Thinlung BY Kimkimi tlau (Completed)

[ngaia]

Kapu a mutthilh daih avangin kan awmrei tawhlo a, Kan hawn dawnah " Mamte, ipa te chu zanah lo leng vese" Kapi in ati a, a ngenngawl viau in ka hria. " Kalo hrilh ang " kati a, kapi ngenna chu a zahawm kati a, Kapa pawh kaltura nawr ka tum nghet bur.

Bike a kan chuan dawnah Mathewa'n ka pawm duhlo in ahma a chuan chu angen leh tlat a, pawm ka tum lahin a tal nasa si ṭah tumin a men pui pui lehnghal " Angailo, U Mafela i tibuai ang" ti a pawm luih ka tum chuan U Mafela'n minlo dang a, " Minti buai hleinem, Bike khalh tezawng ka thiam zawng tak ania " ati dam thlup a. "Naupang duh dan dana awm tur ani hleinem " ka tih pawn " A ngaih chang a awm ṭhin alawm " ati zel si a, ka chhang buai peih tawhlo.

Ka u te in chu kan thleng harlo a, Varanda ah Bawihtei te pafa chu lo awm in, U Mafela'n bike atih din hma aṭangin Mathewa chuan "Pa" ati ṭung tawh a, a ṭe chel chul mai, "Ava ring ṭhin ve ka fapa " Bike a din fel rual chuan U Mama'n nui hawk hawk chungin alo ti a, lokal hnaiin bike hmaa eng nge asawi hriat hleihtheih loh a ṭawng ve nak nak Mathewa chu alo pawmsawn vat a. " I hmanhmawh em? I hmanhmawh chuan min kalsan mahla apawilo " Bike aṭanga chhukin a bulah chuan ka ding a, ka ti khawtlai rei tawh sia anuam kati thei hlawllo.

" Min huphurh deuh ang hian awm ṭhin suh, katan pawh anuam hleinem, ka hmanhmawh chuan ka hrilh ang che" Dam thlup khauh fak si a atih chuan ka hmui hnuai seh zeuhin " Ka huphurh lo che " ka ti vata, min pui nasa si a, ka huphurh ang chuan in ngai lul suh se. " Anih chuan lut ila mahse, ka awmrei hman tawh lovang " nichina a aw khauh fak kha a awm tawhloh avangin ka awm anuam nghal huai huai thei.

" Khawnge U Saii " In chhung ka luh rualin ka hawikual nghal thuak a, U Mafela erawh aṭhu fel diam tawh, "Order ka pe lawk dawn ati a, achhuak anihkha " U Mama chuan Mathewa infiampui pahin ati a, Bawihtei chu choka lamah ari rak raka, engvang teh hrep nge mawni ka rilru anti no tlat lehnghal. " Lo ṭhu la, awm iti nuamlo tlat " Aṭhutna bul ben thek thek pahin U Mafela chuan ati a, chik zetin minlo en kur lehnghal, " Ani teh tak e a, tlanchhiat in ring renga awm te chu " Tiin U Mama'n alo belhchhah ve bawka, ala nui vur vur zui, ner nang in U Mafela bulah chuan ka ṭhu ve a. Ka ṭhut fel rual chuan ka kut alo chelh a, kaṭang ṭung mai, thilsawi tuma ka an zuai laiin ka kutah thil min hmehbela, " Ei rawh " ti supin min thlah veleh mai bawka, ka kut athlah ruala athil min hmehbel ka en chuan ka nui haka " Naupangchhia " ti sepin sweet chu ka ei tho.


U Mama chuan kapu chanchinte min zawt a, U Mafela pawh ahna chungchang azawt nual mai; U Mama aiin U Mafela hi chu a naupang hret a, U Rinhlua ai chuan a upa leh hlek thung a, U Mama leh U Hlua inkarah a awm tihna anihchu. Mahse, U Hlua hian a u ngailo a, U Mafela pawn U Mama hi a u biklo, Mama ati maia an kum a inthlau lo bawk nen a awmlo lemlo.

