TE DOY 15K BY Abbra Reo Ririni Khiangte (Pitartei) (Completed)

[ngaia]

☆TE DOY 15K☆
Chapter 5
By
Abbra Reo Ririni Khiangte(Pitartei)


Kan nufa in gate pawn ah uber kan nghak a, tuna ka pasal ka beih let dan hi thil dik ani em tih ka chiang biklo, chutih rual in ţha takin engmah a sawipui theih bawk silo . a chetdan avang khan ka na ngei a lawm, mahse a ngaihnep zual theih tur zawng in zuau takin ka awm dawn lo hrim hrim!


Lalat park lam panin kan tlan a, phur fe in Jayden-a a ţawng siam siam a, a zawhna neih hi a mak sak ţhin si a, ka rilru kal bing lutuk tur pawh a la peng ta hlauh.


Kan chuan mekna car chu a ding chut a, Jayden-a phei chu a bu lawp mai! Vawikhat a su leh dut a.A thi zawm ta hmak bawk


"A va hunlo ve." Driver chuan a ti nang nang. Jayden lahin phawk deuh hian min en a.


"Ka pi, a chhia anih hi, company lam ka hriattir a ngai dawn a." A ti ta nang nang. Thil reng reng hi tinge maw a kal dik theih miah loh le.

Zico -a bawk ka call leh lo thei lo, taxi ruak rawn tlan a vang bawk si, Jayden-a'n let a duh bawk silo.

"Nghak lawk rawh, Papa ka call a nga, Car a rawn tirh hman chuan kan kal dawn nia." tiin Jayden lungawi lo tum bua bua chu ka thlem pah a.


Phone 'ring' chu ka ngaithla vang vang a! A chhang tawh dawn lo emaw ka tih hnuah a rawn chhang ta hram e!

"Hello.." Hmeichhe aw hian a rawn ti thut chu k mit deuh sulh, Ka tawt nghal up up mai!

"Zico ka be duh."

"A be hman lo che,A inbual!" a sawi zawh rual chuan a rak zui ţhat a, phone a mipa rawn nui ve hawk hawk thawm ka hriat rual chuan nghet zet in phone chu ka hum ta vak. Ka chhungril chu a khur der der bawk.

"Lo nghak la,Ka'n pe ang.."Lisa vek chuan a rawn ti leh a. Tunah hian ka pasal nen engvanga awm dun nge an nih.

"A ngailo mai.." tih phone ka off ka rual a

In kan chhuahsan aţang darkar chanve em pawh ral hma in an lo awm dun chuan min tihna tak zet. Luak chhuak in min rawn ţham a, tha khur dat dat in ka thaw chhuak hawk hawk, An ni pahnih hi engtiang a tih tur nge ka hrethiam ta lo!



Chutia ngaihtuahna bing chuk chuk a ka awm lai chuan
"Rawn chuang ru.." mipa aw thum chhak hian a rawn ti dut. Kan nufa dinna zawn ah bolero a rawn ding hlim nghal khup bawk
Phu zawk in ka hawi chhuak dawrh a, Vincen-a leh bawk!


Driver side darthlalang chu a chanve thleng a down a, chiang fahran hian min rawn melh nghal ngur mai!


Chhan nachang pawh ka hrelo. Ka pasal leh Lisa khan engnge an tih ang tih ngawt chu ka ngaihtuah ngut ngut. Engine ti thi in mipa lian zet chu a rawn chhuak a, Jayden-a lah in rang zet hian a pan nghal zat bawk.


"Khaw nge in kal dawn?" tiin zo tak a ka fapa pawm nawlh pahin min rawn thlek vut. Vincent-a dar hlaihlup a kuah ve țai tu ka fapa chu ka melh leh zawk a,An inhnaih lutuk hi ka duh viau lo a sin le!

"Lalat park ah kal a duh a, Kan taxi hman a chhe ta sia." Ka ban phar zauh in ka ti halh. Kan piah lawk a Taxi driver in taxi a check kual that that chu a thlek ve vut a.

"Ka hruai ang che u." nghet zet a a lo tih chuan rang lutuk in "A ngailo..Taxi dang kan chang.." ka ti let a. A mitmeng muk zet chuan min thlek vung vung a, ka hmelhriat țha pangngai pawh a nilo a, duh aiin a motor ah kan chuang ngun mah mah tawh.

"Khawchhung ațang i hmang a nih loh chuan taxi ruak i hmu fuh mai mai lo ang." Dar kan uk hian a rawn ti fuk. A sawi dik leh ta!

ka fapa a pawm lohna lam ban chu a lek chhuak vut in a motor lam chu a thlek buk a. Reilote inngaihtuahnan hun ka hmang zawk a. A sawi dik, Taxi hman mai tur a awm rih dawn lo.

ka thaw halh a hmuh chuan kiai suk pahin "Lut ang u le..!" a tih zawm zat. Kawngkhar chu pawt hawng in min melh run a, a pa lian si, Shirt var thianghlim zet a ha a,cardigan gray rawng chu a nghawng ah a suih a, Casual pants uk a ha leh thung. A inchei dan chuan a hma zawng aiin a ti lang lian zual mai hian ka hria. Ka chho melh a,'I fapa hian a nghak che ania!' Ti ang hrim hian mit a kang uk bawk.


