RECKLESS (Adult 18+ story) (Completed)

[ngaia]

Ethan

"Thil kha rawn kenpui i ngai dawn em?" ka jeans kekawr kilh that pahin ka darin phone ka bengah ka nawr bet a.

Tori chu a ngawi det a, "Keimahin ka tithei mai ang, ka lawm tho tho e."

"Ei tur zawng zawng nangmahin i siam vek thei kha ka awih lo hial zawk, hmeichhe tumruh ve tak chu i ni, i hria em?" a nui hak a, a va mawi teh reng em. Chutianga a nui ri chu ka hriat lohna chin pawh ka hre tawh lo.

"Vawi hnih khat chu, mi sawi ka hre tawh a lawm," dam thlap hian a ti a.

"Enteh, pawisa in ren i duh tih ka hria, lawm pawh ka lawm takzet a, mahse i hun tam tak i seng ve a, i hun sen ralna tal ka rul ve ang che. Hetiang zawng zawng ti vek tur chuan i hun leh tha i hman hnemtur zia ka hriat avangin 'ka duh lo' tih vel mai mai in min chhan pawh tum la, ka pawm dawn lo reng reng."

"Hlawh hmuh beiseia ti ka ni lo, Ethan."

A aw a min chona ri ka hriat chuan ka nui sak a, he nau inti kawlh reuh lutuk hi chu a va duhawm thin tak em,"Darling, i beisei ka ti miah lo a nia."

"Ka tihna chhan..."

"I tihna chhan chu, i fel em avang leh Cody-a i hmangaih vang alawm. Ka hria, ka hria, hlawh chu ka pe dawn tho tho che." Ka bialnu pawh lo ni ta teh reng se a hun leh tha chu remchangah hmangin a thlawn chuan ka luanliam tir lul lo ang. "Tunah rawn phei tawh la, ka ngai tawh lutuk che."

Kar hnih zet ka hmu tawh lo a nia, awihawm loh khawpin ka ngai tawh a ni. Tlema inlak hran deuh a duh niin ka hria a, kan pafa za hian kan ti leh chung chung lutuk mah mah pawh a ni mahna. Cody-an butter chhuata a thehdar atang khan Tori-i zia hi a dang ta tlat a, kan fapa za hi min hne ta deuh a nih hmel. Keini pafa za buaipui kan hahthlak tur zia chu pathian pawh in hria ang chu, hetiang teh nuaih pawh ni mah ila, Tori-i hi ka ta a ni a, helai hmun hi a awmna tur dik tak a ni bawk.

Aman min duh ve tak tak a nih chuan....

................


Hah, thaw hliam hliam ri kan kawtah a rawn awm chuan music rimawi ber ai pawhin ka bengah chuan a mawi zawk a, kawngkhar ka va bih dek dek a, Tori-i chu Kat-i truck atangin a rawn chhuah mek a.

A unaunu truck a khalhsak a? Ka truck erawh a khalh ve duh lo? Eng nge thil awmzia?

"Logan, naupang ho kha lo mitmei deuh rawh aw, Tori-i bungrua ka va hlanthlakpui ang e." ka ti in Logan-a chu ka au a.

Chu chu ka tihsual lian tak a ni ta, ka au ri an lo hre pha niin.

Ka ramhuai khawi pahnih chu hmanhmawh bak lengin au chel chul chungin ka bialnu chu hmuh chak an rawn lawr ve nghal a, ka nui sak a, anni pawhin an ngai ve tak zet tawh a ni.

Ka rilruk dan chuan minute hnih khat vel kiss na hun neih ka lo in beisei a ni a, zaninah heta riah min dil ve ngawih ngawih thlenga kiss ka tum ve teh reng nen, chutiang hun chu a awm thei ta lo. Party laiin khawiah emaw hruai pen zeuh a, chutiang chu thlen tir tum mai a ngai dawn ta a ni.

"All right" tiin ka fapa chu ka pawm kang a, a phur tawh takzet a ni tih a chet cheng cheng dan atang chuan a hriat a.

Tori chuan Jeans leh tank top var a ha a, a sam chu thliin a chhem leng siau siau bawk a, a vun rangkachak vun rawng zawng zawng nen, a nui hmel mawlh mai chu.