" Bawihte eirawng i bawl ami? " Choka aṭanga Bawihtei lo chhuak chu kalo be thuaia " Aw, chaw hmeh siam tur ka chan a " Sin rat hian ati a; Bawihtei aw hi chu a sin rat reuh a, U Mama hian 'I Ni Kimi i chhun a, i aw hi a sin rat a, i la thinchhe viau ang' ati ṭhina, asawi dik miau avangin huat en ah pawh ka enlo hrim hrim. " Kalo pui dawn che mi? I duh em? " Ka tih leh chuan alu athing a " Aih, Anu in eirawng chu abawl dawn a, tih tur ka nei tawhlo " ati fel leh than a, ka bu ve nghat ringawt.

" Anih chuan U Mafel kan hawng mai dawn mi? " Kati a, "I duh te chuan apawi hleinem " Ti supin mitmeng dam zetin min melha, nui chungin kalu kabu nghat " Ala hma alawm le Mate, in hawn daih chuan Kan pafa ho chauhin kan awm sia a reh leh dawn mange, in ah te chuan Faki te pawh an awm tho a " U Mama chuan hawng rihlo turin minduh tih chu ka hria a, hawn rih loh mai pawh pawi ka tilo mahse, U Mafela hi ka ti khawtlai rei tawha, Nangmahin va hawng mairawh ti ila a duh leh dawn lo tih ka chiang bawk si, chuvang chuan U Mama te chu khawngaih ru viau mahila hawn rih phawt aṭha kati.

" I duh chuan kan awm rih thei ania " Ka hriat tham lek hian ati a, Ka rilru insual buai vel chu ahmu thiam aniang, "Aih, duhlo ve " ti let in " U Faki chu a laktlak loh emai, U Nguri lah a nau neih ahnai tawh sia, a insawisel vereng tawha remchangah kalo leng leh zawk ang " U Mama bulah chuan kati a, ahmel nguai zet chu en pawh ka enrei duhlo. " Aṭha alawm, Saii aawh alo hawng ṭep ang" Hriat nuam zetin ati a, ka mittui lo hnai kuar avang chuan bu nghatin hmun dang ka hawi vata, ka mit ka khap sek sek bawk.


" I rilru in helai hi a kalsan dawn chuanglo anih hmel " Bike a hunrem vel lai chuan ngaihtuah muk zetin kalo ding khawng reng a, a thilsawi avang chuan inthing harh vatin " Maw" Kati hu a, ka mawl hmel viau ang. Min ṭhen khum sakin " I duh chuan kan awm rih thei ka tihkha, min vengthawng lutuk a, helai hi kalsan mahila i rilru erawh hetah chauh a awm dawn tih i awmdan aṭang khan ka hrethei " Ati nghuta. A lawm chiah lo anih ringa amah ka en chuan mitmeng dam thlup hian min lo enreng a, nuih seih in " Ka u leh a fate chuan rilru te chu an luah lo theilo alawm, awm pawh la duh mahila in lamah tihtur atam a " kati nawi niai a, min chhanglo in athle zeuh a hrethiam zetin keipawh ahnungah chuan ka lawn ve vata " Hrethiam reuh lutuk " Nuihza aw zeta atih chuan nui ve hakin a darah ka bensak thlawp a.


Kan in kawtah bike ati ding a, a in siamrem hma chu ka chhuk ngamlo, a in rahkhalh fel hmaa ka chhuk chuan a lo inringlo anga kan thluk tawp ka hlau ani. A in rahkhalh fel hnuah ka chhuk a, Lawmthu sawi ka tum lai tak chuan Naupang pahnih hian minlo kal pel a, an thil khai avang chuan ka en zui vung vung bawk. " I ei chak ami? " Ti ri ah chuan ka harh zawka " Chak ve e " Ti sep in ka chil ka lem nghal khalh a; Naupang pahnih te khan Sarangah Nimbu an khai a, hlawh ka lak ahnaih vang aniang Nimbu mai nilo thei thur hrim hrim ka eichak leh tlata chuvang ania naupang pahnih te pawh ka enzui reng ni.

