STONE HEART by floria laldansangi #24

[Floria]

STONE HEART
By floria laldansangi

24


ZUALTEI....POV


Ka hmai ni zungin a rawn chhun sar sar chuan ka meng diar diar, Resort aṭang a kan haw khan zan dar9 a pel thuak, Loicy-i pawh a chau ngang a niang hâwn kawng lam chu a ngawi kar, a ṭawng peih nganglo chu Nancy-in a nuih leh hak hak ṭhin, in thlen dawn phei chuan a muhil nge nge a nih kha



Rempuia'n ka taksa engmah inbel lo, saruak vek a awm min kuahbeh chu melh in ka nui suk, nimin lam a a sawi ang tak takin nizan khan ka muhil mang lo ti ila ka sawi sual tawplo ang, vawi engzat chiah nge a vawr tawp min thlen pui pawh ka hrelo, ka taksa chu a na in ka chau takzet

Thawh tum a ka che deuh chu, rawn che hrut a, a ai a nghet a min kuahin ka nghawng ah a rawn fawp nghal zat, ka nui hak, "i harh tawh chuan tho tawh rawh," Ka ti sep, mit rawn meng diar diar a, sexy lutuk a nui chuan, "zingkar exercise lak a ngai ang," Tih leh rang lutuk in ka chung ah a lawn kai nghal

Ka nui ar ar, "inchung gym ah kal...." Ka tih lai mek a min rawn fawp zauh a inla hrang leh chuan, "khatiang lam zawk khan," Rilruih in a ti sup, lai zet a hmaisa hat hat a nui vur vur in a nghawng a ka kut suih zawt a kuai kun chuan dim te in ka fawp vang vang, nui hak in min chhang let rang teh e!



Zingkar ah pawh vawitam a vawr tawp thlengin, bathroom ah pawh chu ti tho, maktak maiin Rempuia min khawihna hi ka chhang nghal thei zel leh ka in peih nghal at thei zel hi mak ka inti, ka mamawh ngawih ngawih hian ka hre ṭhin


In hnuai a kan chhuk chuan Loicy-i leh Nancy-i te breakfast anlo ei mek, "good morning," Rempuia'n zang vah a a tih chuan dinning hall a awm zawng leh a hnathawk te ho pawh chuan makti fê in an rawn en haw chu, "sawi sual ka nei em ni?" Min rawn melh, ka lu ka thing ringawt chuan ka ṭhu ve nghal


Nancy-i rawn chhuak hawk hawk a, a thil ei hak zui chuan tui a lem khawlh khawlh, Nu Puii te leh Dini te ho pawh chu an nui vur vur hlawm, enge an hriat hlawm ni, Rempuia chu ka melh, a hrethiam biklo a niang a dar a san ak ringawt


"Mama'n morning wish a sawi vawikhat na a nia U Zualte," Za lutuk a Nancy'in a rawn rih chuan mak ti leh awihlo fe chuan ka en, "iti tak tak ami?" Mak ka tih zia chu, engtin nge a zing tho a awm ṭhin ni



"Tak tak angchu, Zualte he in i rawn awm aṭang a Rempuia danglam sawt zia hi kan hre vek a lawm, hei mihring nundan leh chenpui te biak dan pawh a zir thiam ve ṭan a nih hi," Thu tak zawk a Nu Puii'n a rawn tih chuan Rempuia chu ka melh vat, engmah thusawi hrelo ang maiin a ei tur a ei mawp mawp chu ka nuihsuk


"Ei vat rawh, i tlai ang," A rawn ti nghut chu Nancy-in min rawn melh zauh in, "heti reng zel hi a hma chuan," Nui tut tut a a tih chuan ka nui ve hak hak, ka hlim veng veng bawk


"Ka hman tawh e, mummy kal ang u," A pa nen min rawn en chung a atih chuan Rempuia ka melh vak, thawh a duh miaulo a, breakfast ei kan tlai zo

"Bawihtei pawh mummy a nei tawh a min hre tawhlo," Nu Puii'n a rawn rih chuan ka ban a rawn vuan in Loicy-i chu a nui var var, nizan a a ṭah kha ka hre chhuak, a room a ka mut tir pawh khan ala ṭawng vai a nih kha, ka zawh chian ngei a ngai ang, engthil teh hrep nge Rachel-i hian a hrilh tih, a hmel pawh nidang anglo tawpin a nguai deuh tlat in ka hria
.
.
.
.
Loicy-i kan thlah hnu ah ka thawhna damdawiin lam kan pan leh, car chhung boruak chu a dang hlak, pik lutuk ṭhin kha a reh a, kan awmdan te nen nupa, in hmangaih tak ang mai kan ni


"Rachel-in eng thu nge Loicy-i a hrilh i hria em? Nidang aiin a mizia a dang hret a nia," Ka ti sup chu min rawn melh zawk, "a dang em ni?" A nui suk, mipa tak hi chu, an fate hi hmangaih viau mahse mipa an nih na hi alang leh nge nge ṭhin


