GIRL CRUSH BY Atei-i (Completed)

[Atei-i]

CHAPTER-1
.
"Hei eng thil nge thleng a Puite"
.
"Amah kha zawt mai rawh" ka hnar thi chu lapua in ka hnawh tut a.
.
"Ka pu hemi te pahnih hian i fanu hi engtin emaw an lo ti deuha"
.
"Maw....? Engmaw Puite an khawih chhia che em?" Phawk fe hian ka pa chuan min rawn en a, ka nu phei chu a hrilh hai leh zual.
.
"Ka pu, i fanu hi mi tuar chhel tak leh chak tak a niin ka hria alo sawisa hrep a, ani chu a hnar a thi deuh a ni mai, hemi te pahnih hian a phone ruk sak an lo tum a" Police pa chuan a lo ti a.
.
"Huuuuiii hahdam thlak hlauh e, chuan kan haw thei tih na ami?" Ka nu in a tih chuan Police pa chuan mak tih hmel zet hian.
.
"Ka pi hemi te pahnih hi engtia tih nge in duh lockup ah hian karkhat dah nge in duh chhuah tir?"
.
"Ka hre nang Puite-i thu thu a ni mai alawm"
.
"Kha tiang phone pakhat lek vanga ka fanu ti lai thleng thleng a kal hi ka ngaihdan ani lo hrim hrim an kut kha tan sak ula thil an ru tawh lo maiang" ka pa thinrim chuan a lo ti vin hlaka.
.
"Ka pa duh tawk rawh kan ram retheih na avanga rukru tam ta lutuk te hi vei zawk ta che lehkha thiam lo tan hna thawh tur te zawn sak la i hausa a ni lawm ni? enteh an hmel saw duh tawk in ka khawih tawha zan in chu riak se naktuk ah chhuak rawh se"
.
"Puite, engthu nge i sawi kha lehkha thiam lo tan hna ka zawn sak angnga maw? Enghna nge thawk se i tih a?"
.
"Lawk in ka kal hma in an hnen ah sawn thu tlem sawi duh ka nei" mipa pahnih ding thei lo khawpa an ke ka vuak sak tak te lam chu ka va pan hnaia, melh pawh min melh tha ngam lo.
.
"Hey ruihhlo in duh avanga ruk tur zawng in nih chuan Pathian in inchung a pik zia thu min hrilh a, anih loha ruk tur zawnga chhungkua chawm in nih chuan Pathian in lei ah thlan thla khawpa hna thawk tur in min ti. Mihring hian tihsual chang kan nei vek mahse kan siam tha leh thei muttui phawt u"
.
Keihi ka nu leh pa fa neih chhun ka ni a, ka mal thei hle mi hausa tak mai chhungkua atang a seilian ka ni a, ka pa hian khawvel huap a lemziak thiam ni tur in min duh thei hle college ka zawh hnu in Delhi ah lemziah zir in ka awm renga mahse keichuan ka tui em em hran lo. Zai hi ka ngaina in nuam ka ti ber thung ka zir zawh hnu in ka pa in dawr lian tak mai min hawn sak a tum a, mahse ka duh lo keimah ngeiin ka thawk chhuak ve ang tiin ka pawisa khawl sa chuan dawr tereuh te ka lei ve a, tah chuan lemziak in ka hun ka hmang chho ve tan a, mahse ka tui em em loh vang nge restaurant changkang deuh ah chuan zai ka dil thin a, tah chuan ka va zai ve leh mai thin, thian fel tak tak mawl deuh deuh pathum ka chhar thar a, an ni nen chuan hmun hran hran ah mi in min sawm lem loh pawn kan va zai ve thin.
.
"Nancy, zanin ah i zai leh dawn em?" Hmeichhia mah ni ila ka pian tirh atang ka dik lo sa ti tawh maiang mipa han duh na rilru hi ka la pu ngai lo, ka bialnu nen hian college kan kal lai atanga in ngaizawng tawh kan ni a, tumah phei chuan min hre em em lo, amah zawk hian mi hriat a hlauh avang in ka ngawi mai thin.
.
"Puite, zan in chu min hrethiam mai rawh dar 10 hnu lamah chauh ka hman ang Friday hi in tihsiak na ani tawh a kan practice char char angai tawha" Nancy hian tunlai show lar ve tak mizo idol ah intihsiak na a hmachhawn mek a, tah chuan top 10 ah a tling ve hlauh a, chumi tum chuan kan lawm dun nghe nghe.
