THE LAST CHAPTER BY Tochhong Ruata

[ngaia]

THE LAST CHAPTER
(Revelation 22:13-15, 22:20-21)

Ka muhil lai chu ka harh zawk a, thil ri deuh dawt dawt ri chuan min ti harh a ni ber, Kan ngaithla chiang a ka kawngka kik thawm niin ka hria, Inbengkang meuha kan ngaihthlak chian hnu chuan “ Zuala, Zuala, Kawngka han hawng thuai the” tiin ka inching nu Pi Mapuii chuan a lo ti lauh lauh a. A aw atang chuan a hmanhmawh hmel in, engemaw tak thil thleng a awm em ni dawn aw..ka ti rilru deuh a, Ka Pyjama chu ka inthlawh thawt a, kawngka hawng tur chuan ka kalphei ta vat a, Chuti chhung ringawt pawh chuan vawi engemaw zat min ko hman nghe nghe.

Kawngka chu ka hawng a, Pi Mapuii chu thaw hlawp hlawp hian a lo ding a, a hmel-ah chuan hlauhthawn engemaw tak a nei a ni tih hriat takin a mengbial kul mai a. A pasal Pu Ben-a hi Thisen sang nei a nih avangin apasal a buai deuh em ni dawn aw? Ka tih rilruk lai chuan “ Inhalum vat la, Rebek-I a bo daih a nia, Hei zing dar 2 lai a ri tawh, min zawnkual pui lawk the” a lo ti nghal bawrh bawrh a. “ Khawng Zopuia? A awmlo em ni?” tiin an driver an awmpui nghal, tlangval ze zawi raih mai, suallo ve tak mail eh hnawksaklo ve tak mai chu ka zawt let a. “ Chuvang tak chuan a lawm ka rawn koh che, Hemite 2 hi an innel dan em em-ah khan ka rinhlehna a reitawh reng a ni” a ti nghal zung zung a. “Ka rawn chho vat dawn nia” tiin ka thlah a. Hmanhmawh takin a tlan chho lehnghal nawk nawk a.

“Nizan khan a room-ah Lehkha a zir reng emaw kan ti a, Nachin mai khan thil ri deuh rak rak leh motor insu ri niawm tak mai hian minti harh zawk mai a, Beki room chu a lola engkulh mai bawk si a, ka ngaihthalo chu a room ah ka hank al a, Mahse, a khum insiamfel thanin a lehkhabu leh Bible Inkeu sa diamin dawhkan chungah a lo awm a, amah chu a lo awm hauhlo mai a, Toilet lam-ah ka en leh vat a, Mahse Toilet tukverh chu a lo inhawng a, a sleeper fel taka inremsa diamin a lo awm bawk si a. ka ngaihthalo chuan a pa ka kaitho a, Zopuia room a lo engve kalh bawk si a, ka ennghal bawk a, a ni pawh a lo awmchuanglo a, Ka ringphaklo a ni” a lo tinghal bawrh bawrh a. Pu Bena chuan “ Mapui I rindan te paw halo diklo ve thei tho a nia” a lo ti chuar chuar a. “ I hetih dekduk vang hi a lawm” a li ti hluk a. Motor chabi chu ka la lawk a, an inhnial thawm ngaithla peihlo chuan ka chhuak ta daih a.

Zopuia KTP active member, mi pawi sawi ngailo, tlangval tha duam main ,Ka inluahna te fanu tlum an duat sual theih hauhloh, nungchang tha leh hmeltha a tlanpui mai chu ka lawm em em rualin, “tinge Pathian huatber zawnga an inruk kher” tiin ka phun sap a, Mahse Pi Mapuii Motor lam pana rawn phun phei mawlh mawlh ka hriat rual chuan ka rilru-ah “ Nia, an inhmelduh a nih pawn, Zopuia Thingtlang tlangval nu leh pa nei tawhlo fahrah nupui atan engtikawng mahin Bek-I nu hian a neih tir phal dawnlo hrim hrim a, hetia an tlandun hi a tha ber” ka ti a…Pi Mapuiin kal ang a tihna lam pang Zopuia Nutei te veng lam chu kan pan ta vang vang a.