Melh vak pahin, "chik ve la, bakah Loicy-i lakah hian attention pe ve deuhla ka duh," Ka sawi zawh rualin a rawn nui hak, a nuih zawng a a mit tlang kawm chuar leh a hmui sir chuar hi hmuhnawm ka ti in ka en leh vang vang ṭhin


"Nupui phunchiar tak te pawh i ang alawm," Ala nui vur vur tho, ka nernawng, ka fiamthu lo tak tak, "ka ti tak tak a nia," Ka ti sup, Loicy-i hmel ka mitthla ah ka hmu nghal

Naupang dang anglo tak Loicy-i chu a kum phulo in a fing em em, kum 10 naupang in an ngaihtuah leh mizia in a phakloh a ka rin pawh hi a ṭawngkam leh che zia ah a ti lang fo, nimin lam a Rachel-i vang a a ṭah vak aṭang khan a mizia a zawi awi in, a nguai riau hian ka hria, engthil chiah nge Rachel-i hian a hrilh tih ka hre chak khawp mai


Ṭawng Tum a ka kâ ka âng zuai tih a ka phone a rawn rik avangin ka chip leh, "aw Rinhlu," Ka pickup rual a ka tih chuan Rempuia a dawn hawi vat, a thaw ri hrawih bawk chu ka nuih suk


"Zualte emergency a zai tur an awm a, i rawn thleng ṭep em?" A rawn tih chuan, a man a zai mai thei lo em ni? Tih ka ngaihtuah mek laiin, "ka kut ka ti na a," A rawn ti sep, ka nui hak, "ka rawn thleng ṭep, zai turin lo buat saih rawh u," Tih leh ka off nghal, Rempuia'n kut a thlak aṭang khan hna pawh a rawn kal lo, kan inbe ngai heklo, engtin nge maw a kut te chu a tih nat ni


Car ding dat a seat belts phelh a chhuah ka tum chu ka ban ah a rawn vuan, alam hawiin "enge" tih melh a ka melh chuan min en vang vang, "Rinhlua nen a fal in awm miah suh angche u," A ti nghut, ka nui chhuak hak, a hmel landan chu pasal thikthu chhe tak ang mai a ni, "ka fiamthu lo a nia Hmangaihzual," A ti leh hrawk chu min vawn na phelh sak pahin, "ka kal dawn a nia," Tih leh ka kut a zungbun chu ka ti lang zeuh, nui hakin kalam a rawn awn chuan ka bek tawn tawn a vuanin ka hmui a dip te in min fawp vang vang

Ka chal a a chal rawn sik tir in thaw chhuak ham ham chuan, "ka rawn hruai dawn che nia," Rilruih a tih leh ka hmui a fawp leh zauh chuan, "kal tawh rawh, chutilo chuan he hmun hi i chhuahsan miahlo ang," Min melh ralh in steering chu nghet lutuk in a hum nghal, a sawi awmzia chiang lutuk a ka hriat avangin kawngkhar hawng rawk rawk chuan ka chhuak vat, "hunlo thei lutuk," Nui vur vur in ka phun sap, damdawiin chhung ka luh dawn a hawi let leh a min thlir reng tu, mipa hmelṭha lutuk leh pa em em mai chu kut vai khum zauhin ka lut nghal, engtia rei nge he kan hlimna hian a daih dawn ka hrelo na in, tun ah rih chuan sum tamtak nen a lei min dil oawh nise ka phal hauhlo ang
.
.
.
.
Ka office ka luh rualin Rinhlua ka hmu nghal, a nui suk, a kut chu a sawi ang tak tak in alo tuam bur bawk

"Heihi damlo report a nia, brain tumour, malignant glioma," Tih leh report minpek chu ka en nghal, X-ray leh CT scan vel ka en kual hnu ah, "tumour hi a lian lutuk mah mah," Ka phunsep


Bu nghat in, "ka hria alawm, mahse heibak kawng dang a awm silo a, zai vat a nihloh chuan a ṭhang ngei bawk ang," A rilru a hah tih hriat takin a ti hap, melh ralhin, "ka theih tawp ka chhuah ang," Ka nui suk


Zai tur a in buatsaih chuan OP room lam ka pan, OP room bul vel a naupang awm khawm leh NUN ho ni awm tak ka hmuh chuan Rinhlua ka en vat, "fahrah a nia, 'Hmangaihna rûn' ah sawn a awm ve mek a," Naupang ho en vang vang chuan khawngaih hmel zet in a ti sep


An bul ka thlen rual in, "Doctor a ṭha chhuak leh angem?" Naupang ho in beisei nei zet a min en chu ṭhu hniam in, "ka theih tawp ka chhuah ang tih ka tiam a che u," Ka ti sep, an bu tliar tliar

