THE DOCTOR EPISODE 24 By:Nunuifranky

[Big bear]

THE DOCTOR



EPISODE 24


By; Nunui franky hmar ..



[Ka inchei dan te, ka hawi her leh ka tawng dan atang te a min teh fo chuan engmah i ni bik lo tihna a ni, mi pangai chuan kan sawi pathum te atang khian mi an teh ngai lo, chhungril nun an en thin zawk .....Nunui]





SAITLUANGPUIA /JOHNSON POV...




''Deborah a tha em'' ka pa ka biak rual rual chuan ka ti a , ka nupui chiah ka ngaihtuah a ni, ka pa a nui hak a,




'' I nupui chungchang chiah min rawn zawt a i fapa leh kan chungchang i hre ve duh lovemni''





'' Ka pa , in tha tih ka hria alawm, a tha em '' ka enzui tir tu te khan vawikhat an zui haw in , kawng laklawh ah a ding a, a luak thu a rawn sawi a nih kha .




'' Aw a tha e, engtia rei nge bik bo san i tum, mipa dang a neih san che i duh emni ''ka maimitchhing a .



'' Ka pa , Timothy thiltum hi ka riatchhuah hma chu ka in lan thei lo, bakah ka nupui hian ka hmel hi a hre tawh lo''




'' Kha chu bawiha , i buaina a ni, ka tupa nen dawrah kan kal dawn , min au chel chul mai'' ka nui suk




'' Awle, min lo biak la, ice-cream leh chocolate tamtak leisak lo la '' a nui hak.





Deborah bengbeh a chip ka dah khan a awmna chin min hriat tir zel thei a, tunah hian hospital ah a awm a ni, ahmel hmu lo leh hnaih lovin ka awm thei lo , cap ka khum a, ka gypsy chu start in ka hospital lam ka pan a .






'' Bro, hospital-ah ka rawn kal dawn, '' Remruata ka phone a ,




'' Yup, i nupui a awm ania, tuma hriat loh in nge''




'' Min admit rawh, karkhat vel awm turin, ka nupui office hnaih deuh ber a cabin kha lo ti awl bawk la''




'' Khai a, bawiha enge a awmzia ''




'' Zawi zawiin ka nupui hnaih ka duh a ni, bomb a puah dur hma '' ka nui suk, kha ui cho khan lo hnaih ve chhen a tum a nih kha , chu chu ka rem ti lo, pasal nei lai a ni a, ka nupui a ni.





'' Awle, gate hnunglam atangin rawn tlan lut la, ka lo awm ang'' gate hnunglam chu VIP luhna tura siam bik a ni, ka tlan lut a, min lo nghak a, a cabin ah kan in zui lut a, mi pangai ang ka i hrih a, tuman Saitluangpuia , he hospital nei tu hi ka ni tih an hre lo.





'' Enge i natna tur '' ka nui hak, min thlek vung vung.



'' Ka hre lo, i duh duh phuah rawh, serious deuh lo, mi en reng suh'' min rawn thut hnaih set sawt a , ka hmai a rawn khawih a, ka hnar nen.






'' Khai, korean piangsual te pawh i ang alawm'' a awmah ka hnek a , a nui ve hak.





'' Deborah hi a natna a chhuak deuh emni ''




'' Chu chu tinge min zawh, ka awm bo daih alawm'' tiin ka chhang vat, a ngawi vung vung a ,



'' A lung tha lo hi a chhuak leh a nih ka ring, tukin zing a rawn thleng pawh a thaw a buai titih a, inaler kha a hip lut hrawk hrawk a, a chauh hmel hle bawk''




'' Awe, ka room tur lam chu '' awihloh hmel zetin min en a , cabin lam kan pan a , ka bag ah thuamhnaw tlem a awm a , ka thiantha leh chhungten min rawn hmu reng thei, ka banah venflon ka vuah tir a , drip erawh ka khai peih hauh lo, khum bulah a awm mai mai .





'' Chhunah ka rawn kan ang che'' mit min siai zauh in ka darah a beng a , ka nui suk.





Ka awmna room atanga hla lo te ah Deborah a a awm a, ka hmu chak takzet, mahse hmuh tur a awm si lo.




'' I tha em'' office zawn ka thleng a , a rawn chhuak hlawl a , min hmuh chuan mak a tih hmel hle, min en vung vung a ,




'' Ka, ka tha e '' a nui leh suk .




'' Kha, dam lo tinge i chhuah daw daw '' a pum a kut khing khatin a dawm a , ka nui suk, kan naute pawh a rawn puar ve tan a nih hi.