Kan awmna atanga Kawngpui kan tlan chhuak chu zing lam dar 2 pelh awrh chauh ni mahse khawlai-ah mi anlo zi nak nak a, an hmel ah chuan engemaw thil thalo leh fuh zanlo a thleng nimai awm hmel an pu hlawm a, Motor thenkhat sawikawi deuhin a lo inhung fur a, kawngpuia Scooty leh bike lo let nget ngut hmuh tur a awm zut bawk a. Naupang tap raih raih leh Patlingpui au khawk lauh lauh hriat tur a awm zut bawk a. Pi Mapuii chuan “ A engti dana, hetia khawlai-ah an tlat sup sup ni” nui deuh hek hek chung chuan a ti a. Keichu ka nuih a za ve miahlo, chung thil thleng mek chu maktihna leh chhungril taka hlauhrukna riau ka nei tlat pek a. Mahse ka sawi chhuak lemlo.

Mualpui kan panna kawng tluanin mi tlan dawr dawr te, mi kawngsira lo thu kun lapmaite, Khawlaia zawnnei niawm taka lo phi ruaite, Motor leh bike lo innger chhur te, eng eng emawni mak deuh deuh kan hmu nual a. Ka ngaih thatloh ruk tawh nak a lain ITI kawn-ah chuan Putar luvar vektawh hi kawngpui lai takah lo dingin “ A hnenah an kal ta bik si a” tiin a lo au lauh lauh a, a hmel chu a rapawm thei lek lek zawk a, Khawlai thim deuh ruih lai nise chuan ramhuai emaw tihmai awl tak tur a ni. Makti leh phun mawlh mawlh chung chuan kan tlansan ta zawk a.

Kan kal tumna Zopuia Nutei te inchu a lo inhawng huai a, an tlangval zopuia aia naupang deuh hi Sitingroom thuthlengah kung ngal hian a lo thu a, kan thawm a hriat rual chuan a rawn ding nghal vat a “ Ka nu, Ka pa, khawnge in kal daih a?” a lo ti vat a, kan hmel a hmuh chian chuan makti hmel zeta min en ho pahin “ an ni miahlo” a lo ti ban chat a. “ Khawnge I nu leh pa te, Khawnge Zopuia leh Lalbeki” Pi Mapuii chuan a ti nghal hlawk hlawk a. “ Ka hre hauhlo, Ka zan leng ka hawng a, heti hian a lo inhawng huau a, ka nu leh pa leh ka unaute tumah an lo awm bawk silo a, heti hian kalo nghak tawp mai a ni?” tiin hlauhthawn ruk nei niawm tak hian a lo ti a. “ Dar engzat-ah nge I leng I hawn a?, I van leng rei awm em em ve?” ka lo ti vat a. “ Nia..ah..englo a nia, Kan in card den a, kanlo tui deuh a, Dar 1:00 vel-ah niin ka hria kan bang chauh a, kan in ka thlen meuh chuan Dar 2:00 a ri thuak tawh” a ti nuah nuah a, A hmel en a anaupan hmel tehlul nen chutiang zanrei tak thleng card khelh te chu mak kati ru viau a.

“ Ka awihlo, in thukru a ni” Pi Mapuii chuan a lo ti hlur a. “ A dik tak a ni ka pi” a lo ti vat a. Chutihlai tak chuan Ka cellphone a lo ri ral ral a, ka ennak chuan ka thianpa Jim-a alo ni a “ Zual, Tv en vat rawh, Khawvel a buai nuaih nuaih, Khawvel a tawp dawn a niang?” a rawn ti lawng lawng a, “Engmaw? Khawvel a tawp dawn a?” ka ti let hu a, ka bula ding 2 chuan “ Khawvel tawp a!!!?” an lo ti rual thawt a. “Aw…Khawvel a tawp nge, UFO zawk pawh a hriatloh, BBC, CNN leh news hrang hrangah an tarlang sup sup mai” a rawn ti leh a, “ Khawnge in TV han chhuah vat the” tiin tlangval chu katinghal a. an Tv chu a on nghal ve mai bawk a, ngawi rengin kan enho ta thap a.