Ding chhuak in an mahni enkawl tu te, tar lam pang NUN thuam a inthuam te chu en in ka nuihsak

.
.
.
.
Naupang kum 13 mi, in zai na room a mu zar mai ka hmuh chuan ka lung a rawn phu dup dup, ka lainat bakah a natna tawrh ka hmuh phei kha chuan ka in rintawkna aiin hlauh thawn na in mintuam na zawk, ka kut sil fai a, nurse in ka hmui a rawn tuam chuan naupang chu ka en ran


Kal hnaih in, "Doctor," Nurse Hmingtei'n a rawn tih chuan mit chhing sawkin, "umm, ṭan ang u," Ka ti sep


Darkar 2 chuang ka zai hnu ah tumour lian lutuk mai kan kal chhuak nawlh, ka thaw hawk, mahse a lian mah mah a ni, in zai na kan chhun zawm zel anih chuan a nun in a tuar phah mai ka hlau


Ka zai zawh chuan thlan hluam a OP room ka chhuahsan chu min rawn pan khawm laih, "enge a an? A hlawh tling em?" Naupang ho pawh an rawn ri nak nak, bu nghat in, sawi mai tur pawh ka hrelo, a chhan chu zai hlawhtling viau mahila a tumour kha a len em avangin a vaiin ka la chhuak thei tlat lo a ni, "hlauhthawn tur a awm tawhlo e," Ka ti sep, Rinhlua chuan a hrethiam a ni ngei ang, "a pawilo," Tih melh in min melh, ka ṭah te a chhuak rum rum


An rawn nawr chhuah chu, en in, ICU ah ka zui lut nghal, Rinhlua a rawn lut ve bawk, "the hemorrhage isn't too big, so let's control the seizure first," Hnamdang male nurse chu ka melh zauh, a bu nghat bawk


"Administer a tranquillizer and give him some oxygen," Check mawlh mawlh pah chuan ka tih zawmzat bawk

"Zualte, engtia rei nge hun ala neih i rindan?" Rinhlua'n naupang chu en in, a rawn ti sep, "give me intubation," Tih leh Rinhlua a melh chuan, "ka hrethiamlo, naupang tawrh chhel tak a ni a, thla 5 emaw thla 6 vel a niang, a hma angin na erawh a tawrh angai tawhlo ang tih i hriat kha," Ka ti sep


Bu nghat in, "midang saw chu keiman ka hrilh dawn nia, ka lawm lutuk e, coffee kan in dun dawn em ni?" A tih zawmzat, nuih var var in ka bu nghat, naupang bawk chu ka en leh, a kum rual ah chuan hlim tak leh hrisel tak a hun hman te a duh ve âwm si a, ka awm zawn hi a ti na veng veng mai
.
.
.
.
Ka inthlak zo ka chhuak chu, "canteen ah lo zu chhuk la, ka office ah min nghak tu ka nei a, kan be lawk ange," Rinhlua'n a tih chuan sana ka melh zauh, lunch ei alo hun der tawh a ni tih ka hre nghal, "ka lo zu chhuk hmasa ange a nih," Tih leh Nurse Hmingtei te canteen pan tur chu ko in ka zui ve nghal


"Hmanzan a rawn pawt chhuak tu che nen a in inkar kha ila sawi fiah miahlo a nia," Doctor Sangtei'n nui tut tut a min rawn fiam chuan Rendezvous Hotel a group date neihzan kha ka hre chhuak, ka nui suk


"Ohhh i kut kha, Rendezvous nei tupa nen hian in inkar ah eng amaw a awm chiang," Tracy-in a rawn ti ve zat, Hmingtei a lo nui sun sun, "in ho lutuk a," Ti sup a ka kut ṭang en a zungbun phawi mai ka tum chu Rempuia hmel ka mitthla ah a rawn lang, nui suk in muangchangin ka kut ka la let chu, "ahhhhh, a phawi ngamlo, sawiteh mizo nula tam zawkin an atchilh, hausa leh pa, hmelṭha bawk si nen a in inkar chu," Nui uar uar a min zawh na chu nui tawk tak a canteen a lut in ṭhut na awl hmasaber ka hmuh ah chuan ka ṭhu that


"Sawiteh," Sangtei'n hriat chak hmel fe a rawn tih laiin, "Doctor Zualte, hei hi tak tak a ni em?" kan lam pan a Doctor Hlupuii rawn tlan a a phone dawhkan a dah chuan chiang lutuk in min, "enge a?" Kan lo ti rual deuh hu hlawm chu, "heihi, pasal inei tawh a maw?" A tih chuan ka meng kawk


"Maw?" Rawn rual ti ṭhawt chuan a phone chu la kangin an en nghal, Tracy-i leh Sangtei'n mak tih fê a kâ âng phiau a min en a muangchang a ka hma a phone an rawn lek kan chu thil awmze hrelo zet a ka en chuan "enge?" Tih leh phone hmai ka en chu ka meng kawk, "Remruatpuia," Ka phun hluk


