CHAPTER 23
BY : JENETI
Zothanfeli pov
Repeat
Ka thingpui lum chu ka va pe a, keipawh in ve nghalin chhang chu kan hmeh pah a, nidang a ka zawh ngailoh chu nizan a mut theih leh theih loh chu ka zawt a, a mut theih thu chu a lo sawi vat a. Nangmah zawk kha i mu tha lo a nih kha, keimah vangin hetiang a I awm hi ka duhlo a nia, hei vang hian a nia ka damlo pawh a ka hrilh duh lo chhan che ni. Nangmah zawk hi ngaihtuah awm in I awm thin. A ti a. Ka mu tha reng ti ve bawk mah ila a awih duh thaklo, awih loh pawh a awm ve tho ka mit a bui nasa em a ni. Nizan a ka tah nasat vang kha ani.
___________________________________________________
Ngaihtuah lo zawk che ila i duh a mi, ka ti hlak a. Duh e, i that phahna a nih chuan duh lutuk, nui deuh pah chuan a ti a. Rum deuh a en chungin i hmelchhe mai a nih chu a,fiamthu na chi pawh a nih loh hi. Ti hlak hlakin ka thawh san a, eirawng chu ka bâwl chhun zawm ta daih a.
Chaw ei kham ah chuan nu Zopuiin min lo call teh mial a, ka chhang chuan a inbul thlawh fai pui ah min lo sawm a, sawm ti ila hlawh min pe thin. Duh viau mahila ka u ka ngaihtuah tawh, lo buai leh ta se ka awm loh phei chuan a dik dawnlo, a ngaihtuah awm lutuk ringawt. Eng vak mah lo nilo mahse engkim hi ka ngai serious tawh a, ka hlauthawng vek tawh a ni. In neihchhun liau liau, a theih ang tawk a hmangaih tak leh duat tak a enkawl tu che in, kalsan thut thei mai che din hmun ah a ding tih hria ula, ka awm ang hian in awm ve tho ka ring.
Engtik ah nge min kalsan ang, a tel loving eng tin nge ka awm ang tih ringawt ka ngaihtuah a, ka ngaihtuah zawng ringawt pawh hian ka mittui atla thei. ka nu leh pa in min boralsan tawh a, min en kawltu a, a theih ang tawk tawk a min ngaihsak thin na te hi, eng tik ah nge ka rulh let ve thei ang, nge ni a ka rulh let ve hma in min kal san ang.
Nu Zopuii chu thawh pui loh mai tha a ka hriat avangin, kawmthlang kan thlo fai ve a, tum tum chu ka rawn thawk lo mai ang ka ti a. Ee... A nih chu mawle, hei inbul hi a hnim leh deuh tawh a, a zau ve ang reng bawk sia, mahni chauh chuan ka thawk peihlo a, ka thatchhiat na lam ve tak a ni bawk sia, nui hak hak pah chuan a ti a. Nia kan lo laklawh ve tawh sia, nilo se chu ka rawn thawk tur a nia, ka u amah chauh a han thawh tur bik chu ka ti deuh a. Ka ti a. Aw apawilo apawilo mahniin ka lo thawk ve karh karh a nga nimai nui leh hak chuan a ti a. a nih ka dah dawn a ti a. A dah zui a.
Mihring hi chu kan in anglo ve thin ngawt mai, kan taimak dan hlawm te hi a in anglo thin a. Then khat chu lo lam hnathawk ah te hian an taima em em a, mahse inlam thawh tur, inti fel ah te an peih leh miahlo, a then erawh zirna lamah an taima leh em em a, hna chu an thawk peih leh miahlo thung a, chutiang ang bawkin inchhung a che thin ho pawh hi, lo lam ah chuan an thawk leh peih ngailo. Keichuan hetiang ho hi taima dik tak ah chuan ka la chhiar thei velo, mi taima dik tak a ka hriat chu, thawh hreh neiloh eng pawh phur tak a ti thin mi hi ani. keichuan mi taima a ka chhiar chu ni. Mahse tun ang laiah chuan, hetiang mi chu an vang ta hkhawp mai.
