CHAPTER 22
BY : JENETI
Zothanfeli pov
Repeat
Ka kutchu ka melh a, hrechhuak thut ni awm tak hian a la sawn vat a, keipawh ka la sawn nghal vat a. Ka mittui luang chu ka hru hul sawk sawk a, tihpalh lutuk ka ti a. A ho lutuk ka hrethiam che alawm. I u natna chu i lo zirchiang ve tawh reng em ni rawn ti a. Ka lu chu ka bu nghut a, mahse doctor a symptoms ah kha chuan lu na, luak chhuak, khaw sik vel kha a ni sia, ka u hian chu tiang chu a rukin a lo tuar tih na em ni, chutiang a neih awm ka hre bawk silo a ka ti a.
___________________________________________________
I u khan a natna hi hrilh lo tur che in min ti a. Mahse i hriat ngei a tulin ka hre bawksi a, chu vang chuan ka hrilh ta che a ni. Ni e, i u kha a lo in thup thin a, in exam lai a nih avang khan a lo hrilh duh lo che a ni, pawi ka ti khawp mai. I u hi i hriat ang khan, muang changin a hriatna hi a hlauh telh telh dawn a, chuanin a rilru a rawn buai chho anga, stroke a rawn nei chho bawk ang.
A thu sawi mal tin te hian min ti na ngawih ngawih, ka u leh tinge min hrilh mai loh le, kan in enkawl hma thei tur ania. Hetiang hi athleng hmannlo bawk maithei a sin. Thaw chhuak hakin a dam dan a awm miahlo maw, ka ti sap a. Ka sawi tawh ang khan a dam chhungah coma a awm animai. Thawk a harsa eng tin nge, eng tin nge hetiang a neih theih.
A damdawi ka chawh khan tlemin a rilru rawn buai cho tur a veng ang, thla khat ah vawi khat tak in rawn kal thin dawn nia, a ti leh a. Ka lu chu ka bu nghut a, ka kal a nge, tiin ka tho a. Lo ding chhuak ve in, engkim hi Pathian rem ruat a ni tih hria la, Pathian chuan kan tan a tha lo turin eng thil mah kan chungah min ruat sak ngai lo.
I u pawn tawrh dan a thiam khawp mai. Hriatthiamna leh dawhtheih na nen a, i enkawl a ngai dawn tih hre tel bawk turin ka duh bawk che. A bul tanna chauh ala ni a, nakin ah phei chuan a rilru a buai dawn a, a hunliam tawh hnu a mi pawh, a tun hun ah a ngai thin dawn a, awmlo pawh awm ang anga I sawi ngaite pawh a awm thina ang, a rilru buai zual loh theihna turin, i tawngkam leh I che zia i fim khur a ngai a ni ber, mi inthlahrung mi a nih hmel si a, a rilru a buai zawh hian a awmdan a hre chhuak leh vek thin a. A inthlahrung zual dawn a nih tih hre tel leh bawk raw. Tun ah rih chuan Pathian lam hnaih zual a tha ber. A ti leh mawlh mawlh a, awle tih ringawt a chhangin ka chhuah san a.
ka u chuan min lo nghakin a nui sang a, kei erawhin nuih let har ka ti. Ka neichhun hi ka chan theilo a ni. A mi hmangaihna ka dawng te hi, eng tik ah nge ka rulh let ve thei ang, muang changin a ni chuan min kal san thei dinhmun ah a ding tawh si. Ka mittui chu a rawn luang thla leh a, chu chu a rawn hmuh chuan min lo pan vatin min lo kuah a, ka sam ah chûl hliau hliau in, a tha leh vek dawn alawm ka kalsan dawnlo che. Ka neichhun hi eng tin nge ka kal san phal ang ni. Lee.. tap tawh suh le, i bul ah ka awm reng dawn ka tih kha. I tap hmelchhe thei ropui si miin an nuih ang che, ka tah apiang a a tih thin dan chuan tawngkamin min sawisa a, ka tah nui hak, hei miin an en duh teh mai che a nia, kal phawt ang, hruaia pawn rei min ti tawh ang a ti zung zung a.