A IG account ah kan inneih na certificate leh Loicy-i nen a kan muhil lai pic a post chu thinrim zet in ka en ngawt ngawt, "Rendezvous Hotel nei tunu maw inih?" Mak antih zia chu an awih chiah bawk silo nen min en ṭhap, Hmingtei'n, "Doctor Rinhlua a rawn lut, phone dah ru," A rawn ti sep, ka mit ka chhing sawk, an ngaihdan engmah hi a diklo, Remruatpuia phiangsen hian engvang teh hrep a he thil hi post nge maw a nih hrep ni? A chaklo khawp ang


"Enge ni a?" Rinhlua'n kan bul a rawn ding pah a min en kual hlawm chung a atih chuan ka hma a tui bottle chu la in ka hawng rawk rawk



Hluipuii'n min melh hrawk chung a, Tracy-i kut a phone phih thla sawk chuan, "ka chaw ka va ei chhun zawm ange," Min melh ram ram pah a tih chuan ka thaw hak, "ei tur kan va lam ang," Tih leh Sangtei leh Hmingtei an tho nghal zat


Min endan chu ka hrethiam, an ngaihdan ang hi engmah a nilo takzet a ni, Tracy-in, Rinhlua ka bul a rawn ṭhu thla chu khawngaih hmel zet a en in, "Doctor, thil ka zawt angche aw?" Min rawn melh hrawk, hahthlak hian!!


"Enge ni a?" Rinhlua lah chuan nui vur vur in a ti let vat, engmah a hrethiamlo nge a hrethiamlo der zawk pawh ka hrelo a hepa pawh hi


"I hmelchhe duh leh hmangaih deuh khan a ruk in lo bum che in, pasal lo nei ru reng se engtin nge itih ang?" Hahthlak mange!! Ka rindan tawk vel chiah, min endan aṭang Rinhlua hi pasal nei reng chu a ngaizawng ah min ngai vek tih ka hria, Rinhlua emaw Remruatpuia emaw pawh nise an ngaih ang hi engmah a nilo takzet a ni



"Ummm, engtin nge antih kha(h) 'don't judge the book by its cover' antia ni lawm ni," Min rawn melh in a nui hak, kei erawh in ka en duh derlo, "enge i sawi awmzia?" Tracy-in a tih chuan nui var var a Hmingtei te ei tur rawn lak ban pahin, "pawn lam a a landan ang hi engkim a ni veklo ka tih duhna," Mi rawn nuih leh sun sun, ka thaw hak, Sangtei te leh midang ho chuan Rinhlua chu khawngaih hmel lutuk in an en, hahthlak hlawm hian, hepa lah hian ngaihbel tur tawk lek lek a chhan dan lah hi a thiam


Ngawi rengin ka hma a ei tur ka ei mawlh mawlh, "kalo han chho ang," Ka ei zawh rual a ka tih chuan Rinhlua'n min en haw in, "i puar hman a mi?" Mak ti fe a atih chuan ka bu nghat, ka pensawn nghal, canteen chhung a ṭhu ve ho chuan min en hrek hrek hlawm chu nuamlo ti lutuk in ka chhuahsan thuai thuai, Remruatpuia vang vek, a hmel nen, a chaklo khawp ang




Thinrim insum ṭeu a damdawiin chhung a lut chuan ka office lam ka pan hlawk hlawk, ka hma a Lucy-i rawn ding thut chu minti phu zawk, ka ding chawt a thaw hakin, "minti phu alawm," Tih leh kal pelh mai ka tum chu ngeiawm lutuk in a rawn nui hak, he nu pawh hi buaina a piang ah hian a inrawlh


"Heihi a ni lawm ni i duh?" A ner nawk, mit chhing sawk a melh chuan, "i sawi awmzia ka hrelo ang bawkin hnathawh na ah buaina zawng suh," Ti fak a pen mai ka tum chu ka ban puar lai a man a min phih let sawk in, "a nupui tak tak emaw i inti ange?" A ti leh hrawk, midang vei vak leh nurse ho chu an rawn hawi ṭhap


"Ka nih leh nihloh chu i hmu a ni lawm ni?" Ti hrawk a min vawn na phihsawk thla sawkin, "i hnathawh na ah chuan Professional tak a awmdan zir rawh, chuan i duh hun a piang a min khawih hi bansan angche, i kut ruh ti tliak tur in tha tam ka sên a ngailo a nia," Din hnaih a chiang lutuk a en chhuk a ti fak fak chuan nek kat nawk in ka pensawn nghal, ka hnunglam aṭang a ka hming a lam tuar tuar chu hawi let lo in, Chhantea min rawn kohna chu ka pan vat



