihsak zawka. School leh college ah ka result a chhiat chuan na takin min hrem thin a, min vuak loh chuan room thim takah min kalh khum thin ani.
.
Ka nu thih in ka pa hi vawikhat pawh a rawn in lan lo a, chu ai chuan a ngaihzawng te chu a ngaipawimawh zawk a, kha ta tang khan ka pa hi ka haw hluah hluah ani.Hmangaihna nen a enkawl ka nih loh avangin khawngaihna te , hmangaihna te hian ka nun ah hmun an chang lo a.Company ah pawh rawng takin ro ka rel a,Kum 22 mi lek ni in company ah CEO nihna ka chelh a, tunah hian khawvela company tha ber tia chhal chu ka enkawl mek ani.
.

Zayn chuan Louis chu melh zauh pah chuan model pathum lo kal lam chu a hawi zeuh a.
.
" thinrim tihreh na tha tak ani" tih pah chuan ka lo nuih sak a.
.
" Hazza i thiante kan hrechiang ber che alawm" tih pah chuan Louis leh Zayn te chuan hmeichhe pahnih hruai chuan min kalsan ta a.
.
Zayn leh Louis te hi high school kan nih lai atanga ka kawm ber te an ni a, ani pawh hian company lian takah nihna sang tak an chelh ve ve bawk ani.Ka tan an awm reng thin a, min hre chiang em em bawk ani.
.
" Harry vawin ah hian min ti lawm thei tih ka hria ania" tih pah chuan Cara chuan min siai zeuh a.Ka lo hawlo kher mai
.
Room ah lutin duhthawh takin ka fawp nghal tawn tawn a , a bak chu nawm chen a ni tawh mai.
.
*MONDAY*

