DESTINED TO BE HIS BRIDE 10 (A)

Episode kal lai dah luhna

Moderator: writers

Maximus cancer queen
Posts: 83
Joined: April 25th, 2019, 6:24 pm
Location: South Mizoram

DESTINED TO BE HIS BRIDE 10 (A)

Unread post by Maximus cancer queen » May 15th, 2019, 6:56 pm

Destined to be his bride


Chapter 10 (A)

Sawmdawnga POV

Ka nupui hi ka atchilh a ni thaw thang mai. A zunah ka uai a. A awmdan te te pawh hi ka duhna tizual deuh deuhtu an ni. Tu bulah mah a tihlan ve ngai loh ka laka a pangchang leh ngenngawl taka a awm te, a mize naupang chhia lai leh min ngaina ve tan tak te hi ka hriat hmaih hauh lo. Tun atanga rei lo teah chuan a pasal ka ni tih hi thinlung takin a pawm thei thuai tawh ang.
Chu hun chu ka nghakhlel khawp mai. Inpawh taka awma lendun te, ani nena fa neih dun pawh ka duh. A la naupan hrih em avang hian fa nei hrih lo ila ka ti na chu ka laka ka tah ngheh sauh sauh theihna tur a nih phawt chuan naupang tea nu nihtir pawh ka pawiti hran chuang lo.


Vawiin ka lakah that a chhuah lutuk a. Pawi ka tih loh lam tak a ni. Kha tianga mipa dang a tih loh chhung chu a tha mai. Ka nawr hmasak ni miah lova ka hmui rawn fawh ngawng ngawng te, ka awmdan engkim chik ruk em em te kha ka hre lo emaw a ti a. Ka ngaihtuah let zawng pawn min tinui suk thei mai. A bul rawn tan dan te kha. Mamawh neia ka en thin dan pawh a lo hre khawp mai.


"Khati khan min en ziah suh."tiin amah mamawh ru em em tu hi min rawn pan hnai vat a. Ka chhan letna chu a lungawi kim lo a ni mah na.


"A ni lo. I sual." ka bula lukham pakhat chu lain ka hmaiah a rawn nawr ringawt a. A chet dan chu ka nuih a za ruin ka lo nuih chuan a tihtauh bur bur ka hlau sia. Nui duh miah lovin ka lo en reng a.


Rang taka lukham chu la thlain ka taksa rawn bawh thlawp khawp chuan a banrekah ka pawt dawrh a.
A sam sei hnap mai rawn uai thla hnup chu a hnungah tham khawmin a sam chhawl leng chu buat takin a bengah ka zeh sak a.


"Eng chu nge min dil duh a?" a hmel chu chiang takin ka en a. Ka awm hnaih avanga a lungphu lo danglam thin pawh chu pangngai lo zetin a lo phu zawih zawih a.


A zirlai chhunzawm leh a duh tih a sawi lai chuan ngawi rengin ka lo en run run a. Ka rilrua a chhanna rawn lang hmasa ber chu a theih loh tih tawp a ni.


"A theih loh." ka awka chhuak atang chuan ka phal lotih chiang takin ka tilang a. Ka melh run run. Ani sweet lutuk hi engtinnge college kal turin ka thlah fal ngam ang? A thian lerh leh thawveng tak tak te nen mipa dang awmvenaa an chetla vel tur chu ka ngaihtuah ringawt pawhin ka remti lo a ni tawp.


Ka thusawi ngai dik lova ka pawisa hman hek hlau ni awm fahrana min chhuah te chuka lungawi lo zo tawh. Chutiang zawnga ngai lo tur chuan ka ti tak na chu a awki a san ve deuh si a. Ka thinrim thut chuan a taksa chu lehthal vutin ka nawk bet zui nghal run run a.


Eng eng emaw a sawi lai chuan amah ka mamawh tih zawng chu ka benga lut a ni mai. Ka mipatna chu a rawn tho tual tual a. Mahse a hre hauh lo. A zirlai chhunzawm ka remtih leh remtih loh chauh chu a ngaihtuah a . Chu chuan ka rilru a tisak sauh.



