MY FAVORITE MEDICINE BY Atei Ateuh (Completed)

[ngaia]

Chapter -13.
.
Ka phone a thlalak min rawn thawn chu ka en tlawk tlawka hmuh hrehawm ti hle mah ila ka en lo thei si lo, ka rilru na lutuk chu ka mittui a tling pama kha leh chen kha kan inhmu lo a tunah in hmu lo bawkin kan inkar ah buaina a awm leh a maw? Engthil chiah nge Pathan pawh hian ka chungah hremna min pek a tum le! Ka tan nun hian awmzia a nei lo takzet inah chuan hmel ngui tak chung chuan ka tum lut bura, ka khum ah ka mu hlawm tawpa engpawh nise Timmy-a chuan min be duh emaw be duh lo emaw ka insawi fiah na tal hi a hriat a ngai kha mi tuma thil thleng kha engmah ka hre lo hriat zui tur pawh ka ngaihruat thiam hek lo. Ka phone chu ka la vata Timmy-a chu ka call ta a, mahse a la duh chuang lo vawi 6 lai ka call hnu pawn a la duh bawk si lo Message ka thawn tawpa, "Timmy, khawngaihin hriathiam tum hram rawh kha mi tum khan ka rui lutuka engmah achiang pawn ka hre thei tawh lo mahse engthil mah kan ti lo tih chu ka chiang ani engmah a thleng lo ang, ka ruih em vang ania min ngaidam hram rawh ka call i chhang duh bawk si loa khawngaih takin min lo call hram rawh ka be duh lutuk che ka insawifiah na tal min ngaihthlak sak hram rawh" tih chu ka va thawn ve tawpa minutes 15 lai a replay hun ka chang chu ti chung pawn min la rawn be duh chuang lo. Ka thaw hawka ka melh ngai ka melh renga, kha mi zan khan Henry-a khan room ah min pawm phei ngei tih chu ka hria, ani hian thil hriat te anei mial em tiin ka va call leha.
.
"Hello, Henry hman zana in ina party kan neih khan engthil nge ka chungah thleng min hrilh vek rawh"
.
"Leh ngawt zel a che, engmah ka hre lo chutiang keipawh ka rui ve tho a"
.
"Room a min pawm phei lai chiah kha ka hrechianga adang chu engmah ka hre tawh lo tu emaw mutpui te ka nei mial lo maw?"
.
"Ka van hre mai lo nangmah in room ah i mu a chuan..........lut chhuak kha an tam lutuka ka hre seng lo tinge a?"
.
"Timah ka hre duh mai maia, mipa sam dum jacket pawl ha lukhum dum rawn khum i hre mial lo maw, Lawmkim-a ania"
.
"E.....aw...hria e ani kha chu ban dawnah mi awm val tawh loh hnu ah arawn lut tlat in ka hria abak engmah ka hre zui bik lo"
.
"Chu zawng chu maw?"
.
"Um, chu zawng chu ani mai ka hriat chhun"
.
"Anih chuan mangtha phawt"
.
"Ka la mu dawn lo tlai chauh ala nih hi"
.
"Nia, anih phawt mai"
.
"Awle, awle"
.
Henry-a lah in engmah a hriat si loh chuan engtin nge ka tih takang, Kim-a chu ka biak mai angai ani.
.
"Kim-a hmanzan khan engthil chiah nge thlenga?"
.
"Engmah thleng a awm lo kan mudun a ani mai"
.
"Maw....!? Engvang in nge kan mutdun a engthil mah a thleng lo tih min hrilh rawh"
.
"I la hria em ka ti buai reng ang che ka tih tawh kha phuba anihkha keimin kalsan hi ila inchhir khawp ang"
.
"I ti lawmawm e" ka thinrim lutuk chu insum tun chung chuan ka ti a.
.
"Engchu maw i lawm?"
.
"Timmy-a bulah kan thlalak te ilo zu thawn vela a nuam i ti bawk em engkim a tawp tawh nang nen hian inhriat pawh ka duh tawh lo. Min ti buai tawh lo bawk angche achhan chu ka hmangaih ngai lo ang che i lo mak hle mai"
.