Thlan tur dang awm hek lo, paliana motor chhungah chuan ka țhu lut leh ta nge nge, ka fapa chu ka malchungah a rawn dah mai dawn emaw ka ti a, Mahse kawngkhar chu rawn nam phui in darthlalang chhan ațang chuan min nuih ta suk.


Ka fapa pawm chung chuan Bolero chu kal hual in a rawn pen pawk pawk a, A hmel landan hi a ngainat awm viau loh, mahse a nuih chiah hian a hmel landan a dang leh daih zel.

An rawn thut luh ve rual chuan a palian bawk a, motor body chu a hniam zui suih.

Jayden-a pawm chungin motor hi khalh a tum loh hram ka beisei!

"Jayden,Ka bulah lo kal rawh." tia ka malchung ka ben thak thak chuan Vincent-a darah a kuah bet ţai a!

"A pawilo, traffic a awm tawh chuang hleinem." Vincent-a zawk in a rawn ti sup chuan ka melh ta nghek ringawt.

A seat chu a adjust a, ka fapa lahin phur zet in steering chu a hum ve nghal ţai a, Engine a tih nun leh hma chuan nuihza insum tih hriat zet hian Vincent-a chuan min rawn melh leh phawt a! A nui hmel te,A landan engkim hi ka hriat ţhan tawh lutuk angin ka ngai nghet hmak tawh!

"Seat belt kha hreng rawh!" zawi tak a a lo tih chuan thuawih tak in seat belt chu ka hreng ve mai. Min be zui leh tawh lo in Engine a ti nung a, hneh zet a steering herh kual in a tlanchhuak zui nghal zat!

Jayden a khek ring ngang mai, ka fapa thil ngainat zawng a hre chat chat thei te hi mak ka ti lutuk!

"Music kha lo play la." Min melh zawk pah in a kut veilam a lek chhuak zauh a,Jayden chuan steering chu ama control emaw a ti ve tlat reuh bawk.

Music system chu ka khawih ve rak rak a,An pahnih bengchheng lutuk vang chuan zai engmah a hriat theih pawh in ka ring lo!

Seat nghenchhan ka nghen let leh rual chuan mit ka chhing a,Music rawn ri riai riai ah chuan 60's hun lai hla anih ka lo ring ve nghal ringawt bawk.

"Uncle a aia chak in tlan ang."

"Kan driver chu a va huai ve a." tih pah in Vincent-a chuan a khalh chak leh zual a. An pahnih chuan ka awmve tih hrelo lek in an bengchheng dun kher mai. Pafa infiam te pawh an ang letling zawk.





"Min drop a kan lawm lutuk aw." Motor din rual chuan ka ti a, a bu nghut a, lo kallo se chuan taxi changin nisa hnuaiah kan la ding ngei ang. Vincent-a chuan Kawngkhar nam hawng in ka fapa chu a chhuah pui a.

Jay-a lah chuan rang tak hian "Uncle,Ka bulah infiam ve la.." a ti leh cheu.

"Jay.." Ka khap nghal vat. An inhmuh tam loh tehreng nen hian ka duh aiin a ngaina mah mah tawh.

"I mummy hian a phallo anih hmel!" Jayden lunghnur hmel zet chu melh pah a Vincent-a'n a a tih chuan ka melh rum ngang mai

"I buai lo ami?" Ka ti ta nge nge a.Min melh zawk a,A mitmeng zim lam mah hmang a chiang zet a min en tawh hi chuan ka taksa chhung thleng hian a hmu tlang vek zelin ka hre tlat zel!

"Buai ila ka zui miah lo ang che u." A ti sup a.

"I mummy chuan a phal tawh e,Ticket la ang aw." Jayden a be zawm ta daih a.A thusawi vang chuan kei erawh ka nghing dawt maiin ka hria.
Ani hian min zui lullo ang,A țawngsual anih loh pawh in ka hriatsual tal a niang.


An pahnih infiam chu ţhu chungin ka en ta reng a,Jayden hian Zico nilo hi hetiang tak hian a ngainat ka ring ngailo a,Brand te Rachel te bulah pawh tun ang reng hian nuam a ti ngai lo!


Jayden khek chul reng chu a bulah veng in a nuih ve suk zel a,A chang in Jayden beng bulah kun hniam in thil sawi a nei ţhin a,Chumi rual chuan ka fapa duhawm zet chuan kut min rawn vai ve lap lap zel.


Zo zet a Jayden zakzeh chung a a rawn phei pui chu ka lo melh reng a,Ka fapa hian vawrh dawr te leh sawp deuh nawk nawk te hi nuam a ti tlat zel a,A rit ve nulh tawh vang hian kei hi chuan a duh ang zanin ka infiampui thei ngailo.

"Pawi i tih loh chuan he thil hi min ken sak mai dawn mi?" Ni hliah zawng in a rawn ding a,Ka dak deuh haw a,Jayden lah a rak tung reng bawk si!

