TE DOY 15K BY Abbra Reo Ririni Khiangte (Pitartei) (Completed)

[ngaia]

" i hmeichhe khawih saw a hlutna hi i hria em?" A aw thum zet chu thinrimna vang in a khur ru a ,Zico rawn inbeng kang mek chu a kutphah lian zet a ţham nawk in a hnuk hrawk. Bang ah hneh lutuk in a nawr bet zui nghal nawk bawk!

"Wow! Romeo chu a Juliet ~i chhan turin ka inchhungah a rawn lut ru ve a maw?" Zico aw ri ngeiawm zet chu a ring ţha kher mai! A nui zui huah huah a! Vai film a misualpa nui khawk huah huah hi a ang ber zawk ang! Mahse vawi leh khatah a tawp chut a,Zothana hmai ah a hnek chawrh chuan ka khek chhuak tuarh a! Mahse Zothana a che zawm a,An ri buan buan hi ani ber mai!

Zothana'n chhuatah ţhut bet chunga a nam beh tak ah chuan Zico chu a thaw hawk hawk a!

"Nang phiangsen nen hian eng in zawmna nge in lo neih?" A ti zui țhawt bawk!

Zothana chu a nui hul hak a! muangchang in min rawn melh a,Zico chet dan vang in thinrim ngawih ngawih mah se a mitmeng thim khup ah erawh min ngaihtuahna leh min hmangaihna chiah a rawn lang thung!Ka taksa lang huang khuh tum chuan ka kawr chu ka lo pawt khawm ve țang țang a!

"Kan inhmuh hmasak ber khan hmeichhe hmangaih ka nei em tih min zawt tiraw?" ti sup a Zico a zuk melh chhuk run chuan ka lo thaw dep rep. Amah a hrawl in Zico a ţhamna ban chu a nghet tawk tih hriat zet hian Zico in phihsawn a tumna te chu engahmah a ngai eih lo.

"Khami țum a ka hmeichhe sawi kha amah hi ani! " a ti leh hrawk chuan Zico chu a ţhawng tawk ani ngei ang! A thaw hawk ringawt!

Zothana rawn thawh chhuah hnu thleng pawh chuan a mut ngaiin a mu reng a! Min ngaihtuah hluah hluah tu mitmeng hmuh tluk a thlamuanthlak hi he khawvel ah hian a awm leh tawh lo ang!

"Ka venghim dawn che ka tih kha.."Khum bul chhuatah a rawn thing thi a,A kutphah lum vung vung in ka biang a rawn khuap a,Ka ţap chhuak ta hawk bawk!

Ni e..Zicoa'n min sual luih lai te,Kut min thlak lai te khan ka ţap ve ţhin ngei alawm,Mahse ka ţap ri a hriat rual in kut min thlak zawm dawn tih ka hriat vang in ka ngawi leh ţhin a,Tunah hi chuan ka hahdamna hmun,Ka ţah chang pawh a min vin ve ngailo tu leh chakna min pek belh thei tu bulah ka awm tawh a! Khang hun laia ka natna zawng zawng kha ka ţap thawl vek bawk ang!

"Hahdam rawh le."Ka chalah a hmuiin a rawn nawr a,He a taksa lumna ringawt pawh hian min thlamuan hneh zia a hre kher lo ang!

Mit ka men rualin ka khek chhuak tuar a! Zothana chu engtik laiin nge a dinchhuah hman pawh ka hrelo,Hnunglam aţang hmanrua nen a rawn vuak thluk tawp tum tupa hrawk ah tak a rek bet ta nawk a!

"Khawih tlak ah ka ngai ngailo che..Mahse ka neih hlut ber lak a i chetdan vang hian engpawh ti mahila inthiamloh na tur ka nei ta lo!" Ro hak a nuih pah in Zico thil ken lai chu a laksak a,Zico a reh behna ata a nemsawn lawp rual chuan vuak tum in a tin uaih a! Kei phei chuan vawhlum daih se ka duh hial zawk!