"Doctor ICU no 105 hi," A rawn tih chuan ka tlan lut nghal, ka Stethoscope awrh lai a lungphu ngaithla in, "atropine min rawn lak rawh," Ka ti nghal zat, syringe chu ban in ka chiu nghal, a lungphu rawn pangai ta tial tial chu thaw hakin, "oxygen pe rih deuh rawh u," Tih sup chuan stethoscope awrh ṭha in ka chhuak nghal, Remruatpuia vang vek a ni, vei vak a piang in, min en hrek hrek ni, ka lu te hi ana ut ut mai, ka khua a sik dawn hial in ka hria
.
.
.
.
Nileng a damlo ka en a, ka buai hnu ah sana en in ka zi mar ar ar, ka duty hun a tawp chiah, ka lu na lutuk chu natchhawkna la in ka hmawm zauh, haw tur a ka insiam chu kawngkhar a rawn ri kharh kharh, Rinhlua a rawn dak chuan, "haw ila," A rawn ti sup, nui suk a bu nghat chuan ka bag la in ka chh huak nghal


Rempuia chu a buai a ni ngei ang, ka message pawh min reply loh dan ah, pawn lam pan a kan kaldun chu min en leh haw haw hlawm, an phun sep sep bawk, nuamlo ti zet a kun deuh lap a ka kal chu, "i ring ti ngil la kal rawh, i nunhlui ah kir tawh suh, i thiamloh engmah a awmlo," Kan naupan lai a a thusawi ang ṭhin chiah a rawn sawi chuan ka en vat, a nui var var, ka nui suk


Kan naupan lai pawh khan hetiang chiah hian min hrilh ṭhin, tumah ka hlauh a ngaihloh thu te pawh, ka ring ti ngil a ka kaldan ngai a kal chuan ka nui hak, ni e, heiai nasa a sawi neuh neuh na pawh ka tawk fo a lawm, mahse ka hnathawh pui te min en dan erawh nuam ka tihloh dan chu pui tak a ni



Damdawiin kawt kan thlen rualin, ka hma a suit dum ha palian ve tak a rawn ding dat, en chho haw chuan, "ka pi, Boss in Hotel ah hruai tur che in minti a," A rawn tih chuan ka thaw hak, a mah a rawn kal theihloh te chuan midang rawn tirh a ngaihloh tehlul nen


"Keimah in ka rawn kal mai ang," Ka ti sup, veivak ho lah chuan min en duh em em hlawm, "Zualte, zui la a fuh zawk ka ring," Rinhlua'n rawn tih tak ah chuan ka thaw hak, in thiamlo zet a melh chuan, "a nih naktuk ah kan in hmu dawn nia," Ka ti sep, bu nghatin, "zanah ka rawn bia angche," Tih leh taxi rawn tlan a pharding nghal, a kut a nat vang a ni ngei ang car a khalh loh ni


Ka bul a ding suit dum ha chu melh vakin car lam chu ka pan pawk pawk, he mihring, Remruatpuia zet hi chu, a chaklo nasa khawp ang, a mi rawn tirh chuan min rawn um in, ka luhna tur car kawngkhar a hawn ah chuan ka ṭhu lut, ka mit ka chhing nghal hmiah, ka mitmu leh bek na ut ut chu ka hmet pah bawk



"Ka pi kan thleng e," Tih ri ka hriat chuan ka meng diar diar, ka taksa na leh lu na lutuk chu ka lo muhil sek a ni ngei ang, in ti harh in ka kawr chu ka pawt mar, ka bag a lip gloss phawrh chuan ka hnawih nghal zat, darthlalang tereuhte ka neih chu phawrh a in en chuan ka nui suk, enge ka in chei vak, a chung ah ka thinrim khan ka hre sia, hahthlak hian!!! Ka mizia ka thlak ṭan ni te hian ka inhria


"He lam ah," Tih leh a kalna lam chu ka pan nghal, a Hotel hi ka kal ngai lem lo na in ka kal ve chhun a piang hian a ropui tulh tulh mai in nia ka hriat ni


Kawngkhar hnum hlarh mai leh lian zet mai chu ka luh theih nan a nam hawng, lawm thu sawi sep a, nui sang a ka pen luhrual in ka nu leh pa ka hmu nghal, ka meng deuh kawk bawk


Chuai mahin minhring tunu te nupa leh Rachel-i te ho nen a in hma tawn an lo ding chu a ni, ka luh rualin ka lam an rawn hawi ṭhap, Rempuia hmel chu chang tak a ni, enge thleng ka hrelo na in, min hnek thluk tawp duh hmel a pu


Kal hnai a ka nu leh pa inkar a ding chuan, Rachel-in ka nu leh pa te nen a min en chuan a nernawk nawk, "pa, nu enge in rawn tih dawn?" Ka ti sep


Ka nu in Rempuia melh zauhin, "zanriah kan ei ho tur thu a sawi a," A tih chuan rum lutuk in ka melh, engthil phiangsen nge tih a tum hi