'' Cabin chhungah awm reng hi a ninawm a '' coridoor thlanglam aizawl khawpui lan theihna lamah chuan ka zui phei a, a kut khingkhat a Inhaler a ken chu ka lo hmu hauh lo, a th, a sirah ka thuve a.






'' I nawmsam loh hmel hle mai, inah awm zawk la a tha lo maw'' ka tih chuan Deborah chu a lu a thing a ,




'' Aih, ka tha lawm, lung tha lo hi chu ka nei hrim hrim a, ka pasal awm loh chhunga a hna ka lo chhunzawm loh chuan a rawn haw hunah min vin leh khur khur anga, a thinchhe reuh si'' ka nui lui sak, kuah vawng vawng tluka chak ka nei hrih lo.





'' I duh em'' tin chocolate candy ka ah chu ka phawrh a , a ngaina takzet tih ka hria, mahse ka ei tir vak ngai lo a nih kha , a rawn ban a ka kut a mi chu.





'' I hria em, ka pasal khan ei a phal ngai miah lova, ka fapa nen a rukin kan ei thin, kan ei tih a hriat kha chuan min hau khur khur zel a '' a mitmeng chu a nung sarh a , a hlim hmel hle a .





''I pasal chu i hmangaih viau emni'' a nui suk a .




'' Um, ka nunna zawng zawng in ka hmangaih '' ka nui ru ver ver .





'' Ui hmul i kai elaw, ui i nei ve emni'' engtik laiin nge Rexy hmul ka kai ka hre lo, ka chhuah dawn khan awm tha hle turin ka rilh a, in la hriat loh takin husky ka nei a , a note erawh Tim-a ka fapa in a nei thung .




''Um, husky pui ka nei a '' a nui ver ver.




'' Ka fapa pawn a nei, husky ve tho, Dr Remruatan a pe a, a fing reuh zek lehnghal a ''




'' A nih chu'' a choclate ei lai chu ka en reng a , a pasal diktak ka ni tih hria se chu engtin tak ti ang maw .




'' Haw lo la maw, ka pasal nen in in ang ka ti, in mitmeng, tawng dan, pian zia leh engkim, mahse in hmel erawh a in ang lo''




'' I pasal hmeltha i ti si a, hmeltha min ti ve tho tihna a mi'' a lu a thing vat a, hmun hla tak chu a melh daih a ,




'' Hah, mihring in ang an tam alawm, i cabin ah let leh tawh rawh, boruak dang hip vak a tha lo'' ka lu ka bu ngut .




'' Awle, min rawn tlawh ve thin la tiraw, i pasal hriat loh in'' a nui hak, a chhanna ka hre chak a ni.




'' Ka pasal hriat lohin maw hria se chu aw, i thal tawp ang'' ka chungchang a sawi zawnga a mitmeng a hlimna kha ka hmuh hmaih lo, kuah vawng vawng a , duhthaw zeta fawh ka chak takzet.



'' I pasal a hlauhawm hmel si'' a lu a bu nghat a ,



'' A rilru pawh a tha, mi hmangaihna a ngah bawk'' midang bulah ka chungchang a sawi dan chu , ka nui leh suk, he hmeichhia nupui a ka nei hi ka vanei takzet, engtik ah mah min phatsan dawn lo tih ka hria a ni.





Cabin ah lutin mi ka be kual a, Timothy thil tum kan chhui mek zel a, kan chhui chhuak tep tawh, a business partner lian apiang ka tihtawp sak zel a, Lunglei lamah phei chuan a dawr ho a tlachhe hneh tawh hle, ka thiltih a ni tih erawh a hre hauh lovang .







DEBORAH POV ...




''Bawihpui, enge i tih '' Tim chuan ka nu phone ah min rawn bia a ,




'' Ama ngai tawh che, lo haw vat rawh'' ka nui suk, a dam lova, office ah ka kal zawk anga, ka rawn haw leh vat ang ka ti a , haw ka lo tum mek a .





'' Um, enge lo hawn ang che ''



'' Ihmaw, ama Max an chaw nei toh lova, lo le la, chuan rice-cake pawh''



'' Awle, thu lo awih la aw''



'' Ama ngai tawh che'' phone a off zui daih a, apa ang mai, ka in dah tha a , room ka chhuahsan a , ka scooty dah na lam ka pan a , haw vat vat, ka fapa bula awm ka chak tawh a ni.





'' Ama '' a toys roomah a thu , a mit a sen deuh ram a, min rawn ban vat a, a rit ve tawh hle mai, ka awmah a hmai a phum kak a , room-ah ka pawm lut a, eitur ka hawnsak chu ka pe a .