"Ka tihnat che ngailo in i thiltih zawng zawng vuak let i tuar hun nghah ka thlang zawk e." A ti sup a,Pindan cheinan a darthlalang rit nulh kil li nei chu Zico ke bulah a vawm darh ta vek a!

"Ka mipat puite chiah kut ka thlak ţhin!" A ti zui hram bawk!

Zico tan chuan Zothana țawngdan chu a tlawmthlak hle ang tih ka hria! In la mipa ve tak ani a,Kei pawh min vau reng a,Tunah chuan mipa diktak a hmachhawn ta a,a ngawi ta ngul mai!

Ka mutna lamah a rawn pen let pawk pawk a,A thinrim chu in bengdaih a tum ve hle tih hriat zet in a hmel pa zet pawh a lang chang țawlh țawlh a,A swag hoodie chu a pawt hlip pawp a,Ka taksa khuhnan a hmang a,Ka taksa che hlei theilo chu min pawm kang zui nghal nawlh a! Zico chuan min en mawl tawp!

Kawngkhar a kan pen chhuah hnuah chuan rang zet in Zothana nghawngah chuan kut ka suih bet a,Ka nghawngah a hmaiin a rawn nawr tawk a! A taksa sa hum hum ah chuan a in control nasa hle tih ka hria a.

"I him tawh,Hahdam rawh le.."Ka nghawng ah hmai nawr reng chung in a phun sup a,Ka thaw chhuak ta siai siai a.

Kailawn ah chuan zo zet hian min pen thlakpui thauh thauh a,Khawnge min hruai dawn tih ka hriat loh ang bawk in he inchhung,Mihring ang nilo khawl ang mai a min entute lak ata ka awm hran theih na tur anih dawn phawt chuan pawi ka ti lo.

"U Din.." Mami chu a room aţang bag ak puar luah chung in a rawn chhuak hlawl a.

Mahse engmah a sawi leh hma in Zothana'n a mitmei zawk a,Kawngkhar lam pan in a kal zui nghal dat dat a.Mami hnungah zel chuan kan zui a.

Tun hnai a thil thleng hi a rapthlak tihpiah lam vek ani a.Manganna leh hlauhthawnna hlir in min țhawng a,Thawk lak ngaihna ka hre hlawl thinlo. Zothana chuan nghet leh zual in min kuah bet leh a.

"Zothan ..!" Ka aw a khur nasa ngang mai!Sawi tur ka hria pawh a nilo

" Engkim a ţha." Ka lu ah a rawn fawp leh a,Ni e..a bula ka awm chuan engkim a ţha vek zel.


Khawnge min kalpui dawn ka hrelo a,Zo zet in min pawm chhuak nghal nawlh.Kan in ti a ka lo sawi ve ţhin ngei chu hlauhlawp in ka chhuahsan ta chu a ni a!

Gate pawnah Bolero a lo hung a,A hmalam ah min luhpui lo in seat hnunglamah min luh pui a,Mami zawk seat hmaah a ţhu lut a,Driver a lo awm reng tih kan ţhut fel hnuah ka hre ve ta chiah mai!

Zothana chuan min kuah behna thlah a tumlo tih hriat zet in a taksa ngheng in min kuah zui nghal hlu hlu bawk!

" Hahdam tawh rawh le,Kha mihring khan a rawn khawih thei tawh lo che!" Ka beng hnuai ah a rawn fawp a, A rawn thaw lum zui nghal ham ham a.

" Min țanpui tu tur an lo kal dawn lo emaw ka ti a!" ka aw chu a la khur reng.Na tuar ang mai hian a rum chhuak ta hawk a!

"Ka awm tawh ka tih kha, Ka venghim tlat dawn che alawm!" A aw nghet charh ah chuan fiamthu pakhatmah a lang lo, "Tunah rih chuan hahdam phawt rawh.!" Min duat tih hriat hluah hluah hian a rawn phun leh sup a.