"Ngatinge ka lakah hian i thinrim em ema? Anikha itan a hlu viau ami ka bulah awm la i hlim zawk ang i duh engkim ka tihsak ang che"
.
"Engmah ka duh lo ka duh ngai bawk lo, zawhna min zawt tawh lo khan mu mai rawh" phone ka dah hmaka ka thinrim a sosang takzet engmah tih theih ka nei bawk si lo. Chumi kar tluan chuan zan ka mu lo a ka awm anuam lo tluan parh min rawn call hun ka chang renga areh hmak bawk si atawp ah chuan ka mangang lutuk in Johnny-a ka call ta a.
.
"Hello, Johnny keimah Jenny ka nia biak lawk che ka duha i buai em?"
.
"Buai lo e, engnge i sawi duh?"
.
"I bulah Timmy-a a awm mial em?" Ka tih chuan, "um" tih ringawt in min chhanga.
.
"Englo ania ihhh......."
.
"Ka hria alawm i sawi tum chu hei arilru ana lutuka zu a in hnem deuh bawk nen a chatthla a mahse ka awm a ngaihtuah lutuk duh suh"
.
"Engtin nge min sawi a thinrim viau em?"
.
"Um, engmah a sawi lo na chu a awmdan ah ahriat khawp mai a rilru ana lutuka a phone pawh a vawm chhe daih alawm"
.
"Anih chuan min biak duh i ring em? I phone ah khan khawngaihin a harh hunah min lo biak tir ta che"
.
"Nia aman a duh leh duh loh ani mai, mahse kha thil kha a tak tak anih chuan keipawh ka awm mai mai bik lo ang ka unaupa ani a tiang mai mai vanga rilru na taka a awm hi hmuh hrehawm ka ti lutuk tih lo hria angche"
.
"Engthil mah a thleng lo min ring rawh, engtik ah nge in lo haw dawn ka pu chu engnge a an azia tawh em?"
.
"Um, zia khawp mai tunah chuan athi mai dawn amaw kan tihkha doctor ten theihtawp an chhuaha an chhan thei hram kan lo haw har tawh lo ang exam te an la nei dawn sia"
.
"Anih chuan min lo be ngei ngei rawh se aw?"
.
"Okay" amah zawkin phone chu a off hmaka ka ngaihdan ani chiah lo min tih dan kha min tham lo hle in ka hria. Engpawh nisa vawiin chu class kal leh phawt ang class kal tawp ni tur te ani bawka. Ka bag chu ka la a ka inchei sawk sawka ka sam pawh khuih lem lo chuan ka tawn chho tawpa. In atang ka chhuak chiah hi Kim-a nen kan in tawk thuta ka phu chiang ngei mai.
.
"Min hmu chu i va phi nasa ve lo kal rawh ka lo thlah ang che" a tih chuan ka sam chu ka zut chho sawka thinrim hmel zet hian ka melh hraw a.
.
"Enteh ngaithla teh ka bialpa ang in ka en ngai lo che a, chuvang chuan min rawn tibuai tawh suh hman zanah khan engtin chiah nge min lo tih vela mawh sawi teh thil thalo a thleng anih vaih chuan police ah ka report ngei ngei ang che"
.
"I va thinrim awm em em ve tiang khawp hian ani maw i lo lak thutaka thla ka la ani mai a engmah chutiang a awm lo, kha lehchen kan lo inzui ve tawha khatiang thil ringawtah pawh min huat phah a maw?"
.
"Aw ka hua che engvang in nge Timmy-a kha i thawn kher?"
.
"Ani kha chu nei lo hram rawh i unaupa anihkha, bakah khatiang a hmuh kha alawm ka duh in inkar thu hi engchiaha thui nge anih hriat ka duh mai chauh alawm, min ring rawh a thleng leh tawh lo ang ahma ang khan awm leh zawk ila ka hmangaih lutuk che Jenny ka hmangaih takzet che i tel lo chuan ka awm thei lo ka ngai lutuk che" tah chhuah hmel deuh chuan ka kut vawn pahin a ti a, ka thinlung nei tu chu adang thei chuang lo ka kut nghet taka avawn na chu ka pawt thla hmaka.
.