"Chet vel a buaithlak tlat." Tisup pahin Cardigan chu a pawt phelh a,Ka lo ban ve ta mai bawk a.

"Jay,kan let tawh mai dawn mi?"

"Aih, 'Uncle ka hmaiah painting ka ti ve duh'!" A tih zawm zat!

"Ok,Mahse reilote hahdam phawt rawh."Ka bul a ţhutna ruak ah chuan a rawn nghat thla a,A kutphah hlai hlup in a hmai a tuai zui puat bawk.

A landan hi chuan tlangval senior a ni ve reng tawh a,Nupui neih te a tum lo emaw ni hial ni? Rachel nen an inzuina thlalak hmuh tur a awm tawh ngailo a,Aa..Ani ang tlangval hleitling leh hausa bawk si chuan a hausakna chen kual phawt te a duh ve ang chu!

'Tinge chung chung te ka lo ngaihtuah ve vak vak le?'

Min rawn melh leh rual chuan rang lutuk in ka hawi sawn vat a,A nui ri suk chu ka hre hman hram bawk.

"Jay,Haw ila i mu vat zawk a nga.."

"Aih,Uncle in evening thleng kan awm thei a ti a lawm." A ke then lauh lauh pah chuan a ti leh zel a,Vincent chu dak chho meuh hian ka melh a,A lo hawi sawn nghal vut thung.

"I nghawng kha eng tia i tih nge?" Ka fapa sam ka chul zeuh chu ka tawp nghal chawt mai!

Ka hma ah tak a rawn ţhu hniam vut a.Atthlak zet in ka nghawng chu ka vuan bet nghal chawt ringawt!

"Eng tia i tih nat nge?" Ka ţhut na chu a ban pahnih in a rawn nem a,Chiang lutuk in min melh nghal run bawk!

"Ana tih pawh ka lo hre hleinem!" Za lo zet in ka nui a,Inseh ruh ţeuh chunga a ner nawk chu ka melh let ve ran bawk.A kut dinglam rawn lek chhuak pahin ka nghawng ka vawnna kut chu rawn laksawn a tum ta mai! Ka ţang ve tlat a,Rum nghut pahin na zet in ka ban rek a rawn hmer hnan a,Ka thlah chiang lutuk,ka mal chungah ka kut chu a hum bet a,A lum vung vung thei!

Thli thaw in a chhip sam hnim lai a chhem che dar dar a,Chiang lutuk in ka nghawng duk kual raih chu a melh ngur bawk.

"Engtia i tih nat nge?" A aw zawi tak chu thil dang in a pawlh tel ve a.Ka hrethiam chiah lo!

"Ana tih ka hrelo ka tih kha.."Ka kut a hum beh phelh ka tum rual chuan hneh lutuk in ka ban rek ve ve ah a man bet a,A taksa in min awm hnaih sauh bawk!

"Ka kut hi thlah rawh." Ka ti hlak,Jayden lam ka melh zawk a,Kan piah mai a naupang dang infiam nak nak lam a lo en ta hlauh zawk a!

"Ka sawi chu i hria em?Ka kut hi thlah rawh."

"Zodinpui!" Zawi sup in a phun a, A hmui phun en tlat lo ila chuan engmah ka hrelo ang.

"He thil hi tu tih nge?" Zawi sehchilh zet hian ka hmai zawn ah a phun leh sup a,A aw ah nelawmna pakhatmah awm lo mahse a mitmeng ah erawh min lainat ngawih ngawihna a rawn lang chhuak a,Muangchang in lei lam ka bih ta daih a.

Vincent chu a taksa che awk khawp in a rawn thaw chhuak ham ham a,A palian bawk si,Ka hma ah tak a ţhu run a,Ka hmingpum a lam sup rual khan engtinemaw tak hian ka danglam bawk.

Rum nghut pahin ka ban rek a vawnna chu a thlah ta hram a.

"Jay, kal ang.." Jayden banah ka vuan chawt a,Ka ding chhuak tur chu Vincent chuan min nem ţhu leh nghal dawt mai!


"Che suh ang che.." ti sup pahin a kekawr ipte a zen a,Jayden chu Vincent taksa si chet in a ding a,Ka fapa chu melh zawk in a nui leh suk phawt a,a kekawr ipte a țang scarf var hi a rawn la chhuak a,A thlep kual nawk nawk a,A kut pahnih a rawn lek chhuah leh rual chuan ka lo ip chawih thei.


"Ka ti na dawn lo che,Mahse he thil hi hmuh reng ka duh lo." Tih sup pahin a scarf thleh sin chu ka nghawngah a rawn vet a,hnung lam a suih pah a ka dar zawn ah a khabe a rawn awm hnaih vang ringawt te chuan ka tha a lo khur anih chu!A sam hnim laiin ka beng a hawlh tel zauh zauh a,ka awmdan a dik dawn miah lo,Zico nen kan inneih hnu hian tun ang hian mipa dang taksa nen kan inawm hnaih ngai lo a,Ka taksa chhung lam hi a rawn lum deuh pup pup mai!