“ Khawvel ram hrang hrang-ah thil mak tak a thleng zo a, Khawvel ram hrang hrang sana in Dar 12 a khawnrik rual chiah khan, Khawvel hi mitlawnga hmuh theihloh khawpa engine a kap eng pup a, Chhun lai taka hun hmang mekte phei chu mitvaiin an tlu tawp tawp a ni awm e, chutih hun chhung chu seond khat hmun thuma thena hmun khat pawh tlinglo a ni nangin, thil a danglam zo ta vek a, Mi engemaw zat khawvel ram hrang hrang-ah an bo nghal duak a, a then chu chhungkua a bo vekte, a then chu mi 2/1 vellek bo te leh bolo te, Chhungkua a him pial thung bo ve miahlo chhungte pawh an awm, kan thudawnna in a tarlan danin kristian state ho ah mihring bo a tamzual bik avangin UN mithiam ten an chhui zui nghal mek bawk a ni”…tiin BBC ah chuan anlo puang mawlh mawlh a.

“ a dang enkual zuai the” ka ti leh vat a, Channel tinah chutiang thu leh chuthil thlengin a nghawng vanga buaina chhuak ram hrang hrang a mite a rawnlang nghal chuah chuah a. Khawlai ah mipui tlan hul hul, Sipai leh civil mi in phek nuai leh thildang rapthlak tak tak hmuh tur a awm sup a. “ Ka ring thertelo, khawiah mah chutiang mitkhap kar-ah boduak theih pawh a ni awmlo e” Pi Mapuii chuan a lo ti hlak a. KA phone ka phawrh a, Ka chhungte no ka biak theih awm awm biak tumin ka hmet kual nghal char char a, Mahse tumah ka be theilo, a reh thap vek a, chhang tur reng an awm hauhlo mai. Tlangval pawh a mangang ta takzet a niang, “ Khawnge ka chhungte hi le” tiin a tap deuh pur tawh a. “ Zuala kalteh Sangsangi te in lamah kal leh phawt the ang?” Pi Mapuii chuan a lo ti hmawk hmawk thung a. “ Ngawiteh Nu mapui Beki te chub o zingah an tel ve a ni miallo maw?” ka t ihram a, Min chho melh ang kerkawr chuan “ Doctor title neiphak khawpa lehkhathiam I ni lawmni? Tinge chutiang thil theihloh lutuk I awih reng reng a?” a tit a hlur a…

Zankhua a kal teikual pawn kan kalna apiangah kan hlawhchham in kan beidawng zual a ni ber, Hawn mai a that thu vawitam ka sawi hnuah thinur teuh chung chuan “ Hmelawni chu ka duat em em a, Pasal tha tak a nawmsakna tur ka ngaihtuahpui chho ang ka tih lain Kum 20 em pawh a la tlinglo a ni a, Pasal a um ngawt hi ka ring theilo a, ka hmuh hunah a chaklo khawp ang” tiin a ang haw hlak hlak reng a. Ka ngaih a that tawhloh em a vangin ngawi rengin ka ngaithla liam mai mai a, Mahse kan kalna apiang a thil thleng chuan ka awm nuamlo a tih zual em avangin a thusawi chu ka bengah a lut mang hleilo a.