"Hey, babe" a chalah ka fawp zeuh a, Milla chuan a ke ah a dawm ve chat bawk a, "Kan lo ngai tawh lutuk che a."

"Tak tak maw?" a mengzau deuh sawt a, tih nat awlsam hmeltaka a awm ka hmuh chuan ka lo na ru zawk a. A eng chuan nge mak tih tir le, mak tih tur a awm em ni?

"Teh reng mai."

A hre lo tak tak em ni? Heta awm tura kan duh zia hi?

Ka mamawh tawh zia pawh ka la hrilh miah lo a ni maw? Chimbuai leh lutuk chu ka duh hauh lo, mahse tunah hian amah zawkin min nghak ru deuh zawk a ni ang em tih ka ngaihtuah a.

A chang hi chuan ka mawl leh tlat thin.

"Nakin deuhah kan in be lawk thei ang em?" a beng bulah chuan ka ti a. A hmui ah ka fawp zeuh a, naupang ho kan bulah an awm ve avangin rei tak kiss chi a ni lo.

Ei tur a rawn ken ho chu kan kawmchar a Allison-i nu leh pa ta kan hawh chawp puanin Logan-an a kaih na hmunah chuan Buffet style in picnic table ah chuan kan rem hlawm a.

"A tui hmel hlawm kher mai" ka pum chu a ri nghal ruih ruih a. Potato salad, chicken salad, fruit salad, barbecue chicken. Heng zawng zawng hi ama siam vek. "Catering aiin a tui vek dawn a ni tih ka chiang."

"Tui dawn teh reng," Logan-a chuan tih pahin watermelon chu a ban nghal zat a.

Ka nu in a kutah a lo ben sak a, "I thing thei lutuk! Kan guests ho rawn thlen nghak ve rawh." a lo ti hlar a. Tori lamah hawiin, "Dear, a tui hmel hlawm lutuk tlat. Ka hmuh tirh a tang che khan innghahna tlak i ni tih ka hre daih tawh a sin."

Lawm avangin ka lo khi suk a, za zain Tori lamah ka nu a tang tih a chiang thlap e. Hmanzana avang khan thupha a chawi a, tum ai hmaa a rawn haw avangin kan vaiin min barakhai zia kha, chutiang tunah a pawimawh lo. Engkim a kaltluan vek na turin theihtawp kan chhuah dawn alawm, Logan-a inah tunah chuan a awm phei leh tawh a, a tha zel ang. Logan-a erawh chu a phur teh chiam lo niin a lang, a chhan chu a hmeichhe thiante, a inah sex a hmanpui theih tawh dawn loh vang a ni.

"Sa ei thei lo an awm ang tih i ngaihtuah ve tho em?" Allision-in a lo tih chuan ka en vat a, engtin nge he nu hi ka lo duh theih zawk le? Hetianga bak hlar hi a ni thin reng em?

Chhan tumin ka ang chiah tihin ka nu in min lo chhan khalh a, "Texas a nih hi Allison. Ei thei lo mi khirhkhiap deuh an awm anih chuan fruid salad tih vel hian inhnawh puar an tum mai a niang chu."

Allision-i chu a lo meng kual deuh ralh a, Tori lam hawiin, "Inthlak te i duh lawm ni?" A ni tak e, Allision-i zawng incheina lama buai ta reng reng hi a nia.

"Pangai ve deuh teh," ka rum nghulh a, "Ka fiamthu vak lo ang aw." ka tih zawm nghal a, a hmain ka hrilh fiah vek tawh, ka tan Tori-i hi mi pawimawh a ni tih ka sawi tawh a, chu chu a hre reng tur a ni.

Allision-i awmdan hi hriatthiam a har thin, thawklehkhatah phunchhiar leh thinchhe em em a ni a, thawklehkhatah, a nui leh heuh heuh bawk a. A nungchang mak lutuk hian ka lu a ti hai zo.

Tori chuan a dar a chhin ak a, nuam tih vak lo hmel tak hian, "Inthlak pawh ka lo tum lem hleinem, heti hian awm mai ka lo tum a."