Ka thil eichak kha ho atih vang nge nui sukin " Zanah kalo leng ang " ati daih a, " Aw le, chuan ka lawm lutuk ania " Katih chuan " Lawmthu sawi suh " Ti thum dutin ka hnar alo tawk zeuh a, a cherang lutuk chu hnial hman pawh anilo, ka ding tlawn reng ringawt.


U Mafela tlan liam hnuah in chhungah ka lut ve chauh a, in chhung chu alo reh ruih mai, Ṭhutkhawmna ah kapa alo muhil a, nidangah a harhvan tehlul nen, thawm hlekah pawh a harh nghal zel ṭhin ania, tun ṭum erawh abula ka kal hnaih pawn a che eih lo a, ala muhil bawrh bawrh tho a, a chau ve ngang aniang. A tv enlai chu ka off sak a, a lu chu siamrem sak hlekin room ah ka luhsan a, U Faki pawh a khumah alo muhil tui khawp mai.

Fridge aṭanga Chaw hmeh siamtur ka lakchhuah laiin U Nguri alokal a, " Ilo haw tawh animaw " Tiin chaw hmeh ṭhing ho chu a enkual dan dan a, " Minlo puilo mairawh, i puar lian tawh si i hah ang " Ka tih chuan min en in anui var vara " fel hi chu i fel mawle, diktak chuan ka awm hi anuam thei vaklo a, ka pum te hi alo na leh riai riai zel a, mahse mut reng pawh anuam chuanglo" ati ve niah niah a, a dul a lian si rai lo mahila kalo hahpui ve tawp.

" Mut i nin leh tikhan lo ṭhu vela, puih chu ka ngailo na a titi pui tur ilo awm ve khan anuam a " Ka tih chuan "Chet loh tawpte chu ka thiam lovang, Alu kha lo la chhuak la kalo vel ang e " Ati a, hnial lovin a sawi ang chuan kati a, Alu alo vel laiin keiin Chaw chhuan ka siam thung.

U Nguri chu a titi barh barh a, Sawitur ahria in thawnthu ngaihthlak a peih bawka thawnthu lam hlir asawi a, athusawi te chu ngaithla mahila thildangin rilru aluah zeuh zeuh a, athilsawi te chu ka hre mumallo reng reng, tlem tlem ka hria a, anuih rualin tawite in kanui veleh tawp zel, ka rilru luah tu chu engdang anilo Nimbu ka eichak em ani.

" Nimbu ka eichak " A ngawih zawk lai chuan kalo ti a, "Hlawh i la dawn mi? " tiin min nuih vur vur lehnghal "Aniang, ka peih lohzia hi e " kati a, " Rai ve mairawh thlatin buai angai lo a azia lutuk " ati ham hama "Awi! Ka peih teuhlo mai " katih chiam chuan U Nguri chu anui hawk hawka keipawh kanui veleh ta tho. Rai avanga thlatin period pumpelh aiin rai lo a thlatin period ka thlang daih zawk, U Nguri rai tirh vel ka ngaihtuaha rai chu anuam dawnlo hian ka hre lutuk a, thla tin an dul apuar belh zel bawksi, anawm hmel loh ngawih ngawih.


Eirawng kan bawl fel diam hnuah U Faki alo tho ve chhek chhek a, " Ka rilṭam " ham bui bui chungin alo la ti zui, "Nula pumpa nilenga han mut mai chu " Tiin kapa chu a chek tlak tlak a, " Naaa...min sawisel reng bik su " vin hlara atih chuan kapa pawn engmah asawi zawm biklo. Kanu pawh alo hawng harlo a, in chhung alo luh rualin " Ka kawng ana lutuk " ati a, Couch ah amu nghal hnawk.

" I chau viau alaw " Kapa chuan alo be vat a, " Chau ve deuh, Naupang an tam vesia mahni chauh chuan abuaithlak, Ka fanu te lah hian min puih an tum ve bawk silo a " ati hlak hlaka, U Nguri nen kan in en a kan nui tawp; Kanu hi Middle school ah Chaw chhum in a inhlwh a, naupang antam ve bawk nen a chau hi ademawm loh, puih chu ka duh a mahse, inhlawhna tur ka neih vereng avangin ka pui hman biklo ani, puih changte chu ka nei ve tho a, a hre rei ngai chuanglo a, a phun a 'Tuman min pui duhlo' ati leh ziah a, kan pui duhlo leh kan pui ngailo hi a ang tak tak.

