Sewako Higher Secondary School (SHSS) Japanese pa leh Mizo pa in a an din, Mi hosa school an tih mai ah chuan School naupang te chu an in thelh suau suau a, a then lan nalh loh hlau a lo in chei mawlh mawlh te, a then lo in hnial bawng bawng te, kil khat a lo thu ngawi reng te, pawn a thu a lo ti ti pawl te nen, a then class room pan mek te nen, an van in daih thin em, Studen president Shino chu corridor ah chuan a kal phei hlawk hlawk a, a ding chawt a, "Nang kha" ati zui tuarh a, a hma a mipa lo ding chu rum zet chuan a melh zui kha kha a, dan keng kawh ah hi chuan a tha thak thak ania, Shino hi chu "Prez, ilo tha maw?" Ngainat awm hmel zet chuan dam diai in Sharon chuan alo ti zat a, a chhan dan a ham haih tih hriat zet chuan "Engmaw?" Shino chuan alo ti hu a, "Kan President hi a that leh that loh ka zawt mai nia, chhan theih loh chuan a pawi chuang lo" Sharon chuan mei net zet chuan a lo tih khum a,a tukhum ah chuan a kut a suih at a, a kal san zui nghal daih a, "Nang beng tla lo pa, I uniform kha bilh lut vat rawh" a ti tuarh a, a per deuh tan bawk a, "Chu chu sawi ka tum a sin le" ati zui deuh nuah nuah bawk a, "Shino, Awii, Shino" Corridor a hman hmawh zet a rawn tlan phei mek Estheri lam chu Shino chuan a hawi zui zat a, "Esther" ati sap a, "Shino, buaina ka tawk ania eng tin nge ka tih dawn, mawh, mawh, mawh" tih mawlh mawlh pah chuan Esther-i chuan Shino chu a bawh zui nghal chung chung a, "Ah, Esther, khawi teh, enge thleng mawh?" tih pah chuan a nem let tang tang a, Esther chuan 'ka hrilh duh ngem le, a buai tawh si a, ka tih buai phah belh mai mai ang a' tih rilruk neuh neuh pah chuan a thlah riai riai a, a kut chu a khalh niap niap a, "Ih maw, Shino" ati sap a, a hmel chu a thu tak hmel sawt a, "Imm sawi rawh" Shino chuan alo ti vat a, "Ih maw, uite ka nei thar a, mahse a e reng a, engtin nge ka tih dawn, a ek a uh theih si, a nu in a ek rim a hriat vaih chuan min dah bo sak leh mai ang, Shino, min pui rawh engtin nge ka tih ang" atawp lam chu a au lo chauh ani ber, Shino chu a tawlh dawrh a, "Chu chu maw, buaina chu" ati that a, "Aw, buaina ani, a mang ang thlak tak zet" Esther-i chuan alo ti leh chiam a, "Ah, nia, ih, aaa, ni tho mai" Shino chuan alo ti nawi niah a, "Buaina tur enge awm a, Pet store ah kal mai ta che" tih ri ah chuan an hawi rual thawt a, an piah lawk a mipa lo ding chu an en dun ha a, "Eh eng maw?" Esther-i chuan a ti bah nak a, Shino chu muang chang leh a ruk thei ang ber in Esther-i lak a ta chu a lo tawlh sawn ve hrat hrat bawk a, "Pet Store ah I mamawh a awm vek kal la lei mai rawh" Reubena chuan alo ti leh a, "Ani maw, khawi ah nge