THE DOCTOR
EPISODE 25
By; Nunui franky hmar ..
[Thil engkim hi chhan neiin a thleng vek thin, entir nan ilo piang a , ka ta ni turin ... NFh]
AN; Khua a lum reuh lutuk a, story mood ah pawh a chen theih loh, mahse min lo chhiar sak leh hram hram ru aw, a tawp kan hnaih tial tial a nia te ti vel ila , comments lamah in ngaihdan te lo sawi ula chuan in ngaihmawh zawng leh chuti chuan ni se tih emaw a ngaiahnawm tih thu pawh, min motivate tu in ni a, in tel lo chuan engmah ka ni lo, readers fel tak tak ka nei che u hi ka vannei ka inti hle , zantin in tan darkar 3/4 chuang story type nan ka hmang thin a , in tih ve theih tawk, ads click leh feedback min pek kha chu a harsa lovang tiru, ngaihnawm ti taka in lo chhiar leh theuh ka beisei.
DEBORAH POV...
''Ultra-sound tih reng ringawt hi'' Nunui chu a phun nang nang, Tim-a ka hruai a, scooty ka khalh peih loh avangin ka sawm a, engmah tihtur a nei lo bawk nen .
Ka sawi hmaih loh tur chu Nunui hi a graduate na a rei tawh a , tunah chuan Theodore-a dawr pakhat ah sales manager in a awm a, Theo a zin chuan a chawl ve tawp zel ama thu in, boss bialnu, nupui ni mai tur angin an ngai vek a , an hlau a, tuman an sawisel ngam ngai lo.
'' Hospital rim nam rum rum hi a ninawm e '' Tim-a chu a kai a , an hnungah ka zui dat dat , fa te a neih ve hunah a vin phar nasa thin ngawtin ka ring a ni.
Gynae lamah kan lut a , min lo wish sap sap a, Tim pawhin lawm a hlawh hle a , mahse a dam kawr deuh chauh a, a mi nel loh bulah chuan a fel viau lo.
'' A rimtui ka lo ti asin'' rum zetin min melh a, ka nui suk, kei ai pawhin a puitling lo leh chhawng a ni.
Khumah ka mu a, ka dul puar ve ak tawh chu ka hlim a , Tim-a chuan min en kar a , ultra-sound tih lai chuan a ngawi reng a, doctor in ka naute a pangngai thu leh thil tha ei tura min chah hnu ah chuan kan chhuak a ,
'' Ama, bean mu ang deuh kha ka nau tur ami'' ka nui hak.
'' Um nie, nangpawh i tet lai chuan bean mu ang khan i awm thin alawm'' a ban te, a ke te chu a en vel a , a duhloh hmel hle.
'' Canteen ah hian min lo nghak ula, office-ah ka han chho zuai anga, ka lo chhuk vat ang'' Tim chuan in a siam ni lo, hmun danga siam a eichak hle a, Nunui nen chuan ka kalsan a , casualty ka kalpel tur chu ka ding dat a , ka lut ta nge nge .
Ka phawk fo tawh, nurse duty thenkhat leh doctor duty hian checker khelh hi an hrat hle a , damlo an awm emaw awm lo emaw chhun eng ah em em chuan a mawi lo, miin kan damdawi in hi engtin nge an sawi ang .
'' Working hour-ah in khel ka hmuh leh rual rual in banna lehkha kuta ziak dawn ka lo in beisei ang'' an tho sang sang a,ngaihdam min dil a, casualty ah dam lo tumah an awm lo, a kawt vel ah erawh in entir tur leh dam lo kan vel te an awm nuk, in kan hun a ni tep tawh bawk a.
'' Tinge a '' Remruata ward round zo ni awm tak chu a rawn lut a, an thil khelh dah fel vel lai chu a rawn hmu ve chiah bawk, a thaw hak a , min rawn melh leh zuk bawk, mahse engmah a sawi lo.
An dah fel hnu chuan ka kalsan a, ka pasal office , ka office ni hrih ah chuan lut in ka hming sign leh hospital seal a ngaih na te chu ka en kual a , dawhkan sir a lehkha them chu ka hmuh hmaih lo, ka keu pharh a, mihring kutziak ngei a ni, ka pasal bkut ziak tih ka chiang bawk.
'' Ka nupui duhtak, ka ngai tawh che, kan fapa pawh, lo in enkawl tha rawh aw, ka rawn haw hunah i duhtawkin min hau thei ang, ka hmangaih che ... Husband ...] '' ka nui ver ver a , mahse ka nui rei lo, zawhna ka in zawt zui nghal, he lehkha them hi a ziah ngei a ni a, a kutziak ngei a ni, USA ah a awm thu an sawi a, surgery ti tur khan, a nih si chuan tinge a kutziak lehkhathem hi ka dawhkan ah a lo awm daih theih, nge ni a mi tu emaw in min bum an tum zawk, ka hawi kual a, office chhungah tumah ka hmu lo, ngaih ngam vak lovin ka in dah fel a , office ka chhuah san a .