"Min kalsan vat mai rawh vawi engzat nge ka sawi dawn i kal lo anih chuan keimah zawk hi ka kal maiang ka tlai dawn anih phawt" tih leh kal ka ruala, min hawi let tawh lo kha tiang thil ti tur khan ka ngai ngai lo hrim hrim a thiltih dan tenawm tak chuan huatan ah min hruai hlauh zawk. Class pawh kan chawl leh ta, karleh mai hi kan exam ani tawh ka rilru ka pe hleithei bawk si lo, Timmy-a lah chuan min rawn be duh bawk si lo, ka beidawng takzet tawh. Hun akal zela karkhat aliam leh chuan kan exam alo hun ta der mai hma takah in atang ka chhuaka. Gate bulah Timmy-a hi exam tur in alo kal ve em ang chu maw tih rilru pu chung in ka awm renga ka hma a lungte awm chu ka chhar a ka vawm vel mai maia. Minutes 15 ala awm tih in a rawn tlan lut ve hlawl mai ka lo ding vata. Min hmu ang pawn a awm duh lo. A tlan na lam ah chuan ka va phei ve nghal zata.
.
"Timmy"
.
"Um"
.
"Tinge min biak duh miah loha eng emaw tal sawi teh hmanni thil thleng kha chu a tak tak pawh a ni lo ania"
.
"Ni lo se khang thiang thil kha ka dawng dawn em ni?"
.
"Ni lo ka tih awmzia chu" ka tih lai takin ka hmui arawn hupa.
.
"Shhhh.....engmah sawi angai tawh lo ka hmangaih lo che, tikhan i duh dan dan in awm rawh pawi tihna ka nei lo" thutak hmel tak chuan a ti a, chu thu asawi chu mak ka ti hle kha leh chen kha kan lo inhmangaih ve amaw ka tia tunah kha tiang thil pakhat vang khan min hmangaih tawh lo amaw!
.
"Ani lo min hmangaih tih ka hria ka chiang alawm kha tiang thil vang kha chuan i sawi chu ani em lo maw?"
.
"Ni lo, eng ang ah nge min ngaiha nang hi atchilh bur turah che min ngai ami? Thlalak ah kha chuan engmah ha lo ang vel ini kha thil kha hmuh leh pawh ka duh tawh lo"
.
"Anih kan thutiam te kha zungbun te kha"
.
"Engmah ani lo atthlak lutuk khawimaw ka tlai dawn anih phawt" tih pahin a kal nal nala ka rilru a na takzet min lo bum kual vel mai mai zawk em ni ka zungbun bun lai chu thinrim zet in ka phawi a paih mai ka tum tawh mahse ni thei in ka hre si lo ka bag ah ka ak tha a beidawng takin class room lam ka pan ve ta a.

Nitin mai chuan ka rilru a buai a ni ber ka exam pawh ka ti tha thei mang lo ka pass lo ang tih ka hlau ve bawk si, rilru hah reng reng in hun ka hmang chho ve bek beka, Timmy-a lah chu min hria ang pawn akhawsa meuh tawh lo nula dang a phur chhuak ka hmu fo lehnghal exam kan zawh meuh chuan rin loh deuh maiin kan inah Timmy-a nu (keima nu diktak) chu arawn lang hlawla. Ka thleng sil lai ani nghe nghe sitting room lamah chuan ka pi nen thu dun in an ti ti renga engnge an sawi phei chu ka hre lo. Ka pa ahna lamah achhuah daih bawk si. Ka thleng sil zo chu ka va phei ve vata. Min hmuh veleh hlim em em hian min rawn nuih sanga.
.
"Jenny, i lo nula tawh hle mai inhmuh loh na arei ta bawka thil hrilh tur che ka nei a thu lawmawm lam ania, i unaupa kha i hria angnga thla leh mai hian nupui anei dawna Sangte-i i thiannu kha anei dawna in lo kal vek dawn nia hei inneih sawm na lehkha pawh ka lo pe nghal ang che u" atih chuan ka bangbo takzet chhan mai ngaihna pawh ka hre lo ka en reng ringawt. Ka pi chuan ka awmdan chu alo hrethiam ani ang min rawn pawt thu hnawka.
