My Destiny 18

[Lin kholhring88]

Reitak a in ngaihtuah tawh hnu chuan engpawh ni rawh se party a kaltur chuan insiam phawt ang tiin a room lam pan chuan a kal ta hna2 a. Fai taka a inbual hnu chuan, kawr dum mawl taka thui, a pian nalh tak tilang chiang em2 hi a haktur chuan a thlang chhuak ta a. Silver thi leh bengbeh in set Eliana in a birthday a a pek chu a inbel bawk a. Nalh tumna thinlung a nei lemlo, a rilru chuan nachin lawka a thil ngaihtuah chhuah khan hmun ala chang tlat bawk a ni. Pheikhawk pawh sang deuh a bun ngam lova, hniam chen chawn chu a thlang chhuak ta a.

Inhnuai lama Robb a nghah tum chuan zawi muangin a chhuk thla ta a. Robb a chu alo la awmlo ngei bawk a. Engmah hriat chian hma a thinlung tawt taka awm ringawt chu a dik berin a hre lova, mahse a ngaihbel nge a awm chu a nuamlo thum in a hre tlat thung a. Chutia a rilru alo buk kual laivel tak chuan Robb a chu a awmna room ah chuan arawn lut ta a. A tihdan pangngai in a rawn nalh leh hle ani! Coat suit chhawhchi buhpawlh rawng hi arawn ha a, kamiz var nalh tak leh neck tie a suit hak nena inmil tur chu arawn awrh zan bawk a. A rimtui hman erawh a ngai tho, Julie in rimtui a tih em2 ngei chu arawn inkap leh bawk a. A sam chu ala hnawn deuh chhap avang chuan a inbual zawhna ala reilo tih alo hre mai a. Julie i incheina chu uluk tak chuan arawn en lawr dan2 a, mahse engmah a sawi lemlo thung a.

"Kan kal dawn em niang?" arawn tih chuan Julie i chu engmah sawi lemlo chuan a tho ve mai a. Robb a kalna lamah chuan zawi muang chuan a kal ve leh ta a, hepa han chhiatloh zia em2 hi chu aw...engvanga lo tawng kher2 nge maw anih chu le...a chang dawn ngai lo lehnghal nen. A fa alo pai anih vaih phei chuan a in atang hian a namchhuak duh ngei awm si a! Engpawh ni rawhse a hrilh hauh lovang, tiin a kut chu a humruh deuh ngat a.

"Kan rei dawn lo nia, ka sawi ang khan lang ve zuai ani mai," dam dup hian motor khalh chhuak pah chuan Robb a chuan a ti a.

"Awle...," tih bak han sawi ve vak tur pawh Julie i chuan a hre chuang lova.

"I nuamsam vak nange? I hmel kha ava dik love?" tiin a rawn en zawk a.

"Ka tha alawm," a ti zawi sap a.

"Aih i thalo anih kha! I kal peihloh chuan inah ilo awm thei alawm," ngaihtuah hmel tak hian a ti leh a.

"Ka tha ka tih chu....kalve ka duh alawm," a ti deuh nghat a.

"Awle...i hmel a diklo deuh em a...," a ti nuah2 a.

Julie i chuan chhan leh pawh a tum vel peih tawh lova. Nia ina awm mai2 chu a chak zawk daih alawm, mahse Robb a bulah hian a awm rei thei tawhlo maithei tih a hriat avang chuan in a awm ai chuan a bula kal chu ala duh zawk tho2 ani. Motor khalh pah chuan Robb a chuan a kut chu arawn hmer sak leh zauh thin a, ngaihtuah hmel tak hian arawn melh leh zawk2 thin bawk a. An kalna tur chu alo hlat lemloh avang chuan an thleng thuai a. Motor atanga a chhuk tur chu Robb a chuan kawngka hi alo hawnsak vat a, a kawngkah chuan arawn kuah nghal chat bawk a.

"Kal ang hmiang, party nuam tak te pawh alo ni maithei asin,"nui suk pah chuan a ti a.

"Nia, lo nuam viau sela a tha khawp ang," Julie i pawh chuan alo tive mai a.