A suih nghet a,A kut a la sawn mai dawn maw ka ti a,Mahse hneh zet in ka nghawng hnung lam ah a rawn hmer ta vang vang a! Nem sawn dawrh tur ka nih laiin a kut lum thlahlel ang hrim chuan mit ka chhing ta sawk a! Ka taksa natna leh kawchhung ipik ngawih ngawih te kha a reh sawng sawng maiin ka hria.


"Engmah i sawi a ngailo, hremna a let ka lak aţangin a hmu ang." A ti leh sup a, A aw zawi tak si leh tumruh tih hriat tak a nghet churh mai chuan min thlamuan hluah hluah,Varţian a Zico-a'n min rek bet chunga min khawih lai te khan ani hian min rawn chhan hman se..

Engnge maw ka ngaihtuah le..

Muangchang in mit ka meng a,He mihring hian Vincent ka ni inti mahse he a mitmeng hian min bum ve thei lo ang,Ka damloh changa min en ţhin ang chiah khan min en reng a,A kum a naupangchhia tawh lo tih hriat zet a a mit bula vun chuar pahnih awm phei raih pawh hi Zothana ka mitthla let changa ka suangtuah tel ţhin ziah ani bawk.


"Sshhitt..Ţap suh,I fapa a awm hi.." rang zet in ka biang a rawn tuai vat a,Kei kher kher pawh chu engvanga zuau ta tlat nge maw ka nih le!

"Ka tihpalh.." ka tisep a,Keimah zawk in ka hmai chu hup in thawk ka la ta ham ham a.A kut in min khawihna vang ngawt khan ka hah a dam a,Ka kawchhung ipik lutuk te hi inbun ruah ka chak phah a,Mahse ngaihtuah chian rual erawh in a atthlak viau lawi a!


A din chhuah rual a ni rawn hlim ta duk mai ka feel rual chuan nui luiin Jayden sam ah ka chul sak zauh a,Engmah a hrethiam ve hlawl lo tih hriat tak hian mit a khap ve fak fak mai.


"Jayden,I hmaiah chuan eng lem maw kan ziah tir ang."Zangkhai zet a rawn ti tu chu ka melh leh zawk a,'ka kutah engkim dah rawh!' Tih sawi a tum nimai hian ka hria a,Zawi muanga mit khap chunga lu a buk nghut tak ah chuan ka nui chhuak hak a!

"Uncle,Panda lem ka duh."

"Vun tan a hlauhawm loh ami?"

Pafa ni ta se an induat sual hneh ngawt ang mawle! Jayden-a'n a lamah a ban tereuhte pahnih a phar chhuah rual in a pawm kang zui nghal nawlh a.

"Hlauhawm loh e,Skin care color a lawm an hman."

Ka bu ta nghat ringawt!

Artsy_Bit ho in naupang dang hmai a thil an ziah sak mawlh mawlhna lam pan chuan an inpawm phei leh a,Vincent a sang ţha bawk a,An langsar larh mai.

Ka nghawng a scarf a suih chu ka tawk a,Kha a kut lum leh nem thup siin min khawih rual khan atthlak zet in rinchhan tur ka neih loh zia leh pangchanna tur ka mamawh zia min hriat nawn tir ringawt anih kha..


Cardigan chu ka ban ah ka bat a,Jayden te awmna lam pan chuan ka kal ve a,Ka fapa chu chair ah fel at in a lo ţhu a,Hmeichhe pakhatin uluk takin a hmai chu a lo hnawih ran(g) sak a,Min hmuh rual chuan a kut chum biang mai chu a rawn ti che ve lauh lauh bawk a.


"A hlauhawm loh tak tak ang maw?" Vincent chu inkuang kuah hlun in a ding a,A banpuam chu a lang lian sauh mai bawk.

"Hlauthawng suh,An thil hman hi an uluk tawk a lawm." Ti sup pahin dawhkan chunga color pakhat chu a la kang vut a,Ka hma ah a rawn lek rual chuan ka lo ban ve mai a,vun tan a hlauhawm loh tih a lo chuang ve va bawk.


Vincent chu a inher leh vut a,Dawhkan chunga an sample inziahna lehkhabu te chu a la kang a,Ka melh reng a,Lehkhabu te keu zauh pah chuan min melh leh zawk a.


A nuih suk rual chuan engemaw tak tih a tum niin ka ngai nghet hmak bawk.

"Tah hian ţhu rawh.."Chair ruak chu a kawk zauh a,Lu ka thing nasa mai!A nui leh suk a,Ka darah rawn vuan in min nem ţhu a,Jayden hmai a an ziah pawh a zo ţep tawh.

"Mummy i ziak ve dawn mi?"


"Umm,Mum hian rose lem hi ziak ve rawh se aw. " Vincent'an min chhan khalh a,ka melh chho nghek a,Mahse nui suk pahin a inher a,A bula Artsy_bit member tho pakhat chu a sample ken lai chu pe in engemaw hi a hrilh leh a.


"I hmaiah a mi kan ziah ve mai ang?"

"A teuh lo." Ka lo ti vak ringawt. "Ih,Ka ban ah hian a theih em?" Ka ti leh rih a,ka fapa chair hnung a ding run chunga min en reng tu chu rum deuh hian ka melh ta vak a,Engahmah a ngaih hmel der mai bawk silo.