London
.
Nizan lam avanga ka chauh em avang chuan ka lo muhil sek a, Hostess in kan thlen tawh thu mic a a rawn puan chuan ka harh zawka, ka tho a ka body guard te chuan min zui chhuak nghal a. Jet atanga ka chhuak chiah chu camera a rawn de chuai chuai nghala.
.
" hreptak chuan" tih pah chuan thinrim takin ka chhuk a, body guard te puihna in harsa takin car ah chuan ka lut thei hram a, shades chu vuah pahin car tukverh ah ka kut chu phar chhuakin chanchinbu mite hmuh tur chuan ka kutzunglai chu ka lek va va a, kan tlan san thei ta hrama.
.
Phiangsen chuan, chanchinbu mi te hian tinge min kalsan theih miah loh le, ka chanchin duh duh danin an ziaka ka nun hi zalen takin min hman tir thei reng reng lo mai, ka thinrim a kal tluan em avang chuan ka wine in lai chu car chhungah chuan ka paih keh ta chuai a.
.
Inchhung ka luh chuan chhiahhlawh ho chuan in tlar thap pahin chibai min lo buk sap sap a, chu pawh ngaihsak lo chuan in chung lamah chuan hmanhmawh takin ka pa Library lam chu ka pan nghala.
.
Corridor ka thlen chuan hmeichhe pakhat hian min rawn su chawrh a,ka thimrim chuan a kawr nghawng ah chuan ka tham kang a nghal lawp a, a mit pawl kak ah tak chuan ka en a, a mit ah chuan hlauhthawnna hlir ka hmu ani.
.
" fimkhur tawh ang che" tih pah chuan chhuatah ka paih nghal pawp a, ka kalsan nghal a.
.
Library ka luh chuan ka pa chu min hnung chawn zawngin a lo thu a, rawn hawi let pah chuan chanchinbu hi dawhkanah chuan a rawn theh thla thlawp a. Chanchin bu kawmah chuan Teressa nena ka thlalak chu a lo chuang va a .
.
" chingfel ang che" a thinrim tih ka hre nghala.
.
" awle" tih pah chuan chhuah nghal ka tuma
.
" chuan i tan nula thianghlim ka lei ania"
.
" eng a! ka mamawhlo, i duh leh nangman nei rawh" tih pah chuan ka in hum ruh a.
.
" i vanneih na tur anih saw, luhlul i chhuah chuan ka tih tur chu i hriat kha"
.
" nangmah ang ka ni ve lo, ka ni ngai bawk lo ang"
.
" Harry, thla thum chhung ka zin bo dawn a i vanneihna tur hi i pumpelh anih vaih chuan, min hre chiang ber tu i nih kha" tih pah chuan dawhkan chu a beng thuai a.
.
Ka pa hnial in awmzia a nei lo tih ka hriat avangin ngawi rengin ka chhuah san ta zawk a.Ngawi teh, engmaw! Nula thiang hlim a!! ka mamawh lo, chutiang hmeichhe hnuaihnung lutuk chu min lei sak amaw! a teuh lo ka pa thu in ka awm dawn lo hrim hrim bakah hmeichhia hi an phalna lo chuan ka mutpui ngailo.Ka pa in hmeichhe thianghlim mutpui hi vanneih na ah a ngaih avangin hmeichhe tamtak a ti che tawh a. Tih tawp tum thin mah ila ka pa laka inthiar fihlim chu ka thlang zawk ani.
.
Violet's Pov~
.
Chutia Lord Desmon Styles'n min rawn pan avang chuan ka khur nghal der der a, ka hlauh em avangin en pawh ka en ngam lo a, hnuailam chu ka bih ta tlat a.
.
" i hmeltha hle mai" tih pah chuan ka sam chu a rawn chul a, ka lo tawlh hnung vata.
.
" nula hi a room tur ah hruai ula, tunah chuan ka tan a thawk tawh ang" min nuih suk pah chuan min kalsan ta a, ka thaw nghal huai a.Chhiahhlawh pakhat chu inchung lam ah chuan ka zui chho nghala.
.
Room tamtak kan kal pelh hnu chuan ka room tur chu kan thlenga, kawngka a in hawng chiah chu melh bik tur pawh ka hrelo, tiang em em a room ropui leh zau hi ka la hmu ngai lo. Khum lian dup tha tak te, khawhawi na zau tak te chuan ka nu chu min ti hrechhuak zawka. Hetiang hmunah te hian ka nu chu awm ve ta se a hlim ngawt ang, mahse hetah hian mi tang mai ka ni, ka mittui chu ka dang hram hram .