Engmah sawi zui tawh lo in a awmah chuan thlamuang tak in ka bei nghal siai siai! Zothana pawh chuan a ban lianpui chuan min lo pawm bet ve tlat bawk.Ka thawk lak zawng in a Hoodie jacket a a rim pa tak nam veng veng chu ka hip lut tel ve zel a,A lungphu zawnah lu ka nghat leh a,a thinphu dup dup chu ka ngaithla a. Eng tianga nasa in nge he a lungphu ri hian min thlamuan tihreng a in hrethiam hauh lo ang.


Zicoa'n ka hmai a benna chu a rawn tuai zauh a,A thawk lak zawng in ka taksa a che ve leh awk a!

"Min hua em?" A rawn ti sup! Aih tihnan a awma bei reng chung chuan lu ka thing zauh a.

"Keimah hi ka inhaw lutuk!" A ti hrawih mai! Ka dak chhuak vat a,Motor chhung eng ţha mang lo leh a hmel landan pa zet chu inhmeh tak ani ringawt!

"A hun takah i lo thleng a lawm.."

"Kut a thlak hman che a.." Seh chilh nawk hian a ti sup a,Keipawh ka thawchhuak hak bawk.


"A thleng tawh ngailo ang tih ka tiam a che.."Ka biang ah bawk a chul a,A kutphah hrawlpui chuan hneh zet in a rawn kuap leh vang vang a! "Hahdam tawh rawh le."A awmah bawk min kuah beh leh tak ah chuan a taksa lianpui ah chuan ka ban ka suih bet a;Ka hriat ve theih tirhte ațang thlamuanna leh hahdamna ka dawn ve reng reng te hi Zothana ațang vek ani tih ka hre thar a! Țawngkam tam tak in thusawi duah zel lo mahse ani chuan chetzia in a lantir ţhin a,Tunah pawh hahdam tur in min hrilh a,Min hrilh satliah nilo in dimte te in ka chalah a hmuiin a rawn nawr a,A hmui lum leh nem thep si chuan Zico natna min pek zawng zawng te kha a mal mal in a nawt reh nghauh nghauh a!


"Naktuk ah Jayden nen in inhmu ang tih ka tiam a che!" A ti leh sup a,A awm a bei reng chung chuan chau zet in ka nui chhuak hak a!Nghet leh zual in a ban pahnih inkarah chuan min kuah bet ta hlu hlu a!


Motor ding che dat ah chuan peih lo zet hian mit ka meng a,Mami kal chhuak thawm leh kawngkhar inkhar phui leh dat te chu ka hre riai riai a,Ka bawhbeh mek taksa lumna ațang tal hran ka hreh a,A lungphu ri dawt dawt khan thu tam tak sawifiah theih loh thil tam tak min hrilh a,Chu ri chu ngaihthlak nuam ka ti .


"Jerry, Motor hi chu ka rawn hung țha mai ang,Mami kha lo va luhpui la,Nu Liani khan a mamawh tur lo hrilh rawh se" Zothana țawng ri chuan min nghawr ve dat dat a!

Ke pen thawm a hla tial tial a,Ka sam karah a kut a zen lut a,A hmai in a rawn nawr leh a! "Ka hmangaih che,Ka hlat ah awm tawh ngai suh ang che." A phun ri zawi tak chuan ka kawchhung thleng in a fan a,A thaw lum ham ham te chuan ka taksa hliam te hi a rawn hnawt bo duak thei mai!

Reife a taksa a min pawm bet chung chuan kan ţhu ta reng a,Engtinnge kan inah khan a rawn luh ngawt theih tih zawh ka duh a,Mahse zawhna chu nakinah pawh ka zawt thei tho a,Tunah hi chuan ka bulah a awm ngei ani tih fiahnan a lungphu ri hi chhiar reng zawk ka duh!

"Pa,Naktuk hian Puitei in ah khan in rawn kal dawn mi?" A ti sup a,Phone a hmang a,Mahse Puitei in a tih lai tak kha ka hrethiam lo!

"Rawn kal ula...Aih,Engkim a ţha,Naktuk ah ka theihnghilh ka hlau a,Ka hriat laiin ka rawn sawi zawk a nih hi.."A ti hap a,Ka che ţalh ţalh a,Min kuah beh tlatna ban a thlah thawl deuh rual chuan ka ţhu ngil a,Ka hmai zawnah tak a rawn nui suk a! Ka hmai a sa vek anih chu!