'' Ama papa bulah kal duh papa ngai'' Tluangpuia ka huat ber tum a ni ngei ang, tinge a fapa dam loh laiin a awm loh, ka mittui ka biang a rawn luang chu ka hru zauh a .




'' Enteh hei, max hi '' max chu a rawn tlan lut a , khumah a rawn zuang lut a .




'' Ama, ka ke a seh zel'' Tim-a ke zungpui chu a khel a, im chu a ding a , ka nuih a za ru hle, khumah ka thu a , Tim-a sirah a rawn bawk ve a , tawng a ngaithla kar a , thu a awih in tawng a hre hle a , fing kirker reuh lutuk.




'' Max , seh reng suh '' MAMax chu ka sirah a rawn bawk a, zaidam hmel hle si hian a nghal zek a , mahse inchhung ah a zung in a e ngai miah lo.




''Ama , Max hi sual '' ka nui hak, a lu chungah te a kal a, apu dam lo infiam peih lo chu a ngaih a tha lo a ni ngei ang.



Tim a muhil a, ka lo muhil ve daih bawk. Zanah Nunui leh a bialpa an rawn leng a , Theodore .




'' Enge in lo tih ve mial a, len na tur in hre lovemni'' ka fiam a, Nunui chuan Theo chu a melh zawk a , ka sirah a rawn thu thla daih a .




'' Theo hian ka inkhawm tur min rawn hruai tlang daih alawm mawle, thil hrilh tur che a nei a'' ka chil ka lem khalh, Theodore chu ka melh reng ringawt.


'' Enge nita Theo'' ka mit ka chhing sak a , Tluangpuia lampang emni sawi a tum.




'' Deborah, Tluangpuia chungchang a nia ''




'' Sawi rawh eng chungchang nge a tha em'' Nunui chuan ka kut a rawn chelh a .



'' I pasal a la dam'' ka thaw chhuak hak, rum zetin ka melh pah bawk.





'' Chu chu fiamthu thawhna chi a ni emni''




'' A dam a , mahse i pasal Tluangpuia hmel kha a pu tawh lo, hmel dang daih a pu tawh''




'' Ka hrethiam lo'' sawifiah turin ka duh takzet.





'' Timothy mi chhawr tu emaw ber in i pasal kha tualthat tu angah an puh hnu khan a hmaiah acid in an leih lehbawk a , a hmel thlak a ngaih phah ta a ni.''





'' Chu vang chuan emi rawn haw a tum miah loh'' ka biangah mittui a luang leh ta , Timothy ka huatna a zual bawk, dawt sawi hrat lutuk.



'' A rawn haw thuai ang, nag leh in fapa bulah awm reng turin hun a la mamawh deuh a ni '' Nunui kut chu ka hum ngat ngat a, sawi tur ka hre lo, ka ngawi reng .





Kha zan kha a ral tawh a , hospital lam bawk ka pan leh, Tluangpuia ka hriat thin , ka pasal khan hmel dang a put tawh si chuan egtin nge ni ang, ka hre thei tawh dawn em ni .






''Pi ber chu '' ka phu zuk a , ka hnungah Johnson chu a lo ding run, a nui suk a, helai ka thut thin na ah hian tinge a rawn kal ve fo ka hre lo, mahse a bul a awm hi nuam ka ti, ka thla a muang .





'' Damlo vak peih deuh a rawn chhuak ani maw '' a nui suk, ral khat chu a thlir ve vang vang a , enge a ngaihtuah ka hre lo.



''I ngaihawm em a '' a tih chuan ka nui tawp chat ringawt ,




'' I fapa rawn hruai ve tur che nia ''




'' A sen tut a , a khua sik deuh reng a , boruak dang hip chi a ni hrih lo''




'' Um, lo dam vat rawh se '' ka kut chu ka rin loh deuhin a rawn chelh a , ka phu deuh zuk, a hum vang vang a , laksawn sak tur ka ni, mahse ka la sawn lo, ka kut chu ka hum tir a , engmah dang a sawi lo.





'' Deborah ka zawng che a '' kan in thlah chiang hle a, hnunglam kan hawi rual that a , Timothy chu lungawi loh hmel zetin a ding a, enge a lo lungawi loh ve ngawt, a rawn kal hnai a .





'' Tunge i mipa lo awmpui fo hi, i pasal'' ka ding a, a hmai ah ka theihna zawng zawng sawm khawmin ka beng thlawp a , ka kut pawh a thip nghal vang vang thei.