.
"Maggie ka nia, mamawh i neih chuan i tan ka awm reng a nia" ka hawi phei vata, ka room tur a min hruai tu nu a ni tih ka hriat chuan .
"Violet ka nia, khawngaih takin chhuah dan tur min ngaihtuah pui rawh" tiin ka ngen ta ringawt a , chu thu ka sawi chuan a hmel hlim sang chu a bo nghal hmaka.
.
" chhuah i tum chuan buaina i tawk zawk ang , Master in a hmu duh che a in bual la , wardrobe ah hian i mamawh ang chu a awm kim vek ang" tih pah chuan min chhuah san nghal a.
.
Wardrobe lianpui chu ka han hawng a thawmhnaw tam tak a lo awm a, thawmhnaw awm te chu an chhing in a a dehlep hlawm em em a, a dang chu ka hawng phei zela pheikhawk , makeup , bag thlengin alo kim thalp a. Hetiang thawmhnaw lepchiah lutuk hi ha ta ila ka nu in engtin nge min ngaih ang ? Phone hman tum pawh ni ila a awmna ka hre si lo, he in hi bo na tham khawpa lian anih avangin tlanchhuah chu beisei bo mai ani.
.
Lord Desmon Styles-a a room ah chuan min hruai lut a amah ka hmuh chuan ka ding nghal chawt a. Ka kawr hak chhing takin ka mal khuh tum chuan ka pawt ka pawt a, ka hak lo chuan sawisak ah min vau vangin ka ha lo ngam si lo.
, Min rawn hmuh chuan a no ah chuan champaign chu a thlit belh nghal a, ka hmai kut min lo thlak tawhna duk ah chuan rawn chulin " ka vanneih na tur i ni" tiin min rawn hrilhru sapa.
.
" Khawngaih takin min chhuah tir rawh, ka nu in min mamawh asin" a kut chu ka lo paihthlak sak a, ka mittui te chu a nuih tiza tu lek a ni si .
.
" hralh i ni tawh , chuvang chuan ka tan i thawk tawh ang" tih pah chuan khumah chuan min nam thla pawp a, au ka tuma ka ka a hup tlat bawk si, ka kawr chu a pawt thler nghal hawk a ka mangang takzet ani.
.
Phone ri a hriat chuan a tho vat a ,a la nghal a" Enga! tunah ka rawn kal nghal ang" tih pah chuan a secretary chu a ko vat a, a lo thleng nghal thuai a.
.
" Tunah LA ah hmanhmawh taka kal nghal ka ngaia, thlawhna kha lo peihfel ang che" a kut chuan chhuak turin thu a pe nghal bawk a.
.
" Master , Master Harry pawh a lo thleng tawh asin" zahna lantir nan a bu nghauh a chhuak nghal a.
.
" i vanduai hle mai nula, " a nui suka "mahse ka fapa vanneihna i ni ve thung tawh ang " tih pah chuan room chu a chhuah san a.
.
A chhuak tih ka hriat chuan ka tho vat amin rawn hmuh leh hlau in ka theihtawp a chakin ka tlan chhe nghal a, ka mittui a tlak nasat em avang chuan ka tlanna lam pawh chu ka hre thei tawh lo a ni.
.
Mipa pakhat hi ka su pawp mai a, ka in rin hma chuan ka kawr nghawng tet hniang ah chuan min tham kang lawpa, a mit lunghlu hring ang maia fiah hring kak chuan min melh a, a hmel ah chuan thinrimna leh min tenna hmel chu ka hmu thei nghala.
.
" fimkhur tawh ang che" tih pah chuan min paih lawp a, a kut chu a rawmawl in a hru nghal a,a lian in a chak si a min paih na lamah chuan ka hmui chu ka tauh thi nghal sawka.
.
Enga tinge helai hmuna awm te hi an nunrawng in an sual em em le,? tharum thawh an hreh lo a, tupawh mai hian nui hmel an pu lo a, an thinrim vek niin ka hria. He sakeibaknei puk ang mai a hrehawm ah hiang eng chen chiah nge ka tan ang le?
IMG_20170127_153335_179.JPG
IMG_20170127_153335_179.JPG (90.51 KiB) Viewed 38526 times
.
.
A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***