"Ni mai mai teh se" ka lam a rawn hawi a, Allison-i chuan kawtzawl lam kawkin ,"Harrisons khan training ve a duh a, chuan Dumonts te khan an sakawr nu chi rai tir an duh bawk a." Hmeichhia kan inneih chhunga Ranch lam engmah ngaihsak eih lo khan chutiang chu a sawi ania, a danglam takzet e.

Allison-in a nu leh pa te awmna lam a pan rual chuan Tori banah vuanin hmun fianrial lam ka panpui a, "Vawiin ni hi kan paltlang ve mai ang, lungngai reng reng suh, ka lawyer in kan thawh ho na tur contract pawh a siam fel tep tawh a, karleh lamah chuan thil awmdan a danglam dawrh tawh ngei ang." Allison-i awmdan hi a hne in ka hne ngawih ngawih tawh, he thil atanga tal chhuahdan hi awm thei se ka ti ve em em tawh a ni.

(Website lam pawh a fel thawkhat ta bawk a, kan regu leh thei tawh ang. Zankhatah chapter 1 te te in tih tum rih phawt ila, a remchan dan a zirin chapter 2 tih chang neih leh kan tum dawn nia, mi 10 talin Ads min lo click sa theih chuan ka lawm ngawt ang)

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Tori

MIla nen kan awm dun lai chuan phut nawn awn awnna ka tur ka hmu ka ta tlat mai. Engvanga teh hrepin nge helai hmunah hian Jamie, nupui nei chunga mi bum tu kha a rawn kal ve ngawt le?

Ethan-a nen chuan thian hlui inhmu ang maiin an titi dun a, eng nge an sawi tih lam ka ngaihtuah thei lo, ka beng chhungah chuan thisen a luang ri hum hum ni mai hian ka hria a.

"Babe, tu emaw hmelhriat tir che ka duh a." Ethan chuan nui sangin a ti a, a nui hmel chuan ka thinlung a chhun zawk mai. Hetiangin min nuih leh ngai ang em? A thian nen kan inkar thil thleng hria se...?

Oh, God, Ethan-a thian pakhat sex ka hmanpui tawh. Ethan-a hnenah ka ex nen kan awmdan ka sawi tawh ngei a, mahse a hnu thil thleng erawh chiangkuang tak in ka hrilh lo.

"James, hei hi ka bialnu Tori a nih hi."

Khawng auhin ka ding a, mitenawmpa chu ka en a, keimah ang tho in mak a ti ve a ni tih ka hmu thei a.

Kan nih lai aiin a lo palian lehzual tawh a, kan nih thin lai pawh khan a len tawh teh reng nen. Bulldog te pawh a ang rum rum mai, ui sek tung mai, a sek lutuk avanga a lu te rat hi a ang berin ka hria.

"James maw i nih a?" tiin ka zawt a, ka huat zia a lang chhuak a, thup pawh ka tum hran lo bawk, "Jamie ni lo in maw?" He mihring hi chu dawt muhlum a khat a nih hi. Hming dang a hmang chu a mak hran lo.

Nui lui hram chung hian, "Tori. A va rei ta ve." a'n ti ngawt a, awm nuam lo tih hmel zet hian a che sek bawk a.

Min hre thin tih tal chu a zep lo ve teh tlat. A hlimawm dawn riau mai.

"Nikum i birthday kha a ni mai." ka lo tih sak a.

"Tori chu ka hre thin alawm, Austin-a ka thianpa bar-ah a thawk thin a, eng emaw changin ka va kal ve thin a, mahse, hun tam a liam tawh," engmah sawi zawm lo turin a mit in min rawn warning nghal zat a.

Hetiang hian maw play kual i tum a?

Ka darah Ethan-a chuan min rawn kuah a, ka bula a awm hlauh chu a lawmawm ngawt mai, ka tap hial mai thei a sin.

James chuan mit zin san hian kan che vel chu min lo en reng a, "Allison-i nei let leh thei turin theih tawp i chhuah emaw ka lo tia, kum khat tal tawp i beihna engmah lo mai a i chantir leh si a pawi ka ti hle mai."

Ethan-a chu a khuh kharh a, "Mahni hawi lam lam kan in pansanna a rei tawh, engmah siamthat theih a awm lo."

