TE DOY 15K BY Abbra Reo Ririni Khiangte (Pitartei) (Completed)

[ngaia]

Ka ngawi ran a,Ka kaihza tha a khur ru dar dar reng bawk!

"Papa, play-na ah khan ka kal leh duh." Choka a rawn tlan lut pah a ka fapa a rawn au tak chulah ah chuan thaw huai chung in table ah phone ka dah thla a. A pa chu bawh deuh in a chho melh ve ran bawk.

"mawh? Papa, Play-na ah kal Ila"

"Ka buai dawn sin." A pa in a tih chuan Jayden-a chuan hmui a tipawrh ve tarh a. "nih leh, Mama nen kan kal mai ang." inlapa zet in a ti ve nghat.

"Okey, i nu nen kal mai rawh u." tiin min rawn melh zawk a, mit la sawn duh miah lo hian ka lo melh let ve tlat, Thil tisual tu zawk ani a, a chet vel dan vang mai mai hian inkil tawih dek in awm ka tum reng reng biklo.

"Jayden hruai chuan kal chhuak ang che." Thu min pe tawp.

"A sawi kha ka lo hria a lawm." Ka ti nghat. Zalo zet a nui pah in a mal chunga kan fapa bawk mek chu ka melh zeuh a. Zico rum deuh nghut chu hrelo ang hmak in ka tho chhuak ta daih a.

"Mami, Jayden-a nen kan kal chhuak dawn a,in lamah lo awm mai rawh aw." zangkhai hmel tak a ka tih chuan a room kawngkhar aţang a rawn dak a.

"Kan nufa in kan kal chhuak mai ang." Ka ti leh a,A bu nghat a.

"Jay, lo kal rawh insiam ang." A pa chu melh pawh ka melh tawh lo hrim hrim, phur zet a ka fapa rawn tlan terh terh chu ka pawm kang nawlh a, chutih rual erawh in ka ruh khawilai emaw ber chu a rawn ri ţhawt a! Ka țhen nghal sawk bawk.

"Mum.."

"Ka ţha, insiam ang aw." ka thlauh teuh em a vang a hlauh hmel deuh hian ka fapa chuan min en hau. " I rit ve tawh lutuk a, Mamma khan a zo tawh lo che a lawm" tiin ka han fiam a. Jayden-a pawh a nui ve ta ker ker. Ka kawng erawh a na ru kher mai!



Jayden-a ka siam hmasa vek a, games a khalhna turin tablet ka pe a, Ka insiam chhung in tihian games a khel a nga, A lungawi ve leh em em mai ang.

Ka thuamhnaw chu hlip in ka taksa duk thluah chu ka en kual leh a. hmuh a nuam lo tak zet!

Cotton kawr var bantluan ka taksa phuar lam mah ka inthawlh leh a, Velvet kekawr navy blue rawng ka ha leh tawp, thla hnih liam ta ațanga Zico-a nunphung dang ta hlawk a vang khan ka mu tlem a, thil ka ei tlem leh zel bawk nen ka taksa chu a tla ve dak mai.

Running shoe ka bun mawlh mawlh laiin Zico pawh a rawn lut a.


"Zico, nizan thil thlengah khan sawi tur i nei em?" ka lo ti nghal tawng.

Phone-a a message type lai chu tawpin min rawn en a. A nui tel sawng ka hmuh chuan thana zet in ka inhumruh ngat ngat bawk.

"sawi tur a awm em ni? " a han ti a, chutah ka taksa chu rawn melh chhuak vek in "nupa kan ni a, khangte chu kan tih fo dan a nih kha" a tih chuan ka awm chhung a na rawih rawih.


A țha e, Inthiam lohna nei miah lo a a tal kual vel theih chhung chuan ka zahna bik tur ka hre tawh lo.



Ka sam sei leh tle zet chu kang lehlawh ah ka ţawn mar a, ka nghawng vual tut mai kha an lo duk kual ruih tawh a! Scarf awrh dawn lahin khua a lum tawh mai bawk si!



"I inchei dan kha a em em deuh lo maw?" Khum ah lawn kai pah a a rawn tih chuan za lo zet in ka nui a, ka hmai ah makeup ka hnawih zawm mawlh mawlh tho. Ka taksa hi nalh lo anilo, chu thil chu a hrechiang ve hle bawk, chutihrual in Lisa-i, nula nalh tak pawh a it lo bik chuang lo a!

thawk lehkhat ah "Zodinpui ka sawi chu i hria em?" a rawn ti tuar

"Ka beng a chhet lo." Ka ti let hmak. Ka hmui chu warm-Red Rose rawng ka hnawih hlar bawk.

"Nu i ni tih in hre rawh." tiin ka taksa khal nalh zet a ka thuamhnaw inbel chu a rawn thlek leh a. Taksa lang tam ka inbel hauh lo nangin ka kawng fek rat leh mawngbawr vawng pauh lah te, kawrbantluan in ka hnute bu te chhelo tak a phuar mar lah te chu midang hmuh a tan a ui hle a nih hmel!


"Pa i ni tih in theihnghilh bik reng reng suh!" ti ve hmak in darthlalang ah chuan ka lan dan chu ka in thlek kual vel a.

A ngawi ta reng, kei erawh in ka tihtur bak ka tih zawm mawlh mawlh, Ka bag ah mamawh tur ka khungkhawm zung zung a, michin khan order siam tawp in Jayden-a kal chhuahpui turin min hrilh tawh a, Engmah hrilh nawn leh ka tum tawh lem lo.