Corridoor ka pan thlak lai chuan Johnson bag ak chunga phone hmang mek chu ka hmu a, a chhuah a hun tawh em ni, nge hepa hi tlanchhuah a tum leh ringawt tawh .
'' Johnson'' ka au vak a , a rawn hawi a, min hmu thut chu a hrilh hai hmel hle, a bul ka thleng a, a phone chu a off zui nghal a .
'' I chhuak thei tawh mi ''
'' Yup, hospital rim hi ka hne tawh lutuk'' ka lu ka bu nghat, anih chuan khawiah nge a chhungte emaw a mah lo lam tura rawn kal te an awm lovemni, ngati amah in a in buaipui vek, bakah khang a awm chhung khan tumah in an rawn tlawh ngai pawh ka hre hauh lo.
'' I haw hma thei siah'' a nui leh vur vur tawh, ka nui ve hak a , kan kal rual zel a, reception counter zawn ka thleng a , ka ding a , a ni pawh a ding ve a .
'' Anih ka kalsan ang che, ka fapa leh ka thiannu in min nghak reng tawh a ''
'' Oh a nih chu , kan in hmuh leh thuai ka beisei'' mit min siai suk, naupang chhia lutuk.
'' Keipawh'' canteen lam ka pan san ta daih a , thil an lo ei mek tawh a, dawhkan ah chuan eitur a in chhawp hnem hle, ei an thei dun mange, Tim-a pawhin thil a ei ve thei hle a , hmuhnawm tak a ni, a nu leh pa hi min chhun em a ei theih lamah .
'' Ama , haw hunah ice-cream tlem te min lei la '' Nunui nen chuan kan in melh a ,
'' I dam lo leh palh ag bawihpui, i dam cian hunah aw '' a hmui a ti pawrh deuh tarh a , engkim hian a pa min hriatchhuah tir vek a ni, Saitluangpuia kha .
Thil te kan ei zo a , kan haw a , in kan thleng a, Tim-a chu a pi leh pu leng tur a ngen tlat avangin an hruai ve ta nge nge . Titur hre lovin ka tei ka tei a, mut tawp ka peih/paih si lo, garrage-ah ka lut a , Tluangpuia car te, bullet te chu ka en a , a din mai mai na a rei tawh takzet , nui sukin inchhungah ka tlan lut a , kawngkhar pui bula box ah chuan ka hai rak rak a, bulet chahbi, a chain a RE tih in chhu kulh chu ka la chhuak a , Tluangpuian hria se chu engtin nge min tih ang ka hre lo, ka start a , thla 4 dawn kan khawih che tawh lo, mahse a la in start ve thei e , a paw thuk chu ka hru fai a , kawr loose lam deuh ka ha a , garrage atangin ka awr chhuak zal zal a .
Raipuar tan khalh a tha lo tih ka hria, mahse tla 4 a ni tawh a , a pawi em em ka ring tawh lo, bakah Scooty ka khalh ka khalh tawh tho. Ka lawn a , nui ver ver in a ka khalh chuak a , mahse ka khalh thui lo, ka in turin a ka haw leh vat, ka tluk pui ka hlau deuh , car pakhat hian min rawn lehpel fua a , ka hma ah a rawn ding a, ka su teuh he, a khalh tha thiam lo emawni.
'' Deborah leh '' Johnson chu a rawn chhuk a, damdawiin atang in a chhuah vangin heipawh chu a hirha kual tihna a mi .
'''Tinge khatiang te i khalh'' ka nui suk.
'' Kan pa awm loh hlan in test drive ka lo nei a '' tiin ka pasal royal enfield chhuak thar ber, mizoram-ah pawh pahnih vel chiah awm atih chu duat zetin ka tuai a , ani erawh min en vung vung thung.
'' Khawiah nge in in a awm, haw vat rawh, raipuar lehnghal''
'' Min vin suh'' tinge min vin ve ringawt.
'' Vin a ni lo, hmeichhia lehnghal in khatiang khalh kha a mawi loh bakah raipuar i na, a tha lo'' bullet chu ka start a ,
'' Niah, kan in chu khilai deuh khi a na, khawiah nge i kal dawn reng reng a ''
'' Kan in awm khitah deuh khian a nia, nakin ah ka rawn la leng ang, i pasal awm loh hlan in'' mit min siai zauh in a car dahna a pan a , ka melh nghek ringawt, muangchangin ka khalh a , ka hnungah a rawn tlan a , in ka thleng a, gate ah ka tlan luh hma in ka bye bye a , kei min en lovin bullet a en daih thung, ka tluk ra pui a hlau tihna nge .