.
"Awle, anih chuan in haw dawn ah min lo hrilh la ka lo lam ang che"
.
"Awle" ka room ah chuan dar 10 rik hma chu ka mu lo ka thu ngawi renga ka hma ah lehkha khawng var lian pui awm chu ka melh run run a, engnge ka ziah ang tih ngaihtuah in ka rilru ka seng char char a, ka cigarette pawh tlawn thum ka zu zo hman tawh. A eng a pawh chu nise ka rilru ah engmah a awm lo ngawi reng in ka cigarette bawm lem chu lianpui in ka ziak ta ringawta. Ka phone ri chu ka la vata Nancy message ka hmuh rual in ka tlanchhuak nghal a. Engvang a car keng tur a min ti nge anih tih chu hriat ka chak hle mai. Car ah chuan ngawi reng in a rawn lut a.
.
"Car ka keng chhuak hi ka pa chuan hria se min zawng leh nasa ngawt ang mawle"

[Atei-i]

Ka phun nuah nuaha an inzawn ka thlen chuan ngawi reng in min rawn en a.
.
"Tinge i awmdan hi a dik lo ania engvang a ngawi tlat nge inih?"
.
"Puite...." A kawr hmawr chu a pawt char chara.
.
"Aw engnge sawi rawh" ka ngaih a tha zan tawh lo inthen na thu bawk a sawi leh dawn anih ka ring.
.
"I phone a kan thlalak leh video zawng zawng kha delete vek ang che, chuan kan pahnih inkar hi sawi chhuak miah suh ang che, achhan chu idol ah top 10 ka thleng ve tawha ka tum ber chu pakhat na nih ania, miten kan chanchin an hriat chuan ka chhe vek a ni mai"
.
"Chu chu maw car keng tur a min duh na chhan?" Ka hawisawn hmaka engtik lai mai pawha kan pahnih inkar thu fel thei lo hi ka hne takzet.
.
"Anih kan thlalak zawng zawng delete tur in min duh tak tak amaw? He intihsiak na ai hian keihi ka pawimawh zawk lo em ni? I hmahun ka tih chhiatsak che i hlau a ni maw?"
.
"Thinrim lo la min hrethiam zawk ta che?"
.
"Ka thinrim lo tinge thinrim reng tur a min ngaiha?"
.
"Anih chuan lo delete ngei ngei ang che ka kal dawn ania" car atang chuan a chhuak sawk sawka, henu mai mai hi chu aw hlauh a ngah leh lutuk a. An in aluh thleng ka en liama. Ka rilru chu a na ve khawp mai min duh tak tak lo em ni kha lehchen kha kan awmdun tawha tunah miten an hmelhriat tan a tihian min dah bo leh a tum a, in lamah Pawh haw lo chuan ka hma zawn ah ka tlan tlang pawp a, rei fe ka tlan hnu chuan kawngsir ah ding in meizial zu chung in ka ding vang vanga. Chutia ka din lai chuan hmeichhe pakhat hmanhmawh lutuka rawn tlan ka hmuh chuan zanrei tawh nen ramhmuai te pawh a ang deuh reuh in ka hria ka car ah chuan luh tum in ka in her vata. Mahse ka hawng thei thak lo ka car chahbi ka lock hnan chu niin.
.
"Khawngaih in min tanpui hram rawh" ka bulah ding hmeichhia chu ka en renga.
.
"Khawngaih takin min pui rawh"
.
"Engnge......engnge a?"
.
"Misual in min um a" a ti ta mai phawk fe hian ka en leha, ka car lah a in lock daih bawk si. Engtin nge ka tih ang ka hawi kuala hla deuh atang mipa pahnih lo kal ka hmuh chuan thing ka zawng nghal chuk chuka.
.
"Hmawlh hmawlh zawng rawh" ka tih chuan hmunphiah kuang tereuhte hi a rawn lek chhuaka.
.
"Kha tiang in kan vaw thlu thei dawn ami?"
.
"Tah hian biru vat ang" tih pahin min rawn pawt sawka, mi in phenah chuan kan tawm dun ta ringawta. An kal liam hnu ah chuan kan chhuak ta chauha.
.
"Hey, engvang in nge i buaina ah min tah luh ringawta?"
.