"Theih e,I pasal sawn Red- Rose hi a thlan sak che a,I ban rekah pawh kan ziak thei ania." A ti zung zung a,Ka pasal ani lul lo ti a au chiam mai hi ka duh a,Mahse a thusawi pawh ngaihven zui tawh miah lo hian rawng sen chu a hmet chhuak zal zal a.


Ka cotton kawrbantluan hak chu ka pawt tawm chho a,Mahse Zico chetna hnuhma langsar zet a lo senduk riai ka hmuh rual chuan rang lutuk in ka kawrban chu ka pawtthla nghal sawk sawk a.


"Ih..Ka tibuai viau che a chu..min ziah sak loh mai rawh." Ka ti zung zung a,Ka ding chhuak tur chiah chu Vincent-a taksa lianpui ka hmu vuat a,ka ţhutna ngaiah ka ţhu fel leh der mai!


"Engthil nge i tih a?" Sehchilh zet hian ka ti sep a.A rawn kun hniam a,Ka ţhu ţang nghal at bawk.

"I kawrban kha hlip chho leh rawh."

"A ţullo."

"A pawi hleinem!" Ti sup pahin a ding mar leh a,Chair tlang ka vawnna kut chu a rawn hum nghal hmiah,Laksawn tum in ka che dawn tih a hrethiam ani khawp ang,Dim zet si hian ka kawrban chu a rawn pawt chho a.


Ka thinphu a rang dawt dawt bawk.Ka ban ti nem lai senduk raih a hmuh rual chuan a taksa chhung lam aţang a rawn rum chhuak hawk a! Kei erawh mahni inkhawngaihna in ka khat ani ber,Min venghim tu tur ka pasal sulhnu hmu in midang zawk in min tawrhpui ta hleuh zawk a!

"Hmun hnih.." zawi sup in a phun a,

"Helai hi a tina palh a,A kutzungpui hnaih ah hian ziahsak mai rawh aw." Member-nu vek chu pangngai takin a be zawm leh zat a.


Artsy_bit member a mi chuan phur zet hian rose par lem chu a ziak malh malh a,Vincent chuan Jayden a pawm leh vang tawh,Ka kut a thil ziah chu hmuhnawm ti zet hian an rawn en reng a,Mipa naupang TV a thil chhuak hmuhnawm ti zet a en dauh dauh hi an ang ber!


Vincent phone a rawn ri a,A kekawr ipte aţang a lak chhuah rual chuan min melh zawk a.Ka lo en chiang ve ngang mai bawk si!

"Call hi ka'n chhang lawk ang,Warehouse cafe ah kan lo nghak mai dawn che ami?" A rawn ti a,Ka bu nghat a.

Jayden bulah engemaw a sawi leh a,Jaydena'n ban min rawn vai ta lauh lauh a!
"An pafa rawn inpawm phei kha mi zawng zawng mit a la vek mai in ka hria." Ka kut a thil ziak mawlh mawlh tu chuan a rawn ti leh a.

"Mawh?" Ka ti hû ringawt!

"I pasal te kha nia ka tih, In fapa lah kha a cute bawk si." Nui sak pah in ka kut chu a lek kang zeuh a, "Thil nalh a hre phian leh nghal." Tiin ka ban rek a a rose par sen lem ziah chu en in a nui leh ver ver a!

"I va ziak thiam ve.."

"Min fakna chu ka lawm e,Ka nuam tih zawng a nia.." a ti leh siam siam a,Ka bu nghat a,Pawisa pek tum a ka bag ka zen rak rak chu min lo titawp vat a.

"I pasal khan a pe vek tawh.."

"Ohh.." ka ti sep a,Engtik lai khan nge a lo pek reng reng ni.

Cafe lam pan in ka kal sawk sawk a,Jayden hi mihrang bulah ka dah chhin ngai lo a,Vincent khan a lo tina ang ka tihna nilo in ka ngaihtuah hluah hluah a ni tawp mai!

Cafe chhung ka luh rual chuan bang kil lam a Vincent min hnung chhawn zawng a lo ţhu run chu ka hmu hmasa ber! Ka fapa pawh a kil lam ah a ţhu a,a phone ah games a khelh tir ani mai thei,A chet sek loh danah!

Ka pan hnai a,Vincent chuan phone a lo la hmang reng a,An bul ka thlen rual a a aw zawi sup vang chuan ka ding leh dat a.

"Cancel ang che,Darkar khat hun i nei." English aw phawi nalh zet in a ti sup a,Midang inbiakna hi ngaihthlak ka duh ngailo a,Tun pawh hi ka duh vang a ngaithla ka nilo tiin ka inhrilh vat a.

An hma lam a ka va pen tak ah chuan an inbiakna chu a titawp zui vat a,Min melh zawk pahin ţhutna chu a kawk zauh a.

"Mum,Uncle hian Papa tablet a games ang kha a lo nei ve a.." Jaydena'n phur zet hian a rawn ti a.Ka bu nghat a,A tablet ken lai bawk a bih leh ta daih bawk.