chu chu awm, a awm vek maw, a chaw te, a mutna tur te, a kawr te, a ngawng awrh te, a kaihna tur te ka duh a, a awm vek ang maw?" Tih pah chuan Esther-i chuan Reubena chu ngaihsan hmel zet in a hnaih nghal ruak a, a lawm hmel te chu a meng de sawr sawr thei hial a, "A awm aniang ka sawi mai, ninawm lutuk" tih hluk pah chuan Reubena chu a in her zui hmak a, a ipte zen chung chuan a kal sawn zui daih a,"Hei, Rem" tih pah chuan a thian pa chu a dar ah chuan ava vuan chut a, "Ka ni lo, ka ta ni lo, Monitor" thlawk deuh dawr pah chuan a Rema chuan alo ti nghal mawlh mawlh a, "Eng maw, ita ni lo a, enge ilo en a?" Reubena chuan alo ti let hu a, Rema chuan "Engmah ani lo, Class monitor emaw ka ti che lawm" thaw veng huai ni awm tak hian alo tia, "Nang hi, I p0rn magazine ilo chhiat leh tawh ni maw?" Reubena chuan a ti chhuak phawng a, "Sawi suh" Reman a tih rual chuan "Nang mi hurherhpa, eng maw ilo chhiat leh tak a" rawn tih tuarh leh a biang ri chawk chu a in zui nghal ani mai, "A naaahhhhh" Reman a ti ri in a zui nghal bawk a, a let thla tawp a, "Tei" tlawn hmel zet chuan a ti zui nghal a, a thu chhuak leh taih taih a, "Nang mi tenawm leh awm herh, chhiar tawh suh ka ti che ni lawm ni" Tei chuan a ti leh tuarh a, "Ih ka chhiar lo, Ka thianpa pakhat ta ania, min ken tir a, aw, min ken tir a, eng lo, ka en chhin mai mai lawm" Rema chuan Tei hlauh hmel zet chuan alo ti bah nawk nawk a, Reubena chu alo nui kur kur a, "Tu I thian maw ni a?" Tei chuan alo ti that a, a rin loh Zia a hmel ah a lang Chiang hle mai, "Ih, ih, ka thian, amah" a ti khur hlawk hlawk a, "Kei ma ta ni e, Boss, I kid hi chuan thiam lohna a nei lo, ngai dam rawh aw" Reubena chuan a thianpa chu alo chhan vat a, a thianpa in a chhan tih a hriat ve leh chuan "Nia ka ta pawh ani lo, ata a lawm ka ken sak" Rema chuan a lo ti pawr ve hlur a, "A that chu, han chhiar leh vaih teh, I thi ani mai" Tei chuan hlauh awm zet a tih khum pah chuan a kut chu a him ri tuah tuah a, a kal san zui nghal a, "I crush hi chu a hlauhawm ve Chiang ani tiraw?" Tih pah chuan Reubena chu a nui zui kur kur a, "A thinrim hian a duhawm zual ka ti" Rema chuan Tei kal liam mek chu duh tih hriat zet hian a thlir ngawih ngawih a, Tei chu a thut na ah chuan a thu hnawk a, a bul a thu chu a en a, "Zorin assignment kha iti em?" Ati zui sur sur a, "Aw ti e" alo ti sap a, "Ka lo en" a ti leh zat a, "Awle" alo ti leh sap a, a pe a, "Washroom ah kan kal ange aw" a ti zui sep sep a, "Aw kal rawh, ka lawm e aw" Tei chuan alo ti zat a, Zorini chu alo bu nghat a, a kal zui hnek hnek a, "Eh, Zo, Zorin" bah nawk a ti tu chu a muang chang in a en chho he a.