A kut sin tak chuan ka awmah a rawn nam ve tang tang a. A lo che ve sat sat te chuan min tina zual zel. Chu lam chu a ngaihtuah hauh si lo. Hrep hian, ka mamawh tih lam reng reng a ngaihtuah lo. Ngawrh leh ngen ngawl tak chuan min dil uar sauh a. Chu chuan min tilungawi loin ka la phal lo tawh sa nen ka phal lo zual ta sauh a. Kei lo mipa dang nen chance an neih theihna tur hmunah chuan lungdam takin ka thlah hauh lovang.


A lak atangin ka inla hrang a. Pindan ka chhuahsan tur chu min la chelh hram. Hetiang lo zawng hian nise chuan ka chhuahsan hauh lovang.


Duhtak tih meuha min koin min ngen a. Hetiang zawng hian ka hmangaihna hi ngen ta se a tan thil pawh a awlsam phah sawt tur. Ka lakah a hmin zawr hnap a ni tih hriat hnu chuan college-a lungdam taka kaltir chu ka tan thil harsa a ni lo.




Nunsang tia a hming meuha koin ka phal loh tur thu chiang takin ka hrilh a. Engmah dang ngaihyuah tawh lovin kan pindan ka chhuah san nghal vut. Library-ah eng emaw chen chu keimah chauhin ka va inkhung phah ta ringawt a.



Eng emaw chen hnua ka va let leh chuan a lo muhil bam tawh. A tap tih hriat lutukin a hmai te chu a lo tai hlar a. Chutah zet chuan pawi tiin ka thaw ta hawk mai. Eng vanga titap reng reng nge maw ka nih le. Khatiang hrepa a rilru lo tihnat sak lo khan aw lo pawh ila. "Nakinah kan sawi tha leh dawn nia." emaw lo ti mai ila kan tha tlang ni mai tur. A bulah chuan inthawlh vein ka kuah ta chial a.



Zing ka thawh pawh chuan a la mu tui suk suk khawp mai. Vawiin chu hna kal lovin my sweet i hruai chhuah ka tum a. Inpuiah chanchinbu ka lo chhiar lai chuan step-ah a rawn chhuk thla hawh hawh a. Min rawn hmuh chuan a ding ta chawt mai. Min hmuh inbeisei lo lutuk ang maia a awm chuan ka hnar ka lo tum dut a. A hawi kual zak zak a. Kan hnaihah midang a hmuh loh vang em maw ni melh pawh min melh lovin choka lamah min luh bo san ta daih a. Ngawi rengin ka thil chhiar lai chu ka hma dawhkanah chuan ka theh thla thawk a. Ka zui phei ve nghal. A melh pawh min lo maelh leh duh tawh lo.



"Vawiin chu i u Nui nen va bazar rawh u aw. Lei tel ngai ka ziah chhuah kha theihnghilh miah loh tur a nia." Bawihi bulah chuan a ti a.



"Keiman ka va kalpui ang." ka lo ti vat a.
"Hna i kal dawn lovem ni?" ka nun a lo tilet vat.
"Vawiin chu kal lovang. Thil pawimawh dang tihtur a awm a." ka lo ti deuh kher a. Vawi khat pawh min melh lovin a la ngawi char char.



Bazar kan lut chu mi an tam bawk nen min ngaihsak bawk si lova ka hlauh palh ang tih hlauin ka kai bet a. A duh lovin a tang ru deuh teuh a. Mahse tal chhuah luih a tum hran lo. Eng ang pawn han tang mah se ka thlah dawn hauh si lo a.



"I la lungawi lo reng em ni?"
"aih." a lo ti deuh hmuk a.
"A nih tinge min biak duh loh a?"
"Ka be peih lo che." ka lo thaw hawk a.
"Tihpalh. Inrem dan zawng teh ang. College kal kh achu theihnghilh la."
A la ngawi reng a. Min chhan pawh a tum chuang lo.




Rei fe kan tlan tawh a. Ka tuar thei tawh ngang lo. Ta min lo nghak tura tiin dawrah chuan ka luh san lawk a. A eitur duhzawng chu khai tham lawih leisakin beiseina thar nen bolero lam chu ka pan leh .a. Ti hi chuan min be ve duh tawh mial mah na.