Ka dar a min rawn kuahin kan kal zui a, u hruaia kan outo driver chuana bul kan thleng chuan in tha maw, a rawn ti a. Tha a nimai ang chu, ka u chuan a ti a. A tawng a zang khai bik hle a, na tuar lo zawk a ang, hetiang a, a inthup theih thin vang a nih hi, ana tuar hmel vawi khat mah ka hmuh ngailoh ni. U hruaia chuan min melh zawk pah hian A va tha ve chu, kan kal maidawn a mi a nih chuan a ti leh a, damdawi dawr ah peng lawk a ngaih thu chu ka u in a sawi a, kan tlan chhuak zui a.
Damdawi dawr ah chuan chhukin ka u chuan lehkha hi min pe a, va lei lawk rawh lehkha kha pe tawp la a lo hre mai ang, ka u chuan min ti a. Keipawh a lehkha min pek chu la in damdawi dawr lian ve pangai tak lam ah chuan ka phei a, a chhung ah chuan ka lut zui a, mipa 1 leh hmeichhe 1 hian an lo nghak a, min lo hrethiam lawk, ka ti a, ka aw chu a tham deuh a, ka mit pawh a sen ka ring. U hruaia khan min en duh em mai, aw eng nge i duh hmeichhia zawk chuan min ti a. Ka lehkha ken chu ka en zawk a, chhiar a har lem loh avangin ka sawi a, doctor hawrawp chu a chhe thin an ti sia, kan doctor hmuh erawh hi chu a nalh zêk, a man zat a sawi chuan pawisa chu ka pe a, chengthir min pek a tum chuan ngailo mai, ka lawm lutuk e, tiin min chhan hman hma chuan ka kalsan a.
In kan thlen chuan engmah pawh ka ti peih tawh lo, ka phur tawh hlawllo a ni ber, ka u chu a in thlak sawk sawk a. Kawmthlang lam bawk chu a pan leh a. Kei erawh ka ni nghulh a, ka thaw a pik em em a, ka u awm dan mawlh chuan min ti na zual a, ka inthiamlo vel vek a, ngaihsak tawk lo ang in ka in hria a ni.
Ka mu ta daih a, baby shirk-a nen pawh kan la inbe leh tawh lo a buai leh tawh viau a nih ka ring. Mu ve ta reng chu ka lo mutthil ve ta a, ka harh chuan dar 12 a lo ri a, tho chhuakin ka in ti fai a, kawmthlang chu tukverh a tang chuan ka zuk dak thla a, ka u chuan huan a lo la sam a nih tih ka hmuh chuan chawl turin ka ti a. Thingpui chu ka lum sak nghal a.
Ka u chu rei vaklo ah rawn chho in, a thingpui tur chu ka lo pe vat a. Ka u chu hawi kual vual vual in khawnge tete-i hi a ti leh ta, doctor sawi kha ka hrechhuak zawk a, a bul tanna chauh a ti a nih kha, dawhtheih na leh hriatthiam na nen enkawl turin min ti bawk a nih kha. U tete-i chu achhuak lawk a, harsa ti zetin ka chhang a. Mipa dang a kawp san tih a hre leh tawh silo. A nih chu khawnge thingpui chu a rawn ti a. Ka buai nuai mai, nichin lawk ah khan a tunhma nun a mi a rawn sawi chhuak a, nichin a ka koh na kha a hre thei leh bawksi a. Eng nge awm zia ni ta ang, a then a hria a, a then a theihnghilh thin tih na a ni mai angem.
Ti vatla... Ka u ina rawn tih leh tak ah chuan thingpui chu ka pe vat a,a in lai chu ka en kar a, thil hriatchhuah nei awm deuh hian a awm a. Min lo en vatiin tinge a ni kher kha ka lo hriatchhuah leh thin le, a rawn ti chhuak a. A tha leh tawh a nih tih ka hrethiam ve nghal mai, nang lah chu a chhuak lawk te i ti mai mai, ka u chuan lungawilo aw ka chuan a ti a. Ka tih mai loh chuan i buai zual ka hlau alawm ka ti a. Damdawi kha eng tik ah nge ei tur a tih kha a rawn ti daih thung a.