'' Ka pasal chunga i thiltih kha ka hre lo emaw i ti emni, a unaupa chu i inti ve si amaw, uicho ai pawn i laktlak loh ''





'' Eng dawt nge an lo hrilh leh tak che an....'' ngawi turin ka ti a , dawt engzat nge min hrilh a la tum fo ni, ka ngaidam a , a unaupa anih vangin tha takin biak ka tum , mahse a theih loh a ni .




'' Kan chhungkaw hnaih ah hian lo awm tam tawh suh, lawm i hlawh tawh lo, mahni unaupa chunga acid hmang duh tu , engemaw beisei i neih em em ni'' a thinrim ve hle, mahse ka hlau lo, Johnson chuan hmuhnawm ti takin min en a , ka ngei ru hle , engemaw a hriat ni.




'' I pasal ta tur ni lovin ka nupui zawk tur i ni, khapa khan ka neih zawng zawng min laksak a, ka naupan lai atangin pa awt ngawih ngawihin ka awm thin, mahse kha Saitluangpuia khan engkim...''






'' Ka pasal thiam loh a ni vek bik lo, i thiam loh a awm ve tho, ka bulah ka pasal chanchin chhe lai i sawi leh dawn a nih
chuan min rawn hmu tawh ngai suh''




'' Deborah ila in chhir ang''



'' Ka inchhir daih tawh alawm, ka lo tawng che hi '' thinrim taka a kal lai chu ka thlir zui reng , muangchangin John-a bulah ka thu thla a , nasa min tih pawhin pawi ka ti lo, ka pasal chungchang miin a chhe zawnga an sawi hi ka duh lo.





'' A tha leh vek mai ang '' ka darah a rawn chelh a ,ka in rin hma in a lamah min pawt hnai a, min kuah thlap a, a ngaihna hre lo takin ka awm khawng reng ringawt.





'' In thlah dul rawh, i duh chuan i tap thei a ia '' ka beng bulah a ti a .




'' Aih, ka pasal bulah lo chuan ka tap thei lo'' ka in la hrang a , ka mit ah tak min en a, ka mascara hman nen, ka mit a pherh nuai tawh in ka ring a ni .




'' Engvang chuan maw'' a nui leh deuh suk.



'' A chhan chu ka... ka hrilh thei lo che'' a nui hak a , a lu thingin min pawt dawrh a , min kuah vang vang a .





''I pasal aiin lo tawng hmasa che ila tha tur '' ka rilru put hmang hi ka hrethiam lo, pasal nei lai reg siin mipa dang ka in kuah tir a nia, mahse a bulah hian ka thla a muang viau si, awmdan hriatthiam a har takzet, a zakhnuai ah zen lutin ka kuah ve vang vang a , a rimtui chu ka hip vang vang .




'' Tluangpuia ni zawk la ka van ti em'' ka hriat tawk lekin ka phun sap a , a hriat ve ka ring lo.





'' Kan in kuah chhung khan i dul in min do a ' a awmah ka chum karh a , raipuar lian em pawh ka la ni tawp si lova , hepa hi..






[NIZAN LAMA KA LO DAH LOH AI, BONUS TLEM AW ]





BONUS CHAPTER








''I pasal nen hian lo inthen ta ula chance ka nei ve angem ''





'' Enge i sawi awmzia '' hlat a tul tih ka hrethiam ta chiah,




'' Ka duh che tih i hrethiam lo nge i hre lo der zawk '' ka nui lai a tawp a , kal bo san vat ka duh ta, a chhan chu ka pasal ka hmangaih tluk zetin a tan rinawm ka duh a ni , ka ding a , makti zetin min en thung .






'' Ka thian anga ka en tak vang che in i ngampa thei lo, ka pasal hi ka kalsan ngai ka ring lo, ka hmangaih lutuk tlat''




'' Tualthat tu kha a ni si a '' a hmai ah ben ka tum a, mahse ka kut a lo vuan bet vat .




'' A ni lo, a ni ngai lovang, nangpawh nichin a i hmuh tak anga tawngkhum kha i duh loh chuan ka pasal chungchang engmah a chhe zawngin sawi suh. In in ang ka tih vang khan chance ka pe che tihna a ni lo, ''





'' I pasal hmel danglam in rawn let leh ta se , ilo la pawm tho dawn em ni'' chu zawhna chu nizan ah pawh khan ka dawng a ni, ka hrethiam lo, Tluangpuia ka pawm leh angem, ka pasal ka duh taka ka neih hmel kha a pu tawh dawn lo tih pawh ka hria .