.
"Mampui, i unaupa nupui neih na turah chuan kan kal vek ang chu tiraw?" Min rawn ti leha. Ka harh chhuak deuh zawk bah deuh nuaih chuan.
.
"A....ah...um nia kan lo kal dawn nia" en mang lo chuan ka ti a. Ka kutah min rawn vuan leha.
.
"Enteh, harsatna i neih chuan engtik lai pawn min be thei ania, engpawh i duh sawi rawh hmanni a ka zawhna che kha i duh hun hun ani mai, hetiang ringawt chuan ka awm tir mai mai thei lo che kha pawisa hi la rawh thawmhnaw nalh tak tak lei la in neihna ah mawi deuhin i lo kal dawn nia" pawisa chu ka hma ah arawn phawrh teuha kha tiang ang a tam pawisa kha ka la hmu ngai lo. Ka biangah min fawp leha.
.
"Ka la thei loang, ka pa pawn a duh lo ang tiang chu keimah nin kan lo lei ve maiang" ka ti ve tlata mahse a la duh tawh bik bawk si lo.
.
"La rawh i pian tirh pawn ka enkawl thei si lo che a, i thi nge i dam tih pawh ka hriat tawh loh hnu ah ka hmu leh che a ni a, hei te chu engmah a ni lo ka rilru nawm na tur tal pawn min laksak rawh kan bulah i lo chen duh phei chuan ka hnial miah lo ania"
.
"Ni lo e, tah hian ka hlimna khawp chu a awm alawm ka pa in engkim min tih sak theia ka tan helai baka nuam a awm chuang lo ka seilen na ani bawka ka kalsan thei lo" ka ti a. Rei fe kan bulah hun a hman hnu chuan a haw veleh ta a. Inneih sawmna card chu ka en vang vanga Timmy-a hming leh Sangte-i hming chiang taka inziak ka hmuh chuan dawt ani lo tih ka chiang bawk si ka mumang te ni zawk se tha tur card chu bawlhhlawh bawmah ka paih hmaka Hlute-i phone ah ka be nghala.
.
"Vawiin chu kan leng chhuak mai mai dawn ami? Thil hrilh tur che ka nei a"
.
"Jenny, Jenny lo biak che ka tum meka ka rilru nat dan chu i hrethiam lo zawk ang ka la tap char char James-a khan nupui anei dawn an ti a, midang sawi dan atang kan inzui lai zawng pawh khan min lo kawp a nih ka ring tunah chuan ka hrethiam chiah e ka rilru a na takzet" tah insum tih hriat tak hian a rawn ti a. Kan dinhmun in ang tak chu keipawn a tawrh nasat dan tur ka hriat thiam pui khawp mai, ani lehzel pawn hetiang atawng hi ka leinat veleh chhawng a ka mittui rawn luang chu ka hru hul thuaka ka aw ka thiam kharh kharha.
.
"Inah i awm ami?"
.
"Um, khawiah mah ka chhuak chak lo khum ah ka la mu char char ka be dawn nge dawn lo tih ringawt ka ngaihtuah" atah chhunzawm leha.
.
"Ka lo kal ang keipawn hrilh tur che ka nei alawm" ka ti a, ka insiam sawk sawka Hlute-i te in lam pan chuan ka chhuak nghala.
.
An in ka thleng chu Hlute-i room ah ka lut tlang nghala. Khumah alo mu hlawm reng ka hmuh chuan ka thaw hawka abulah ka zu mu ve nghala.
.
"Jenny, ka rilru a na takzet engtin nge hetiang thil hi a tih theihzawk ka lo ring ve em em thina, keipawn ka ti dik lo tih chu ka hria mahse kha pa kha keichuan ka hmangaih miah lo min thik nana ti mai mai chauh kha ka nia biak pawh ka be chhunzawm lo mahse James-a khan engtin nge awlsam taka min thlah theih mai le engnge ka tih tak ang Jenny?" Mit sen rem chung chuan min rawn melh a.
.
"Ka hre bik lo keipawh chutiang tho chu ka dinhmun a nia, engnge ka tih angnga engtin nge inneih na hi ka dan theih ang tih chauh chu ka ngaihtuah tawh"
.