Ka hrilh ve vat a, zanah chuan ka u chu tha deuhin damdawi chu ka ei tir thlap a. Kan muzui a, mut hma chuan kan doctor pa in a thusawi, pathian lam hnaih a that ber thu a sawi kha ka hrechhuak a. Ka u mutna ah chuan ka chhuak a, ka u phone khawih a lo mu chu, u Bible chhiar lawk ang ka ti a. Min lo en in awle a tiin a thu tung a. Bible chu ka la a, khawi keiman tiin ka Bible chu ken chu ala a. Phek kualin a en dan dan a,
Rom 12 :12
BEISEINA KAWNGAH CHUAN LÂWM ULA;
HREAWM TUARNA KAWNGAH CHUAN CHHEL ULA,
TAWNGTAINA KAWNGAH CHUAN TAWNGTAI FAN FAN ULA;
SAM 34 : 18
LALPA CHUAN THIN LUNGA LUNGCHHIATE CHU A HNAIH THÎN A,
RILRUA INCHHÎR APIANGTE CHU A CHHANDAM THIN.
Tiin a chhiar ri lauh lauh a, Lapan a thu mal sawm rawh se tiin a tawp a khar a, tawngtai ang le tiin a Bible chu a khup a, lalpa ti a bul tanin a tawngtai ta a, keipawh ka lo mitchhing ve vat a. Ka rilru na lutuk chu rawn thar leh a. ka mittui a rawn luang thla leh thin, A tawngtai zawh chuan kan Amen a. Ka lam lo hawiin a nui a, atap leh tawh a nimaw ka nau tahbel nu hi, tiin ka sam ah chuan a lo chul a.
Lo in hnit faihin u min kalsan duh aw, keimah chauh chuan min hnutchhiah suh aw, ka ti tiau a. Teuh lo ka nau hi ka kalsan dawn lo hrim hrim. Va mu tawh rawh le, chuan tah tawh lo tur aw, i tah chuan i hmel a chhe thrin si ka hmu paih lo, tiin min la fiam hram a.
Muttui le tiin ka mu phei ta a, Zingah chuan dar 4 ah hian ka harh a, ka harh ve leh Bible chhiar chu ka rilru ah a awm hmasa ber a, ka u hetiang natna a nei tih ka hriat hma kha chuan Bible te hi ka chhiar khat em em a, mahse tunah chuan ka u vangin ka chhiar ta chu a ni sia. ka beisei na hian min ti beidawng lo hramse ka ti tak zet a ni.
EPHESI 4:26
THINRIM ULA,
SUAL ERAWH CHU SUAL SUH U;
IN THINUR CHU NIIN TLÂKPUI SUH SE;
JOBA 5:18
ANI CHUAN A TINA A,
A TUAM LEH A,
ATIHLIAM A,
KUTIN A TIDAM LEH A NI.
ka chhiar zawh chuan ka tawngtai leh a, ka tawngtai tam ber chu ka u a ni. Tho chhuakin thingpui chu ka lum a, ka u pawh ka thawm ah a rawn har a, a mutna bul a, Bible nizan a ka dah chu a ban ve nghal zat a, chu chuan min ti lawm a, ka beisei na pawh a sang sawt a, a mah chu ringla, a man a ti vek ang, tih ah khan ka in nghat tawh.
Ka thingpui lum chu ka va pe a, keipawh in ve nghalin chhang chu kan hmeh pah a, nidang a ka zawh ngailoh chu nizan a mut theih leh theih loh chu ka zawt a, a mut theih thu chu a lo sawi vat a. Nangmah zawk kha i mu tha lo a nih kha, keimah vangin hetiang a I awm hi ka duhlo a nia, hei vang hian a nia ka damlo
pawh a ka hrilh duh lo chhan che ni. Nangmah zawk hi ngaihtuah awm in I awm thin. A ti a. Ka mu tha reng ti ve bawk mah ila a awih duh thaklo, awih loh pawh a awm ve tho ka mit a bui nasa em a ni. Nizan a ka tah nasat vang kha ani.
___________________________________________________
Ka sawi tam peih tawh lo
dah loh ai ah, ka rawn dah hram hramShow post links
Top