Nu Zopuii ka biak zawh chuan ka u chuan zawhna nei mit meng hian min lo en a, nu Zopuiin inbul tih fai pui a min swm thu chu ka hrilh a, va kal ta che, helam chu a tlem tawh tho a, reilo ah ka zo vat mai ang, hlawh nei a thawh leh hlawh neiloh a thawh a innawm hleih si. Ka u chuan a ti a, sawi dik ka ti khawp mai hlawh nei a han thawh hi chuan hlawh kan nei dawn tih hre ranin kan phûr em em a, tih zawh vat vat te kan duh thin, hlawh neiloh erawh chu a phûr awm viau loh thin hian ka hria a keipawh hi mi taima ka nih bik loh vang a nih ka ring.
Aaa kal lo mai ang, zo law law ang, ka ti a. Va kal rawh min ngaihtuah suh eng tin mah ka awmlo ang, a ti a. Ka ngaihtuah a nih tih a hrethiam leh vek tawh, ka ngaihtuah vang em em che pawh a nilo, tih zawh pui law law che ka duh vang a nia. Pawisa te chu kan la thawkchhuak dawn chauh ka ti a. Va kal mai mai rawh, a tih tlat avangin ka hnial duh ta biklo, mahse ka ngaihtuah khawp mai, thawh nuam pawn ka thawk thei dawn a mawni.
Nu Zopuii chu ka phone leh a, ka kal theih thu ka hrilh chuan a lo lawm nasa ngang mai, keipawh ka insiam zui a, ka u pawh a chem a tât hriam leh te te a, ka insiam zawh chuan ka kal a nia a nih chuan, i dik loh deuh chuan min lo phone ang che, aaa chu pawh chu i theihnghil leh daih angah. ka kal leh lo mai ang ka ti leh ut ut a..va kal mai mai teh a, a lo ti mai mai thung a, ka u hi a mah ah hian danglam na teh chiam a awm velo hi mak ka ti a ni.
Nuzopuii te in ka thlen chuan an lo lawm thiam viau a, rei vaklo thu in kan thawk zawm a, ka bul lawk hnaite ah a thu a, kan ti ti pah a. Ka u natna vel chu ka rin em avangin ka hrilh ve a. Pawi a ti khawp mai, min fuihin Pathian lam hnaih a tul zia te chu a sawi a. Hnathawh pah chuan kan ti ti pah reng a, a tawng reng a, a thawk sâwtlo bik khawp mai, a tawngtui thei sia, atawng apiangin a chawl deuh zel bawk si a.
Kei erawh a tawng ngaithlak pahin ka thawk mawlh mawlh thung a, a changin ka tawng ve leh zeuh thin. Thil ka tih reng reng chuan ka tawngtam loh na lo hi langin, ngawi reng hian ka thawk thin mahni a ka awm phei hi chuan tawngtheilo ang mai niin ka in hre ve thin. chaw ei laiin pawimawh ah lo chuan ka tawng ngailo a, hei hi chu ka tet te atanga ka nu leh pa te zirtir na ka dawng a ni a. Chaw ei laiin tawng loh tur hi a ni tawp pawimawh ah lo chuan. Tin, aia upa te leh kan nu leh pa te thian an kawm reng rengin englawh sawi se, min bia a nih loh chuan va inrawlh ve a, va tawng ve zat zat an phal ngailo.
Chawlh kan neih lai chuan baby shirk-an min lo call teh mial a, ni hnih (2) lai chu kan in be lo ve ngei a, a han reh ve tak tak hi chuan ka ngai ve veng veng zel. Inbul kan thawh fai tawh na lai daihlim ah chuan ka thu a. Nu Zopuii erawh in chhung ah bawihan a rawn koh avangin a lut thung a. Eng nge i tih a, call ka chhang rual chuan a rawn ti nghal zat a.
Nu Zopuii inbul ka tih fai pui a, ka ti a. Nu Zopuii ah? A ti a..aw i u ka tih chuan, Nu Zopui ti taw suh ang che. U Zopui ti tawh rawh, i pasal tur a u i nu daih ten, i nu tur ka pi iti dawn a mi. A ti hmuk hmuk a. Aw nang ka tawn hma atang che a, ka hmelhriat a nia . Ka ti thang tawh alawm, bakah ka pasal tur i ni lo mai thei bawk a, ka ti a. Ka ni dawn ka ni dawn, kei lo tu dang mah i hmu a ti ûk a, ka hmu a ti leh deuh si a niang, leh si a ti zawi sup a. Ka nuih a ti za reuh lutuk a, ka insum hman lo ka nui hak hak a, ka hmu hleinem nangmah tih loh chu ka ti a.
