DRUGS DEALER BY HELLOWEEN FAMBOL (COMPLETED)

[Helloween fambol]

DRUGS DEALER BUNG 29 NA BY HELLOWEEN FAMBOL




Mimal dam loh na leh nawmsak loh na nen story pawh regu lo hle mai... In chhiar chak hlawm tawh bawk sia... Chu vang in dam sam lo chung chung in ka rawn dah e......





Hlimi pov :




Court thu chhuak chuan min deng dawt dawt hi ni mai..... Ka na em mai..... Ka nu chu damdawi tawlh ruk leh hralh case ah kum 10 tang tur in an hrem a... Fela pawh damdawi lei leh hralh ah kum 15 tang tur in an ti a ni....







Judge pawh in " mihring kut ke kim leh thawk thei in ni a..... Hetia ruihhlo hmang a sumdawng lo in a theih theih hna thawk zawk tur in nih hi... Vawitam lock up ah an dah che u a.. mahse tun tum a in tawlhruk hi chu a tam tham em a.... Dan in a hrem che u nih hi.. he hrem na hian in rilru thlak hram rawh se " ti in a sawi nih kha...







Ka nu chu Aizawl jail ah an dah a.. fela e rawh Lunglei lam ah an dah thung...... Ka va tlawh ve zeuh zeuh thin kal man te a buaithlak a vang in duh ang pawh in ka tlawh zing thei lo... Court in ka nu leh fela account an hreng hmak bawk si a.. chuvang in sum lam ah ka harsa in ka tla chhe hle bakw...







In ah chuan keimah te chiah in ka awm a.. nitin ei in a lo ngai bawk nen engmah ka thawk thei bawk si lo....




Sangzuala nu leh pa te. E rawh in min lo tlawh awl lo va.. Sangzuala pawh a bang bik lo... Thingtlang lam ah a awm tawh a.. mahse a hun awl ah a rawn haw a min lo tlawh reng thin






A ni ang mi fel leh tha pastor ka tawng hi phu lo ka in ti hliah hliah ..... Kan khaw ho chuan tawngkam tha in min hnem ve mah se an rilru tak tak e rawh a ni hauh lo thung......Kum 10 maw an tello va ka awm ngai.....






Ka nu in lo a a neih chu ka enkawl ve a.. mahse engmah Ning khawng ka hre lo... Thlai han tuh dawn i la ka thiam ve bawk si lo
... Ka rilru hah luat ah hian mahni in thah mai te hi ka duh thin ..






Sangzuala chuan min fuih reng a .... Ka dinhmun a hrethiam a tawngkam tha Tak tak min hrilh awl lo.. mahse kei mah ah hian in sit na thuk tak a awm a.. sangzualan min rawn call chang pawh in lak loh chang ka nei ta fo mai..







" Hlimi hei bai ka lo suah che a " kawngkhar ah chuan sangzuala nu numamuani chu a lo lut a a kut ah thil a keng pah bawk.. bel a keng bawk..





" Awi ka van lawm " ti sawk sawk in gas chung a bel chu ka la a...hnathawh kawr nen ka la awm a.. Lo a tang in ka feh haw chiah bawk...






" Chaw lo ei phei daih mai la " a tih chuan a chawhmeh dawhkan ah a dah chu ka bel ah ka chhung a ... Min en ran bawk..





" A ngai lo hei.. chaw thing rin tur a awm tho va ... Artui ka kang a nga ka ei ve thei mai zel " nuih pah chuan ka ti a.. Nu mamuani(sangzuala nu aw ) chuan lainat hmel zet a min en in





" I thlai thlak te a to tha em " dawhkan a kan chair dah na a thut thlak pah chuan a ti a...





" Aw tha ve mai.. antam phei chu karleh lam ah a suat theih ang " gas ah chuan tuk in zing a ka chaw chhum sa chu ka chhuang lum pah a...







" A va tha ve " a tih chuan nia tih chauh in ka chhang ..





Mi pawh hi kan lak a an that leh lutuk hian in thlahrun a zual ka ti .....





" Mampuia nen in in be ngai em " a thu sawi vang chuan ka thil tih lai chu rei vak lo chu ka chawl dat a... Gas chu hru fai thuak thuak pah in






" Ummm " ka ti ngawt.. kan in Biak hnuhnung ber pawh kar hmasa daih a ni tawh
...min rawn call in ka chhang ngai miah lo bawk .. chuvang in message in kan in bia a... Message pawh ka reply khat khawp...