"Duh thlan tur dang ka nei lo alawm min hrethiam rawh min tanpui theih ka rin vang ania" hrehawm tih hmel zet hian lehlam hawiin kal leh mai a tuma kawr mumal pawh a ha in ka hre lo ks a ni hial lo maw!
.
"Lehlawk khawnge i kal dawna?"
.
"Ka nu damdawiin ah a awm a ka kal vat angaia" ka rin loh deuh a min chhan chuan ka rilru a khawih ta riau a, thu tam pawh zawt lo chuan.
.
"Kha tun ang zan rei tawh ah tiang kawr ha chung chuan mipa in an zuam lutuk ang che" tih pahin ka kawrlum Jacket chu ka phelh a ka hak tir a. Ke in kan inlam pan chuan ka haw phei ve ta nghala.

[Atei-i]

CHAPTER-2
.
In ka thlen chuan kawngka a in kalh thap tawh ka mut chhuak tawh nen ka pa min hauh ka hlauh avangin kan thenawm lawka ka thianpa amah a inluah chu ka va pan ringawta kawngka ka kik dat dat chuan a rawn hawng thei mai lo, a khum awmna tukverh bulah chuan ka va phei leh a, darthlalang chu ka kik ri leh dat data.
.
"Tu.....tunge?" Hlauh hmel zet hian a rawn ti thap tuaka.
.
"Keimah Puite-i kawngka lo hawng vat teh"
.
"Tun ang zanrei ah te khawnge i kala?"
.
"Ka mut a chhuak tawh lutuk naktuk ah ka hrilh ang che" tih pahin a khumah chuan ka bawk thlawpa.
.
"Hey, nang kha ka khum anihkha thutthleng ah zu mu rawh"
.
"Ruh deuh ah ka mu thei lo rawn mu ve mai rawh ka khawi chhe lo ang che"
.
"Nangnu hi chu awww" tih pah in a rawn in thawlh sawk sawka.
.
"Hey, i sam sei zet hian min zar dah sawn vat teh" tih pahin asam chu ka hui chho pawpa.
.
Ka harh leh chuan zing a lo ni der tawh zing ni chhuak in tukverh darthlalang arawn chhun eng chuan min ti harh hlawla. Rang lutuk in ka thu chhuak a, khum atang ka tho chu Remruat-a ka rap sawka.
.
"I mang ava chhe tak" hlau thawng deuh chung chuan kan in lam ah ka phei ta nghala.
.
"Chhung-i khawnge ka nu leh pa te?" Kan nula eirawng bawl mek chu zawi te in ka va bia a. Ani chuan min chhang ta mai lo chuan mi rawn mitmei zuka. Rang lutuk in ka hnung lam ka en nghal.
.
"Puite, nizan ah khawnge i kala? Tlangval ka ni emaw i in ti a ni maw? Kan zawn nasat zia che hi i hria em? Khawnge ka motor i dah i hralh ami?" Ka pa in thinrim sen tun chung chuan a ti a.
.
"Ka.....ka......"
.
"Engnge ka.....chu?"
.
"Thil pawimawh lutuk a awm a, ka thiannu nu damdawiin ah a awm a ka va kal a mahse motor chahbi ka lock hnan daiha ke in ka rawn haw alawm"
.
"Ke chuan zankhua in i rawn kal tih na ami?"
.
"Pa a hrim hrim in min ngaihtuah thei lutuk misual pawh ka nih loh hi"
.
"Dawt i sawi nge sawi lo i phone rawn la rawh i thiannu chu ka phone ang" a tih chuan ka phu zawk engtin nge ka tih tak ang. Ka ding ngawi renga.
.
"Min rawn pe vat rawh" a tih chuan muang chang in ka kekawr ipte ka zen a. Mahse a awm miah lo ka in dap ngial a ka phone ka hmu miah lo, ka mangang lutuk tawh.
.
"Lawk aw pa Remruat-a in ah ka thlauh aniang ka va en chhin angnge"
.
"Maw......Rem....Remruat-a in ah nizan ah i riak tih na ami?"
.
"Pa....." Ka nu chuan thudang alo sawi pui vata. Ka nu nen hi chuan kan in hrethiam tawn thin hle.
.
"Remruat tho teh tho vat teh, khawnge ka phone a awm?"
.
"Ka hre naaaang"
.
"Khawimaw i phone kha"
.