"Nangpawh maw?" Ka lam hawi chuan a rawn thu tha sauh sauha.
.
"Ni e, kan inkar thu buai vel kha chu i hre tho angnga mahse hetiang thleng thleng a thlen hi ka ring ngai lo asin ka tuar hnem ve tawk tawh chuan ka hria engpawh nise ka hmangaih na chu a ala pangngai reng tho a, engtik hunah pawh arawn let leh anih phawt chuan ka pawm thei tho ang, achhan chu khang hlimna zawng zawng kha amah lo chuan min pe thei dawn lo tih ka hrechiang a, nghah tawp loh chu tih theih ka nei tawh lo, inneih na athlen hma loh chu ka la beisei reng ang"
.
"I mawl e mai" min rawn ti ringawta a mittui chu a hru sawk sawka.
.
"Tiang khawpa i tawrh tawh hnu ah ila ngaidam thei angnga maw thudik tak i sawia ahmangaih tak tak che anih chuan aring ve tur che ania lawm keichu ka lo let leh pawh nise ka pawm thei tawh lo hrim hrim ka haw lutuk"
.
"Chutiang a ni ngawt lo thildang vang zawk te pawh a ni thei a, Sangte-i hian a ti hneh sawh em alawm bakah afa apai ka ring lo mipa dang a kawp lawr ve nasa tho emai keichu ka â vek tawh in ka hria"
.
"I â chu anih ber tawh kha harhchhual ve tawh teh, mipa dang nangmah duh tu che tha tak tak an tam tehreng nen tinge ani kher saw i hmangaih tlat a, in innei thei dawn chuang lo Sangte-i nen an inneih angnga engkim a tawp ani mai beisei tawh lo la, midang date ve daih zawk rawh"
.
"Nang ang ngawt ka ni lo ania, thil hi ka la ho ve mai mai thiam lo tih i hriat kha ani ang em em duh hi ka la nei ngai lo"
.
"Engpawh nise indawm kun reng tur chu kan ni bik lo alawm hlim hi kan phu ve in ka hria, ti teh cigarette hi pahnih ka la nei zu dun ila i duh em?" Nui deuh chung chuan a rawn ti a.
.
"Khawi lo la rawh ka zu thiam lo na chu ka pak khu ve hrim hrim dawn Timmy pawn a heh thei emai ka lo zu ve ang" nui hak hak chung chuan ka ti a, nileng deuh thaw in kan ti ti renga nui dun hak hak mah ila kan chhungril ah erawh kan hlim tak tak lo tih a hriat theih tlai thim dawn ah chuan ka haw ve leh ta a, ka pa in Timmy-a nupui neih tur chungchang chu chik fe hian min lo zawta.
.
"Timmy-a nupui neih tur kha tak tak em ni?"
.
"Ni e, tukin zing khan a nu pawh alo kala"
.
"I nu anihkha"
.
"Nia ka nu ania lawm mahse nu tih a koh hi ka la harsat miau alawm"
.
"Anih chuan engtin nge itih dawn a......ka tih awmzia chu ihhh....." a kut a phar zet a zeizir chuan ahan ti kual vela asawi hreh ve ngang aniang ka lo nuih ringawta.
.
"Tinge i nuih ngawta nuihzat tur a awm ami nang leh Timmy-a kha"
.
"Ka hria alawm ka pa kan inthen daih tawh alawm ani chuan nupui anei tawh dawna engmah ani lo engkim atawp vek tawh"
.
"Anin chuan a tha anih chu nang i tha maw?"
.
"Tha e ka tha alawm" thinlung rum vawng vawng chung chuan ka ti leha.
.
TIMMY'S POV.
.
"Johnny kha thlalak kha en chhen lo teh ka thinrim dawn ania, delete nghal vat rawh" Jenny leh Kim-a mudun lai thlalak ka dawn chu alo en tlawk tlawka.
.
"Amak elawm tiang hian a lo khawsa ang tih rin ngaihna ka hre lo i sawidan atang kha chuan a fel hmel viau sia"
.