" Mampuia phei chuan a ngaihtuah lutuk che a.... Nikhat ah vawihnih tal va tlawh thin rawh u min ti a " nui hak hak pah chuan nu mamuani chuan a ti a.. ka nui lui ve seih bawk...






Nu mamuani haw hnu chuan in bual fai te te in chaw chu ka ei leh a.. vawiin ni a sa bawk nen ka hah hliah hliah ...... Ka rawl thum thei.. nitin lo ah ka feh a... Antui te ka hawn a ka hralh leh a chu chu ka ei chawp ni mai .






Ka account ah pawisa ka lo in dah khawl hlauh zawk a chuti ni lo se chuan ka tam chhawl tawh ngei ang ....






Ka in tih fel zawh chuan ka room ah ka lut tlang nghal a....ka mu then bawk zan ah hi chuan mut hmat mai hi ka duh thin chhun lam ah ka che hah ve thin bawk nen








Phone ka hmet eng chiah chu pa chhanan min rawn call hlawl mai.....a thu sawi ngai bawk a rawn sawi leh dawn niang maw... An bul a awm tur in min sawm nasa mai... Kan in hi ka luah lum loh chuan midang awm nan ka phal rih lo a ni.. bak ah ka nu ka ngaih chang a ka nu sulhnu hmuh reng te hi ka duh hrih zawk d..






" Hlimi naktuk sumo ah thil kan rawn thawn che kha aw " asawmi chuan ka chhan hma hma chuan a rawn ti leh a...





" Awii a mak e ti nge min rawn thawn ziah a " vui aw zet chuan ka ti a.. buhfai bag te leh eitur ali bag te dal bag te min rawn thawn zeuh zeuh an ching a .







" A ho mai mai.. teh maw sangzuala awm na ah hian ka vahnu te an awm ve a " asawmi chuan a rawn ti nghal vat a.. a ni hi zawng a awri hi a ring ve bawk a..




,


" Ho lo.. thil dang min sawi pui tum chhen lo mai rawh... Keimah pawh ka in enkawl thei lawm.. min ngaihtuah suh u " ka tih chuan





" Tu nge ngaihtuah che... Keini chuan kan ngaihtuah lo che a... Thil ho mai mai bak kan rawn thawn lo che " pa chhana thu rawn sawi vang chuan ka nui hak mai.. hemi te nupa han that dan hi chu aw...







" I over sia " nuih hak pah chuan ka ti a.. lehlam a mite pawh an nui hawk hawk hlawm bawk...






Reivak lo kan in Biak hnu chuan sangzuala message a lo awm va a..




* Vawiin i chau em * tih hi a lo ni zing kar a a messge pawh ka la reply lo nih hi maw le ..mahse engmah sawi sel na a nei ngai lo reng reng ......





Chhang lo in hla ka play a ka chhing vang vang phawt a...





Kan khaw ho in min sawi duh hle a.. ka chhiat na pawh sangzuala nu leh pa hnen ah an sawi tih pawh ka hai lo....." A phu tawk a hre lo.. " te min ti a.. " a taksa a in hlan duh hial ang " min ti tawk te lah an bo lo......






Keimah pawh hian tlem tlem a hlat ve hi ka duh zawk..... Inneih kha ka lo phur vei nen tun ah chuan tumna leh chakna engmah ka nei lo.. dinhmun a lo chhiat tak tak hi chuan mihring rilru hi a lo danglam hneh sawh e mai ka ti...






Sangzuala pawh phu lo ka in ti hliah hliah .... Innei pahw ni i la a hming a chhe ve viau ang.. keilo hmeichhe dang an awm lawm ti in ka in hnem tawp bawk...






Rilru chhiat vang leh chapo vang pawh ni in ka hre lo... Mi min sawi dan tur k ngaihtuah in ka Ngam thlawt lo ni...






Zing ah chuan buhfai bel k han en a.... Buhfai zing chhum khawp pawh a lo awm hauh lo chu ni in .... Nizan lam a ka chaw ei bang chu ka en a ka vawikhat ei chu nih dawn hi ...... Chawthing ka bar a.... Artui ka hmeh tawp a .. chi leh hmarcha nen ka ei leh tawp bawk ....chaw ei chu a tui mawh ve lawm......






Chaw ei kham ah chuan ka insiamzui mial mial a..... Lo lam ah. Mahni te in ka kal ve hna hna a.... Kan lo ah mi pathum nen kan in ri a ... Kan in pawh vak lem lo.. ka nu leh felan Thläm uluk tak in an sa a.. thli tleh tih vel ah a hlauh awm hran pa lo.....