Rachel-in nersawk a min en in, "hetiang mite nen a dawhkan khat min kilpui hi i tum tih i sawi em lo angchu tiraw Mam?" Ngeiawm leh ka nu leh pa hmusit tih hriat lutuk a ner sawk sawk a atih chuan ka kut ka hum ruh, ka luh tirh aṭang vawikhat pawh ka pa in minhring tunu ala melh lo hrim hrim tih ka hmu bawk

Ṭawng tum a ka che deuh chu ka nu in ka ban a rawn man vat, ka melh chuan a lu thing mat mat in, "chhang suh," Tih melh in min melh, rum lutuk in Rachel-i ka en


"Chhungkaw in hmuh khawm kan nei dawn a ni lawm ni?" Rempuia chuan nuilui sak a tih chuan min rawn melh in minhring tunu chu a melh leh hrawk, enge a hriat a, engvang a hethil ti hi nge a nih ka hrelo na in ka chhungte zahna pakhatmah an lantir lo chu, kei fanu fel tak ni ngailo leh midang fak rawn a fel ni ngailem lo hian ka pai dai mai mai thei der lo


"Ka pi zu ngawl i vei ve tih kalo hria a?" Ka nu rawn melh chuan a nui hak hak, "pawisa in rawn dilh belh dawn nge pek beisei a in rawn kal ka hre thiam mailo," Ngeiawm lutuk in a tih zawmzat, ka kut ruh lutuk in ka hum

"Rachel, i ṭawngkam avang khan ka nu lakah ngaihdam dil rawh," Ka ha ka seh ri bap bap, rum lutuk in ka melh bawk


"Maw? Keihian hetiang zu ngawl vei lak ah hian ngaihdam kandil ang maw? Ka â em ni?" Nui uar uar a, uar fahran a atih chhan ka nu chu a chhip aṭang a en thla leh dan dan, alam a pen hnai hret chuan, ka kiai lui sak, "hetiang zu ngawl vei hmeichhia hian, tu nu emaw anglo takin mahni fa hrin ngei, sumdawng nupui nei lai um san in, a kalsan ve lo tlat, chu chu, i chhuan em em i nu leh ka nu zu ngawl vei mai mai danglam na a ni," Chiang fek fawk a en chuan ka ti kha fak fak, a bul a nu leh pa ding chu ka melh hrawk hrawk bawk

"Eng maw i sawi? Hmangaihzual..." A tih tuar rualin ka biang a rawn thip zawk, ka thle sawk bawk, ka mittui a per chhak, ka mittui rawn far kauh chu khap per sawk sawk in, ka nui hul hak hak

"Tun a i thusawi avang khan ngaihdam dil rawh?" Minhring tunu thinrim zia chu a ṭawng a bah nak nak bakah a seh chilh nawk nawk bawk

Thaw hak a ka mittui khap let sak sak chuan ding mar a, ka kut hum ruh in Rachel-i ka beng let ve sawk, ka beng na lutuk a ni mahna a nu a nek nghal rawk rawk, ka kut phah chu ka biang ai mahin a sa in a thip zawk in ka ring, a mittui a tla nghal zawih zawih


"Engthil nge itih hi?" Ti tuar a Rempuia pa in min rawn ben a tum chu Rempuia'n a pa ban a vai tla sawk, "engthil nge itih Remruatpui, i nau kut a thlak tih i hria em?" A pa chuan a ti hrawk, Rempuia chu a ngawi run, min melh run run bawk, min ben ve mai pawisalo lutuk in a kut a hum ruh, hmeichhe kut thlak êm chu a ti a ni mahna, mahse ka hlau eihlo

Rum lutuk a melh let ram ram in, ka ring ka san vah, ka nu in ka ban a rawn vuanin, "chhuak teh ang Zualte, ngawihsan rawh," A aw a khur dar dar, ka nu leh pa te chuan an pai dai thei a ni mahna, kei chuan nilo ve, an pek chhuah ang zat chiah an dawng let tur a ni

Ka nui hul hak, "kan in rul tawk chiah tihna a nih kha, keipawh ka nu leh pa tan chuan an fanu duatlai ka ni ve tho tih hria angche u, ka Nu ohhhh Rempuia nen kan inneih chhan inhre tho a, Nu tih i ngailo tiraw? Aih, i phulo zawk, KA PI, heihi hre rawh, midang chung a i kut i lek hma in, i fanu biang ah vawi thum beng hmasa la, mi fate chung ah i kut i lek ngam chauh ang," Ti duah chuan thaw hawk in ka nu leh pa in kar a ding chuan an ban ah ka vuan ve ve


"Hma.. Hmangaihzual, nanghi," Kut khur dar dar min rawn kawk chuan a hmui pawh a khur dar dar, "kal ang u, helai ah hian mihring an awmlo, ei tur atan mihring thisen minpe ve palh ange, midang thisen hmang a in hnawh puar an nih hi," Ṭhen khum sak a tih leh ka nu leh pa in her pui in kawngkhar lam ka pan pui hlawk hlawk chu hnunglam aṭang, "Hmangaihzual," Ṭeng lutuk ka min hring tunu in a rawn tih chuan room chhung chu a khawk rum rum