In chhunga an lut chu alo eng nuam khawp mai a, mi reng2 chuan intur anlo dawm deuh far bawk a. Hlim a nui bawk2 ri te, ring tak2 a ti ti ri te, kil khata band pakhat in music ring taka an lo tum mek te chuan Julie i thaw chu a ti ipik nghal hle a. Robb a chuan hmelhriat a ngahin a then chu amah er tu te, a then amah tihchhiat tum ran te, tin a then chu a partner te pawh an ni bawk a. Julie i chuan a rilru te te chuan engpawh ni rawh se, nuam ti lovin hreawm viau dawn pawh ni sela, Robb a chu a theih tawpin a back up tur ani tiin amah leh amah chu a infuih ru malh2 a.

Waiter in intur an rawn sem chuan Robb a chuan a la a Julie i chu a pe hmasa a, mahse a duhlo tih lantir nana alu alo thin na2 chuan a rawn melh deuh vang2 a. Sawi tum nei niawm tak hian a ang zuau va mahse engmah sawi talo chuan amah chuan a in ta zawk a. Robb an midang2 a biak kual zawh meuh chuan darkar a liam dawn hian julie i chuan alo hria a. Dawhkan kila an thut takah chuan hahdam huai turah khan alo inngai kha ania, mahse a hahdam ta hauh lo mai. Mipa thenkhat chuan Julie i chu lampui ah an rawn sawm zeuh2 a, mahse mawihnai takin alo hnar zel a. Mi in lampui tura an rawn sawm apiang chuan Robb a chuan a kawngah hian alo kuah ve hmanziah chu enge a chhan a hre lova. Chutia a ven ngai a hre hauh lova, tin a ven vang pawh alo ni miahlo thei bawk! Zanin anga Robb a inti tatu taka a cheibawl hi ala hre ngai hauh lova, a ruk tak chuan mak pawh a ti viau a ni.

Julie i chuan inchhung boruak chu a tawrh theih tak ngang loh avang chuan pawna chhuaha thlifim va dawn chu a tum ta a," Ka va chhuak lawk anga, ka rawn kir leh thuai ang," tih leh thoh a kal chu a rual nghal a. Robb a chuan thilsawi a nei em tih pawh a ngaihtuah hman tawh lo a ni. Pawna a chhuah vat loh chuan a mualpho dawn takngial hian a inhria a.

Pawn ava thlen chuan huan reh raih ah chuan a ding deuh vang2 a, a luak chhuak leh pum let deuh bat2 chu control an tum vang2 a, mahse a lu a hai tak em avang chuan thutna tur an siam ah chuan a thu thla ta a. A insum hle hnu pawh chuan a ti thei ta ngang lova, a thutna atang chuan thovin, huan sir kil deuhvah chuan ava luak ta bawrh2 a. Chutia a bun tlarh2 lai chuan tuemaw hian a chalah hian arawn dawm ta tlat mai a, mahse tunge tih hre tur pawh chuan a hawisawn hman lova tin a thei hek lo.

A luak zo ta ang tih ah chuan," Kha tui hian i kam kha thuah la, chuan i in bawk dawn nia," ti ri a hriat chuan a chal dawm tu chu tudang ni lovin Robb a ani tih a hre ta a.

Engmah pawh sawi lo chuan a tui pek chuan a kam chu a thuah ta a, thawh a din an tum chu tha alo nei hauh lova, mahse Robb a chuan alo pui thuai a, a hma a a thutna ah chuan hruaiin a thut tir ta a. Julie i chuan Robb a tui pek chu a in ta khalh2 a, zang deuh huai hian a inhre bawk a.

"Tinge ilo kal a, inchhungah va lut tawh rawh," a ti ta ringawt a.

"Kan haw dawn nia," alo ti hul hak a.

"Ala hma lutuk, party pawh an la tan mumal hleinem, nakin deuhvah ka lo lut mai dawn alawm," a ti tak na chuan a luh peih tawh pawh a inring chiah lo ani.

"I diklo ani tih chu ka hria alawm, enge i damloh te chuan i sawi ve mai lohva?" a ti dam ta thluam a.

