DUMI

[Twins Mom]

EPISOD - 3
.
.
Ka van hlim tak em...a var rual tha takin min la nuih vur vur zui a ka lak ah ka va luangliam chiang tak em. Eng thil nge ka chungah hian alo thlen bik hi le eng vanneihna thuahhnih nge ni ngai le. Ka class kal pawh engmah ka ngaihtuah theilo ka sir a mi te pahnih chu ka khai khin vel a in thlauhna pakhat mah ka hmu hlauh lo mit ah chuan. Engthil nge ni ka ngaig tuah hi thil awi awmloh leh ngaihtuah na mak pui pui ka ngaihtuah chhuak a. Keimah te chuan ka lo ki vur vur nge ni kan Sir in min lo hmu niang chawlk in min lo vawm pawp a ka zah vangin hnuailam ah ka kun ngur ngur a. Ka dak chhuak ngam leh tawh lo hrim hrim an lo nui dur dur bawk sia. Kan sir chu ka ngei tak tak a ni ka ngaihtuah na ata min ti hrah daih sia ka ui tawp. An pahnih hian ka biang tawn tawn ah min lo muah dawn chiah leh nghal a. Hit loh tiah tiah tak ani ngaihtuah na
.

Ka hlimna hi tun min hriatpui lo mahse keimah te hian ka hlim ve tawk khawp mai. Ka thutpui te vang hian hlimna ka neih zel a tu chheih nawmna ka hlawh teh chiam tawhlo ani.
.
Jordan pawh nula in an bawr leh luih luih leh ta, Francis a pawh tih tawh naklai in min kawm ce hman thlawtlo rimtu an nghah lutuk a. School ban ah lah ka bul ah an kal a mahse kan hmeichhe ho vin an bawr a an biak theiloh.
.
" Bawihte, in lam na kha hei phailam ah an lo en ve a. Sawmna i dawng a mahse kan bul lova i awm hi kan phal lova chhanglo mai la tha em "
Ka nu in in ka thlen chuan min lo tia. Keipawn an bul lo va awm ka duh loh avangin ka chhang leh ta chuanglova. Hetah Aizawl ah kan school funtion eng ilo vel tih loh va chuan ka lam duhlo ani.
.
Ka u Mama nen bazar ah kan kal a kan dawr luh na te chuan min lo en ve niang ka lam kha present min lo pe hlauh mai a ka van nei hle. Chuan ka u Tshir tur kan dawr ve thung a vanneih na a kal tluang a nuam khawp mai.
.
" Angela, vawin ah kan school ai awh in i lam dawn kha aw. Chuan Nuni te thianza ho pawh an lam ang "
School kan thlen chuan ka Teacher pakhat in min lo tia. Mean girls ho chuan min lo ner khum leh nasa mai.
.
" Angela, i lam dawn maw tih chi ve. I lam thiamthu hi an sawi a ka la hmu ve lova ka kal ve dawn " Jordan a chuan ka lam hawi chung in min lo ti leh a.
Keichuan ka chhanglo ka nuih ve tawp. A hmelthat na leh nunchang hian a va han chawimawi tak em.
.
Ka lam zo chu Jordan an min lo pan a min lo kuah nawk nawk a nih chu " I lam thiam lutuk ka nau " ti chung in. Ka zah dan chu Francis lah in min lo ken ve kiau bawk sia. Francis a hmel chu a hlim loh hmel khawp mai a chhan hre lo mah ila a hmel ah a lang vek.
.
" Angela, ka haw rual dawn nia min lo nghak rawh aw "
Francis an min ti chu mak ka ti zawk. Ka lu ka lo buk khum ringawt a amah en chung chuan. Ka phur thova mahse ka zak ve det. Nidang ah chuan kan haw rual ngailo Jordana lo luh atang hian a mizia a dang khawp mai.
.
School kan ban hnu chuan Francis a chuan min lo nghak a piah deuh va. Jordan a nen kimkimi nen ka u nen kan phei a. Francis a chu teacher ten an tirh avangin a bang hma a mahse min lo nghak tho nia.
.