Ding dat a hawilet in, "ka hming hi lam ve fo suh u, an sawi kha, 'kan hminglam fo tu te hi kan ngaina hma bik' tiin, chu chu he khawvel a ka hlauhber te zing a mi a ni," Hnunglam hawi zawk a thle bak a ka tih lehsak chuan ka nu leh ka pa in ka ban ah min pawt zauh zauh, ka nu leh pa hi eng ang mipawh nise an ni hmusih na dawng tur chuan an ropui mah mah, hmangaih na diktak leh an neih zawng zawng hmang a tun dinhmun min thlen tir tu an ni tlat



Room lian zet, mahse a chhung a sakawlh hlir awm khawmna aṭang ka nu leh pa ka chhuah pui rualin ka nu ka vawn na kut rawn phih sawkin, "min rawn zui rawh," Ti hrawih a Rempuia'n min pawt kal dawt dawt chu ka chum dawt dawt


Ka nu leh pa lam ka hawi chu mak tih hmel fê in minlo en, ka pa hmel ah chuan natna leh in thiamloh na a rawn lang zut zut bawk

"Minthlah rawh, ramhuai pa," Ka ti tuar tuar, min thlah mai dawnlo tih ka hriat avangin min vawn na kut chu tlan dawt dawt pahin ka seh vak, phun hluk a ding dawt chuan min thlah nghal zat, kha zawng a na a ni mahna


Rum lutuk a melhin, "i kut hmawr pawhin min khawih tawh suh angche," Kha lutuk a tih leh inher in pensawn ka tum chu min pawt leh hrawkin min pu nghal nawlh, rak tuar tuar a, a hnungzang a chum dawt dawt chuan ka ke ka lêng nawk nawk, ka mawng tam a beng ri thlawrh chuan, "awm ṭha hle hle rawn," A ti hrawih, phiangsen chuan, a duh duh a pawh kawi theih ka ni mai mai lo


A hma a min nawr luh tawh na, a office ni ngei tur a min pu lut chuan couch ah min thlak chawrh, ka ting awk thei, thinrim zet a ding nghal zat a rum lutuk a melh in, "hmangaih na kan chen dun avangin ka nun ah thu inei tihna a nilo a nia," Ka ti chhuak tuar, ka thinrim zia chu ka khur chhuak lo chauh, kan inkar a thil thleng vang a min thunun a tum a nih chuan a ti sual chhia va khawp ang


A nui hul hak, a rap awm lek lek, a hmai a tuai puat, "enge i duh?" A rawm ri chhuak hrawih chu hrethiamlo lutuk leh mit thip ram a melh chho khai chuan, "chu chu ka zawhna ni awm zawk tak tur a ni REMRUATPUI, ka nu leh pa te kha, nangni sakawlh chhungkua a hmusit tur hian enge in nih, enge in duh?" Ka thinrim lutuk chu a au in ka au khum tawn tawn

Ka dar tawn tawn rawn vuan a min thing nawk nawk chuan, "Hmangaihzual, engmah hrelo ang in awm tawhsuh, engthil phiangsen ka lak aṭang hian in pafa hian in duh?" A aw chu ṭeng tak a ni, ṭeng tak, room chhung chu sound proof a ni ngei ang, a khawk rum rum bawk


Ka thinphu dup dup in ka mit ka chhing sawk, ka taksa a khur chhuaklo chauh bawk, "i nu angchiah ini," Nui hul hak in min nam sawn nawk, ka kat nawk nawk, ka kut ka hum ruh, a thusawi awmzia chu mimawl ber pawhin kan hrethiam angchu, a mitmeng sen râm leh dur khup mai, thip em em a, mei alh ang mai a sen chhuak a min en na chu, min hring tunu hmel a en dan angchiah kha a ni, huat na, ten leh hmuhsih na a khatin min en


"Ka pa kha sawi tel miah suh," Ka seh chilh nawk nawk, au nghek ka tum vei nen, ka kaw chhung khur der der ah ka au chhuak thei tawh dêr lo, a nui leh huk, a nui pawh a nilo, kut minthlak chak, thlak thei silo insûm awm ngaihna hrelo a ni mah zawk

A kut a rawn vai thuak, "in in angchiah, i nu, i pa, in in angvek," Ner sawk sawk a, kha lutuk a a rawn tih leh chuan pen hnai hret a cho lutuk a mit thip râm mai a melh chho ar chuan, "a dik, an thisen ka ni a lawm, chutah buaina inei em ni?" Ka mittui a tla lo chauh, tu pawhin minhring tunu nen kan in an thu an sawi chuan ka paidai in, ka beng ka hup thei mai, mahse Remruatpuia kâ ngei aṭang a huatna leh ten na ri chhuak tel pah a, a sawi erawhin, thal zum leh hriam tak maiin ka lungphu zawn hi a rawn vit bur chat ang mai hian a na vawng vawng thung