"Ka dam alawm, chuan hei ka tha tawh!"

"Ka rei lovang, motor dahna ah khan min lo nghak dawn nia," tihleh inchhunglam pana kal chu a rual nghal a. Julie i chuan nuamlo a ti angreng hle a, mahse lehlam ah chuan a ngaihven ve avang chuan a hlim ru hle bawk a.

An haw kawngah chuan Julie i bawk chuan," Taxi pawn ka haw thei reng alawm, ilo haw ve kher angai lo asin," ala ti hram a.

"Kan kal dawn pawn kan rei lovang ka tih kha. Khang ho ai kha chuan ka P. A damlo hi buaipui ila ka hlawk zawk ang," alo ti hmak a.

"Mahse ka dam tawh alawm, keimah in ka haw thei bawk. Naupang chhia pawh ka nih tawh loh hi," a ti ve ta hmak a.

"Ka P. A hmeltha tak hi a damloh rei vaih chuan tunge min pui ta ang, chuvangin ka enkawl dam phawt che hi a ngai alawm," alo ti daih thung a.

A hna a puitu tur a neihloh a hlauh vang chauh chuan maw min lo ngaihven a? Ka hmangaih em2 lai hian a hna ka tawh theihloh chauh maw alo hlauh va, hepa alo hmangaih hi chu a mawl em bawk a ni! Nau alo pai tak2 anih phei chuan hmangaih a neih man a pek tur ava sang leh dawn tak em! Engvangin hetiang hi ka chungah kher hian a thlen thin le? A hma in Mark a vangin a nun a chhe trep a, tunah lah heti hi ani leh a, engvanga vanduai bik em2 nge ka nih le....a ti rilru rauh2 va.

Julie i a ngawih tak rengah chuan Robb a pawh chuan engmah a sawizawm ta lem bik lova, in an thlen hma chu an ngawi dun leh ta vang2 a. Robb a in kawt an thlen chuan a thutna lam kawngka chu arawn hawnsak a, Julie in a room a thlen thleng chuan a hnungah chuan Robb a chuan a zui ta zel a.

"Va chawl hahdam rawh Robb, ka tha alawm," khuma thu pah chuan a ti a.

"Tikhan lo mu la, Mrs. Page i eitur ka rawn dahtir dawn nia," a ti ril ruih a.

"A ngai lo, engmah pawh ka ei theih ka ringlo," a tih chuan, ngai pawimawh hmel a pu lo reng2 a.

"Engmah ei lova mut kha ka duh dawn hauh lo ania, thuawih tak khan lo mu mai2 rawh," tiin Khumah chuan Julie i chu a muttir a, puan chu a khuh tha nghal bawk a.

" Tikhan lo mu hahdam la, eitur chu arawn thleng thuai ang," tih leh room atanga chhuah chu a rual nghal a. Julie in eitur a ngaihtuah ringawt pawh chuan a luak mai dawn hian a inhria a. Robb a emaw Mrs. Page i emaw an lo lan leh hma ngeia lo intih fai a lo inthlak fel chu a rilruk ta a. Khum atanga tawh thuai2 a, rang taka chet zung2 an tum chu a thei ta reng2 lova. Tha reng2 a neihloh avang chuan hmanhmawh tak si, mahse zawimuang chuan a che tan ta a, a inti felfai a khuma a mufel leh chiah tih ah chuan a room kawngka kik ri chu a hre ta nghal a.

"Lo lut rawh," a tih zawh chuan Mrs. Page i chu tray chawii chung hian alo lut ta nghal a.

"Hei soup, bacon, salad leh theitui tharlam te ka rawn ken che a," nui sang chung chuan a ti a.

"Ka lawm lutuk a mahse inhnuai ah pawh ka rawn ei thei reng alawm," inthlahrung tak hain a ti nang2 a.

"Mai2 a, Mr. Marshall a khan i nuamsam vaklo tih min hrilh a,enge i an tawh le?" ngaihtuah hmel tak hian a ti a.