A bul kan thlen chuan hmeichhe ho nen an lo awm avang chuan ka bul ah min lo pan a ka bul ah chuan a lo ding ve a. Leh lam ah Jordan a chu a kal thung a. Francis a hlim lo hmel hmuh chu a nuam lo khawp mai. Tawng miah lo mahse nidangah chuan a nui sang reng zel kha nia tun tum hi chu mak lutuk a nuih awm pawh ka hrelo. Kan in peng thleng min lo thlah a ka hlim dan chu hlim tak ani. Jordan a kha chu hmun dangah a peng thung a. Hnunglam ka hawi let leh a Francis a chuan min lo nuih vur vur chung in min lo bye bye a. Keipawh chuan ka va en leh avang chuan zak hle mah ila ka bye bye ve a. Kan inchung ah ka luh chuan ka hlim em avangin ka chhungte chuan min lo fiam laih laih leh nghal a. Ka u siampuii lah in engmah hre hawt si lovin min dem ve ngawt bawk. Keimah zawk hian ka star ve ve a mahse an ni chuan an unau nu ang bak in min en lo va ka tan chuan a nawm rual in a hreawm. Ngaizawng en in min en ve thei ngai dawn silova.
.
Final exam a hnai tawh em avangin keipawh ka zir ngawrh hle mai. Mahse ka chungah hian vanneih na hian thla a zar reng bik lo aniang nge kan exam dawn hma ni chiahin ka khua a sik ta tlat mai. Zan ah lah lehkha ka zir theilova ka khawsik a sang sia khum ah ka mu reng a. Zan reh ah ka buai avangin damdawiin ah min kal pui nghal vat a. Min lo admit zui ka va duh lo tak em mahse ka awm ngei ngei a ngai malaria PF an hmu a a rang chi leh nghal. " Hei ai hian lo tlai ula kan in chhan hmanlo mai thei ani " Doctor hovin min lo tia ka nu a mangang ngei mai.
.
Zan lam ah min chiui nasat em avangin ka muhil bawrh bawrh a. Ka han harh chuan ka u leh Francis a chu ka hmu thut sia ka lai ngei mai. Ka u chuan min lo be nghal a Francis a ve thung chu School form nen min lo nuih vur vur a. Ka exam theih loh avang chuan min lo kan nghal ania mak ka ti tawp theilo. Engvanga min ngaihtuah leh min ngaihsak em em nge a ni le, a nau ang bak in min en lo chuan ka hre silova. Keichuan star in ngaizawng hle mah ila ka ti lang ngailova ka mizia ah. Mahse Jordan a erawh kha chu insum a har em ani a hmel kha ka a sial bab bab em. Francis nen an that dan a in anglo ve ve thlang tur in min ti se thlan bik tur ka hre lo ang.
.
" Angela, enge i tih a ? "
Jordana hnen atangin message ka dawng nawlh mai kan exam zawh hnu result chhuah hnu tawh school tan hma si hian. Mak ka ti ve det. Chumi hma in Francis a hnen atangin ka lo dawng tawh bawk. Tumah mah ka chhang rihlo ka awi theilo lutuk hi keimah hi ka chianglo zawk in ka in hria. A rual chiah in ni lo mahse nikhat ah a rual in an message ka dawng a ka hamhaih ni ber hian ka in hria. Tu nge ka hrilh ang a tu nge ka rawn ang tih hi ka in ngaihtuah mek bawk ani.....rinngam tur ka va hre love aw.
.
" Bawihte, i laklawh viau em "
Usiampui in min lo tih tak ah chuan ka harh chhuak zawk a.
.
" Hi3, engmah ka ti hleinem lo kal rawh "
Awki zang vah chuan ka lo ti vat a. Tha takin ka lo be nghal bawrh bawrh a.
.
" Sis, thil ka lo zawt zuai che aw ( A lu chu alo bu nghauhva min en pah chuan ). Ihh. ... Tun ah hian Francis a leh Jordan a hi ka star in ka atchilh tawp a ni mai. Chuan Pahnih hi chu a theih dawn silova Tu zawk hi nge ka thlan ang ka hre theilova. Tu nge min duh pui zawk ? "
Ka usiampuii en chung chuan ka zawt a. Thawk an la te te phawt a.....