"Aw Senior, enge ni?" A ti zui sap a, "Khawnge I kal dawn?" Johna chuan lai zet chuan a ti lawi rut a, "Washroom ah" alo ti sap a, "Ah ih, a, anih chu zun nuam le, ah ni lo, aw ni hman nuam, oh, eng lo" Johna chuan a ti buh nuaih a, "Ka lawm e, Senior" Zorini chuan alo ti sap a, "Lo kal thuai teh" tih pah chuan Johna chu a thian Malvin chuan a rawn kuah nawk a, a kal pui zui dawr dawr a, "Oh, heih" a ti chho nawk nawk a, "I zei lo thei lutuk mai, mipa an dang a awk ngai lo tiang khan an tawng buh" a sawi zawh hman chuan "Oh, khaih" ati zui thawt a, a hma a hmeichhe thu sawp niai mai chu a en reng a, chu nu chu a rawn tho a, "Ka tih pah ani min ngai dam rawh, kawng ka lo en lo a ka tih palh ani" rawn din chhuah pah chuan a ti nghal mawlh mawlh a, "Ah, e,eh Engmaw?" Malvin chuan alo ti buh nuih a, "Ka tih palh ani, ka tih palh lutuk" tih malh mawlh pah chuan chunu chu a tlan zui daih a, "Kah, kha, kha nu kha enge a hriat a" ati chhuak thei hram a, "Jo-i kha maw, ani chu kha tiang reng kha ani mai, Engtik lai pawn ngaihdam a dil reng zel a lawm, a in thlahrung em em reng zel" Johna chuan alo ti vat a, "A à deuh ami?" Malvin chuan alo ti leh hram a, "Teuh nang a" Johna chuan alo ti chiam a, "Hei nang ni pahnih kha, rawn hman hmawh ta che u" ti tu lam chu an hawi vat a, "Kan lo kal vice Prez" an ti zui zat a, Sewako Student Vice President Philipa, chuan "President hnen ah hehi va pe ula, chuan in lo pui nghal dawn nia" tih pah chuan paper a pe a, a kal san zui nghal daih a, "Awle Vice Prez" an lo ti rual thawt a.
Kimkim chu School hung na cement bang chhah zet chuan a ding a, a zial chu tui ti zet hian a zu a a si hlap hlap a, "He lai ah hian zial zuk phal ani lo a sin" tih ri ah chuan "Awi Lalpa" tih thawt pah in a zuang zui dawrh a, "Vice President" a ti tial zui rian a, Philipa chuan chiang zet hian alo en reng a, muang chang chuan a pan phei a, a zial zuk lai chu lak sak in bang ah chuan a nawr hlum a, dusbin ah chuan a paih lut zui nghal a, "Enge I tih phiangsen a?" Kimkimi chuan alo ti thawt a, "I hmuh ang khan I zial zuk lai ka paih sak che" Philipa chuan a muang fan raih hian alo ti a, "Tu thu in nge I paih ve ringawt a, nang mihrinna nei lo pa" alo ti leh that a, "Mihring ka ang lo iti em ni?" Philipa chuan alo ti let sup a, Kimkimi chu ngei awm zet hian alo nui hak a, "Ang I in tia mi, lumna nei lo, mi ngaihzawn dan pawh thiam lo, ini tih chu tu pawn an hre vek" alo ti khum kher a, "In ngaihzawn dan chu ka hria a, hmeichhia ah hian han tuipui vak tur ka hmu lo mai zawk ani" Philipa chuan alo ti dam leh diai a, "Ehe, gay ini tih min hrilh I tum ami a" Kimkimi chuan ngeiawm zet in alo ti a, "Kha chu ka test vek tawh a ka ni lo" Philipa chuan alo ti leh sup a, "Enga test a?". Kimkimi chuan alo ti that a, " Aw ka test tawh, I fiah duh em ni?" Philipa chuan alo ti sam leh et a, "Fiah a nang khan mi fawh dan pawh I thiam hlei lawng e, fiah tur te chuan min ti lo mai teh" hmusit zet hian alo tih khum a, "Chu pawh ka thiam lutuk" Philipa chuan alo ti leh sup a, "Kal bo mai teh, I hmel" tawng lai a tawp chawt a, a meng zau kawk a, Philipan a hmui a la sawn chiah chu " Engthil nge itih a?" A ti thawt a, "Mi dang ah chuan han hlim pui tur ka hmu ngai lo a, mahse I ngaih ven tlak riau in ka hria a, ka hmangaih theih che ka ring tlat a" Philipa chuan alo ti sup sup a, "Mahse I mei zial zuk I sim chauh in" a ti zui sup a, a kal zui daih a, Kimkimi chu hamhaih zet in a thu thla hnawk a.