In kan thleng a, Pu Ben-a leh an kawmtlang nu an lo in hnial bawp bawp a, “ I fate bo zawng hman ka nilo ka tih kha, keini pawh kan fanu a bo a, kan zawng mek a nih hi, min hawnsan mai the” a lo ti bui bui a, Chunu lah chuan “ In fanu bo in zawn tho tho chuan ka fate minlo zawn sak ve maiteh u ka ti a ni mai a, engemaw harsatna vak awm chuangle” a lo tive bawk a, “ Kan zawng peihlo, kan zawng bawklo ang, I duhleh nang man zawngla ti nia, Inti mihlim ropui si I fate hi ngiaihtuah ve la, khawlaiah vak kual dek dek lo la, hetiangin an awm tawp nang” a lo ti leh a, Chunu chuan “ Khanglang che chuan, nanga fanu pawh eng a nih bikloh khawp hi, hetiang eiruk atanga chawmlen, nakinah mihur-ah bak a chhuak chuanglo ang” a lo ti bawk a, “ Rokhum, hmei I van zaklo ve, ka fanu tluka nula thianghlim an awmlo ang” Pi Mapuii chuan a tilut nghal zat a, an inbakkaih mai ka hlauh a vangin an inkarah ka tla zep vat a. “ In rawn hruai haw nange?, Khawnge Zopuia tal pawh chu?” Pu Bena chuan thinrim aw khur dawt dawt chuan a lo tive bawk a.

Kan kal Pi Mapuiin a report nghal zung zung a, Pi Roi pawh hawn tumin a inher a, Pi Mapuii thusawi zawh rual chuan “ Ngawiteh Pi Ro, lo la hawnglo lawk the” tiin kan chelh a, “ Englo a nia, Kan kalna kawng tluanin bo, accident eng emaw thil a thleng deuh sup sup a, Aizawl khawpui-ah chauh a nilo lehnghal, Khawvel rampumpui-ah a thleng mek a ni, Chuvang chuan Bible a Mithianghlim lawr kha a thleng niin ka ring” tha khur zaih zaih chung chuan ka ti a.. “ Enga..? Mithianghlim lawr a thleng a? ka van awihlo tak em…” Pi Roi chuan a lo ti vin hlak a. “ Nia, News ah pawh mibo an puang sup sup a, Sap ram-ah phei chuan an buai khawp mai” tiin Pi Mapuii chuan a lo tuihnih vat a. TV Kan on a, kan thil hmuh leh thil awmdan inmil zia kan hmuh hnuah pawh “ Ka awih theilo, Lalpan heti tehthut hian thil a kal tir dawnlo, Pu Chawngkhupa inlar na leh Chhawna inlarna ah pawh chuatiang thil a sawi a awmlo” Pi Roi chuan ringhlel leh hlauru tak si chuan a ti a. Kan ngawi thap a, tumah in nghirngho tur kan awm chuang lo.

Khawvel ram hrang hrangah mihring maktaduai engemawzat an bo a, chu chu Khawvel ram hrang hrang ten an tuar a, an buai mup mup mai a, Rorelna fell eh kaihhruaitu tha awmta heklo Hel an ngampa sawt a, Khawvelah indona tenau a leng a ni ber. Chutiang a Buaina a awm mek lai chuan titi lengvak-ah leh thuthang mak tak tak zingah chuan “ MITHIANGHLIM LAWR” ri chu a ri ringber a ni hial awm a. Mahse chu chuan engmah a tidanglam lemlo, Khawvela Sakhaw Inzawmkhawm pawl chuan thuchhuah an siam a, “ Mithianghlim Lawr hi a taka thleng tur nilo in, Mihringte Khawvel tawp hunah Chawlhlawkna ah Damlai a thianghlim leh hlimlo a lawr mai chauh dawn a ni” tiin an tlangau reng a. Mizoram-ah ngei pawh Kohhran hrang hrangah “ UID a inziaklut leh lutlo pawh an bo tlang vek si a, hei hi Mithianghlim lawr chu a ni theilo hrim hrim” tia inzirtir pawl anlo awm bawk a. Thu a saisa nuaih a ni ber.