"Engnge i ei duh ang.."

"Engmah ka ei chak lo..."

Hmui ti sawi zauh chung in dawhkan ah a kut hrawlpui pahnih chu a rawn nghat a.

"Jayden hian French fries a ei duh a,Nang in engmaw i ei dawn?"

Ka sawi kha a hrelo emawni le?

"Engmah ka ei chak lo." Ka ti a,A chal a chuar tap a.

"Ka rawn lak i ei mai angai dawn nih chu!" Ti sup pahin a tho ta vut a.

"Zothanmawi engmah ka ei duh lo ka tih chu!" Ka ti a,A ke pen lai a tawp chut a.

"Ka sawi chu i hria em?Engmah ka ei duh lo.." Zothanmawi ka tih rual a a hmel landan tur kha ka hmu chak lutuk,Muangchang hian a rawn in her ruai ruai a.Ka mit ah tak en in min melh chhuk nghal run bawk.

"Ka hming nilo in min ko leh tawh tih i hria em?" Pangngai tak a lan tum engang mahse a bek ruh che țalh ţalh chu ka hmu chiang lutuk!

"Min bum theih i inring ami a?" Ka ti a,Za lo zet hian a nui chhuak hawk a!

"Thil ei i ngai hle anih kha.." a kut chal a a hnar tuai zauh pah chuan a rawn ti sup a.Engmah ka sawi leh hma in counter lam pan chuan a kal zui ta nul nul a.

"Mum,Uncle hi fel ka ti e ." Jayden rawn țawng ri vang chuan a rukin thawk ka la a,Ka fapa lam ka lo ngaihven tawh miah lo mai!

"Amah aiin Mama hi a fel zawk lo ami?"

"Uncle chu super hero ang a lawm." Uar zet hian a rawn ti reuh a,Ka nui chhuak hak a.
"Tunge sawi a."
"Keiman,Ka hmai ah panda ziah pawh a phal a,Papa chuan min kalpui duh lo a..." a kutțang a tablet thai zeuh zeuh pah chuan a rawn ti a.

"Jay.. Papa chu a buai a lawm,A hman chuan a hruai ziah che kha.."

"Today chu Uncle in a lawm min hruai." A ti leh mai a.

Engmah ka sawi duh ta lo,Tun a a thil sawi ang chiah hi Zico bulah sawi ta ngat se chuan!

" beef grill hi i ei duh ka ring a,ka rawn lak kep ta mai che." Vincent chuan kan table a tray eitur khat vek rawn nghat thla pah chuan a rawn ti sup a.

"Jayden,Thil ei hun a ni tawh aw." Jayden a be zawm leh daih a,Ka fapa lah chuan thuawih fe mai hian a tablet chu dawhkan ah a nghat a,Vincent-a eitur pek chu a ban ve tharh a.

"Sanitizer i keng em?"

"A... aw.. Jay i kut sil phawt rawh.." Eng vanga hepa bulah hian che hui zel nge maw ka nih le! Ka bag a ţang hand sanitizer chu ka la chhuak a,An pahnih inbuaipui vel chu ka en ta reng ringawt!

Kan tlan let leh lam ah Jayden chu a muhil ta mai a,Ka mal chungah keimah min hmachhawm zawng in ka pawm a,Vincent a pawh in a speed ti hniam in motor chu a khalh mawp mawp a.

Car chhungah chuan ngaihthlak nuam tawk lek in Dolly Parton zai a play bawk a.

"Zothana chu i tan engnge anih?" Kan ngawih reng lai chuan a rawn ti sup!

Ka fapa sam ka khawih niap niap chu ka tawp a.

"Zothana i ni bawk silo a,Hre ta pawh nila i tan a ţangkai vak ka ring lo." Hma lam melh ngar pah chuan ka ti sep a,ka awm zawn a ka fapa lungphu ri ve dat dat chu ka ngaithla kar bawk.

"A țha alawm.." a ti nghut a,Ka melh ta nge nge a! A hmelah engmah lang chhuak miah silo hian nghet zet in steering chu a hum a,Tha a pe na ngang a niang a ban ah thisen zam a kal chho kulh thei.

"Ka unaupa.." ka tisep a,min en vat a. "Ka nu leh pa.. ka ţhianpa leh..." ka tawp dat a.


Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


"Aaa..ka tan chuan ka chhungkua ani tih bak sawi dan ka thiam lo." Thaw halh pahin ka ti ta hliai a,A ka hmanga a thaw chhuak ham ham ri ka hria a.

"Thisen inzawm na in nei ami?"

"Neilo e."

"Unaupa ang chuan i en thei tho a?" A aw rik dan ngeiawm zet vang chuan ka en vat a,Hma lam chiah a lo melh ngur thung!

"Ka theih lohna tur a awm ami?"

"Thisen inzawm in nilo i tih kha.."

"I hrethiam ve lo ang." Ka ti ta zawk a,Min melh zawk a,A bolero a kan chuan hmasak ber ţum ang chiah khan a mitmeng ah chuan na tuarna hi a rawn lang a.