"Hello" hmeichhe aw thap zet hian min rawn chhanga.
.
"Tunge a?"
.
"Zorin-i ka nia, tunge aw?"
.
"Hemi phone nei tu hi ka nia, nizan a ka kawr ka hak tir che kha i ni em?"
.
"Aw ni e, David-a nen khan in in hria ami?"
.
"Maw? Tinge ka phone i lo khawih ami engmah kha lo en suh ang che i hria em?"
.
"Ka en lo"
.
"Khawnge i awm ka rawn lam ang"
.
"Civil hospital ah ka awm a, i lo thlen dawn ah min lo phone leh mai dawn nia"
.
"Remruat i phone hi ka keng lawk dawn ania" tih pahin ka tlan chhuak nghala, ka scooty chahbi chu la in ka in khalh chhuah lai a ka pa min rawn umzui pawh ka hmu reng mahse ka phone kha ka tan a pawimawh em ani.
.
"Ka lo thleng tawh ania"
.
"Aw gate bulah khan lo awm rawh" rei vak lo ka nghah hnu chuan hmeichhe pakhat sam sei kir deuh hlek mitmu lian ve tak hmai sin deuh si a hmel en pawha hahdam sawng sawng thei khawpa hmel felfai thlap mai hian min lo din chilh a.
.
"Nangmah ami?" Ka tih chuan a lu a bu nguta ka phone chu min rawn pe nghala.
.
"Engmah i en lo tiraw?"
.
"En lo"
.
"Anih chuan ka kal leh nghal maiang"
.
"Lawk in, David-a nen khan in in hria a mi?"
.
"Tu David-a maw? David-a tih hming pu chu pathum ka nei a tu ber nge ka hre lo an tam alawm"
.
"E anih chu"
.
"Tinge a?" Lungngaih hmel zet chuan lei lam a bih a.
.
"Engmah ni lo e" min en lem lo chuan a chho leh nal nala. In ka thleng chu chaw an lo ei mek a.
.
"Puite, tunlai i khawsa zia hi a mak riau mai bialpa te hi i nei a ni lo maw? I nu lah a chak tawh lo si pasal nei vat la a tha ang"
.

[Atei-i]

"Ala hma emai chutiang ka buaipui hman lo"
.
"I nu in kawrfual mawi deuh mai a lei che a, ha la vawiin tlaiah Pu Ramchhana ten chaw an lo ei dawn a, eng buaina mah thlen suh ang che an fapa pawh a rawn kal dawn ania"
.
"Eng nge sawi i tum ber a?"
.
"Pasal neih a hun tawh keimah nin i pasal tur chu kan zawng maiang"
.
"Ka paaaa......." Ka chaw ei lai chu ka tawp hmaka.
.
"Pa....ti ziah tawh suh kum 30 i tling tep tawh upat lutuk pawh mi in an iai palh ang che"
.
Engmah sawi lo chuan ka kham zui nghal ka kut a khur der der a, ka zawi vek thei ka nihna hi engvang a hre lo der tlat nge maw an nih le, kum tin pasal nei tur in min ti ziah lehnghal. Ka dawr lam pan chuan ka tlan chhuak lehnghala.
.
Ka lemziah ka pho chhuah te chu lei tuma rawn en ni lem lo a mawi tih vang hrim hrima rawn en an tam thei hle, mi naran lei chi ni hek lo mi hausa deuh ten an duh apiang in ka lo ziak ve leh zeuh thin a. Kan in zau pui ah chuan painting room lianpui ka nei bawk, chu ta ka ziah ho chu a manto lehzual in ka hralh leh a. Hla play chung chuan ka ziak melh melh a ka thinrim lutuk bawk si nen ka rilru ka sawr bing hle, ka zial zuk lai chu pet reng chung chuan ka thai malh malh a. Ka phone ri pawh ka hre chang tawh lo ka thawmhnaw ka thlak dawn lai tak chuan ka phone lo eng chu ka zu hmu fuh a, Nancy a ni tih ka hre nghal mai.
.
"Aw engnge?"
.
"Bawih, nizan kha chu min hrethiam mai rawh ka taksa a chauh bawk nen vawiin nileng in min biak ka ringa min be si lo a, i thinrim a nih ka ring a" inthiam loh aw tak chuan a ti a, keichuan engah mah ka lo ngai vak lo a tih dan thin a nia, ngaihdam hi awlsam tak in min dil ziah mahse a tisual leh tho zel.