.
" Hhmmmm, Francis a hi thlang zawk rawh "
Chiang tak a min en chung chuan ka ban ah min vuan a min hrilh chiang hle bawk.
.
Ka rilru hi a phir a ni a chhan chu Francis a hi a hma kha chuan ka lo atchilh thin a, thian ang bak in leh a nau ang bakin min en ngailova. Min ngaihtuah in min care em em a ka nat a phal lova keipawn ka ngaina sawt hle. Mahse Jordan a alo lan atang hian ka atchilh thin na kha lak bo sak in ka awm ka ti dawn nge Jordan a zun ah ka uai hnap tawh mai ni. Naupang te e ti lo hian ka luck ve a mahse kei erawh ka heti ve avang hian ka ler ngamlova mahse aruk in Star chu ka nei ve thin.
.
" He2, ka hre lo mai theilo a ni e. Tun ah hian ka rilru hi a phir rih a nih e. Mahse ka thlan zawk tur chu kan hre thuai ang school tan ni ah "
In la confi takin ka sawi a, ka u i chuan min lo nuih vur vur zui.
.
Kan inkhawm bang chu ruah a sur vak avang in kohhran upa pakhat in zaikhawm mai ang u an tia, mahse kei chu hmanzan a ka thil download kha haw lo theilo ka ni lo zan in hian ka tan dawn a ni. Vawin khan bazar ah ka chhuak a ka lei tawh tlat. Hun bi nei in tih ziah ka tum a. Keimah hian hang beh ka in tia mahse tuman hang beh min ti ngailo. Keimah hian hang beh ka la inti fan tho zel mi min sawi dan ah ka in nghat tawh dawn lo rengs. Ka hlabu leh bible leh ka phone leh thil dang ho chu kan sarang in ka tuam sauh sauh va ruah chu ka do haw ta lawm le. Kan in ka thleng chu hit lo ngei mai kan teacher te zing ami Miss Lalkawlhthangi alo leng a, ka zak ve det.
.
Room ah ka inthlak vat a ka chhuak leh nghal a, kan miss chu haw alo tum chiah a. Ruah a ban tawh avangin haw alo tum a ka va thlah ve tho va. Kan in mang tha hnu chuan ka inbual nghal a.
.
Vawin a ka thil lei chu ka la chhuak a avawt hlarh mai ka mu dawn ka tia tumah lo lut miah suh u ka ti nghal a ka room kawngka chu ka kalh nghal a. Bra leh under pen nen ka awm ta tau tau mai le, ka khum ah chuan nau zunphah ang chi kha ka phah a chung mi chungah chuan puan pa 3 ka phah leh a ka mu nghal a. Ka damdawi lei Phailam siam ni lo, japan lam siam nilo khawiram mah siam ni lo Kan ram siam ngei mai MIZO chhulchhuak siam ngei mai KC FACEPACK ngei chu ka hmai ah chuan ka hnawih a. Ka ban ah ka siam chawp ve thung Aieng leh pawnghnu te khar leh khawizu ka chawlhpawlh teuhva ka taksa pum in ka hnawih ta a. Hreawm mahse ka tuar chhuak tur a ni Tum chuan kawng a awm an tih kha ka hre ran a ka tuar ta ngat ngat a. Thosilen ka zar phui vek a khua alum bawk a current ka off bawk a tichuan ban chiamchuap chung chuan ka mu zan khua ta ni.
.
Zingtak ah ka thova ka inbual nghal a Aieng kha a eng tak em avangin a reh har zek leh nghal a. Mahse mizo inbualna tha ber Nawhfe ( Awmpawm ) in kan in nawt chu reh tah duh ngei mai. Ka inbuai zo chu dar thlalang ah ka in en nghal a ka in hak vek hnu ah. Ka hmai chu ka hmu eng zawt in ka hria ( Mizo te hi chuan kan thil hman reng reng hi lang nghal duak duak tur ah kan ngai vek zel in ka hria....he2).
.