"Ka hrethiam lo chu ani e." A nui suk a,Biak zawm leh chakawm tawh lo khawp in a hawi sawn ta hmak bawk.

Khawchhung kan tlan luh chuan traffic ah reife kan tang a,A tu mah mah kan țawng tawh lo bawk a,Car chhung a music play chu hla a rawn inthlak chiah a! Za vak lo a nui chung in sound system lam chu ka ban vat a,Vincent pawn a lo ban ve tho ani ngei ang,kan kut a in si chawt a,rang zet hian ka la let leh ta vat a.

Amah zawk in volume a ti sang a, celine dion 'my heart will go on' music a rawn rik riai riai tak ah chuan hahdam zet in seat nghenchhan ka ngheng a,Titanic movie hi Home a kan awm lai khan kan en ţhin a,A hla hi nalh ka tiin mi hi a fan veng veng thei a,Ka ngaihthlak dan a fuh loh chang phei chuan buak hawk chang ka nei fo mai!

Gate kan luh rual in Jayden a rawn meng a.A mit nuai nauh nauh chung a a ham bai bai tluk a naupang duhawm hi an awm tawh kher lo ang!

"Mum."

"I rilțam em?" Ka ti vat a.

"Khawnge uncle kha.."

"A kal tawh a,In ah lut ila thil i ei ţeuh dawn nia aw.."

Vincent hmuh mai inbeisei tih hriat zet hian Gate lam chu a thlir zui dauh dauh a,Zico bulah Vincent chu a super hero anih thu a sawi chhuah mai ka hlau ta ber bawk!

Engvang a hlau ngawt nge ka nih ka hrelo,Mahse..Nizan thil thleng te tun hnai hrim hrim a thil thleng te vang hian a thinrimna a ho thei si a,A rik hlut ka hlau anih ber chu!

"I hmaia Panda hi U Mami i hmuh chak tawh em?" Tih phur luih ka tum ngat ngat a,a harh ruala Vincent a hmu lo ngawt a hawi kual vauh vauh chu mak tih tham a tling bawk.

Inchhung kan luh rual in Jayden a ri ta chul a,Mami bulah sawi tur a ngah ngang bawk.

"Ehe,Au chu a hmai hnawih chu a va pa ve." Zico office aţang Brad a rawn chhuak hlawl a.

"Brad,Teh hlawl che chuan.."
"Nia,Buaina a awm thut a, Jaydena pa lah hi office ah a rawn kal silo a,Ka rawn pan tawp anih hi.." a ti sup a,Chil ka lem dawk ringawt.

"Anih chu..U Machhani te nufa an țha maw?"

"Ţha e,Kartawp ka nute anniversary kha i mangnghilh a nge." A ti leh vat a,Ka bu zauh a.

"Coffee in lo in tawh em?"

"In tawh tho a chu hna khawih ngai kan la ngah si kan duh leh ang.." a ti a,Mak ka tih tak ber chu Zico in zinglam ah a buai tur thu a sawi a,Brad lahin office a kallo a rawn ti leh ang lawi a.

Lisa in ka call a lo chhan ţum a,An inchhaih rak vel kha ka ngaihtuah let zawk a! Ka luak a chhuak nghal hlui bawk.

"Hetah rawn kal suh." Office chhung lam aţang Zico aw vin zet ka hriat rual chuan ka hawi dawrh a.

'Jayden..'

Rang lutuk in office lam ah chuan ka tlan a,Brad nen kan inbiak chhung khan Jayden lam reng ka lo ngaihven lo a.

Kawngkhar a ka pen luh rual a ka thil hmuh vang chuan nghet zet in kut ka hum ruh ta vak a! Ka bulah Brad pawh a rawn ding ve chiah bawk.

Zico a hlau a table hma a Jayden ding zum reng chu ka pawm kang nghal nawlh a,Nghet zet in ka nghawng ah kut a suih bet ve nghal vat bawk.

"Lo veng ţha ta che,Hna khawih laiin rawn inhlei tir tawh suh." Rum zet a min melh pahin a ti leh chiam a,Ka sa ve ta kher mai!

"Vin chiam lo in thil i sawi thei reng,I fapa hian vin vak aiin ţha taka hrilhfiahna a hrethiam zawk tih hre ta che." Ka ti a .Brad hi awm velo se chuan kut min thlak hreh miah lo ang.

"Mum,room ah kal ang." Jayden-a'n hlau tih hriat zet a rawn ti chul tak ah chuan ka chhuahpui nghal nal nal a, Engemaw hlek a thinrimna tur a hmu ziah hi a mak em em tawh lutuk!

"Din.."

Ka ding dat a.

"Inhriatthiam rih a ngai dawn nia,Nichin lawk khan a site lama a thawhpui tur ten thawh hona an rawn cancel leh sia.." In bengdai tura min duh tih hriattak in dam dap hian a rawn ti a.

"Kan lo hre dawn nia." Ka ti ta sep a.

"Jay,Papa kha chu hlau suh aw,Keiman ka lo hau dawn nia." A rawn ti a,Jayden chu a ngawi ran thung.

"Office ah a rawn kal lo i ti tiraw kha.?"