Link:
BBcode:
HTML:
Hide post links
Show post links

Ngaia
Site Admin
Posts: 15546
Joined: April 30th, 2016, 4:07 pm

Unread post by Ngaia » June 22nd, 2016, 11:12 pm

Liam's Pov:
.
College ka bang chu haw lo in ka hna ah chuan ka tlang nghala, kan buai em avang chuan ka phone pawh ka check hman meuh lo. Kan bang chiaha, ka phone chu ka han en chuan Andria misscall chu a lo tam hle tawh a.Ngatinge le Violet-i nu hian min rawn call le ?, Violet lah chu hna pawh a rawn kal ngai si lo a . Violet-i te in ah chuan ka kal kawi nghal a.Kawngka chu ka han kik karh karh a, Andria chuan min lo hawn vat a
.
" tinge enge ni ta?" a hmel ka hmuh chuan buaina a tawk tih ka hre nghala.
.
" Violet" tih pah chuan a tap nghal hawm hawm a, ka lo kuah vata.
.
" Enge ni ta Violet chu?"
.
" kar khat a tling dawn tawh a lo haw loh na hi,a phone a off tlat bawk si, police te hnenah ka report pawhin min ngaihsak duh bawk si lo, ka mangang in ka rawn be tawp che ni" a tih chuan ka hamhaih nghal veka.
.
Violet-i a bo maw, ?pawisa duhin kidnap dawn se inhlawh chawp mai ani bawk si .Engmah ka sawi lo a a bo tih ka hrilh chuan Andria-i hrisel na hian a tuar dawn tih chu a hre chiang ber tu ka ni bawk si.
.
"ka nu ngaihtuah suh Violet te chu Pi-Caro in zin turin a tir alawm, a hmanhmawh em avangin lo hrilh tur che in min tia mahse ka buai em avangin ka lo theihnghal palh alawm" keimah pawh ka in awi lo hial zawk, phawk fe chuan min rawn melh a.
.
" mahse a phone a off tlat bawk cya" min ring ngam chiah lo chuan a rawn ti a.
.
" a phone te chu a chhiat na arei tawh alawm" nuih luih pah chuan ka han ti a.
.
Min rin em avang chuan zawhna chu min zawt chhunnzawm lo chuan thil ngaihtuah ni awm tak chuan a ngawi vang vanga.Ka inthiam lo takzet ani.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 15546
Joined: April 30th, 2016, 4:07 pm