"I tawng kha fimkhur deuh rawh aw, eng ang mi pawh lo nise ka la hmangaih tho ania, ka pu adam leh hlauh chu ka lawm ngei mai"
.
"Nia lawmawm tak ani, nang hi chu a ngai bik lutuk che a kan naupan lai phei kha chuan ka thik thei lutuk che abulah i awm tam ber thin kha ania a awm ve tho mai"
.
"Engpawh nise ka thinrim na hian Jenny hmuh leh pawh min ti tui lo zo vek, ahmel ka hmuh apiang mai khan kha thlalak kha ka mitthla ah arawn lang uar uar zel a, engmah sawi chhuah ka duh tawh lo"
.
"Anih engtia awm zel nge i tuma?" Ka cigarette chu ka tan leh te te a ka room tukverh lam chu ka hawi sana.
.
"Ka hre tawh bik lo zanin ah an inah va kal ka duh thinrim viau mah ila a tel lo in ka awm thei si loa, tunah pawh rilru na deuhin a awm ngei ang"
.
"I ti mak e mai Sangte-i hi nei la i in chhir lo ang"
.
"Chuti maiin ani kha neih ka tum lo" ka tih lai tak in Sangte-i chu ka room ah arawn luta.
.
"Ka chanchin in sawi ava ang ve eng chu nge in lo sawi a min hrilh ve ula" thawveng tak hian a rawn ti a.
.
"Engmah kan sawi lo i chhuak thei tawh ang"
.
"Thil pakhat tha deuh mai ka nei ania"
.
"Jonny lo va chhuak lawk mai ta che"
.
"Nia lo in be teh u ka kal dawn" tih leh chhuah a ruala Sangte-i chuan a lo nuih sen sen bawk.
.
"Engchu nge i neiha?" Ka tih chuan ti fuh in tih hmel tak hian ka bulah a rawn kal phei lah laha. Ka hma ah tak a phone chu arawn lek kanga.
.
"He thlalak hi i hmuh tawh ngei ka ring ka thian hnai tak pakhat in min pe hlauha hei vang hian a ni ngei ngei ang tunlai chu Jenny nen in in hmuh ngai miah lo ka hrechhuak ta" a nui leh hawr hawra ka haw takzet ka kut ka hum ruh tunga in seh ruh tun chung chuan.
.
"Delete nghal vat rawh"
.
"Ah...ah...ah....ka delete dawn reng reng lo kan inneih hma chu ka delete lo ang social media lamah ka thehdarh vek a ni mai"
.
"Nang nei tur che hian min vau tihna em ni?"
.
"Ni deuh mai e, chumi chauh lo pawh i phirpui ngei i ngaihzawn thu hi i nu ka hrilh vek a ni mai"
.
"Nanghi mihring pawh i ni lo, i duh duh nei thei turah i in ngai ami ka nei dawn chuang lo che" chutia ka tih veleh chuan a phone chu a khawih nghal rak raka.
.
"Anih chuan ka'n post mai nge min neih dawn loh chuan i tan a pawi zawk ang"
.
"Khawimaw lawkin la post lo teh in ngaihtuah na hun rei lo te min pe tal rawh"
.
"Anih chuan minutes 10 hun i nei" tih leh ka khuma mut aruala, ka thlalak tar ho chu a enkual dan dana. Reife ka in ngaihtuah hnu chuan.
.
"Thil pakhat i intiam angai ang" ka ti ve ta a.
.
"Eng chu nge han sawi phawt la"
.
"Kan innei anih chuan khum khatah kan mudun lo ang tih min tiam rawh"
.
"Chung te chu a theih dawn ami? Nupa nih te chuan kan mudun ve bawk ang chu"
.
"Ka duh vang che a nei che ka ni lo a, chuvang chuan i pawm angai ang chuan kan inneih veleh thlalak kha i delete nghal bawk ang"
.
"Anih chuan..." a ngawi leh vang vanga engnge a ngaihtuahna tih chu ka hrethiam bik hauh lo na chungin a hmelah chuan pawi tihna a neih loh hmel khawp mai rei deuh hnu chuan a rawn ding hluaia min rawn kuah chawt a.
.
"Ka pawm e khum khatah chuan engtia rei nge kan mutdun loh ang?"