Chimawm zet a Zothana nui hak ka hmuh rual chuan rang zet in a awm ah bawk ka bei leh thlawp a,A nui leh cheu tih a taksa hrawlpui che dat ah chuan ka hre thei a.

"Aw le,Muttui u!" A ti sup a.Phone a hmeh hlum rual chuan a ka ațang boruak a thawchhuak ham ham a! Nichina ka lai ringawt kha a rawn sawi chhuah loh hram ka beisei!

"Hhuumm.." a ti nghut a,

"Ka princess tereuhte hi a muhil tui bawk a,Hetah hian riak mai ila a ţha ang!" A ti a,Ka ngei ru kher mai!

"Ka muhil lo,Chhuk ang.."Rang zet in a malchung ațang leh thlak ka tum a,A nui chhuak huk chuan ka kawchhung thleng in a fan thei mai!Ka kawngah a rawn chelh bet a! A awm leh ka awm a insik chet hma chu min pawt bet ta tlat a!

"Lut ang!" Seat ah ka ţhingţhit tawh vang in kan inchen reng tawh,A ha var rual nalh zet lang in a țhen sak a!

"I lai hmel ka hmuh lohna rei tawh zia hi!"

"Zothanmawi!" Ka ti ta tuarh a! Nui hawk pahin seat nghenchhan ah chuan a lu a nghat thla a,Ka tukhum sam ah a kut lum vung vung chu zen lut in ka chal leh a chal a insik tir ta dat a! A thaw lum ham ham leh fresh zet chuan min zem chawmawlh vek mai dawn in ka hria!

"He hun ka nghah rei zia hi i hria em?" Zawi sup tak tak in a phun a,Ka sam karah a kut chu a chet a.

"Kan inţhen hun maw?" Ka ti a.

"Aih..." a rawn ti tâwk mai!

"Pasal i neih khan na lo ka nilo,A vawikhat nan atan thinlung kehchhia awmzia ka hriat phah bawk,Mahse na viau mahila i hlim kha ka duh ber,Chuvang reng a Lisa pawh hrem a,Pindan chhunga kalhkhum ţhin ka ni bawk! "A ti hrawih a! A thusawi vang chuan ka tal hrang dawn a,Mahse ka tukhumah chuan na leh zual in a lamah min pawt bet a!

"I taksa ka dek leh thei hi a lawm ka sawi!" A ti leh sup a,Ka hmai zawn ah a thawchhuak ham ham a! "I hnaih a awm a,Ka nung satliah mai nilo tih inhria a,ka lungphu phu rang lai hriat leh theih kha ka chak țhin asin!" A ti ţuak a!

Sawi tur pakhatmah ka hre ve lo! A mitmeng dul ruih ah chuan ka melh a,Khawharna leh min thlakhlelhna te a rawn lang zut zut a! A sawi dik! Ka awm zawn a a lungphu chu a rang in min nghawr che ve dawt dawt thei mai!

Zothana zawk a che vut a,Ka taksa in seat a deh rual chuan min rawn bawh bet a,Tim dai hian a darah ka lo nem a,A nui suk ringawt!

"Zothan.."

"Hahdam rawh.." a ti sup a,A jacket min hak tir zipper chu a rawn khawih a,A kiu in ka bek zawnah a rawn innem khalh run bawk a,Amah a pa lian bawk si nen chuan min khuap bo vek mai hian ka hria a!

"Engnge i tih dawn!" Ka aw khur ve zet chu!


"Ka hrelo!" A nui nge a rum zawk pawh ka hrelo,Ka mit ah tak a mitmu thim raih chuan min melh a,Dimte in Zipper chu a pawtthla a,A pawh hawnna chin apiang chu a thaw lum ham ham vang in ka taksa chhung thleng in a lum tlang maiin la hria! Zipper a pawh zip thlak vek takah chuan mit ka chhing ta tawp a!


Dimte in ka awm khuh chu a rawn nawr hawng a,A kutțang in min tawh rual ringawt te chuan ka mur chhuak ar ar a! Ka thawk a rang ta kher bawk!