"Kal lo e,Hna a tam tehreng nen." Za vak lo tih hriat zet hian ati hluk a.

Lisa nen an awm dun bak anih ka ring ta lo hrim hrim;Engmah erawh ka sawi chhuak chuang lo,Finfiahna ţha tak ka neih loh chuan a unaute leh a chhungte bulah engmah sawi ngawt tur ka nilo bawk.

"Jay,Papa room ah khan engnge i va tih a?" Ka ti sep a.Kan nupa khum tlang ah ka ţhu a,Ka awm ah a bei hle hle bawk.

"Ka hmai hi en tir ka tum a." Zawite in a phun sep a;Ka khawngaih reuh kher mai!

"Papa kha a buai vang mai mai anih kha, vin che kha a tum miah lo a nia." Ka ti a,A kut a chet a,Ka kawrchhung ah a zen lut nghal rak rak a,Ka nuih ta ringawt!

Zan dar kua ah pawh Brad emaw Zico emaw pawh an la rawn chhuak lo hrim hrim a,Engthil chiah nge an buaipui tih ka hrethiam ve lo bawk.

Mami a mu lut a,Zico te hna khawih zo chu ka nghak deuh reng a,Jayden pawh vawiin nisa a do chau ve ngang aniang,Thil a ei zawh hnu lawk ah a muhil zawm ve leh ta mai.

"Din,I duh chuan mut san mai la." Brad rawn chhuak chuan kawngkhar a kharphui zui vat a.

"A la zo dawn lo ami?"

"Zo mai lo ang,A chan hi a lian tham e mai." Ti sup pahin office kawngkhar a kharphui tawh chu a melh zawk a.

A sawi chu ka man thiam ve in ka hria,Zico hi hna a inpe zo tak ani a,A unaupa ngei pawh in a el ngam loh khawp a thawk nasa a ni ţhin reng bawk,Tunah tak hi chuan tlawm ah ala tel bawk anga,A thinrim viau bawk ang!

"A zialo hle mai.." ka ti halh a.

"A chingfel leh vat tur ah ngai ang."a ti a,Laptop bag khai chung in kawngkhar lam a pan a,Gate kalh ka ngaih dawn vang in ka zui ve ta zel a.

"Thil pakhat.." Gate a chhuah hma chuan a rawn ti sup.Ka bu nghat a.

"Lisa hi i hre tho in ka ring a.." A ti a,A chawl leh dat a,Ka thaw chhuak ta lo in ka hria.

"Zico nen hian inhnaih vak se ka duh lo,I mit tikham zawng a a rawn che a nih phawt chuan țawngkhum hreh lo ang che." A ti ta mai!

Ka thawk chelh beh reng chu ka thlah a,Ka ka aţang boruak a chhuak ham ham bawk.

"I thilsawi chu.."

"I pasal ani tih hria la,Jayden-a pa ani bawk,Engthil pawh thleng se Lisa hi hlau suh ang che,I lam ka ţang tlat dawn a nia." A ti a.

"Va lut tawh rawh le.." za vak lo a nui suk pah hian a rawn ti a,Car ah a lut a,A tlan liam thleng chuan ka en zui ta reng a.

Lisa leh Zico te awmdan hi a hre ve tihna mi ni dawn?

Awmze neilo zet in ka thaw hawk a!

Ni e,Tun dinhmun ah chuan a nupui ka ni a,Ka pasal laka thuneitu ka nih na lantir tur ka ni bawk!

Khum ah ka mu meng kar a,Vawiin a Vincent phone call ka hriat fuh leh tuna Zico buaina hian inzawm na an nei mai em tih te thleng in ka ngaihtuah a,Chutih rual erawh in atthlak ka ti hle thung!

Ka nghawng duk a hmuh a,Thinrim ve ngawt ang in ka ngai bawk a,Ka pasal min khawihna tih ka sawi tello a,a hre dawn lo bawk.

Ka mut reng lai chuan phone a rawn vibrate chur chur a;Ka phone chu ka mutna bul dawhkan ah a awm a,A nilo tih ka chiang.

Tho chhuak in light ka on eng pap a..Vibrate ri chu a awm chur chur reng a.

Zico cabinet bik lam chu ka pan ding ta chawt a.

Ka pawt hawng a,A T-shirt ka thleh fel ţhap chunga phone rawn eng va va chu ka la a..

Awihlo lutuk in ka meng kawk mai!

A phone tih bo tak,Lisa driver in a rawn dah kha a ni a,He phone hi a hmang tih pawh ka hre lo.

Screen ah chuan Lisa hming a rawn lang a,Ka thinphu a rang nghal zawih zawih bawk!

Ka pickup hma in a tawp ta hlauh a! Ka thaw hawk bawk.

Lock chu open mai ka tum a,A lo thlak thlap tawh bawk!

Message rawn thleng leh chu rang zet in screen ka pull down vat a.

"Dar 10 ah ka zo dawn,Khawi hotel ah nge ka lo nghah ang che."

Tha khur dar dar in phone chu ka hum nghet ngawt ngawt mai!

He phone hmang hian an lo inbe ru ţhin leh zel ani maw!?