" Nu, Pu Khawa te hian Nimbu leitur an nei angem le? " Ka tih chuan nelawm vak lo hian minlo en a " Ka hre nang, Pu Khawa nupui kani ami? " ati hlaka Kapa arum nghut "I fanu zawhna kha ngaihtuah ta che, Pu Khawa Nupui ini atih loh kha, i chau deuh anih pawn i fate chungah ṭuan kher angailo. Faki'n nilengin engmah ati ngailo a, i buai deuh te chuan hruai maita che " Ati ram hmaka, kanu chu a hawi tau sawk. A rilru lak pen nan tiin kalo be buai kha ania, ka be ta kher kher chu ka inchhir takzet ani, " Mate, I pa Fawna te sawn an nei zawk ang a " Kapa chuan ati dam dapa, kanu abiakna aw ki nen chuan in anglo tak ani.

" Ka hrelo le, Angaihi'n a hre leh maithei kan bia ang e " kati a, kanu chu ka melh nawn leh tawhlo hrim hrim, "I nu ve hi zawng abuaithlak emai a, fate tan pawha biak ngam hian a khawsa lo " ti leh hlukin a tho nulh a, aleng dawn aniang pawnah a chhuak tlang daih; keipawh U Nguri'n room min siksawi pui rawh atih avangin Inhnuaiah ka chhuk a, U Nguri puih ngailo mahse, kanu bulah chuan ka awm chuanglo ang.

Angaihi chu msg in Nimbu leitur a hriat leh hriat loh ka zawt a, eng nge atih ve tehreng ni a online lo ve teh tlata, min chhan har erawh ka ringlo ve tawp. U Nguri chu a che ṭha vak thei tawhlo bawk a, ka pui pawh anilo amah zawkin min pui ve hlek hlek ti ila ka sawisual lovang, " I Remdan hi analh loh na a awm tawp silo a " Kati hliaia thawpui kala halh bawk, Hun sawn ngai atih ho chu ka en ṭhin a, a hnawk loh bakah siksawi angaihna ka hrelo reng reng; U Nguri hi chu adangdai ve a, thil ngai reng hi a hmu peihlo a, thil siksawi tur leh sawn kual tur hi ahre mah mah ṭhin. Kanu phun tamna ber pawh ani a, kan thil dah te hi alo sawnkuala, a awmna kan zawh lah hian 'ka hrelo' ati leh daih zel sia, kanu lahin ' Zawhte no nei ang mai, thil hi dahna ngaiah a awm rei hmanlo, i lo sawnkual ziah " ati hlak hlak zela, U Nguri pawh anui ve tawp zel.


" Ka hmu ning leh tawh alawm, I u lah in min pui duh silo a " ati nang nang a, " I in siksawi sawnkual peih lutuk hi abuaithlak " ti hlak hlak mahila a haw duh ngai chuanglo. Rit deuh deuh chawi lo mahila kan zawh meuh chuan ka hah lutuk tho. Khumah chuan ṭhu hnawkin ka phone chu ka en a, Angaihi pawn minlo reply reng tawh anih hi 'Pa Vuana te'n an nei, i lei duh chuan kal vat vatla, alo ti zo leh hman ang " alo ti a, ka nui nghal vur vur thei. " U Ngur, Pa Vuana te in ah ka kal lawk dawn ania aw " Din hluai pahin kati a, " Eng nge itih dawn? " Atih chuan " Angaihi'n Ser lei tur annei ati a " kati vata, min chhanletna pawh nghak tawh lovin room aṭang chuan ka tlanchhuak a.