"Hmangaihzual ti khan min en miahsuh, engthil phiangsen vang a min bum nge i nih? Enge i duh?" Ti leh hrawk a ka dar tawn tawn a rawn vuan leh chuan min thing leh nawk nawk, ka lu a rawn hai muai muai, ka mit ka chhing sawk


"Ka duh maw?" Ka mittui a rawn hnam ṭiam ṭiam, ka khap fak fak, heng sakawlh, thinlung pawh neilo ho hma ah hian ka mittui farkhat sawilo, a si them pawh hi ka ti tla mai mai dawnlo hi a ni tawp, ka mittui hi a hlu lutuk mah mah tlat a ni


Thinrim thaw ri hrawih hrawih a min en chu ka mit mittui vang a hnawm chap chuan ka en, ka mit thip zia chu, a phâk urh bawk, ka lu hai lutuk chu min thlah thut se chuan ka tlu tawp ngei ang


Ka nui lui hak hak, " ka duh chu maw?" Kha lutuk in ka sawi nawn leh, a hmel dur zia chu chu ṭo haw tur ang mai a ni, "inṭhen ka duh, i chiang em? I nun aṭang a hla thei angber a awm ka duh, chu chu a ni lawm ni hriat i duh?" A tawp lam chu ka au tuar tuar, a hmel chu a ai a nasa in a dur nghal khup khup


Min pawhsawm vek duh hmel a pu, min melh khur khur in a thaw ri hrawih hrawih bawk, lungphu ṭha lo deuh tan phei chuan lungphu chawl a thih tawp tham a ni, diktak chuan keipawh hian ka hlau, ka hmul thi a ding sur sur in ka kaw chhung mai nilo, ka taksa a rawn khur chhuaklo chauh


"Hmangaihzual, chu chu a thleng ngailo ang," Ti hrawih a alam a min pawtbet a minfawh a tum chu ka thle sawn vat, ka tha neih zawng zawng sawm khawm a a awm a namsawn dawrh chuan ka beng ṭhuai, a thle bak duh chauh a ni, a hmai a chang lutuk nge ka kut ka hum ruh lutuk vang zawk ka kut a na vawng vawng


Thaw la kawk kawk a mittui tling pam a en chuan, "i kut hmawr pawhin min khawih tawh suh angche," Kha zet a tih chhuak nawk nawk in, nek sawkin kawngkhar hawng ṭhuai in ka pen chhuak nghal, ka pa kawngkhar rawn hawn tum nen kan in tawk chat, "pa," Ka ti sep


Room chhunglam Rempuia ding ngawi ngul leh thinrim hmel dur khup chu a melh zauh, "ka hruai haw angche u," Ka ti sep, ka kut chu ala thip veng veng, "i ṭha em?" Ka nu in min ngaihtuah hmel zet a a rawn tih chuan bu nghat in, "kal ru ka thlah angche u," Tih leh ka pawt nghal sawk sawk, ka pa hmel ah chuan Rempuia lak ah a lungawilo hle tih alang


Mahse a harhfim lai erawhin ka pa chuan buaina pun lun turin engmah a sawi dawnlo tih ka hria, tun a ka duh ber a ni bawk, ka mittui rawn tla tur chu ka khap sak sak, ka ṭah chhuah zia chu pui tak a ni, hmuhsih na chu ka tawk fo tawh, mahse kan tlukluh na ber a kan ngaihten min hmuhsih erawh a dan a dang daih, hmun tamtak a vih ang mai a ni, engtik lai aṭang khan nge Rempuia hi ka lo rin chhan tak em em pawh ka hrelo


Taxi rawn tlan chu phar in, kawngkhar ka hawn sak, "lut ru, Rempuia rualin ka haw ang keichu," Ka ti ve tak na in ka tumlo nasa lutuk, "in ṭha ang maw?" Ka nu chuan a rawn ti leh, "zanin chu inlam ah rawn riak maila," Ka pa a vawikhat nan a rawn ṭawng ve dût chu nui lui sakin, "engmah a nilo, kal ru," Tih leh ka nu chu ka nawr lut rawk rawk


Ka pa ṭhu lut tur in min en leh vang vang in, "in enkawl ṭha angche," Ti sup chuan a ṭhu lut ve nghal, an tlan chhuak chu en reng in ka mittui a rawn hnam ṭiam ṭiam, ka biang a rawn lum thla pup, muangchang a kawngpui lam pan in ke in ka kal chhat chhat, khawilam nge ka pan dawn ka hrelo na in, keimah a awm a, boruak thianghlim hip ka mamawh zia erawh ka hre thung


***Riya***