Ka hawi nasat lutuk vangin gate sir chu ka tai hram a, a ri hrawih a, phawk zetin Johnson chu a rawn hawi let a , ka nui mai a, Tluangpuia hriatchhuah hma in ka tih reh vat a ngai dawn a ni, chuti lo chu min khai zai mai ang .
Ka nu in min rawn bia a traffic jam nasat thu leh an rawn haw har deuh tur thu a rawn sawi a , ka awmpui te puih in choka ah ka thu ve mai mai a .
Ka message ring tone vang chuan ka phone ka ban a , whatsapp private mesaage ani, ka dawng khat fu asin haha .
'' Keimah Tuangpuia , kan inhmu thei angem'' lawm vangin ka tre that , choka ka chhuahsan vat a , kar tawpa chiah a lo haw dawn emaw ka ti kha a nia .
'' Tinge min lo biak vat loh mawh''
'' Engkim a bul atangin ka hrilh vek ang che , folkland park piah a kan awm dun thn na kha ila hria em'' ka nui suk, tinge ka theihngilh ang .
'' Ka hria e, ka rawn kal ag ''
'' Deborah tumah i hrilh thei lo ania, ka thiante leh ka chhungte pawh'' mak ka ti ru hle nangin ka pasal hmuh ka chak tawh em avangin ka insiam a, ngaih thatloh nan ka hman lo.
Kan awmpui te bulah ka chhuah lawk tur thu ka hril a , fimkhur takin Tluangpuia min nghah na lam chu ka pan a .
A hmun ka thleng a, tlem a fal deuh laiah chuan Swift siver colour hi a lo ding a , a glass a dum vek avangin a chhungah tunge awm ka hre lo, ka side a , glass chu ka kik a , a chhunga mipa thu ka hmuh chuan ka thawk a tawp dawn in ka hria , ka meng phar awn awn a ,
'' Keimah Saitluangpuia '' car chhung a mipa hmeltha tak, mitmeng thip ram mai, palian zet chu ka pasal maw, ka ring thei lo, ka dinna ngai ah ka ding reng , surgery a ti tih ka hria , mahse tinge heti em em a a hmel a danglam ni.
'' Nangmah tak tak i ni em'' ka tih chuan a lu a bu nghat.
'' Deborah lo lut la, kan sawi fel dawn nia, miin min hmuh ka duh hrih lo ka tih kha '' harh chhuak zawk in motor chhungah ka lut a , thil rim na zet ka hip lut hrawk a , a perfume hman duh a thlak ta tihna emni,
'' I hmel a dang hlak tawh '' ka en vang vang a , a mit meng, a hnar, a hmui engkim ka hre thei lo, ka kut a rawn chelh a .
'' Min ring rawh Deborah keimah ngei ka ni, i pasal '' min pawt hnai a , min fawh a tum chuan ka lo dang vat .
'' Rin che ka duh alawm, mahse hun ka mamawh deuh i ti lo maw '' hnuailam ka bih a , ka kut a rawn chelh na chu ka en a , khawiah nge kan inneih zungbun.
'' Khawnge kan inneih zungbun '' a mitmeng ah engemawni a rawn lang zawk, ka hrethiam lo.
'' Ka inbual in ka phelh a , ka lo bun theihngilh daih a ni'' ka lu ka bu nghat, ka pasal ka hriat thin kha chuan a phelh ngai hauh si lo. Engkim a tihna ah a bun reng zel a nih kha .
'' Tinge i bihruk a ngaih, tunge i hlauh a, case pawh an hnukdawk leh daih tawh si a '' a mitah chiang takin ka en reng a , an pian hmang erawh Tluangpuia nen an in ang fu a, mahse ka chhungril ah hian rinhlelhna a awm tlat si a ni, ka pasal tak , Tluangpuia ngei a ni em tih nen .
'' Nakin ah engkim ka hrilh vek ang che, hospital ilo enkawl tha em'' ka nui hak, a bullet ka tai ran kha ka mitthla ah a rawn lang nghal bawk.
'' Um tha mah mah, lo haw vat rawh, Tim-a pawn a ngai tawh lutuk che '' a lu a bu nghut a ,
'' Hospital seal vel kha nakin ah ka mamawh dawn a , min rawn ken dawn nia aw , Lunglei lamah kan mamawh dawn a '' a nui suk a , a ha ui ngo a rawn lang, Tluangpuia khan ha ui ngo a nei ve .