Kan room ah pawisa la leh te te in Pa Vuana te in lam chu ka pan a, Tlan tawh kherlo mahila ka kal chak tho
" Nu Felfel, Nimbu in nei ami? " Varanda ah chuan Pa Vuana nupui alo awm a, " Awi! Nichin deuh khan Mafela'n alo lei a, azo daih alawm. A rah a chawlh lai tak ani bawk sia, niminah pawh kan hawn tamlo a " Alo tih chuan ka hnual nghal rawih rawih thei a, a awmlo tih ka hriat veleh te chuan ka eichak zual sauh ten ka inhria abuaithlak tak tak ani. " Avan pawi " kati hliai a, apawi kati ve em ani " Ni e, apawi khawp mai, pum5 chiah a awm tawha Mafela'n alo lei vek alawm " ati bawrh bawrh a, ka kal dawna ka phur tehlul nen tunah chuan ka phurna areh vek.

" Mafela i tih chu Pi Zothani fapa kha ami? " kal tuma ka inher tur chu ṭhulhin Nu Felfeli chu zawhna ka zawt leh rih a, " Ni e, a ei chak ve ngang aniang pa5 kha ₹100 in lei atum a, I pa Vuana'n lei angailo atih pawn 'Athlawn chuan achi loh' ati tlat a ₹50 chu min pe lui tho " ati a anui hak hak mai.

Ka let leh lamah chuan U Mafela thla ka tawng char char a, tunah hian hmai chhanah hmu ila ka ti ngawt mai, tlaiah khan ka eichak zia ahre vereng awmsia lei tur ahmuh te chuan min lo hrilh ve zawk awm ania, kan mihringa mai mai hi aw zana alo len hunah ahre viau ang, chuti khawpa thei eichak chu thingpui ai ah Ser tui ka intir chiang viau ang.


" A zo hman ani maw? " Varanda ah U Nguri te nupa anlo ṭhu a, U Nguri chuan min nuih vur vur a, ka melh vak ringawt. Ka u erawh a bangbo angreng a " Tikhan min en suh " ti hlarin ka ke ka per vaka, ka period dawn hi chuan ka mizia hi ka hlauh vek zel, in thunun hi harsa kati ṭhin, ka thinchhia a, ka rilru a te in ka ṭahbelh em em bawk a, tai na erawh kanei ngai manglo, ka taksa chu akham ve deuh ṭhin a, aaaaa engmah hi anuamlo ti ila ka sawisuallo ber ang.

" Hlawh i la dawn hnai ami? " Ka u pawh chuan ati ve maia, thla1 ah vawikhat hi ka mizia ka thlak ṭhin a, an hre hrang tawh lutuk, rin ai takin min dawhthei daih zel bawka an fakawm letling zawk. Keini'n mood in swing reng te hi kan hne viau a, hreawm kanti bawka mahse, hreawm ti hi keimahni chauh kan ni biklo a, Kan bula cheng leh kan vin phar vak vakte pawh hian hreawm anlo ti ve tho a, min dawh theilo in min vin let se kan ṭah khum titih leh zel bawk si, an tan pawh hian dawhtheih hi angai ve dawna an khawngaihthlak ve tho.

"Ser a ei chaka lei tur ahmulo anih saw " In chhunga ka luh dawn chuan ka thinrim chhan chu U Nguri'n an pa a hrilh malh malh a, " Ava zialo ve Vala te pawh biaksak la, an nei ve ṭhin ani lawmni? " Ka u in ati ri chu kala hre pha a, Choka ah ka luh tlang daih avangin U Nguri chhanna chu ka hre thei tawhlo.


Chaw pawh chu ka ei ṭeuh a, ka mitthla ah Nimbu alang reng tho, Chhunah kha chuan ka eichak em em ka hrelo a, ei chaklo hlawm tawp erawh ka nilo, Naupang pahnih in anlo keng kha ka hmu kher kher a, kha khan minti rawp zual vekin ka hria.

" Kimi, Pu Khawa ten Nimbu leitur an neilo a, Ram ser hi hawnsak mai rawh antia kalo hawnsak che " Thleng ka sil laiin choka ah kanu alo lut a, dawhkanah Ram ser pum hnih leh Ser ṭawk pum khat hi adah bawk. " Aw apawilo " kati satliah a, min ngaihsak lo hlawm tawp hi chu ani biklo mawle mahse, ka rilru ati na hmasa ziah ṭhin hian alakah hian min ngampat tir theilo a, thil thleng tawh theihnghilh zung zung ṭhin mi ka nilo lai tak te hi abuaithlak, min hringtu kanu ani a, pawh leh nel taka abula awm te pawh hi duh ve mahila ka hriatna te hian thil achhui kuala, rilru na ngawih ngawiha min siam tawh ṭhinna te khan min hnaih tir theilo ṭhin ani.