.
"A pawi hleinem ka thinrim lo ka hrethiam alawm tunah khawnge i awm a?"
.
"Hna ah ka kala"
.
"Keipawh dawr ah ka awm a, tlaiah lo kal kawi la"
.
"Ka hman dawn lo vawiin chu hna kan ngah lutuka, zan ah inhmu zawk ila"
.
"Um, i tih dan dan a ni mai"
.
"Chuan thil kha i delete vek em?"
.
"Aa.....ka phone ka ti bo palh a mahse hei ka hmu leh tawh ka la khawih leh miah lo a nakin ah ka hman hunah ka lo delete maiang"
.
"Ngei ngei in delete ang che chuan zanin chu inhmuh kan tum dawn nia"
.
Phone ka dah chiah tih chuan David-a hian min rawn phone veleha.
.
"Zanin kha lo kal ang che"
.
"Eng ah chuan maw?"
.
"Thian ho in hmuhkhawm na kan nei dawn a, kan project te kan sawi dawn a tah chuan i ngaihdan te lo thawh ve la ka tia"
.
"Umm....ka va hman lo ve ka rawn hrilh leh ang che"
.
Nileng a dawr a ka awm lai chuan kha hmeichhia bawk kha ka mitthla ah alo lang leh thin, a mitmeng fiah em em mai te a perfume rim nam chem chem te kha ka ngaihtuah thar leh a, engvang a kha nu kha ngaihtuah ta viau nge maw ka nih le.
.
In ka thlen chuan ka nu in min lo be nghal bawrh bawrha, "kha Puite heihi ha vat rawh in leng kan nei dawn ania, an lo thleng tep tawh ang tukin ah i pa in a hrilh mawlh mawlh che sia tinge i lo va haw tlai ve a?"
.
"Nu he kawr hi ka hak kher a tul a mi a?"
.
"Aw i lang nalh ve dawn alawm"
.
"Puite, tinge ka phone kha i kawl char char a? Min ti mangang lutuk alawm" Remruat-a chu kawngka rawn luh pah in a rawn tawng lawng lawnga.
.
"E, lo kal teh, nu heihi ka bialpa ania zanin chuan chaw eikhawm angai lo ang heihi ka bialpa Remruat-a a nih hi" ka tih chuan an hawi vual vuala, ka nu ai mahin Remruat-a chuan mak a ti lehzual phawk deuh hian a rawn meng kalha.
.
"Maw......maw keihi...."
.
"Ngawi chipcham rawh" zawi sep a ka tih chuan a ngai ve hmuk tho, ka va kuah chawta.
.

[Atei-i]

Chapter-3
DUHSAK-I POV.
.
"Tinge i rawn haw thu pawh engmah min hrilh loha?" Zawhna mawlmang tak a ni, a lakah thu tam tak zawh duh ka nei mahse hei chauh hi a ni ka hriat duh.
.
"Ngati mah ti nge helai thleng thleng i rawn kal a, nang nen hian kan inkarah engmah a awm tawh lo min kalsan mai rawh" alaka thu hriat nuam lo zet mai hre tur in ka rilru ka la siam fel reng reng lo.
.
"Hmundang ah i awm bo char char a, i kal dawn pawn kan inkar thu chiang tak in i sawi a ni lawm ni, kei min nei leh tur in rawn let leh i in tiam a, mahse......mahse... Engmah hi ka hrethiam lo mumang ang mai ani, ka pa thih thu te pawh ka hrilh che a vawi tam tak rawn biak che ka tum a min chhang duh miah lo a, tun a i phone number ka neih phei hi chu i hmang tawh lo a ni tiraw?"
.
"Engmah sawi tur ka nei tawh lo kum hnih lai aliam ve tawha kei min theihnghilh daih tawh ka lo ring zawk a, kei chuan ka theihnghilh tawh che chuan engmah kan inkarah a awm tawh lo" David-a tawngkam chu a na takzet ka mit ah chiang tak in min en chung in a sawi thei chu a ni si a, he thu sawi tur hian eng tiang chiah in nge kei hi min lo duh tawh loha, ka rilru na lutuk chu ka mittui a rawn hnam tiak tiaka.
.