Thlam ah rei lo te ka thu chawl a.... Lo mawng lam ah ka chhuk thla a.. lo pawh a lo hnim leh hle tawh...ka sawi leh duh chu kan lo hi Tin/Trin 2 hmun vel lek a ni a...





Ka kal zing ve tawh a.. in lam ai mah in a nuam ka ti zawk.. hmun theng thaw nuam zet leh thli fim tam na ah chuan rirlu te hi a hahdam hliah hliah mai.....






Tlai lam a lo ni leh a....mah ni te bawk chuan ka haw leh hna hna a.... In ka thleng a... Kan in chhung reh duk mai ka hmuh te hlei hlei chuan ka rilru a na leh zual.. ka nu leh fela ka ngai thar vawng vawng mai.....






Ei rel ka tum lai chuan buhfai ka nei lo tih ka hre chhuak leh hnu hnawh .... Van buaithlak thin em.. ka phone a rawn ri chiah bawk..




" Hlimi in ah i awm em .. hei i thil tur ka rawn phur a... " Kan khaw driver hmingmawia a lo ni
Pa chhana ten min rawn thawn kha nih ka ring.. min rawn thawn fuh kher mai ...




" Aw awm e lo phur phei mai la " ka tih chuan a lo dah tur thu a rawn sawi a . Call chu kan ti tawp nghal...






Ka hna thawh thawmhnaw nen chuan ka la awm a... Chawhmeh thing chu ka chhuang lum a... Ka maian hawn chu ka siam pah bawk.. hna thawh chauh ve nen ei han rel leh thin hi chu taksa hi a chau ngawih ngawih zel....








Hmingmawian ka thil tur. A rawn dah chu ka meng kawk kawk thei... Buhfai bag 2 , dal bag 1 ,purun var kg 10 purun sen nen , masala chi hrang hrang te chi pack tam tak te min rawn thawn teuh mai... Amul pawh bawm 20 Chuang zet an rawn thawn.. an in chawi ve nasa viau ang.. hetiang em em te chu a....







Phurh man lah pa chhana ten an lo pe lawk sa vek tawh bawk nen ... Ka chung ah hetiang em em a an han tha mai hi Pathian malsawmna a ni ngei ang ....








Hnuk ulh tun chung in thil min rawn thawn ho chu ka rem fel a...... An ni hi awm lo se chuan ka tam chhawl ngei ngei ang ka account ah lah pawisa a awm tam vak tawh lo bawk nen ... Ka thinglung in a vawikhat nan Pathian hnen ah lawmthu ka sawi mawlh mawlh mai...







Zan ah chuan mut pah in pa chhana te chu ka call a... Ka lawm zia thu te leh ka tan an hlutzia thu te ka hrilh a ka sawi zawng te chuan ka hnuk a ulh tun thei .. pa chhanan





" Kan fanu ang in kan en che a.. lawmthu sawi na tur. Ani lo..... I hun tawn mek ah hian beidawng lo la.... I nu te thil tih ang kha ti ve hauh Suh ang che i mamawh engkim chu ka bul ah sawi zel ang che " a tih chuan ka rilru no a kai chhuak hle bawk......







Pa chhana te nen kan in biak zawh chuan sangzuala message ka seen loh chu ka seen chiah a..




* I dam tha na nge *

* I chau em .. thawk rim lutuk suh *


* Chaw i ei tawh em *


Tih ho hi a lo ni.. ka thaw hawk a.. in then thu engmah sawi lo vin ti hian ka be duh lo ri ngawt a .. kei pawh hi ka dik lo ve tho...





* In Biak kan ngai * tih chu ka thawn a.. a in double tick a a rawn online nghal .. a senn rang kher mai





* Sawi la * a rawn ti vat a..




* Hmaichhan ah maw le * ka tih chuan




* Ok... Kar tawp ah ka rawn haw zawk dawn a.. kan sawi dun dawn nia * a rawn ti leh.. hna a neih tang hian a puitling sawt ka ti mai..






Tawngkam thiam lo tih tak ah ka mamawh leina tur hi min rawn g pay nulh nulh zel a... Ka thawn let leh lah in a rawn thawn zel bawk si nen .... Min ngaihtuah ve hle tih pawh hi ka hai hauh lo...






A call a rawn lut zui zat a.... Ka chhang ve mai bawk.....





" I mu tawh em ni " a rawn ti thum dut a.. a aw pawh ka hriat loh na rei ve hle mai..