'' Awle , mahse ka nu leh pa te rawn hmuh i tum lo a mi''
'' Ka sawi tawh kha , tumah ka hriattir thei hrih lo ka lo inlan leh thu hi, ka thiantha te ngei pawh, tumah i hrilh lovang tiraw'' a tih chuan ka lu ka bu nghat a , ka chal ah min rawn fawp zawk a , ka dul ah a kut a rawn nghat leh a .
'' Ka tihpalh aw, heng hun harsa tak ka tawh tir che vang hian, mahse heng ka thiltih te hi chhan nei veka ka ti ani tih min hriatsak rawh aw '' a mitmeng leh chetzia ah chuan dawt reng a sawi lo tih ka hria a ni, ka lu ka bu leh nghat a , ngawi rengin kan in lam panin ka in khalh haw a , ka ngaih erawh a tha lo , tinge a chhan ka hre lo.
TIMOTHY POV[short]
'' Boss min ringhlel love , chuan seal pawh a rawn keng vat ang '' ka nui suk, Saitluangpuia, ka unaupa kha a rawn let tep thu ka hria, chutah acid vang khan surgery a ti tih pawh ka hria , ka nui suk, a nupui hma ah a inlan hma in ruahman na dang ka siam a, a nupui hi ka neih theih loh chuan a sumdawnna hi ka neih sak vek ang, a hospital leh engkim, min tihchiat vek ang bawkin .
SAITLUANGPUIA POV...
''Lalruatkim leh'' ka car stearing chu ka chum pawp, tunah khan ka bullet kha a khalh chhuak a, ka in gate ah a luh pahin a tai zui a nih kha , min hrechhuak ang tih ka hlauh em avangin engtin mah ka ti lo a nih kha, a dul a puar tawh a , khatiang khah chi a ni tawh lo, keimah tihloh chu.
Kan in lamah tlan lo ila chu Deborah kha ka hmu hauh lovang, eng rilru pu a ka bullet lo khalh chuak ngawt nge a nih, test drive a , a hmel khawngaihthlak awm zet , gate a a tai ran lai vel hmel kha ka mitthla ah a cham a , duhawm lutuk, kan fapa pawhin a chhun takzet .
Ka nu leh pa chu Deborah hriat loh in ka hmu dawn a , mahse ka pa in Tim-an a ngen tlat thu a sawi si a , an rawn hruai tel a , min hre lo tih min en dan atangin ka hrethiam , ka nu pawhin mak a ti hle .
'' Papa bulah lo kal rawh le my boy '' ka ban ka phar a , ka pa chuan a lo ti ve mek bawk a , a awih loh hmel hle a , nie ka hmel a danglam tawh em a tin ni, ka nghawngah min kuah a , ka pawm nawlh a .
'' Keima papa maw i nih'' a tih chuan ka lu ka bu nghat a .
'' Ama ilo enkawl tha em , i nau nen'' ka tih chuan a nui ta ver ver a , mahse ka sam a la khawih niap niap tho,
'' Um, ama in ka dam hunah ice-cream tam deuh min lei dawn a , mahse sawi miah suh aw '' ka nui hak, ka fapa ka hnaih loh naa rei tawh takzet, ka pawm vang vang a , ka pa chuan engkim a hriat tawh avangin engtin mah a awm lo, mahse ka nu hi, chik takin min la e reng tho, Deborah in a hriat hunah engtin tak ti ang maw, Johnson ti a a hriat kha a pasal a lo ni daih dawn si a .
'' I hmel a dang vek a , ka fapa i ni tih pawh ka hrethei tawh lo'' ka hmai te chu a rawn khawih a , ka nui suk thung .
'' Ka la awih the lo, ka fapa i nih takzet chuan i pa hriat loh a kan pahnih chiaha kan thuruk kha enge a nih sawi rawh '' ka pa chu ka va melh zuk a , a mithmul a ti che ak thung , ka nu ka melh leh a .
'' Ka nu, ka sawi ang maw '' a lu a bu nghat, Tim-a lu ah ka fawp zauh a .
'' Ka pa zin hlanin chatthla khawpin zu kan in dun kha ''
'' Enga'' ka pa chuan a rawn ti a , ka nu chu ka melh a , a nui ver ver a , min rawn kuah a .
'' Ka fapa ngei i ni e , kan thuruk erawh a him zo ta lo a nih hi '' kan nui dar dar a, ka nupui tel ve se ka ti takzet mahse Timothy thil tum ka hrechhuak tep a , ka inlan vat chuan hre lovi
to be cont ....
THE DOCTOR EPISODE 25 By: Nunuifranky
Moderator: writers
ADVERTISEMENT (A hnuai a milem hi a nia hmeh zeuh tur chu)