Chutia khawvel a buai nuaih nuaih a, Ram a buai tak nuaih nuaih ah chuan UNO Gen.Secretary Mohammad Al-Sahib chuan Sipai chakna hmangin Hel a beia, Khawvel ram hrang hrang chu UNO thuhnuaiah a dah ta rup mai a. He UNO hotupa hian Khawvel ram hrang hrang tualchhung indona vanga tam tuarte chhawmdawlna a thawk bawk a. amah a lo hausa ropui bawk nen, UNO hotupa chu Khawvel ram hrang hranga Lalber a lo nita a ni ber. Khatia Mi an bo thut dank ha UNO chuan a theih angtawkin a chhui zui a, Vanneih thlak tak kan tidawn nge khatih hunlai mi anbo duak darkar ah chiah khan China ram vanthengrenga Spaceship thawn chhuah chuan khawvel thla a lo la hlauh mai a, chu a thlalak a alan dan chuan UFO in Khawvel a run thut ani tih hriat theihna turin an thlengthlawkthei lem leh mihring niawm tak an hmuh thu an puang ta bawk a, Tichuan khatih huna Khawvel mihring zahve aia tam mah an bo chhan kha “UFO / Alien ten khawvel a run a Khawvel mihringte an ru bo teuh a ni” tiin UNO chuan a puang ta dup dup a. Mithianghlim Lawr tih chu a ri thamral ta vel mai mai a ni.

Nia, a awm vet ho, keipawh Zirlai bak thildang buaipui ka neilo, Ruih hlo ka tilo a, Ka inkhawm ve zauh zauh a, Tawngtai leh Bible chhiar pawh ka peih viau, Mahse, Bible leh a chhungthu Israel te chanchin ziahna hi ka influence em em bawklo, Chutiang vang ngawta Lakhmaih zinga ka telloh ka ring hauhlo, Ka nu leh pa bakah Ka naute 3 an bo tel daih bawk si a, Ka awihlo telh telh a ni. An ni an bo chuan keipawh ka bo ve ngei tur a ni tih chu ka ngaihdan a ni tawp. Chulo ah Kan Synod pastor fell eh thlarau mi tak tak bak-ah Thuhriltu ropui tak tak, mite zahkai, Pathian Thlarauin a hman tak tak an bo lo deuh fur bawk si a, a bo chhunte lah Rawngbawltu lawmhlawhlo leh Pathianin a hman em emloh an ni zawk si a, thil awmlo tak a ni. Kohhran a inhmang tak tak pawh bo leh bolo an awm nual avangin awihawmlo leh zual zawk a ni. Pi Rokhumi tawngtai peih, Khawtlang leh ram tana chawhngeia tawngtai, Khawlaia Pathian thu au chhuahpui a, Kawngtluana inbin zak zak their eng pawh an lakloh chuan thil awihawmloh tak a ni.

Chutiang thil a thlen atanga Kum 20 a liam leh tak hnuah chuan Khawvel chu a hmel a danglam tawh khawp mai, UNO in engkim a ruahman vek a, “ Alien ten kan unau tam tak an rukbo tum khan kan unaute bo dank an hriat theihloh chhan chu Mihringte hi engemaw taka inhriat zung zung theihna dan siam a ngai a ni” tiin Identification Chips kan mit ah chhun han zeuh anga dahin an phum ta vek bawk a, Chu bakah Kan taksa hnung lamah vun chhungah signal tha tak an phum vek tawh bawk a, Chutiang thil chuan Internet kan khawihna kawngah te, kan zinna kangah te, Bank a kansum lak chhuah leh dahluh kangah te awlsam takin hna thawh zung zung theih tawh bawk a, engkim a samkhai in hman tlak em em a, Khawvel puma UNO thu chhuah chuan engkim a siam felt a zung zung a ni.