Kanu hi chu ṭawng puat puat leh ang bawrh bawrh ṭhin, rilru a vei zui ngailo ang chi hi ani a, asawi puat puat a, athusawi a ngaihtuah chiang ngai heklo, a thusawi leh a awmdan in midang ati na em tih lam a ngaihven lo a. A hriat reng tawh loh avangin mite hian an theihnghilh turah angai maiṭhin, hetiang mi hi an rilru a chhiat vang nge an dawn tawi vang pawh ka hrethiamlo a, kanu aṭang hi chuan an rilru chhiat vang ngawr ngawr chu ani ka ti theilo ang, achhan chu kanu hi rilru chhe lutuk ani biklo tlat a.


" U, U Mafela alo leng " Ka inbual zo ka inthlak laiin Room pawn aṭangin Mampuia'n min au lang lang a, chhan pawh ka chhanglet peihlo e a, U Mafela alo tih khan ka kawchhung hi a sa bulh in ka hria, Thingpui pawh ka lumsak dawnlo hrim hrim, chuti khawpa ser eichak te chu Thingpui ai ah Ser tui thur eltiang kha in tir ila aṭha ang.

Titau sawk sawk chungin ka inthlak a, lawk! Hrim hrimah keihi kala lungawi lo hrim hrim alawm, Alo haw dawn tih min hrilh loh bakah Apuii te in ah alo awm vel avang khan kala lungawi lo reng reng, tlaia min thlah te khan lawmthu te ka hrilh vel a, Saw hmelphaka sawn lawmthu hrilh aphu lo hrim hrim. Engtin nge ka thinrim tih te kha ka theihnghilh theih zawk reng reng le, kava han nep tak, Remruatfela chuan min zuam sawt dawn anih hi.

Inseh ruh ṭeuh chungin room aṭang chuan ka chhuak a, ka awmdan chu ka sawifiah thiamlo insual inpeih at rengin ka awm a, ka in sangmar ṭeuh bawk. Sitting room ah chuan Ka u te nupa leh Mampuia te anlo ṭhu ve a, Remruatfela pawh inla fel deuhin aṭhut veleh khur tawh hi, ka en reng lai chuan minlo melh ve chat a, rum zeta melh in ka hawisawn hmak.


" Matei alo chhuak tawh tho a, Kan zu mu hma ang e, Naupang paper check tur te a awm a " Tiin U Hlua te chu an inthiarfihlim nghal daih a, Pawilo kal daih rawh se, an awm vereng chuan Remruatfela hi ser tui pawh ka intir thei nang. " Mate thingpui te kha lumsak la aw, Mafel hreawm iti lovang tiraw? Bakah ilo len chhan kan ni chuanglo a " an chhuah dawna U Hlua'n atih chuan Remruatfela chu anui hawka, Keiin ka u te nupa chu rum zetin ka melh thung a, min en let duh ṭhaklo zui, " Nuam ka ti viau zawk lovang tih pawh a sawi theih loh, tak taka zu hahdam ru, pa leh tlangvalte chu kan in ang thei tawh lo alawm " Ati ve ngeia lehlam hawiin ka ner nang nang mai. Ka u te nupa chhuah hnuah chuan Thawpui la halhin a ep ah chuan ka ṭhu a, "I Sam i va su tlai ve, i damlo hlauh ang e " Ti tu chu ka melh zawka " Ka dam " kati hmak.