"Eh, a va mak awm ve. Nichin lawkah Felicia hnenah in inkar insiam that leh mai theih thu a sawilai ka hria asin." tih pahin Allison-i biak lai hmeichhe pakhat sam dum sei tak chu a kawk a. Jamie-a nupui. Ruak veka pasal a fawhsak lai kha ka la hre reng tlat a ni.

"Ni lo tawp ang," ka dara kuah ngheh sauh pahin, "I hre sual a nih dawn chu."

........................


Cake zai lai tih loh chu kitchen-ah ka tawm char char a, fruid salad leh a pawlh tur siam belh, thleng sil, naupang ho zunram buaipui bakah mi thenkhat in tur ka mixed sak bawk a.

Beverly-in min ben thak thak pahin ka that leh that loh min zawh chuan ka lu a nat deuh thu ka lo hrilh a, min nuih sang pahin nachhawkna min pe a. Ethan-an pawnlama zawm tura min tih pawh chuan a ngai ang bawkin chhuanlam ka siam a, dawt han hrilh teh ngawt chu inthiam erawh ka inthiam bik chiah lo. Mahse, eng tin nge Jamie-a chu ka tawngkhum ang tih ka hre thei tlat lo a ni, Cody-a birthday ah inhauhbuaina siam ka duh teuh si lo.

Ethan-a hnenah engkim ka hrilh vek ang, midang hi han haw phawt teh se.

Mahse, hetah chuan ni lo in.

Tukverh atang chuan pawn lam party thawm chu ka lo ngaithla a, naupang ho nui thawm te, hmeichhe ho titi te, mipa ho sakawr chanchin sawi leh cigar leh beer nen. Boruakah chuan cedar thing tuah rim leh barbecue rim a in pawlh chak bawk a.

Nidang chu ni se, hetiang party hi nuam ka tih leh dawn vei nen. Naupang ho ka infiam puiin ka chhaih nui leh ar ar hlawm ang a. Ethan-a bana vuanin Rolling stones sound system-a ngaithla in ka lampui tur.

Picnic table-ah Ethan-a leh Allison-i te thudun ka hmuh chuan min ti na zawk mai, an nui dar dar ka hmuh te chuan ka thik lo thei lo, Ethan-a mal chungah Cody chu a thu a, Milla chu Allison bulah a awm bawk a, an hmaah Allison-i nu leh pa te an thu bawk a.

Engtin pawn awm se, e nge ka tih ve theih?

Engmah.

A chhan chu heta ka rawn kal hma fe atangin chhungkua a lo ni tawh tlat alawm.

Allison-i pawh a mize tha thei ang berin a awm a ni ngei ang, Ethan-a darah dawmin engemawni a va hrilhru lai ka hmuh chuan khakna hian ka khat nghal vek a.

"Ka rilruah i awm reng mai, sugar plum" Jamie-a aw in hnunglam atanga min tih chuan ka phu zawk a, "Tisawn an insawi fel leh a ni mai. Sawtiang khawpa hmeltha saw Ethan-an a hnar theih i ring reng reng em ni? hmelthatna bakah an chhungkaw pawisa nen?"

Ka darah a kut zungtangin min rawn tawk tan nghal a, a kut chu ka ben sawk pahin, "Min khawih reng reng suh," ka lo ti hlar a, phuba lak chakin ka lu te chu a hai mem mem thei hialin ka hria.

"Na ti taka i awmlai hmuh che hreawm ka ti mai a nia. Buainaah inhnuk lut lo turin ka duh che a ni."

"Nanga sawi tan chuan a ropui lua e."

"An inneihna i zawmsak leh pawh a ni daih thei asin, Ethan-a chuan a pha tho mai thei a, mahse nitina an inbiak dan atangin a hriat ve tlat."

Dawt a sawi em tih hriattumin ka en vang vang a, mahse chiang takin ka mitah tak min en ngam tlat si.

Ka rilruin ka inkhaikhin nghal a, tun kar 2 chhung hian biak pawh kan inbe mang lo a nia, Allison-i nitin a be bik maw?