.
"Kan dam hun chhung zawngin ani mai" tih pahin min kuahna chu ka la thla vata. Kan thuthluk na chu a tha chiah em tih ka ngaihtuah zui vawng vawnga Jenny kalsan tawp chu ka thei dawn si lo chu lo ah ka hmangaih ang bawkin min hmangaih ve tih pawh ka hria mahse a zahawmna ka humhim nan leh ka pa tih lawm nan ka neih ngei angai bawk si Sangte-i nei lo thei lo dinhmunah ka ding tawh anih ber. Engtin nge Jenny lakah ka tih takang ka rilru a buai hle.
.
"Anih chuan kan thuthluk na chu sut tawh awih loh naktuk ah lehkha ka rawn kengang nga i sign vekang min neih ngei angai tih hria ang che min ring rawh hlim takin ka siam ang che"
.
"Min chhuah san rawh" lungawi lo zet chuan ka ti a. Ka cigarette chu ka zu khu hlat hlata ka rilru hah lai phei chuan bawm khat pawh hian rei min daih ngai lo. Rei tak chhung ka in ngaihtuah hnu chuan ui tak leh mittui tla zawih zawih chungin Jenny chu in huat tir ka tum ta a, ka pi a thih khan ka mittui atla nasa in hrehawm ka ti hle kha ania kha mi tih loh ah chuan tun hi hmangaihna avanga ka mittui ka sen hnem ber tum ala ni ang.
.
JENNY'S POV.
.
Vawi tam tak Timmy-a ka call chung pawn min chhang duh miah lo. Mak ka ti in ka thinrim takzet. Karkhat lai aliam leh tawh ka hnen a athusawi kha a ti tak tak em ni min lo hmangaih tawh miah lo em ni zawk, ka rilru a buai ngei mai an inneih ni tur lah chu a hnai telh telh tawh mai si ka huaisen na zawng zawng sawm khawm in Timmy-a te in ah ka va kal chawta engtin pawn min lo ti se engpawh tawrh huam in ka va kal a. In chhung ka lut chu mi an lo phusa nuaiha in neih na ami tur in inchhung te chu an lo chei danglam hi alo ni a rawng te an lo hnawih tha veka.
.
Hnathawk ho nen kan in pel suau suau hlawma, ka hma lawkah ka nu (Timmy-a nu) chu hmanhmawh deuh hian arawn kal phei sawk sawka.
.
"E....Jenny i lo kal ani maw? I lo lan hi ka lo beisei renga i unaupa pawh inchung lamah Jenny nen an awma mo kawr tur an en dun dawn ani awm a, Sangte-i'n Timmy-a kalpui aduh tlat sia an insiam aniang tikhan lo awm rawh i thawmhnaw lei na tur ka pek che kha i lei tawh em?"
.
"Aih ....la lei lo ka lo kal hman pawh ka ring chiah lo a"
.
"I hman dawn lo maw? I tel ve loh ten thlalak naah pawh i tel ve ang chu tinge mi hrang daih anga min en reng mai le amak ka ti i nu ka nih hi i la pawm lo cheu em ni?" Hmel ngui deuh tak chuan min rawn en a.
.
"Chutiang lam pawh a ni lo tih tur ka neih vang zawk ania"
.
"In exam zo tawha engmah tih tur i nei lo ang lo kal rawh i lo kal loh chuan i pa bulah ka sawi ang in vaiin lo kal vek ang che u" a ti leha, ka ning ta khawp mai Timmy-a lo chhuk thla mek ka hmuh chuan ka nu pawh en lem lo chuan.
.
"Aw ka lo kal ang lo kal ka lo tum dawn nia" ka ti thla ve ngawta an hnathawk pakhat in arawn koh avangin ka hnungah min rawn beng thaka.
.
"Ka va kal lawk ang ti khan lo awm rawh Gordon-a pawh alo haw mek a in inhmuh ve te pawh a tha alawm" tih leh kal a ruala, chhan pawh ka chhang lem lo Timmy-a rigawt chu ka va ngaihven tawh a rawn chhuk thlak na tur takah chuan ka lo ding chat min hmu chiah chu a phi deuh zawk in ka hria ading chuta chiang em em mai hian kan in melh rana.