'' Aw pawm ang, hmangaihna chuan a pawm leh ang '' nui sukin min rawn pan hnai a, muin rawn pawm chawt a .





'' Enge i tih a '' a inla hrang leh vat a .




'' Damdawi ei ngai ka nei tak e '' nui sukin a lu a hiat nauh nauh a , enge a hriat a .







Office-ah ka lut a , files ka en a , eng eng emaw siamthat ngai a awm nual bawk, ka riltam em em lehnghal a, eitur ka order ta ngawt a .





Ka haw dawn hnaih chuan Remruata min rawn hmu turin a rawn kal a , a hlim hmel em em lehnghal.






'' Enge i hriat vur vur a , nurse sex i hmanpui leh tawh em ni'' ka tih chuan sofa a pillow chuan min rawn tin a , kan nui hak a .





'' Tluangpuian min rawn bia a ''




'' Tinge min rawn biak ve loh '' a nupui a be ngai lova, a thian te erawh a be dut dut reng tho si.




'' A ngai vak lo che niang '' rum zetin ka melh .




'' Tak takah Theo khan plastic surgery vel lampang kha a hrilh tawh che anga'' ka lu ka bu nghat.





'' Kar tawpah USA atangin a rawn haw dawn, ka hrilh che tih khawngaihin ''




'' Um, ka ngai tawh takzet , Tim pawn a sawi reng mai''



'' A hmel dan vangin a laka i rilru put hmang a dang ang tih erawh ka hlau hle mai''




'' Nilo, ka that tep ang, chhuak thei lovin ka siam ang kum 3 chhung vel'' a nui hul hak.





'' Hmeichhe mak tak i ni, engtin nge rinawm takin i lo nghah theih, keichu ni ila midang dang ka neih ma a rei tawh ngawtin ka ring ''




'' In fanu a hmelchhe reuh si '' thinrim der chungin a chhuak a, ka rilru ah erawh Johnson kha a awm thung, mak takin ka pasal nen ka buk dun pawhin an tunge rit zawk ka hre the ta tlat lo, pakhat ka pasal a nih laiinpakhat ka dam lo, kan hospital a rawn awm a ni .




Ka haw pahin a cabin chu ka kal pel a, a in khar phui loh avangin ka ding a , kik lo chuan ka lut ta ringawt a , khumah kawr ha lovin a lo thu a, a malchungah laptop a dah a, drip khai a tum hauh lova, chhuatah damdawi mum a awm bawk.





'' Damlo i nih kha'' a phu zuk a, a rawn hawi a ,





'' Min ti phu lawm, i haw tawh dawn a mi'' ka lu ka bu nghat .




'' Awle, eitur tui deuh naktuk ah min rawn ken rawh aw '' ka nui hak, eng vanga min nel viau nge maw a nih ni, zuam awm takin ka lo khawsa emni.




'' Hah , lo in enkawl tha la '' ka chhuah pah chuan khum bul sir a drower te hun chunga rangkachak zungbun kual chu ka hmuh hmaih lo, ka ding chat .






'' I zungbun kha '' zawhna bawk, ka pan hnai a , Tluangpuia ta chu a chhung lamah ka hming leh a hming a in chhu a nih kha, a phelh ngai lova , a bun reng thin .






'' Ah hei maw'' ka ban hma in min ban khalh a , lukham hnuai ah a rawlh lut daih a , min en reng a .





'' Ka pasal pawn a nei ve asin '' a inti zetin cabin chu ka chhuahsan a , khatiang zungbun te chu tamtak a awm ang chu, kei pawh hi enge maw ka hriat ni .






In ka thleng a, momo Tim-a ka hawn sak chu ka phawrh a, tui a ti thar tlat a




'' Ama, max hi sual lutuk , ka ke ei reng '' a mittui a tla par a , a mit a sen ram bawk a , tunlai chu a dam lo a pangchang zual hle a .





'' Max tinge apu ke i ei a '' Max chu ka hau a , ui fel ber zia zangin a thu ngawi kar a , momo pakhat chu ka pe ve a , a ei reoi nget nget khawp mai .





'' Ama, i pum chhungah hian ball awm mi'' ka inthlak a, kawr bah mar lam chiah ka hak avangin Tim chuan min en vang vang a , darthlalang hma ah ka ding a , ka dul chu a puar ve ak tawh, ka nui suk a , ka fapa leh Max a pu ke zungpui khel tuma lo buai lam chu ka hawi a .





'' I nau tur a awm alawm'' phur zetin