A hmui a ti sawi deuh nawng a, ka rilru tina turin a la sawi belh zel a,"Thil dang i la hre duh em?" A kut zungpuiin a dar a khawih a, "Felicia then lo tura min ti tu pawh Ethan hi a ni asin. Nupui nei reng chunga Chick lo khuaikhem leh zeuh thin chu ka hun a ui awm a, kan inneihna nen thleng tur khawpin atthlak taka che lo turin min ti a. Inneihna hi engmahin a thleng pha lo a ni a tia lawm. Ka rindan chuan Allison-in an chungchanga ngaihtuahna sennawn leh a, heta rawn hawleh a duh a ni tih Ethan-an a hriat chuan a rilru a buai ve map map khawp ang. Ethan-an nula mawng khal zet a dep thin tih a hmuhin a chan nasat zia leh a lo kalsan tak kha a hlutzia a hre thar a ni ngei ang. I hnenah Allison-i hian lawmthu sawi a ba nasa a ni, Ethan-a hlutna a hmuhfiah phahna chhan i nia sin."

Ka awm chu eng emaw hian a rawn hnawh nghal ut ut a, lu thing chungin, "Dawt i sawi a ni," ka hriat tham lek hian ka ti a.

"Sugar plum, vawi tam i hnenah dawt ka lo sawi tawh thin, mahse tuna mi hi chu thudik tak a ni."

Thudik a sawi a ni. Thil thenkhatah tal chuan a sawi a ni, mahse a engber chu nge ni ta ang?

"A hrim hrimin ti nge Ethan-a nen in nih teh daih a? Kei leh nang kha kan inmil viau khan ka hre sia."

Chuthu a sawi ka hriat chuan hmusit zet hian ka nuih a, mi a ang mai hian ka nui a, "I fiamthu a ni lo maw?"

A nupui neih ka hriatchhuah hnu a, a laka bik bo ka tum chung pawh a min pan zel dan kha ka rilruah a rawn lang a. "Ethan-a hi i thik em ni?"

A khuh khurh a, a khabe chu a phut ti leh zek zek a, "He inchhunga atanga Allison-in a pet chhuah che chuan, tu nge pan tur tih i hriat kha."

Yeaaah. NO.

Tukverh atangin mikhual an haw tan mek tih ka hmu a, vawiin ni a zo thei ta chu ka va lawm em.

Kawngkhar a rawn inhawnga, Ethan, Alliso leh Felicia te rawn inzuilut ka hmuh chuan ka thin a phu nghal dawt dawt a.

Jamie-a nupui chuan ngaihthat hmel vak loh hian chik zetin min en melh a, an pa banah chuan a dawm nghat chat a, "Boo, Allison-i nen kan lo sawi dun a, kan pali hian double date nei ho leh teh ang u kan lo tia, a ngaihawm ve reng reng alawm."

Jamie-a chuan hlim hmel zet a nui lui chung hian, "Tehreng mai."

Engtin nge a tih teh reng tih hriat tumin Ethan-a lam chu ka hawi phei vat a. Allison-i chuan a banah uai chungin a en chho ha a, "A nuam ngawt ang chu tiraw?"

Ethan-a chuan chhan dantur a hre mai lo niin a lang a, Allison-a ban chu laksawn sak pahin, "Allison, a that ka van...."

A sawi zawh hmain Allison-i chuan a kut lehlamin a awmah chul sakin a hmai bul setah chuan a hmui a han dawh chho a.

The Shining flim a mi ang khan ka khawhmuh chu a sen nghal vek a.

"I kut kha dahsawn vat rawh." tih dan tur tha zawk ngaihtuah hman lo in ka ka atangin chu thu chu a richhuak a. Ka ti tawh laklawh tawpsan leh thei ka ni tawh lo. "I chance i hloh tawh, i duh tawh lo a, amah leh i fate i kalsan a ni lawm ni? Selfish leh lutuk mai."

An vai chuan mak ti a mengzau kawk chungin ka huau hian min lo en a, an duh leh min lo en mai mai teh se.

Inngaihtuah nan second tam a mamawh lo, a mit mengah chuan hnehtu intihna a rawn lang chhuak a.

Hei hi a duh leh a nghah tak chu a ni, rul tur nei ang maia min beihna hun tur chu.