Unread post by Ngaia » June 22nd, 2016, 11:13 pm

IMG_20170127_153433_250.JPG
IMG_20170127_153433_250.JPG (116.02 KiB) Viewed 38523 times
Chapter-5
.
.
Harry's POV
.
Zing dar-2
.
Club atang chuan ka chhuak a ka pa chungah ka lawm lo takzet ani , a duh dan ang ang in ka chungah ro a rel a a fapa ang nilo in a business partner ang mai in min en a, ka lungawi lo takzet ani.
In chhung chu a lo reh thapa , enge maw ka sawi le,he in hi a reh lo ngai reng reng lo ,he in ah hian ka pa nen chauh kan cheng a. Kan in biak ve chhunah pawh business thil bak kan sawi ngai lo ani.
.
Ka room lam pan chuan ka cho a, room ka thleng chu khum ah chuan ka bawk thlawp a rei lo te ah chuan ka muhil nghala.

Rei pawh ka mu hman lo tih chuan tap ri hian min ti harh chiang kher mai , ka ruih avanga ka hriat sual anih ka rin avangin ka sam chu ka tuai nawk nawk a, mut leh nghal mai ka tuma tap thawm chu a reh mai loh avang chuan chu thawm lo chhuah na lam chu ka pan ta ringawt a.
.
Ka room pawn lam ni ngeia ka hriat avangin thawm dim tak chuan ka room khawngkhar chu ka hawng a , tap ri chu a hnai tial tial a , Store room bulah chuan hmeichhe thu chu ka va hmu ta thut a ka phu chiang ngei mai , kal san leh mai ka tum a mahse tunge a nih chian tum chuan ka pan hnai ta zawka.
.
" hey! i tap ring lutuk ania" tih pah chuan ka kutzung chal chuan a lu ah ka zuk dek zeuh a, hnuai lam a bih tlat avang chuan ka tawng a hre lo ani ngei ang chet pawh a che lo hrim2.
.
"ahhh... mu tawh rawh zan a rei tawh" a aia na deuh chuan ka zuk khawih leh zeuh a. A rawn phu nghal zawka a rawn hawi chhuaka nghala,a mittui chu a tling pam a a hmai te chu a duk nasa em em a , a sam lah a pawrin a hmui chu a thi hnianga.
.
" khawngaih takin min hruai haw rawh " a tih pah chuan a muttui chu a tla nghal zung zung a.
.
Tinge le hmeichhia te hi an tah belh em em mai le, tap lah chu ka thlem thiam der mai bawk si lo, sawi hmasak tur pawh hrelo chuan ka ngawi reng a.Mi tah laia lo ngawih reng hi ka duh vang pawh a nilo, tap thlem hi ka thiam thlawt lo ani.
.
" Enteh ka pa..." ka ti chiah chu a tawlh hnung nghal vat a, hlauh hmel tak chuan min en nghal a.
.
" Ka pu khawngaih takin min chhuah rawh ka ngen a che min khawih chhe lo hram rawh" a tih chuan Ka pa in ka vanneih nana min lei sak chu he nu hi a ni tih ka hre nghala Chuan engmo! a sawi kha ,ka pu ahh ! min en hian putar hmel ka mu a mi le ...
.
" I master tur ka nih hi" lungawi lo tak chuan ka ti hmuk a, sawi hun ani lo tih chu ka hria mahse a nih dan tur dik tak ka hrilh mai ani.A ngawih reng avang chuan ka tawng hmasak leh angai dawn anih hi.Huizzz
.
" Tho rawh , ka tina dawn lo che min rawn zui rawh" ka tih chuan ka kal nghala , a awmna ngaia ala awm reng avang chuan hawi let pah chuan
.
" I Master thu i zawm loh chuan hremna i pumpelh hauh lo ang" kan han ti leh a, he inah hian ka thu zawm lo an la awm ngai lo asin le .Ngawi reng chuan min rawn zui hnak hnaka a , Choka ah chuan ka hruai thla a .
.
" tah hian thu rawh " tih pah chuan chair chu ka pawt chhuaka , ngawi rengin min melh kar a tui intur chu ka pe a , a tuiin chu alo hal kher mai ,first aid box chu ka zawnga. ohh! first aid box awmna pawh ka hre reng reng hleinem. Reitak ka zawn hnu chuan ka hmu hlauh.
.
" kha ...heihi la la i room ah nangmahin han in buaipui rawh" tih pah chuan dawhkanah chuan ka thehthla a.Lawmthu tal min hrilh ka rin avang chuan in kuangkuah chungin ka ding reng a,ala ngawih reng avang chuan
" lawmthu min hrilh dawn lo a mi?" tih pah chuan lungawi lo zet chuan ka zuk melh ha a.Lawmthu sawi nachang pawh a hrelo anih hi,mawl leh lutuk.
.
" Ka lawm e" zawi sap chuan a rawn ti a. Ka la lungawi chuang lo, a rawn hawi chho a ka lo la din reng avang in
" Master " a rawn ti leh a, ka lungawi ta em em ani.
.
" ka pa in room a pe ngei ang che, han chho rawh"
.
" Master, ka room awmna ka hrelo he inchhungah hian ka bo ani"mangang hmel taka a han tih chuan ka nuih chu aza hle mai a. A ni reng dawn asin he in hi lian tak ani, tinge maw hetianga ka awm le ka nui tur ani lo, thinrim hmel chu ka hmuh ta zawka, chhiahhlawh pakhat chu ka ko a ,a rawn kal nghal vat a.
.
.
" a room ah hruai la, naktuk atangin chhiahhlawh dang thawh ang tho a thawk tawh ang lo kaihruai ang che" tih pah chuan ka room ah chuan ka cho nghala. He in ah hian hna thawk lo a awm ringawt alo tum ange a teuh lo. Ka pa thu lo a ka chhuah tir chuan ka pa a lungawi lo ngei dawn si. Van hahthlak thin tak em tiang hnawmhnawk kara mi hi engtin nge a hmuh thin zawk le?
.
Violet's Pov~ .
.
Zing a ka thawh chuan ka lu chu a na bur a , ka hmui te chu a na in ka taksa hi na lo pawh a awm lo, sana kan en chuan dar8 a lo ri va rawh a hmanhmawh tak chuan ka inbual faia hnathawk ho uniform chu ka ha ve nghala, ka lawm daih zawk ani khatiang thawmhnaw chhing lutuk hak ai chuan chhiahhlawh thawmhnaw hak pawh chu ka thlang daih zawk, nizan lama ka room awmna ka hriat tawh loh avanga ka tah dan te leh Maggie thusawi te chu ka ngaihtuah a, phur tak chuan ka insiama.
.
Flashback:
.
Maggie chuan room ah chuan min hruai chho a , ka chauh em avangin chuan ngawi rengin ka zuia, ka chauh hmel viau aniang Maggie chuan min rawn khawih vataa.
.
" Ehe! Violet i khuasik anih hi" mangang hmel tak chuan a rawn ti a.
.
" ka tha ve leh mai ang " ka tih chuan khumah min thut tira , ka hmui chu a hrufai sawk sawka ka hmai duk ah te chuan damdawi min hnawih saka.Nachhawkna chu min eitir nghal bawka.
.
Maggie hi ka nu ang rual deuh thaw ni mahse,a hmel a tha in a nu lian hle a ,a sam chu a dum hlapa, a meng fiah kak bawka ,ka nu chu min hriat chhuah tir zawka ka muttui chuan tlak a tum nghala dera.
.