"Keichuan engtik ah mah ka then thei ngai lo ang che" ka hmui ka hup vata, ka insum zo lo maiang tih ka hlauh vang ani, zak tak chung chuan ka kal san a, engtin nge khatiang khan min tih theih zawk, kum khat lai kan lo inzui ve tawha ka lakah a rinawm thin zia pawh a tak ngei in kei hian ka hrechiang a ni, mahse inhmuh loh kar ah mihring hi kan lo va danglam chak tak em.
.
"Pute, engnge ka nu chu a ân tawh a?" Chau tak chung chuan ka nu natna khuma mu mek chu ka en renga.
.
"Vawiin chu a zia khawp mai tinge i va chauh hmel ve a?"
.
"Pute, David-a kha alo haw tawh a"
.
"Ani maw? Chu ti chu i nu dam loh thu te hi a hria em?"
.
"Aih hre lo engmah kan sawi lo"
.
"Anih chuan ka va be dawn ami?"
.
"Aih angai lo be lo ang ka chau tlat ka mu lawk dawn ania" ka room ah chuan ka lut a kawngka ka khalh hmak hrehawm ka ti lutuk ka lo in nghah ve na ber in khatiang a min ti leh si kha ka tuar thiam lo takzet.
.
A tuk zing ah chuan kan kawngka rawn in kik ri dat dat chu ka Pute-a chuan a va hawnga.
.
"Nangni maw? Hetah engnge in lo tih a engtin nge kan in în hriat a?"
.
"Pute, tunge a?" Ka Pute-a tawng thawm ah chuan thil dik lo a awm ani tih ka hre thei nghal. Choka atanga ka chhuak chiah chu ka pa leiba neih na te hman zana min um vak tu te ngei kha an ni ka hlau lutuk chu ka plate ken lai ka thlauh keh chuaia.
.
"Hey, tinge dawt min hrilh reng a? I pa in pawisa invest tur in kan hnen atang sum tam tak min laksak a khang pawisa te kha khawnge a dah min pe let vat rawh tun tum chu kan chhuah tawh hauh lo ang che"
.
"Engmah kei hian tihsual ka nei lo rim tak in hna ka thawka in pawisa chu kei hian ka rul leh em em ang che u tun tum chu min hrethiam hram rawh u ka nu a dam lo a, in enkawl reng kan ngai bawk si khawngaih in min hrethiam rawh u" chu tia kan in biak buai lai chuan ka nu hi room atang alo au vak vak a.
.
"A lo kal dawn ania, a lo kal dawn min chhan rawh u" hlau thawng thlabara au chel chul chuan min ti mang ang khawp mai, hmanhmawh lutuk in room ah ka tlan lut nghal, "Nu tumah an lo kal dawn hleinem mu hah dam rawh engtin mah i na lo ang, Pute damdawi kha lo la vat teh" ka nu khum atanga tal chhuah tum awm ngaihna hre lo tal vak vak chu ka dawm bet a, mipa pahnih te pawh chuan mak tiin min lo en reng a, ka Pute-a chuan mutna damdawi chu a ka ah arawn hnawh tawn tawna. "Nu tui in lawk la i tha leh maiang, engmah ani lo hahdam deuh khan mu rawh" rei vak lo kan in dawm beh hnu chuan a zawi ta riai riai a, puan ka sin that tir a, "Pute, lo awmpui lawk rawh saw mi te saw ka va be fel lawk angnge"

[Atei-i]

"Pawisa chu engzat chiah a tam nge a nih?"
.
"Nuai khat kan pe a, a pung awm a rulh leh min tiama, mahse hei a damlai zawng pawn hmuh let kan nei chuang lo cheng khat pawh kan la hmu let lo"
.
"Engpawh nise thla 5 tal hun min pek a ngai ang chuan ka rul dawn che u ania, tunah chuan kan dinhmun hi ti mai a ni si a"
.
"Anih chuan a pung awm a min rulh kan phut kher lo kan pawisa pek zat tal kha hmuh let kan duh chauh mai ania, lehkha ah hian in tiam na sign vek ang che i tlanbo chuan police kan man tir tho tho ang che" lehkha ah chuan min sign tir thlapa, an chhuak zui ve nghala, huiii ka rilru ava hah tak em, tiang reng reng a khawsak mai, ka pa hian min va tibuai tak em, a damlai zawng in eng thil tha mah a ti lo a, a thih hnu thleng pawn phur rit min siam sak ta a nih hi.