"I kal tawh ngai dawn lo tiraw?" A hmuiin ka hmui bul a rawn nul lum thuak a,Mit ka meng vat a! Ngenna lang chhuak hian min lo melh a.

"I kal tawh ngai dawn lo..Ani em?" A aw chhuak reng reng chu a kawchhung ațang rawn chhuak ang maiin a zawi a,A tawp lam chu a tham ţuak zel!

"Umm.."

"Sawi rawh.." ka beng ah rawn fawp zeuh pahin a ti leh sup a.

"Ka kal tawh dawn lo.." ka ti a.A nui suk a."Chuan..In ah kan lut ve thei tawh em?" Ka tih rual chuan a kutphah lum in ka dul a rawn tawk a! Ka ip chawih a,a jacket ka hak kha a zip a phelh vek a,Ka awm bawr a lang vek bawk!

"I kal tawh ngai dawn lo tih ka fiah phawt dawn.." a mithmul a kan ak rual chuan ka ner ta nawng a!

"Kha thilnkha ka hua tih i hre reng!" Ka ti chiam ringawt! A nui hawk a.Ka melh rum ngang mai!

"Kha thil ka hua tih i hriat vang khan Vincent anga lem i chanlai pawh khan min chhaih thinrimnan i hmang ziah." Ka ti tan tan a! Ka hmaizawn ah a inbeng khalh a,Ka thinrim țha leh chu nuihza in sum zet hian min chhuk en run a!

"I sual ve ngawt mai!" A awm ah ka kut pahnih in ka nem dawt a! A chesawn map lo zui!

"Vincent..A chhiat lem loh kha tiraw?" A rawn ti a! A sual thiam dan hi aw.!

"I sual lutuk, tho rawh.."

"Kha hming kha i ka aţang a vawi khat rawn chhuahna ani tih i hria em?" A ti sup a.

"Maw?"

"Vincent tih kha ka hriat laia i lam rik vawikhatna.." Hneh leh zualin min bawh bet a,Kan awmna a chep si,A taksa a hrawl in a khup in a inbeng khalh a,A kiu in ka bek zawkah a rawn in bengkhalh hmiah bawk a! Hmeichhe te che zawk zawk ka'n nihloh tehreng nen,Tuna kan awmdan ah meuh hi chuan sakeibakneiin a fa a uap bo vek hi kan ang ta ber in ka hria!

"Zothanmawia i nih ring miau hek!" Ka ti let hlak a!"Hming lem nen lem i rawn chan kual kher kha a țul miah lo.."

"Hey.." ka thinrim tak tak emaw a ti aniang,Ka chal ah a rawn fawp zeuh a.
"Lemchannna a nilo,Home ka chhuahsan ruala ka hming thar ani zawk a lawm.."

"I sual ve hrim hrim.."

"Ziah a che.." a kil lama a inbeng khalhna kut chu a la sawn a,Ka dulah bawk a rawn chul leh a,Hmeichhe awlsam zet ang a ka rum chhuah mai lohnan ka in control nghal țeuh bawk!

"Vincental ka ni tih ka sawi chunga Zothana ti a min koh tlat te khan ka lawm asin,Min theihnghilh lo in nangmah ah hmun pawimawh ka la chang ve tih ka inhriatna khan min tilawm a,Chutih rual vek erawh in in..." A inseh ruh ta tlat a! Ka chalah a chal a rawn nghat leh a!

"Ka bulah i awm vang in ka lawm e." A ti sup a,A thusawi inpersan lutuk vang chuan ka melh reng ringawt a!

"Jayden chu i ngai tawh em?" A rawn ti leh daih a.

"Umm.."

"Naktuk ah ka rawn hruai haw ang.."A ti sup a,ka bu zeuh a,A inlak hran dawn rual chuan keimah zawk in rang zet in a bek tawn tawn ah ka vuan ta chawt a! A rum ri hrawih mai bawk!