" Mu zal mai mai " ka tih chuan





" Ummm i hun tawn mek ah hian ka hnem thiam lo che... Mahse hei e rawh ka hrilh duh che i tan ka awm reng ... Chuan i rilru baih vaih chang leh hreawm lai in Pathian hnen ah tawngtai in hrilh thin la i harsat na ah khan a thlamuan ang che...... " A ti ve ta duah a...





" I van tawng thei sawt em em " ka tih chuan




" A ngai lawm " tih chauh in min chhang





" Ka din hmun hi en la eng ang in nge min hmuh " ka rirlu a awm ka sawi chhuak chiah...






" A hma nang mah mi hlim thei tak nuih duh em em kha i la ni reng " a thusawi vang chuan ka nui ro hak mai..





" Ka danglam tawh sin " ka aw chu a chhuak che che ... Ka mittui a hnai leh tawh.. ka hun tawn mek a vang hian ka rilru hi a no telh telh mai .. tap mai mai ngai lo ka nih vei nen hian ....






" Danglam i tum vang mai mai nih kha.... Danglam na engmah i nei lo " dam dap hian a rawn ti leh a......





" Chu chu min hmuh dan em ni " ka tih leh chuan




" Umm a ni reng bawk ang " a ti ve vat a.. ka nui hak mai ...





" Lo in then ta i la.. eng tin nge i awm ang " ka in ngaihtuah lung puam lak lawh..






" A thleng ngai lo vang " a rawn ti fiah fak a.m.





" Rinawm loh san ta che i la " ka tih leh chuan





" Kei ai a i thlan chu hmaichhan ngei a hmuh ve ka duh dawn " a thusawi vang chuan ka nui leh hak a..




" Chuu a va ropui dawn ve " ka tih leh chuan




" Min rin awm loh san hi ka ring ngai lo .. ka ring phal bawk hek lo " a tawngkam chu thlum ve tak zet ...








Hetiang em em hian ka lak ah rilru a lo pu nih dawn hi ka va han phu lo tak em.....







Kan in Biak zawh chuan mut thilh zai ka tel ve ta a....








Zing ah chuan ka dan ngai te in lo lam a feh tur in ka in buatsaih a.... Ka nu te room ah ka lut zuai a... Fela chem lak tum in ka lut a..






Ka nu te khum hnuai ka bih. A.. a awm bawk si lo





" Khawnge maw an dah le aw " ti chung in ka nu te mut phah chu ka keu pah a.. ka tawp chawt mai ka thil hmuh vang chuan ka ding ngawi hle hle ..






" E he " keima hriat tawk lek chuan ka ti ..






Ka nu te mut phah hnuai ah chuan damdawi tha hnem zet polythene lian ve tak a in fun tha than chu ka hmu a.... Police ho khan an lak hmaih nih dawn hi ...





Damdawi chu ka la kang a.... A man chu a tam ve khawp ang ......ka rilru ah thil Pakhat a rawn lut zawk........







Pa muana chu ka call vat a... Kan in a lo phei tur in ka ti nghal bawk..... Damdawi chu a awm na ngai ah dah leh in sitting room lam ah ka phei a...






Rei lo ah pa muana pawh a rawn lut vat.... A hmel chu a harh fim hmel viau mai ... Ka nu te an man tang in damdawi tih tur a nei tawh lo va... Zu ah a tuan a.. an zu siam a fuh vak lo nge a pum a ti nuam lo va damdawi in an pan reng bawk .





" E nge ni zing zing ah " tih pah in thutthleng ah chuan a rawn thu thla a .






" Pa muan damdawi vawrh ang " ka thusawi vang chuan pa muana chuan min rawn en rang kher a sin ..





Ni e hetia ka awm reng chuan nakin ah pawisa nei lo vin ka awm dawn chu vang in damdawi hi ka vawrh a ngai.... A dik lo pawh in ti mai thei mahse ka hma hun zel ka ngaih tuah in ka dam nan chuan ka tih ngei a ngai .





" I a ta em ni.. khawi ah mah damdawi vawrh tur pawh a awm loh hi " a tih chuan





" Min ring rawh.. a hlawk na pawh a chanve ve ve in ka in sem dawn nia " ka tih chuan a meng kawk mai min hnial ka ring hauh lo bawk...





A mitmeng ah sawn min hnial a tum lo tih ka hre kar bawk ... A ni pawh hian damdawi a duh a... A thlawn a a neih chu a duh in ka ring bawk......





Ka nu te thil dah kha ka lo hmu ngai miah lo mai a..... Ka han hmuh chuan ka rilru ah thil dang a rawn awm nghal bwwk..




Ngaihnawm in ti em comment lam ah aw .....