Kan school tan hma a 1 '/, tal a ka eng thei tak mial in ti in chhun ah pawh ka hmai leh nghawng leh ban chu ka hnawih reng a ni. Ke hi chu ka care teh chiam lo a hang lutuk pawn ka hre bik lo mi min tih dan tak ah. Ka chhungte lah chuan tang min ti in fiam nan tak ah min hmang a nitin kan in ti rak reng mai ani kan in um kawi nasa thei hle bawk.
.
School tan alo hun ta, min en a min hmu tu apiang kha chuan min en zui ve vung vung ta. A chhan chu ka TUM nge ruh SARUH ka ti miauva. School ka tan tlai a thla hnin dawn in. Mahse inlam ah school a kan zir ang kha ka usiampui in kan class ami Kimkimi ka kawmve thin hnen atangin min lo copy/ zawh sak zel avangin. Ka thiam loh chu ka u te hovin min hrilh ve mai theih avangin ka thiam nghal ve zel thei a ni.
.
Ka ngo nghal duak lova mahse vun pangai tak, i ngolova i hanglova tih inkar aia sang hret mi ngo vantlang an tih ang hi ka nih ve tawh avangin leh ka hmelin alo zir ve bawk nen ka sam a sei tawh in ka kawng chung hret hi a nia ngil tak in ka thlah bawk a. Mak min tih hmel hlawm a sin aw, ka hairstlye ka thla thlak bawk a ka chalsam ka tunlai takin ka BIN chho va, bak chu ka thlah a. Kan uniform pawh ka inhmeh leh zual emaw tih tur a ni. Min lo hre tawh ho phei chu an inhrilh ru a ka usiampuii nen chuan kan lo nuih mai mai thung a. In rintawk na ka neih belh tawh bawk a, school vel a kal chu anuam hle mai.
.
Kan Class a ka lut tur chiah chu Mipa pakhat hi ka hma ah tak ka tuar aiin Dustter a lo hat va mai le. Ka hnung tawlh hman hram a tih chi ngei mai boruak ah chuan chawlk nawi chu a khu leng chum chum a. Ka hip sual hram niang ka khuh ta vak vak a a, " Kha hei hi hmang rawh " Francis a awi tih hriat tak hian min pe a. Kan han en chu Francis a alo ni tak tak a, a ni chuan mak min ti ve awm pawn a lang ve lo. Pangai tak in min en a keimah zawk hian mak ti letling zawk a ni.
.
Kan class room chhunga ka lut chu min lo en thap mai a mak mit hmel chu an nuihzat thlak khawp mai. Kan mean girls ho pawh a ngai te in an lo lut leh thap mai, a ngai kha kan tam zawk. Lut thar chu mi 14 chiah an ni a anni ho pawh chuan mi thar emaw ti in min en duh ve tho. Tlar hnung ah ber chu kan leh chat a Jordan a alo thu sa a, min lo nuih vur vur chung chuan ka kal na tur chu min lo kian a. Ka duh ang in ka awm thei bawk a nuam ka ti hle mai.
.
" New skin nen ilo lang a ka hai tep che alawm. Tikhan i nalh in i hmeltha sawt "
Jordan an min lo ti nghal var a ka nuih a ti za hle New Skin a tih vang khan. Ka thutna ah chuan ka thu nghal a mahse Francis a chu a lo thu ve miahlo. Ka hma ah chuan a thu daih a mak ka ti hle.
.
" A ni hi chu a inla hrang tawh a kan pawl a nive tawhlo. Tun ah chuan mithar pahnih an lo thu ve tawh a "
Jordan an atih lai mek chuan an lo thleng a.
.
" Hello, kan hmu che chu kan lawm e. A tak in kan hmu ta che a kan lo lawm a che. Lalthakima leh Lalsiamthara te kan ni e. Nu hmun lo pa hmun lo unau kan nia "
Tih pah in Thakima chuan a kut min pek pah in alo tia.
.
An tawng duh in an fel hmel hle a kawm an nawm hmel hle bawk.
.
" Jor, i sawi ang kha ni tawp si loh va i va dawh heh reuh e "
Nui hawk hawk chung chuan Siamthara chuan Jordan a en chung chuan a tia.
.
" Engtin nge ka sawi a i va daw reuh e "
Jordan a chuan alo ti let vat a, a thinrim hmel hle bawk.