Council room kawngkhar chu a rawn in hawng thuai a, "Prez, 2 B room ah an in sual ania" thaw hlawp hlawp chung in mipa pa khat hian a rawn ti a, Shino chuan "Enga" tih leh thawh a rual zui nghal a, "Chu mi awm tha duh lo ho chu" tih pah chuan hman hmawh zet in a tlan zui nghal a, 2 B room ah chuan a lut a, "Hei nang ni pahnih kha" ati nghal thawt a, an in sual lai chu an tawp dun chawt a, hlau tih hriat zet hian "Prez" an ti rual thawt a, "Eheh, Prez ilo kal a lawm, kan lo in buan fiam a" pakhat chuan hlau zet hian alo ti khur dawr dawr a, "Nia Prez, kan lo in fiam a" pakhat chuan alo ti leh vat bawk a, "In fiam a, in in fiam amaw, in fiam nuam in ti ami?" tih pah chuan a pan hnai hriau hriau a, an lo bek hrat hrat a, "Aw Prez kan in fiam mai mai a, in fiam hi a nuam kan tia" pakhat chuan nuih tlawn har har pah chuan alo ti a, "Nih, ni, ni e, Prez kan in fiam" Pakhat chuan alo ti bah nawk bawk a, "Anih chuan ka ho in in fiam ang u aw, in beng" a ti zui tuarh a, "Prez, min ngai dam rawh, kan ti tawh lo ang" an thingthi dun rawp a ngaihdam an dil malh malh a, "Tun chiah hi ka ngaidam ang che u, a leh Pek ah chuan in na tawh viau ang in hria em" tih pah chuan an tukhum ah a beng zui hram a, "Aw kan hria e, Prez, kan lawm e" an lo ti rual dun thap a, "Ti khan I dam leh huai huai tawh em" ti tu lam chu Shino chuan a en vat a, Sharon chuan Chiang zet hian alo en a, a pian zen thlarh mai leh a hmeltha zet mai te leh bang ngheng a ding pah a a ipte a zen at mai te chu a in hmeh fuh vel vek mai, hmeichhia ho chu an tui ral leh viau tawh ang chu, "Nang kha he tah enge I rawn tih ve a?" Shino chuan ati nghal hlar a, "President thinchhe zet thlir tur in ka lo kal a, ka kal leh tawh mai nge, ka hmu tawh bawk che a" tih pah chuan a in her zui zat a, "Mi lawilopa" Shino chuan a ti that a, thinrim luat a vang chuan a ding er deuh tan a, a in hum ruh ngat ngat bawk a, a thawk pawh a lian kher mai, 'nang Sharon mi lawilopa, mi iti mual pho tam bawk a, phu ba ka la khawp ang' tih rilru rauh rauh pah chuan a in seh ruh ngat ngat a, Student Council room chu thinrim zet chuan a pan tau nghawng nghawng a, Bell a rawn ri a, class chu an tan zui leh nghal a, class ban ah chuan Student Council member ho chu an thu khawm leh thap a, an mahni tawk ah an buai ve hlawm hle ni, a then in an school magazine lam chhuah tur an buai pui a, a then in Sport ami tur, Shino phei chu en fel tur a ngah in a buai hle ni, dar 4 vel ah chuan chau zet in an chhuak dam dam hlawm a, an car chuan alo nghak far hlawm a, Shino chu Car ah chuan a thu lut vat a, "Ka chau lutuk" ati zui sap a, "Kha hei hi in rawh" tih pah a energy drink rawn pe tu chu a en ha a, a phu nasa kher mai, "Nang Sharon" ati lawi rut a, Sharon chuan Chiang zet in alo en reng a, "Ka motor ah enge I tih, a chhuk vat rawh" ati zui tuarh a, "Hei chu ka Motor zawk ania, Prez" alo ti sup a, phawk zet chuan a hawi ho a, "Hrep chuan" a ti zui sap a, 'Vawin chuan ka bike k keng tak hre tur ka nia sin le, ka va han mawl tak' a in ti mawlh mawlh a, rang zet chuan a chhuak zui nghal a, "Chawlh hman nuam aw, Prez" Sharon chuan ala au zui hram a, "In awk hlum daih rawh" Shino chuan ama hriat tham lek chuan a ti sap a, bike ah chuan rang zet in a lawn a, a tlan chhuak zui nghal a.