.
"Pute, engtin nge Nuai khat rang deuha ka hmuh theih na tur min han hrilh teh"
.
"Keichuan ka hre hauh lo mai, i pa tak hi chu aw min va ti buai zozai tak em"
.
"Vawiin chu hnathar ka zawm dawn bawka ti khan ka nu kha lo enkawl tha la, tun a ka thawh na tur te hi mi hausa lutuk an nia, hlawh pawh thlakhat ah 8000 lai min pe thei dawn a. Ka kal phawt angnge ka hun awl ah ka rawn tlawh ziah ang che u, heta tang in an awmna a hla vak lo bawka" ka nu enkawl na man ah kan in seng reng bawk si, ka rilru hah lutuk hi a chang chuan thih daih mai ka chak thin.
.
In nalh tak mai, a kawt velah te chuan pangpar a vul chûk a, gate bulah chuan ka ding vang vanga hetiang reng reng a in nalh leh mawi hi ka va awt tak em. Chutia ka thlir dauh dauh lai chuan ka hnungah horn ring fahran a rawn pe tuarh chuan ka bula gate hrawl zet chu min sut tir dawrha. Ka va hawi phei chu scooty pakhat hi arawn tlan lut fua a. Min va ti phu nasa tehreng em. Garage lamah a tlan luh lai chuan in a luh tum in doorbell chu ka hmet ri a. Tuman min rawn chhang miah lo.
.
"Khawi maw kalsawn teh" tih pahin Helmet khum chung chuan kawngka chu a hawng a, "Rawn lut rawh" nelawm loh zet hian a ti leha.
.
"Chhung-i engnge i tiha? Kawngka te hi lo hawn tur che alawm" vin zet hian a ti leha.
.
"Tunge i nih a?" Tih pahin a helmet ala thla chiah chu hmanni a ka hmuh tawh kha ani chiang lutuk ani pawn mak tih hmel zet hian min rawn en a.
.
"Nang maw?" Kan ti rual dun thawta.
.
"Awiii ka hmai face pack in ka lo plaster mek a, ka rawn kal hman lo alawm, Puite kha kha kan nula thar tur a nihkha Chhung-i kha a hman tawh lo a, ka haw angai a ti tlata, Lalduhsak-i a nihkha" ahmai chiah chu a chhia ang tih hmai tak hian dak deuh chung si in zim tê hian a tawng a.
.
"Nang hi ka hria che, David-a thiannu kha i ni tiraw?" Ka tih chuan a nui suk a.
.
"Tun thla chhung in nang hi a vawithum na i ni tawh i awm theih chuan zing leh tlai ah i in kawm luak ziah dawn nia" nuih sawh tak hian min ti a, engthu nge maw a sawi chu le! Ka hrethiam lo takzet.
.
"Hey, Puite i room ah han in thlak vat mai teh tinge nizan ah i rawn haw loh i duh dan dan hian i khawsa mai. Lo kal rawh Duhsak, in hi ka lo fankual pui ang che kan choka lamah hian kal hmasa phawt teh ang" a nu chu mi tawng duh tak mai hi a ni a, ka rin ai daih in a bula awm a nawm dawn hi.
.
Ka hna ber chu ei tur siam a ni a, inchhung chet vel ah chuan hmeichhe pakhat Lawm-i an tih chu a awm bawka, ka nu natna avang chauh in he hna hi ka thawk a ni, nikhat ah darkar 2 hun awl min pe thei dawn bawka. Hei bak a hlawh tha hi ka hmu chuang si lo. Zak tak chung in ka thawk ve tan dawn chu a ni sia, ei siam lah thiam tak ka ni bawk si lo.
.
"Engnge i siam thiam ber?"
.
"Um.....Dal ka kang thiam a, behlawi ka bai ve thin bawka"
.
"A that chu Dal hi nitin kan ei ziaha, adang chu i thiam chawp ve maiang, chhun ah chuan thingpui lum la, i duh leh cake kha lo siam la, hetah hian oven kan nei a, a siam dan recipes pawh a awm kha, ka kal phawt mai ang ka lu a na riau mai" a room lamah chuan min luh san daiha.
.
"Hey, lo kal rawh helai hi i room tur anih hi" David-a thiannu Puite-i chu sam thur deuh chhap hian a rawn chhuk thla a. Keichuan ka lo en reng ringawt.