"Ka tha e, hetianga min duat viau chuan min ti thatchhe vek anga sin!" nui var2 pah chuan a ti ta a.

"A pawi hauh hleinem, puar takin ei ang che," tiin a kalsan ta nghal a.

Khuma ala awm reng lai chuan a room kawngka chu tuemaw hian arawn kik leh ta a, Mrs. Page i khan theihngilh a nei anga arawn kir leh anih alo ring mai kha ania. Mahse kawngka a inhawn chuan Robb a zawk alo ni a. Julie i chuan thawh alo tum mek lai ani tih chu Robb a chuan a hrethiam mai a, khum bulah chuan kal pheiin a kai tho ta nghal a. Dawhkan lam pan chuan a kai a, a thut tira," Ka hmuh lai ngei hian ei rawh le...," a ti ta dam ruih a.

"A tam em mai, lo ei ve rawh," tiin Julie i chuan a sawm a.

"Ei phawt la, keichu inhnuai ah pawh ka ei thei alawm,"

"Mahse eipui neih hian a tui duh alawm," tia a hnial tak zel avang chuan Robb a pawh chuan a thutpui ve ta a. Mrs. Page in Julie i chauhvin a ei tura angaih avang chuan fian te, bawl te leh thil dang reng2 pawh chu an intawm angai ta a. Zawimuang chuan an in ei chhawk ta a, an hlim dunin an thil ei pawh chu tui anti ta phian a. Lehlam takah chuan Julie i chuan romantic hle hian a hria a, hetiang hun hi a tawngleh tawh pawhin a ringlo bawk a ni. Robb a hi a ta ni ta sela a hlim turzia hi a ngaihtuah pawh a ngaihtuah ngamlo zawk hial a, mahse ani ngai dawn bawk silo tih a hriatchian em avang chuan an boruak nuam tak pawh chuan a tihlim zo lo leh thuai a.

"Kha i hmel a diklo leh tan tawh ania, khawi ka mut tir ang che," tiin khum lamah chuan Robb a chuan a kai phei leh ta a. An in mutfel tir vel chiah chu room kawngka kik ri an hre nghal bawk a.

"Lo lut rawh Mrs. Page," Julie i chuan a theih anga aw pangngai chuan a ti a. A aw ah chuan a rilru natna chu alang palh ang tih a hlau hle a ni.

Mrs. Page i chuan rang takin an thil eina vel chu a seng zung2 a, kal leh nghal mai a tumlai chuan Julie i chuan a tui a ti hle ani tih leh a ngaihsak avang chuan a lawm em2 bawk tih chu a hrilh leh hram a.

"Ka lawm e, mangtha ule," tiin a chhuahsan ta nghal a.

Mrs. Page i kal hnu chuan Robb a lam chu zawimuang chuan a hawi a," Nangpawh va hahchawl tawh rawh Robb, ka ngaihtuah awm loh hi," a ti ta a.

"Kalsan duh talo che ila?" tiin alo fiam a.

"Zan awl kan neih khat em hi, ka tha ka tih chu! Va chawl hahdam mai teh!"

"Mahse zanah te lo luak leh ta la?"

"Ka rawn ko mai dawn che alawm,"

"Ka ring hauh lo chu2,"

A nui sak a, nia a ko hauh lovang. Mahse a rilru a zawhna awm reng chu a zawt ta nge2 a," Engtin nge party na ah khan ka awmna i rawn hriat theih a?" a ti ta nge2 a.

"Aw....i chhuah dawn khan ka lo kal ve ang ka tih kha," alo tih chuan Julie i chuan mak a ti angreng hle a. Mahse a luak chhuak tawh lutuk khan Robb a chhanna pawh kha a ngaithla hman ta lo anih kha.

"Anih chu....ka lo hre reng2 hleinem," a ti ta ringawt a.