" Violet lungai reng reng suh Master thusawi hi zawm la i chhuak vat mai ang " min rawn kuah nghala , chu thu chuan beiseina min pe ani , heta tanga ka chhuah vat dawn chuan thuawih taka ka awm angai anih chu. Ka lawm takzet ani ka nu ka hmu leh vat thei dawn a.
.
" Maggie , ka lawm lutuk , thu chu ka awih ngawt ang " tih pah chuan ka tah nuih a.
.
" Kha hei hi ha la, chuan hei hi i form tur ania ,Master hi zing dar 8 ah breakfast a ei thin a chumi hma chuan i lo in peih fel dawn nia" min nuih pah chuan min chhuahsan nghala.
.
Tunah chuan ka chhuak thei vat dawn ta ka nu bulah ka awm anga , chuan Liam nen pawh kan in kawm leh vat thei tawh ang.
.
Khum chu nawm hmel hle mahse tiang anga khum lian leh dup ah hian ka la mu ngai lo a ka muhil thei dawn lo tih ka hriat avangin chhuatah chuan puan ka phah a , ka mu ta zawka.
.
End of Flashback:
.

Master chuan breakfast alo ei dawn chiah a, hmanhmawh tak chuan a tui in tur chu phur tak chuan ka va pe vata.
.
A eina bulah chuan ka lo ding ve ran a , a thil ei lai chu ka en a ka ril a ti tam takzet ani , nimin atang tawhin engmah ka la ei lo tih ka hriat chuan ka pum te chu dan tum mah ila a rawn ri nghal rawk rawk a, ka pum chu ka dawm nghal vat a,avan hun lo thei tak.Master chuan a thil ei lai chu thlengah chuan a chhak chhuak nghal veka.
.
" tui lo lutuk, paih ula minute 10 chhungin siam peih leh nghal ang che u" tih pah chuan min rawn melh a.
.
" nang kha i pum kha veng tha tawh ang che" tih pah chuan min rawn kawk va a, ka phut em avang chuan ka no ken lai chu ka thlauh keh nghal chuai mai a, Master kawr leh pheikhawk ah tak a per tih ka hmuh chuan ka che ngam tawh lo ,engtin nge min tih dawn ? ka ngaihtuah ngam lo , ka kut suih chung chuan hnuailam ka bih nghal vata.
.
"tifai nghal rawh" thinrim zet chuan a au chhuak nghal tuarh a, ka hlau lutuk chu ka khur hial ani , hmanhmawh tak chuan a pheikhawk chu ka kawr chuan ka hru fai nghal sawk sawk a.
.