" Kan lungawi lo anih hmel hlemai a" Atih chuan ka ke ka per dat dat a, " Kaning tlat aw, uang reng suh " In thunun hman lovin kati chiam a, Mampuia a awm vereng tihlam pawh ka ngaihtuah thei tawhlo. Anui hawk hawk chu thip zetin ka melh a, anuihza insum hmel te chu ben sawk sawk ka chak lutuk ringawt, " Insum Insum " dam dapa tiin sarang hi alo lek kang a, " Eng nge " Ram hmarhin kati a; Sarang chhunga thil awm ka hmuh chian rual erawh chuan ka ding deuh awk a, " Awi! Eng nge " Chawpchilhin ka mood chu a inthlak nghala, U Mafela ṭhutna chu engtik laiin nge ka thlen phei pawh ka hrelo reng reng. Ka hriat chhuah leh meuh chuan U Mafela sarang lo lek chhuah chu keimah zawkin kalo keng reng tawh a, chuan U Mafela'n ka chezia chu uluk leh hmuhnawm ti zetin min lo thlir reng bawk.

Harhchhuak thut in " Ahh..tihpalh " Kati a, sarang chu ka pe leh a, hriatthiam loh hmel zetin a chal ati chuar tap a, sawi mai tur pawh ka hre biklo " Kata tur pawh anilo maithei a, kalo la ve ringawt a " Kati nawi niai a, amah pawh ka en ngamlo hrim hrim.

" Itan nilo se tutan nge kalo ken ang, khami zawng khan ka kal kual nasa teh ania " Ati thum chhak a, hlim zetin ka melh tawp, ka eichak zia hi sawi ngaihna pawh a awmlo; Thil ei chak hi ka nei zen zen lo a mahse, eichak ka neih ve chhunah erawh mi zawng zawng aiin ka over a, ka chak huam huam ani ber, tuna ka awmdan pawh hi midang chuan 'A over mah mah ' pawh minti maithei ani, apawi pawh ka ti chuanglo a, ka over tih chu ka inhria, ka eichak ka ei dawn tho a apawilo hrim hrim.

" Ka eichak lutuka keipawn lei tur ka zawngkual nasa alawm " A bula ṭhut pahin kati siam siama, nichin lawka ka mood chhe zet kha chu vawm bo ang hmiah ani leh tawh a, tunah hian khatiang anga mood chhe zet kha neih leh pawh tum ila ka nei leh thei tawh pawn ka ringlo. "Tlaiah khan i chil a put nasa sia, i thil eichak i ei theih loh lai hmuh kha hreawm kati " Ti dam raihin sarang ka vawnna ka kut chu alo chelh a, kan pahnih chauhin kan awmlo tih hrechhuak zawkin rang zet chuan ka hawichhuak a, vanneih thlak takin Mampuia chuan minlo ngaihven lo hlauh a, kan thusawi erawh angaithla leh kur thovang.

" Thingpui ka lumsak ang che aw " Ka tih chuan Mampuia chu alo nui hawk a, ka melh rum teh asin " Ser kha ei phawt zawk la, i chak hmel si " U Mafela chuan ati sup a, "Thingpui ka siam che anga ka ei ang " Zang vaha ka tih chuan abu nghata " U, U Mafela chu Thingpui i lumsak dawn ami? " Choka a kal tumin ka ding tawha, Mampuia thilsawi avangin ka kalsawn rihlo thung.

" I duh ve ami " katih chuan Mampuia chuan minlo en kurin anuih azat hmel em em lehnghal a, ahmel landan aṭangin min chhaih achak tih lah ka hrechiang ropui si, "Games kha khel hle hle rawh " Rang fe a ka tih chuan anui hawka U Mafela erawh chuan kan unau chuan min melh tawn chhen a " Tu emaw nimbu eichak khan leitur azawng a, mahse anlo lei khalh tak avangin lei tur ahmu zolo a, amah a in hrosa kuk kukin, ' Zanah lo leng rawh se, chuti khawpa thei eichak te chu Thingpui ai ah Ser tui lo intir ila aṭha ang' ati vela " Ṭawngthei ti fe in Mampuia chu ka melh tlawk tlawk a, U Mafela thin arim ang tih ka hlau hluah hluah.