"Hetia i damloh hian kan hna a buai vek ani tih chu i hria anga, chuvangin nidang reng2 ah chuan i nawmsam loh chuan sawi zel tawh ang che. I dam hi a pawimawh lutuk ania," a tih chuan Julie i chu ana deuh zawk a. A hna thawk tur chiah hian ani alo duh, thildang alo ngaihbel ve deuh thin te kha chu aman alo duh em vang mai2 alo ni! A hna hi tha takin thawk se, chuan a duh hun2 ah mutpui bawk sela tih chauh ani Robb Marshall a hian a lakah hian alo duh, a bak engmah amah ah hian thildang alo duh lo reng2 ani tih chu Julie i chuan a hrechiang ta hle in a inhria a.

"Lungngai reng2 suh, ka dam leh thuai dawn alawm. Monday ah chuan a hma a Julie i chiah2 kha ka ni leh tawh ang," alo ti nghet charh a.

"A tha lutuk, ka ring reng a ni,"

"Awle...tunah chuan va mu tawh rawh le," a theih anga aw zaidam chuan a ti a.

"I bulah hian lo mu zawk ila a that ka ring, ka veng pah thei bawk che anga," mitko san zeuh pah chuan a ti a.

"Ka lawm e min ngaihtuah avangin, mahse keimah a mut ka duh zawk. Ka mamawh che chuan ka rawn ko ngei2 ang che," tiin dawt a hrilh ta a. Robb a bulah chuan mut a chak lutuk, a tisa lum thar2 khauh tang te chu nghen leh a chak ngawih2, a kuahna te chu a thlahlel ngawih2 in, duat taka a fawh nihleh te pawh a chak, mahse a thleng tawh tur ani lo. Robb a hi hlat tun atanga a zir tan loh chuan a kalsan dawn hunah a tan a harsa dawn lutuk a ni.

"A tha alawm, min mamawh chuan min rawn ko hreh miahsuh ang che. Mangtha le...Julie," tiin a chalah chuan dimte hian a fawh zeuhva, chutah a hmuiah a fawp leh bawk a. Room a chhuahsan hma chuan light a off saka, kawngka chu zawimuang hian a khar ta a. Robb an room a chhuahsan chiah chu a ruak huai hian Julie i chuan a hria a. Koh kir leh mai te chu a duh hial a ni, mahse a ti tur ani lo. Robb Marshall a hian a hna thawk tur leh a chakna hrikthlak na atan bak a duhlo ani tih zanin ngei pawh khan vawi tam tak tawngkam a chhak chhuak a ni lawm ni, tin kalsan thei tur chuan tun atang hian amah chu a hlat thei ang bera a awm zel loh chuan a kalsan theilo palh ang tih chu a hlau bawk a ni.

A khumah chuan a mu meng kar reng a, a rilru ah chuan thil chi hrang2 alo lut zut2 bawk a. Tun tumah hian alo rai tak2 anih chuan a nu in a tanpui duhtawh a ring lova, tin he hmun hi a chhuahsan ngei angai bawk ang. Chhuahsan duhlo pawh ni sela Robb a hian a hriat rual2 in he in atang hian a thehchhuah tho2 a ring bawk a ni. Nunbul khawiah emaw a tan that leh angai bawk anga, ani raipuar chu tuin nge chhawr duh ta ang, pawisa lah chu a chhungte a thawn thin avangin khawl bar a nei der bawk silo. Khawilam nge a pan anga, enge a tih tak ang? A naute lah chuan a hlawh thawn thin avangin lehkha an zir thei ve chauh ani a, pawisa a thawnloh rual2 a an zirlai bansan maitur an ni tih lah chu a hrechiang em2 bawk nen! A rilru buai lutuk chu thlanfim hian a bual tak2 mai a, mut pawh chu a thei tawh ngang lova. A room balcony ah chuan a chhuaka, a thu ta reng ringawt a, a hmalam thimzia a ngaihtuah chuan a mangang takzet ani. A khuma a mut leh meuh chuan zinglam dar thum alo ri der tawh a, naktuk lo thlengtur chu a huphurh takzet a, mahse a paltlang ngei angai ani tiin a infuih ta mawlh2 ringawt a. Hmalam hun chu englo viau mahse nau alo pai leh anih pawn a hmangaih em2 fa alo ni bawk nen, paih erawh tumna a nei tawh hauh tawh lo a ni.