"ka thawmhnaw man hi i damchhung pawh in i thawk chhuak zo lo tih i hria em, vawin atang chuan ka room leh a bul vel zawng hi i tifai tawh ang, bal pakhat pawh a awm tur ani lo" tih pah chuan min chhuih thal nghal pawp a,a kal nghal daih a.Midang chuan min rawn kaitho a min rawn buaipui nghal vat a.
.
" Violet i tha em, engah mah ngai suh a mizia ve reng a nih kha" tih pah chuan ka kawr chu min beng fai sak mawlh mawlh a.
.
" ka tha e, a ho lutuk" tih pah chuan ka lo nuih sanga,mahse a ruk chuan ka haw takzet ani.
.
Ka chhuah vat theih nan ka tuar hram hram ani , enge a hriat a a sual em em le, ka pum ri te chu ka riltam vang mai mai lawm ka thiam loh pawh a nilo, ring deuhin rawn tawng lo se chu ka no ken kha ka thlauh bik miah lo ang. A pa avangin a chapo em em a, khatiang eitur tui hmel tak tak te kha a ui ve lo mi le a to awm tehreng nen , nunrawng leh lutuk mai . Eng tik thleng nge ka tawrh la ngai dawn ? Enge maw chu zirtir angai ani!
.
.
Maggie's Pov~
.
Violet ka hmu hmasak ber atang khan ka ngaina nghala , a hmel pawisawi lo tak te , a nun zawi tak te chu keimah nen inang ka in ti hle a, darthlalanga in en ang mai ka ni. A hmel a tha in thil tih theihna ropui tak anei tih ka hmu thei a, ka neih ve ngai hauh loh huaisenna chu amah ah ka hmu tel bawk ani.
.
Keipawh hi Violet-i ang rual ka nih hian man ka ni a Lord Desmon Styles chuan min lei a , nasa takin min sawisa a ka thianghlim na hial min lak sak ani, ka duh lo chung min mutpui a , a fa hial ka pai ta anih kha. .
.
Ka huaisen tawk loh avangin ka fa ka pum chung ngei ami chu min ti tlak sak a, chu mai pawh duhtawk lo in min thah hial a tum anih kha. Mahse ka unau chu Lord Desmon Styles a chuan a hmangaih em avangin a man leh a police hnen a kan report lahin thil a ti thei si a an man ngam lo ani,kan retheih em avangin kan tih thei tawk chu lo thlir tawp hi ani.
.
Ka unau nu Anne chu nupuiah nei luiin fa Harry hial hi an lo nei ta a, mahse Desmon Styles hian a mizia hlui chu a la thlah hauh lo a hmeichhe tleirawl tamtak chu lei khawmin a mutpui thin a , a tenawm takzet ani.Vanneih na nasa tak pawh a dawng ngei a mahse Anne tan chuan vanduaina ani si.
.
Anne chu a inthat ta a, Harry chu ala tet em avangin Desmon Styles chuan a in ah awmpui angin min la luta, Harry chu ka enkawl ta ani. Harry hi anu thih ni tih loh chu vawi khat mah a tah hi ka hre leh tawh ngai lo ani.Apa nunrawng tak hnuai a seilian anih avangin Harry pawh hian apa a chhun em em a mahse Harry ve thung hi chuan nula tamtak mutpui mahse bialnu anei ngai hauh lo ani.
.
Mi zawng zawng in chak tak ah ngai mahse chak lohna tam tak a nei a, luhlul in thinchhe hle mahse apa thu a hnial ngai lo a, khawngaihna nei lo tiin sawi thin mahse fahrah ho chawmnan pawisa kumtin a pe ziah a ,Mahse a mahmawh chu a nihna dik tak Harry Styles mi nun rawng tak tih ni lo a ,a chak lohna lai hmuh sak tu ani.
.
Violet pawh chu ka lainat em avangin hlim taka a awm theih nan thu a awih chuan a chhuah vat theih thu chu ka hrilh a mahse dawt ka hrilh ani. Eng vangin nge a nun chu keimah anga lungngai leh beiseina neilo a hun hmang ang chutiang a awm tur chuan ka phal reng reng lo, engpawh thleng se ka tawiawm anga a bul ah ka ding tlat ang.
.
Tun lawk ah khan Harry chu thinrim takin a chhuak a , mahse Harry kha thinrim hle mahse a mit ah khan Violet-i a hmuh chiaha dang lam awm kha ka hmu thei ani. Lo ngai reng mah rawh he hmeichhe tleirawl huaisen tak hian he inchhung leh Harry nun hi engtin chiah nge a thlak danglam dawn ?

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 1 guest