"Bawihi..!" A vawi thum min kohna ani ta!
Dimte in ka lamah ka pawt hnai a,A thaw lum ham ham chu ka ka chhungah hian a rawn lut a,Ka kawchhungah lut in min thunun vek!

"I chiang em?" Kan hmui a in tawk che che a! Seat ah lu ka nghah leh rual chuan mit ka chhing a! Zothana rum ri hawk leh a taksa siam rem ka hre zawm zat a,Hneh lutuk in ka bek ah a kut pahnih a rawn zen lut a,ka hmuiah fawp hmasa lo in ka khabe hnuai lamah a rawn fawp zeuh a,Ka nui chhuak hak a! Amah pawh a nui ve tho!

A hmui in ka hmui a rawn nawr rual chuan a tukhum sam ah zen lut in uar zet hian ka chhang let nghal tawn tawn a,Zothana pawh in a duhthawh ngang mai, ka ka chhungah a lei a hawl kual ruai reng a,A khaberuh kual hrawl pui ah ka chul a,Thuk zawk in a lei a rawn chet a,Ka kawr hak zipper in pawt phelh sa vek tawh chu a kut in a rawn zui zat a,Ka taksa hma lam chu a chul kual ruai reng a,Lo dan te chu a atthlak lutuk zawk!

Ka bra hak a nawr tawm chho a,Bra puan in ka hnute hmur a hrut rual te chuan ka kawchhung lam thleng in a za chuai chuai a!A kutțang in a rawn khal zawm zat a,Ka rum chhuak ta hak a! Thaw huam huam pah in kan infawhna kan thlah rual chuan kan in en a,Ka nui ta tawp! A hmui hnawm hlap tawh chu a liak huh leh zual a! A thawk lak dan ah chuan a normal bik hlawl lo tih ka hria a,A che deuh a,A insiam rem pah zel a,A rawn kun hniam leh takah chuan a tukhum ah vuan in mit ka chhing a,Ka awm bawr a rawn thawk khum lum hak rual te chuan ka za uaih uaih a! Dimte in a h*ur chu a lei thap in a rawn khal kual a! Ka au chhuah mai lohnan a sam ah ka țham a,A lei a sa țha in awmze nei lutuk hian a rawn chet kual a,Ka tai zawn hi hit in a rawn țham a,Chil ka lem dawk a! Hnehsawh zet a a rawn hmuam takah chuan a chhip ah ka hmui a nawr chung in ka rum zui hak a! Ka taksa hmun tin chu uar zet a a chet rual in a za chuaih chuaih a,Zothana rum ri leh hawk ţhin te chuan zah lam ah lak aiin a duhang pek theih loh hlauhna in min siam a,Ka kut ka chet ve a,A taksa rem lai lai chu ka khawih kual ve a,A kekawr kap zawn a mipatna rawn pawng chhuak ul mai ka khawih thlen tak ah chuan a rum ri hrawih a! A thil tihlai a tawp a! Kut ka chet leh chuan a taksa che hrawk khawp in thawk a la leh hawk a!


A khup inbeng khalhna a phet hniam ve sauh a,Ka hmaiin ka awm a rawn nawr leh a,Tisa chakna a khat mitmeng phelh phang hian min rawn melh a! A mit ah en let reng chung chuan uar lehzual in kut ka chet a! A hmai a rawn sen țawlh ţawlh a,A biang hmul in ka awm bawr a rawn nul kual a,A tawp ah phei chuan mit chhing chung in a rawn inbeng khalh a,A taksa hrawlpui chu a khur ti tih tawh bawk!


"Duhtawk rawh anih loh chuan he mi hmun ah hian a tawp ka thlenpui mai ang che.." a lo tih hrawih chuan ka ngaihtuahna chawmawlh zet chu a rawn fim deuh a. Zico kut min thlakna vang nge fim takin thil ka ngaihtuah thei hlawl lo. Chutah Zothana chuan Mah mah awmlo khawp in ka hmui ah a rawn fawp ta tawn tawn a! Mi pahnih! Inthlahlel ru ngawih ngawihte in sum theihna bang a chhiat ruala thil thleng thei hi sawi lawk theih ani ngai in ka ring ta lo!