.
" Ha3....An thinrim ngei a. I va mawl e.....Angela i chu a hmelchhe sia a mit te a kalh a aha te a khuh a te i tih kha "
Siamthar an alo tih tak ah chuan kan class ami te chu an lo nui ve vek a. Keipawh ka nuih a za ngei mai ka in huam up thei bik lo. An tawng duh in fiamthu an duh hmel khawp mai.
.
Dar a rik tak ah chuan inline na hmun chu kan pan nghal sang sang a. Min lo hmel hriat tawh tu te chuan min en duh hlawm hle mai. A awmlo hran lo ka vun rawng a inthlawk tawh em alawm. Kan Teacher thar leh hlui ho pawn min en vs hrek hrek mai. Ka usiampuii nen kan in line na tangin kan in melh a kan nui tut tut mai.
.
Chhunchhawlh ah lah mipa class dang ho vin min lo rim ve tan ta, ka tam chuan a va nuam em ka mumanglam ah pawh ka man phak lo kha atak in ka tawng mek zel chu nia. Mean girls ho lah in min er hneh leh khawp mai. Ka sam bin dan chuan chhun chawlh lai chuan an han ti ve ngei bawk a an pi ho ho chuan ka nuih an ti za ngei mai.
.
School kan bang ta, nidang a Francis a ka rual a haw ngai lo kha alo haw ve leh ta. Midang a kal pui lova ka bul ah alo kal ve teh mial bawk a. Ka nuih a ti za ngei mai a hmuh a nuih kha ka duh silova ka insum nasa khawp mai. Ka usiampuii lah in min lo signal thul an class ami te bul ah akal daih a kan piah ah Francis nen kan kal dun avang chuan.
.
Kan in peng kan thlen chuan Francis a chu a ding a
.
" Angela, zan i inkhawm dawn em ? Khawm loh chuan ka lo leng duh a i phal chuan "
Ka mit ah tak min en chung chuan a tia.
.
Ka ham haih zawk tumah inleng ka neih ve ngailoh avang in ka lo leng dawn a tih tak thut ah chuan ka en ta reng a.
.
" A pawilo, rem i tih hun ka lo nghak mai ang che "
A tih leh tak hnu chuan a inher a kal nghal mai a tum a.
.
" Ka tih palh lutuk aw, ka inkhawm dawn lo. Lo leng ngei ngei ang che ka lo ngaichang reng dawn che nia "
Engthil nge ka sawi ngawt hi, a pawilo ka duh thusam a ni zawk.
.
" Ok, ka lawm e. Ka lo thlen dawn hun ah ka lo text ang che minblo hmuak dawn nia. Nih phawts chaw ei tui le "
A tia akal nghal nul nul a. Ka chhan na pawh a nghak zo lo ka ngei tep zawk.
.
In ka thlen chuan ka phur tawh hle mai. Mahse ka thil tih lai kha ka tih tlai a ngai ta sia, pawi ka ti tawhlo mai Francis a alo kal dawn tho va avawikhat nan inleng ka nei ve dawn ta.
.
Hetia ka vun rawng ka thlak ve tak ah hian ka chhungte pawh hian min veng leh zual emaw tih mai tur hian min awp hneh hle a. Mahse in a inleng ka thian hmeichhia te an lo len hi chuan min thla zalen ve thung a. Mipa erawh ka neih ngailoh avang hian engtin tak min ti ang maw. Ka nu ka hrilh chuan mak a ti mai pawh a ni lo a nuih a za zawk kan chaw ei lai in ka sawi bawk sia ka u te chu kan ngawi khiau mai. Mahse engmah an sawilo kan ei kham hnu pawh in engmah an sawilo. An leng chhuak daih a inleng neih min phalsak ah ka ngai hmiah mai. Keipawh ka lo in warmup hle tha thei ber in ka in buatsaih a ni mai ka vawikhat neih na tur a ni bawk. A lo thlen hun nghak hleh tak in kan varandan lam chu ka lo thlir char char a, lo thleng har ka ti tawh khawp mai. Ka helh hlawh zawk in ka hria