Esther-i chu Khaw lai ah chuan kal pah in a hawi kual a hawi kual , pet store a zawng hmu thei bawk si lo, a bei a dawng tan tawh hle mai, "Nga ti nge a van em em le, ka ril a tam tawh sin le" ati neuh neuh a, a kal pel duah tawh tih reng a hre lo Pet store tih ngar ngar in zawng miau hek, "Mi ka zawt tawp dawn a mawn le" a ti leh sep sep a, "Ah" a ti zui zat a, a tlan ngal vat a, "Ka hmu ta che" tih pah chuan Reubena chu ava vuan chawt a, "Heih tu nge?" Tih thawt pah chuan a per nawlh a, "Keimah Esther, ka hmu ta che" tih pah chuan hlim zet chuan Esther-i chuan alo nuih var var a, Reubena chuan mak ti zet in a lo en hu a, 'henu hian min zawng maw, eng a tan, eng vang in nge min zawn a' a ti rilru mawlh mawlh a, "Pet Store-a kha ini tiraw, ini Chiang I hmel hi ka la hre reng" Esther-i chuan a ti leh malh malh a, "Eng maw?" Reubena chuan alo ti lawi rut a, 'Ka hming pawh a hre lo a, min zawng maw, he tah hian ka kal dawn tih pawh a hre lawk pawh ni awm si lo a, a à ani ngei ngei ang' Reubena chuan a ti rilru leh neuh neuh a, "Pet store ka zawng nasa lutuk, ka hmu zo lo a, a awmna I hria tiraw, min hrilh dawn tiraw, Awii k van lawm tak" Esther-i chuan lawm tih hriat zet hian alo ti a, "Pet Store maw?, ah, Saw" tih pah chuan an piah a building chu a kawk a, "Saw chu Pet care a lawm, Pet store ka zawng a, I sawi ang chiah chiah kha nia ka zawn chu" Esther-i chuan alo ti leh vat a, Reubena chuan mawl ti zet hian alo en tlawk tlawk a, "Khaw nge Pet Store chu" nghah hleh hmel leh phur zet hian a Esther-i chuan a ti leh a, "Mawl lutuk" Reuben chuan ti sup a, "Lo kal teh" tih pah chuan a kai dawr dawr a, dawr ha chuan a luh pui a, "Awiii, a mawiiiii, lutuk" mawi tih hmel hliah hliah hian Esther-i chuan dawr chhung a hawi ruai pah chuan a ti a, Reubena chu a in her a, a kal zui hmuk a, "Ka lawm e aw, pet store" Esther-i chuan a au zui lang lang a, "Van mawl tak" Reubena chuan a ti leh sup a, a chhuak zui daih a, Esther-i chuan a duh zawng chu a lei teuh a, a Khai zo leh lo sia, an driver a call zui zat a, pawn ah chuan alo nghal a, a thil lei chu duh tih hriat ngawih ngawih hian a thut pui deuh kak a.