Mahse Sawmtea nen an inbe lai ka va hmuh chuan ka sa nghal pup pupin ka hria. A phu ngawih ngawih zawk a nui hmel vawikhat pawh min hmuh duh lovin minute tam pawh liam lova a hmuh Sawmtea a nuih leh nghal thei a nia.



Rilru sa tak leh ka lungawi lohna pai tunin an lam chu ka pan a.
"Hmm" aw ka thian khurh a.
"Hei u Sawmdawnga nen maw in lo nih?"nui hau chungin bawihi chu a en a.
Chutih laia an awmdan kher chuan ka kut hmawr a tiza vek. Hnek ka chak dan chu pui tak a ni ringawt.



An pahnih a an innuih lai chu enin an hmuh lohah ka kut ka lo hum ruh ngawt ngawt. Hepa a biak hian tiang hmel hi tinge a put ziah. Keiin phuta ka nawr luih fe hnuah ka hmu thei chauh thin a ni si a.



"Mercy nen hian ka birthday party chungchang kan lo sawi dun mek a. Lo kal ve ngei ngei ru aw." ka lo rin dan aiin a polite lo daih mai. A sawi lai la la chuan kan va kal awm hlei lo e ka lo ti rilru rauh rauh a. Hepa awm hnaihnaah hian Bawihi hi ka kal hnaih tir ngai lovang.



Kan tet te atangin kan lo inhre tawh. Ka nau rual a nih avangin Hmangaiha nen an inkawm thin a. Hmangaiha a lo puitlin tak zelah chuan inkawm rual lovin Murphy leh Sophia te nen an inkawm ho ta a.

Kha lai kha chuan ka tan 'hepa' a la ni ngai lova, tun Bawihi ka nuna a lo luh tak hnu atang hian ka tan 'Hepa' a lo ni ta a ni. "A nih ka kal phawt mai ang. Theihnghilh suh aw." Bawihi a en a. A kal dawn chuan min melh leh zeuhin a kal sawn ta a.

"kha tiang ang kha ani tih ka lo hre ngai lo." ka thaw chhuak hawk a.
"Eng khatiang maw? Chutiang engmah a awm lo. A birthday paryy-ah kan pahnihin min sawm ve a. Chu zawng chu."tih pahin kawngkhar a hawng a. Min luh san daih a. Ka thil lei takngial pawh a rawn ngaihtuah eih lo. Engtin nge a attention hi ka lak theih ang aw. Eng emaw kawng tak chuan hma ka lak vat a ngai a ni. Kan haw chu kawt laiah ding mai lovin garrage-ah ka tlan luh pui rawk a.



"Sawmdawng, ngatinge sawtah khan i din loh?" rawn tih pahin seat hnunga kan thil lei ho ban turin a thu chhuak vut a a banah lo ban vutin min bawh rawk rawk khawp chuan ka pawt ta thut a. "Sawmdawng.." thil tam a saqi hmain a hmuiah chuan ka fawp ta vawng vawng a.
"mmm" a rawn rum chhuak dar dar a. Ka che fuh dawnin ka hria. Mahse ka banah a eawn chum pawp a. Chu chuan ka chet a tina sauh.


Amah nghet zeta kuahin ka fawp ngawr ngawr a. Ka thlah meuh chuan boruak a hip nghal kawk kawk mai. A biang leh a bek velah chuan nul kualin " min tauh san tawh suh aw. Min be ve tawh rawh. Kha pa i biaka i nui ang khan ka bulah nui ve tawh la. Kha aia mawi fe khan nui ang che"


"Sawmdawng.."
"umm"
"Mi'n min hmu ang e."
"Hmu lovang."
"Mahse an..."a tawng leh tur chiah chu ka hmuiin a hmui a khar hnan hmiah a.
Kuah bet reng chung chuan ka chawi nawlh a. A thutna lamah ka mal chungah ka mipatna do theih ran tur chuan ka thut tir a
"Ouch! Sawmdawng.. Min do a nia."
"Ka mamawh che."
"A theih loh kan chhuah vat a ngai. A nih loh chuan i insum zo lo mai ang. "
" chu chu a lawm ka duh.. Kan pahnihin."***



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)