Miin tual that anih pawn, a tualtha signal atang khan amah tinatu kha chhui chhuah zung zung theih a nih tak a vangin tualthat ngam leh rukru ngam an awm ta barlo a ni ber, Kan thlamuangin kan ralmuang tan viau mai. Mahse Khawvel hi zawng famkimloh na khawvel tih takah chutiang chhinchhiahna pu duhlo, Hmana UID ti duhlo ang bawk a ti duhlo tamtak an awm leh tat lat mai. Chungho vang chuan kan ralmuang kim theilo a, tual that em emlo mahse ruk ruk leh thil dangah an hnawk ru viau. Zin veivak inkalpawh a ei leh in lei a bazaar kawngah chhinchhiahna neilo te tan engmah a tih theihloh avangin chung chhinchhiahna nei velote chu sorkar tan mi hnawk an ni a, an man a, an hrema, an nghaisa nasa viau nangin an ti duh chuanglo a. A tawp-ah phei chuan “ Heng Mite hi danlo anga an khawsa a nih chuan thah hmak hmak zel tur” tiin thu an chhuah a. Khawchhungah pawh awm ngamlo in Ram hnuaiah an khawsa a, a rethei em em tar eng a ni. UID tih Sakawlh anga ngaitu tam tak te ang maia ngaihruatna sualin a manbehte tan Khawvel chu a chep ta takzet a ni. Kohhran tam takin ti tura ngenna an chhuah pawh a zawmlo te chu an chung a pik ta em em a ni ber.

Khua a lum a, boruak a uap cherh churh hle mai, Ruah sur tur hmel a pu heklo. Ka chhun mu chu ri deuh rum rum hian min ti harh zawk a, Khawlai chu a eng dal deuh ruih nimaiin ka hria, ka tuk verhah ka dak vat a, Kawngpui ah mi anlo chhuak tup tup a, Van lam an en huh u hlawm avangin vanlam chu ka en ve ngawt a. Ruah leh thilpui nasa tak mai inmung mek niawm tak in chhum chu alo let but but a, Van sang takah puk deuh reih ruih hian khawpui a ri dur dur a. Thal khawlum uap churh mai ti hnawng tura ruah sur tur lawmin khawlai an chhuak khawm a lo ni a. Ka nui sak a, ka tukverh ka khar a, Bual in ah faifuk rat rat chungin ka lut ta a.

Tui ka herh hawng chauh tihah Lir nghing ang main ka in chu a sai ta hluk hluk mai a, a lianin a rit ropui si a tiin ka tlan chhuak vat a, khawlai thil min delh theihlo tu awmna nibera ka hriat, ka motor chhungah ka tlanlut nghal vat a. a reh leh ta hmuk a, Khawl phe zuai zuai a, kawl a rum dur dur bawk a. Thawk lehkhatah ring mangkheng hian Tek a tla puak thuai a. Lirnghing a insawi leh hlek hlek a. Chutah Ruahpui vanawn nasa takin a tla ta buan buan a. Keipawh ka in lamah tlanlutin ka inbual fait a sar a, ka awmpuinu in eirawng a bawl lai chuan Ka pa lehkhabu bawm ka dahthat chu ka lo hai mai mai a, Lehkhabu pakhat hlui reprawp tawh tak mai chu ka mit alak em avangin ka keu ta a.

Achhungah chuan ka pain UID a hmuh dan leh a ngaihdan a lo inziak teuh a, UID chu sakawlh chhinchiahna a nihloh tur thute, Sakawlh chu Mithianghlim lawr hnu-ah a inlar tur thute, Khawvel a buai nuaih nuaih dawn avanga Rorelna nei tur mi thiltithei tak a rawn chhuah hnuah Sakawlh hun a intan tur thute, tuna UID lo hlauh ve ngawtin awmzia a neihlo ziate a lo ziak kur dup mai a. Kohhran upa nilo mahse kappa hi pathian tih mi tak a ni bawk a, Chhuang takin a thil ziak chu ka chhiar a, “ UID hlau tak tak pawh khan engmah a nihloh zia an hre hnuhnawh ang bawkin tuna chhinchhiahna duhlotute pawh hi nakinah lawkah an la inchhir ngei ang” ka ti sup a.