"Hei Remuih" tih ri ah chuan Rema chu a hawi vat a, a thiantha ber a duh em em, a duh let ve em tih a hriat loh punching bag a hmang thin tu Tei Vespa a tang a rawn chhuk chu mit tla lek lo in alo thlir ngawih ngawih a, "Remuih enge I en reng a" tih pah chuan Tei chuan a Rema chu a sawi nawk a, Rema chu a nui suk a, "Khawvel a hmeichhe hmeltha ber mawle" a ti sup a, "Khawi, tu maw?" Tih pah chuan Tei chu a hawi ve vat a, a vespa bak a hmu si lo, "He tah hian a awm a" tih pah chuan Rema chuan a thinzawn chu a Khawih a, "Enge maw, nang hi bialnu I nei mi a, ka hriat loh in" Tei chuan alo ti that a, "Aw" Rema chuan alo ti sap a, "Engtin nge I ngam zawk a" Tei chuan alo ti that a, "Hei lung ngai suh, ani pawn a in hre bik hlei nem" Rema chuan alo ti vat a, "Nga ti, chu chu enge a awmzia?" Tei chuan alo ti hu a, "A awm Zia chu ka hrilh lo a" Rema chuan alo ti sap a, "Nga ti nge?" Tei chuan alo ti leh vat a, "Hlauh ka phal lo a" Rema chuan alo ti ringawt a, "nga ti maw, hrilh pawp mai la, kuah chawt la fawp pawp mai ta che" Tei chuan alo ti vat a, "Anih chu ti chuan ti ta che ila engtin nge min tih ang?" Rema chuan alo ti let daih a, "Ka hnek pawp ang che" Tei chuan alo ti let vat a, "Chu tiang chuan ani pawn a tih ngei ka ring" Rema chuan alo ti sap a, "Chu nu chuan min van an hmel em me" Tei chuan alo ti vat a, "A ang tak zet che ni, Tirawh le, enge I ei duh ang" Rema chuan a ti zui daih a, "Kei maw, Ele sa" alo ti vat a, "Awle, Sa ei ang" tih pah chuan Rema chu a tho daih a, Tei chuan a en reng a, 'Ka thiantha tak hi mi tha tak ani, duhtawk a ka sawi sak pawn engtin mah min ti ngai lo, kei hi min kuah in min fawp se, ka pawm theih mai ka ring, mahse kei chu ka ni dawn si lo' a ti rilru neuh neuh a, "Ilo kal dawn lo em ni?" Reman nui sang a, a rawn tih leh chuan "Sa ei ang" tih hluai pah in thaw ven hmel zet chuan a tlan zui nghal a.
"Johna hman hmawh teh" tih pah chuan Malvin chuan a thianpa chu rei tih hmel zet chuan a melh tur ngan a, "ka hman, ka hman, ti hian a tha ang tiraw, Zorini alo kal ve dawn tiraw?" Ati leh hram a, "Dawn, dawn, dawn,lo kal rawh ninawm" tih pah chuan Malvin chuan a thianpa chu a pawt zui dawr dawr a, an bike ah chuan a lawn a, an tlan chhuak zui nghal a, "Hna thawk tur in chei viau pawh angai lo" Malvin chu a ma hriat tham lek chuan a phun nang nang a, an school chu an thleng a, an lo awm deuh nak nak a, hna an lo thawk malh malh tawh hlawm a, hman hmawh zet chuan an tlan zui ve nghal a, "Awm sawn rawh John" tih that ri ah chuan John chu a hawi vat a, a tlai tawh a hma zawn a duster rawn tlawk phei chu lo in bum na hman a awm tawh lo, a mami chhing ringawt a, ah alo thleng miah lo, nga ti nge a lo thlen loh a, a tla thawm a awm bawk si lo, a meng da da a, "Senior I tha em, kha hei ka lo man hman a" Zorini chu an Chiang zet a en chung in alo ti malh malh a, "Zo, Zo, Zorin" ati lawi rut a, "Nangnu hi, Robot ini lo maw, fel thek hian I tawng a, I meng bial kel a, I khat khat thei ropui si, chuan I thil tih tur a hun tak ah iti chat chat a" Malvin chuan Zorini hnaih zet a bih pah chuan a ti mawlh mawlh a, "Eh" Johna chuan alo ti thei tawk a, "Nang hi Robot" Malvin chuan a ti leh chu, "A tawk, lo kal rawh" tih pah chuan a ka hup pah in a pawt sawn zui nawk nawk a, Zorini chuan a enreng a, "Robot ka ni mawn le" a ti chhuak sap a, a ngaihtuah zui vung vung a.
Bee Da Shino