.
"Timmy, tinge ka call i lak duh miah loha?" In thlahrung tak chung chuan ka ti a. Amit chuan khawdang a hawi vata.
.
"Min rawn be tawh suh ka tihkha"
.
"Vawikhat chiah a falin kan in hmu lawk thei angem?"
.
"Thei lo ang, Sangte-i nen mo kawr kan en dawn ka hman lo" tawng chhuah harsa tih hriat tak hian a ti a.
.
"I hmangaih lo tih ka hria heihi i duh vang renga ti ini lo tih pawh ka hria i hmelah khan a lang vek alawm i inchhir leh na tur thil engmah ti suh ang che hun kan neih lai hian inneih na chu sut leh zawk mai rawh khawngaih takin Timmy ngaihtuah chiang teh"
.
"Sut leh ta reng pawh ni ila kan innei thei chuang lo ang ka nu in a hriat chuan min pawm duh kher lo ang, bakah tiang a nun reng hi ka kham ve tawh Sangte-i nen chuan kan innei ngei bawk ang, engkim ka ngaihtuah fel vek tawh ka inchhir lo bawk ang, chuan nangpawm Kim-a kha i duh phawt chuan i nei thei ang"
.
"Chutiang thu chu engtin nge i sawi theih zawka? Anih tinge kha zungbun kha ila bun renga kan pahnih zungbun anih kha ka lakah hian i in zep theih reng i ring ami? Engtik ah mah min thlah loh tur thu pawh i sawi vek tawh kha tinge tunah hetia min tih leh si ahma zawngin min tibuai renga ka hmangaih hnu ah che tihian min kalsan leh si a maw?" A hmui chu a pet fep fepa min en tha duh bawk lo, a biangah chuan ka kuai her sawka.
.
"Ka mitah chiang takin min en la min hmangaih tawh loh thu sawi rawh" ka tih chuan a mit a khap fek feka min en tha ngam meuh lo chutia ka dawm lai tak chuan Sangte-i chuan ka kut chu a rawn phih thla lawpa.
.
"Engvangin nge ka pasal tur hi hetia i lo tih vela ka mit in ti kham khawp mai hetah engnge i lo tih ve a?" Inla cham tak mai hian a hawi vaha.
.
"Ka unaupa in tunhma a ka thian tha tak nupui ah anei tur hi ka lo lawmpui che u mawle"
.
"E ni dawn tak i unaupa i phir pui ni maw kha! Ka lo theihnghilh leh hman tawha mo thianah lo tang la ka tia mahse midang tang duh an tam lutuka ka rawn be zui ta lo mai che anihkha, lehkha min pawh tir a ka pawt fu lo hlauh che a apawi khawp mai" meng hrek hrek chung chuan a ti a.
.
"Apawi hleinem ka tan chak loh zawng tak ani"
.
"Sangte, kal ila kan tlai ang" tih leh kal a ruala, ka na zawk kha tia min kal pelh ringawt pawh kha ka la na em em tawh.
.
"Ka sawi kha ka Timmy-a hi ilak atang hian ka la let leh ngei ngei ang ka tihkha maw! Hman atang tawhin ka ngaihzawng te hi lo hmu tai viau zel suh tunah chuan awlsam te in ka thlah mai mai tawh dawn bik lo, ka nau pawh pawh apuar len hma kan innei vat dawna i tan beisei tur a awm tawh lo a unaunu ang khan awm mai mai la atawk chauh" ka bengbul chetah chuan a rawn ti zuah zuaha. Min kalsan hnu chuan ka tlir zui vawng vawnga an pahnih a ka hmuh dun ringawt pawn ka rilru ti khawp khan a na thei ania an inneih leh ngat phei chuan ka awm thei dawn em ni ka thi thei maiang, tunah chuan beisei na pakhat chiah ka nei tawh chu chu Timmy-a nu engkim hrilh veka inneih na thlen tir loh hram dan ka la ngaihtuah chhuah theih awmchhun a ni mai, Sangte-i tih luih na tel lo chuan heng thil hi a thleng dawn lo tih ka hrechiang ani.