Kawl a eng a, ruah surbang in kawl a ti eng phut lai chuan Khawvel a thil rapthlak ber ni hial a ka ngaih thil ri ten gem em mai chu a rawn ri ta vut vut a, ka beng ka hup a, ka kun nghal ngawt ngawt a. Chutah a reh duk a, Lir a nghing leh ta dur dur a, Ka in te pawh a khi tap hawk phawk a, ka tlan chhuak leh vat a, Ka rei!!!! Khawlai a lo khi chat tuar tuar hlawm a, Mi reng reng chu thlabar takin an te teng tunga, In a chim dur dur a, a khu deuh mup mup a, thawk lehkhatah lirnghing a reh duk a. Kil tin ah chuan natuar rum vawng vawng leh tap rawng rawng thawmte a ri ta chhuah chhuah a. Chutihlai tak chuan Van lam chu a eng pup a, chhum var chhahpui mai a inhlum tup tup a, “Kei Alpha leh Omega, a Hmasaber leh a Hnuhnungber, a Bul leh a Tawp ka ni, Tupawh Chhinchhiahna nei reng reng chu that ula, rethei taka chhinchhiahna pulo te erawh ka hnenah rawn sengkhawm tawh ru khai, Grep chu a kung kan kih a, kan seng a hunt a takzet a ni e” tih chu Khawvel a tawng chi hrang hrang riin mitin hriatthiam ngei ngei turin a rawn ri tad um dum mai a, Chutah zet zawng Khawvel a tawp a, Rorelna niropui a lo thlen dawnta tak tak a ni tih kan hrethiam ta a, kan tap a, kan chhinchhiahna put kan la chhuak thei tawh heklo ,kan tlan kual a, birukna tur zawngin kan phi ruai a ni ber.

Vanlam chu ka han enchho a, Sava thlawk nel nel ang tak thimdeuh khup thei khawpa tam an rawn lang a, an rawn hnai zel a, a hmasa bera engpup mai chu a hmel kan hmu ngamlo, kan kun a, a bul vela Mithianghlim lawr tawhte chuan meialh zuai zuai chemsei an keng a, sakawr var chak hmel tak chungah chuangin an rawn hnai zel a. Chutah a eng zawk a, ka tlu tawp a, hlauh avangin ka khur char char a. Ka darah ka pa kut damdiai mai khan minlo dawm a. “He naupang hi ka fapa a nilo, sual fapa a ni, Chhinchhiahna a pu si a, Chhinchhiahna chu Mithianghlim lawr hnuah a thleng dawn tia ka tlangau hnuah Mithianghlim lawr leh lawrlo thliar hrang theilo khawpa mi a ka fa ni tlak a ni lo” tiin a meialh sen zuai zuai mai chem. Chuan min tin a. “ Ka pa, Ka pa” ka ti tuar tuar a…” Zuala, Zuala, Lalthanzual, I chhinchhiana chawpin Sakawlh rapthlak tak duhamna a khat Setanah hnenah kan thawnliam dawn che a ni” tiin a lo au khawk rum rum a…”Ka pa, ka pa” tiin ka tal nawk nawk a……

”Zuala, Zuala, harh teh harh vat teh engtin nge I awm?” tiin ka chhun nula rim Ngaihtei chuan an thuthleng seia chilthli tla duaha ka muhil chu minlo sawi nawk nawk a. Ka meng phawk viau a niang a phu zawk lehnghal a. “ Ka mumang” ka ti tham tuak a, “ Enge I rak vak vak a, “ a loti nghal hlur a. “ Nghaihte, Sikulah khan UID thlalak kha a la tih theih em?” ka ti hu a. An la ti mek a nih sawh, Sakawlh chhinchhiahna pu tur ho chuan” a lo ti niah niah a. “ A nilo, sakawlh hun a la nilo, Mithianghlim lawr hunah chauh a ni Sakawlh Chhinchiahna a thlen dawn ni” tiin ka tho vut a, Ka khaw Primary School lam pan chuan kakawr pawt tang tang chungin ka tlan khu ta vet vet a.

( Ka zeldin thubarawh mai mai a ni a, Ka ngaihdan hi a dik ber e ka ti hauhlo nangin, Hei hi ka ngaihdan tak zawk a ni, Sakawlh Inlar huna tur thu ah chuan..)