A hmel awmdan tur ka hre chak biau a ni. Ka lo video call dawn che lo la lawk rawh, a tih avangin ka la vat a. A hmel ka hmu chu hmeltha ka tiin ka ngai nghal veng veng mai, a cute mai bawksi, ka u vang a ka rilru hah na zawng zawngte kha ka theihnghilh vek tawh. A chal ah chuan bunny ear headband
senno (pink) hi a lo hreng a, a sam sei deuh tan tawh chu a khuih chho vek a, a hmai pum ah chuan eng cream emaw tawng senno(pink) tho hi a lo hnawih a. A mit leh hmui chiah chu hnawih loh a awm, a hmui te chu a senno ve chêk reuh a, tun ah tak hi chuan duhawm tih piah lam a ni.Eng nge i hnawih kha, ka ti a. Nui sukin a thlawn in ka hmai min facial sak a nih hi. Nakin ah a ti reh leh dawn, a tih avang chuan tu in maw ka lo ti vat a. Ka thiannu nau-in, nakin ah i la ti ve dawn nia. a ti a. I van cute reuh tak ka ti chhuak hluai a. “I cute fee.... Hmeltha nu” a rawn ti a. A la kiai suk zui. Hmm in la zei vel lutuk suh. E chuan i hna lamte eng nge chanchin ka ti a. Ka zo tawh, ka lo biak nghal loh che avangin sorry aw, ka theihnghilh miah lo che a nia. Ka battery a lo low daih a, hei tun ah charge pahin ka lo be ngal che. A ti zung zung a. Umm a nih chu ka ti a.
Thil hrilh tur che ka nei a, ka ti sap a. Ka u ka hrechhuak zawk a, eng tin nge a awm ang aww, a lo buai leh angem tih chu ka rilru ah a rawn lang hmasa ber, ka u ka hriatchhuah avang chuan ka ngui nghal rawih thei. I hmel a dik tawh miahlo a nia. Sawila ka lo ngaithla ang, a ti a. Min ngaihtuah hmel a pu nghal, nui lui sakin ka u hi a nia. Ka ti a, han sawi tan mai dan tur ka hrelo a ni.
Tinge a,a lo ti vat a. A tawng dam dup reng, ih min kalsan maithei ka sawi awm zia chu, ka u hian natna hlauhawm deuh a vei a. Doctor sawi dan chhuan a thih loh chuan coma in a awm ang a tia. Chuan ka u hian a hriatna a hlauh thin a, chuanin a tih dam theih loh a ti bawk a, ka ti a. Ka mittui a rawn luang thla nghal zawih a, ka hru vat thung, hnawh tu awm ang main ka awm chhung chu a tawt up up a. Thawk a harsa nghal tun mai, tah in sum hi thil harsa tak a ni.
Bawihi tap suh,aw khawngaihin, I u chu a dam leh em em ang, pathian a awm a lawm, i bul ah ka awm zel bawk ang, kan in entir anga, damdawi te tha deuh deuh a ei anga, a dam leh vat mai ang, hlauhthawn hmel deuh hian a ti mawlh mawlh a.
Mahse doctor chuan ka ti a, ka sawi theilo baby shirk-a a nih vangin a ni ang, ka no tak zet, dawhtheih tak leh dim dawi taka ka lakah a tawng vang a nih ka ring. A mi ngaihsakna ka dawn te avang pawh hian a ni ang, ka tah a chhuah zual em em chhan hi.
___________________________________________________
Nizan ah ka rawndah a, mahse min approve saklo a, hei tunah ka rawn dah tha leh tawp a nih, ka rawn dah lo emaw te kha in ti a nge. zanin ah pawh ka rawn dah dawn tho a ni, tun a mi hi chu nizan a min approve saklo vanga a nih hi.
Chuanin like leh comment min la pe lo te khan min lo pe leh theuh dawn nia. Diktak phei hi chuan in chhiar zawh ve leh hian rawn comment & like thin ta ula, keimah chu maw hlim veng veng mai ang
Show post links
Top