"A ni maw, mihur nu. Hei hi lo ngaithla teh, he ranch ah hian partner ka ni tih lo hre ve mai mai teh, chuan ban i ni nghal bawk. I bungrua la la, he in atang hian thlawk chhuak nghal ang che. Hei hi ka choka a ni a, sawngho saw ka fate an ni a, chuan hei hi ka pasal a ni bawk."

Tu in emaw a beng pawp ang mai hian Ethan-a chu a eu awrh a, "Allison, eng thil maw i sawi a?"

Hall lamah chuan ke te reuh te pen thawk a rawn awm avangin a tawp chat a, Mila-i chuan a nu chu rawn a rawn kuah a, "Mommy, nga ti nge?" a ti a.

Lem em em mai hian an in hit vel a, a mit hruk pahin, "Nangni ho ka hmangaih zia che u daddy hnenah hian tih lan ka tum vang a nia." Oh, my God. He hmeichhia zet hi chuan limit a nei lo a nih hi. Hetianga duat hmel leh ngilneih hmel tak hian a pasal emaw a fate bulah emaw a awmlai vawikhat pawh ka la hmu ngai lo. Allison-i chuan Ethan-a lam a hawi ve thung a, "Ka rawn let leh theihna a nih dawn phawt chuan engkim i tih tur thu min hrilh a ni lawm ni? An nu, kan faten an neih theih nan eng pawh i tih tur thu i sawi lo em ni? Zanah min ngaih avangin an tap thin tih i sawi lo em ni? Chung zawng zawng chu tunah hian kan ti tawp vek thei asin."

Ethan-a chuan a fanu chu a en a, a hmelah chuan a rilru nat zia a lang thei a.

Ngawi renga a ding chu ka en ngawih ngawih a, banga sana kal ri pawh ka hre thei ka hre thei hial a, ka rilru in engemaw tal sawi turin ka lo ngen mawlh mawlh a, engpawh ti ve tal teh.

Jamie chu chek tlak chung hian min rawn en a, "Tori-i i chhawr duh hi mak ka ti zawk ngawt mai, a lo khawsak tawh thin dan ngaihtuahin. I fate motor-in i phurhtir ngai em lo ang chu maw."

"Eng a?" ka aw chu a keh chhuai a ni ber mai, no keh ri ang chhuai hi a ni. Vawikhat tihsual zeuh a awm chuan ka kehchhe ngei ang.

Engvangin nge chu kher chu a rawn sawi chhuah? Kha tih laia thil thleng khan min tih nat zia a hre ve reng si.

"Sorry, Tori," Jamie chuan a sawi zawm zel a, "Tu nge i nih chiah ka thiante hian hria se ka duh a ni. College kal tluanchhuak peih lo, party lawm lutuk, a thiante zawng zawng car-a accident puiin an vaiin an thi vek lo chauh tawh bawk a ni tih hi an hriat a ngai tlat. Chutiang hmeichhia chu fate enkawl tu atan an that ka ring chiah lo a ni."

Thawri hawk ka hriat chu keima thawri a ni.

Chu chu thudik a ni a ni tlat si, ka nun thin dan dik tak a ni, sawi leh hriat nawn atan chuan a mawi fahran lo bawk a ni.

Ethan-a aw a rawn rik chhuah leh chuan room chhung reh tlawk tlawk chu a luah lan a, mahse ka hriat thin aw kha a ni ta lo. Ka bialpa aw ni lo in helai hmuna ka rawn kal tirha min interview tu aw chiah chiah kha a ni tawh thung a. Thinrimna, thupek khauhtak leh hriam tak. "Eng nge a thilsawi awmzia chu, Tori?"

Room chhunga awm midang ho chu ka enkual a.

Ethan, a mitmengah chuan thinrimna leh hriatthiam lohna hi ka hmu a, a mit chuan Jamie-a thusawi chu a dik lo a ni tih sawi turin min ngen lawm lawm a.

Allison, ka tihna tur lam pana ka kal lai chu hlim leh nuam tih hmel zet hian min lo melh ve thung a.

Jamie, nui sawng chung hian ka nihna dik tak hailang tu a ni chu inti thei hmel tak hian a meng der sawr sawr a.

Amah hi a ni khamko tlanga min nawr cheptu chu.

Khamah ka tla a nih chuan, he mitenawmpa pawh hi ka hnuk thla ve dawn tho tho.