" Laldinfel mipa pawh nilo pa " kati hlaka, kanau chuan min ngaipawimawh lo zetin games a khelh zawma ala nui hawk hawk zui, Tim daia U Mafela kava en chuan ka thaw halh thei, ka rin angin thinrim hmel apu miahlo a, ka chetdan chu hmuhnawm ti deuhin minlo thlir nimai hian kahria. Minti lai chhe lek lek a, ka biang bakah ka taksa hi asa hat hat thei, " Tlaiah khan ka hahchhiua nasa lutuk a, thil thleng alo awm vang anih hmel chu" Nuihza insum zeta ti chhuak nghutin "Ti teh, Char lamah ṭhu dun lawk zawkang " atih zawm a, keipawn ka hniallo, " Mampui Char lamah kan ṭhu chhuak dawn asin " U Mafela chuan Mampuia melh ngur chungin ati a, Mampuia pawn alo remti vemai bawk.


" Ser tui chu min intir ila tum em? " Ka lamah alo thle zeuh a, ner nangin " Aih " kati hlaka, tunah hian ka ser eitur min vel sak mek ani, angailo kati chung pawn ati lui tlata, ka hnial hneh leh nganglo. " Ti hian i ei tawp dawn mi? " Chi nen tlawnga ka eitur chu chal ti chuar tap chungin min enreng a, " Heti tawp hian ka duh alawm " kati a, abu ve nghat mai.

Tui ti fe a Nimbu pum2 keimaha ka ei zawh hnuah chuan ṭha deuhin abulah chuan ka ṭhu a, duh tawkin ka ei duhtak ka ei ta bawk nen ka nui deuh vur vur reng a, ka at hmel viau ang.

" Kim, ka bialnu nila " Ngawi renga van lam kan thlir dun lai chuan ati thum chhaka, a aw ri chuan ka kawchhung thlengin a fan theiin ka hria, ka taksa pawh alo mur chhuak ar ar thei a, " Tinge" bo hu a ka tih chuan anui suk a, ka chhan dan chuan keipawh minti nui vetho a, mawl ka inti viau bawk. "In chhai kual nan hun a uihawm mai mai alawm, hun in hunṭha min pek lai hian chhan na dawn ka in beisei bawk ania " Nghet charhtin ati a, a in rintawk hmel takzet ' Ka bialnu nila ' atih lai kha chuan a aw kha anghet charh lo a, a inringtawk chiahlo tih ahriat theih.

" Ser hmangin min thlem hmasa a " Ner nang chungin kati a, ka nervous lutuk leh ka biang sa hat hat chu ka thup hram hram ani, " A thawk ṭha viau lo emni?" A mit min siai khum zeuh a, ka lei ka chhuah tet ringawt. " Hmeichhe puitling ini a, i rilru chu i hria in ka ring bawka, mahni rilru hrethiam lo tur khawpa puitlinglo i nilo tih ka hre bawk, chuvang chuan chhanna min pek theih ngei ka ring ani " Ati zui sap sap a, ka rilru abuai nuai nuai mai. Ka duh alawm ka phalo, mut hmuh ah pawh ka mutthilh hma thlenga ka ngaihtuah chhunzawm mipa ani a, ani ang renga ka ngaihtuahna leh thinlung luahtu hi an awm lo; Mahse, ka hlauthawng ani, achhan chu kan dinhmun a inthlau lutuk a, Doctor thiam leh mipa chhelo tak anih lai kara kei hmeichhe satliah lehkhathiam silo hian ka phu in ka hrelo a, a zahna te ka thlen mai mai ka hlau ani ber.


" Doctor thiam leh smart tak, hmeichhia te duhthusam ṭhin mipa ini a, U Mafel keichuan ka phulo che ani, kei aia ṭha lehkhathiam leh nangmah pui thei tu tur che ṭha deuh ila tawng zawk ang, keichuan pek theih che leh tihsak theih che kanei dawnlo a, kala ti zak zawk mai mai ang che" kati ta duah a, U Mafela erawh arum hrawk a, thawpui ala hawlh bawk. " Min duh nge duhlo, ka bialnu nih i duh em? I bialpa atan min duh em? Chu chu ka zawt che, engvangin nge ka zawhna nilo deuha min chuan " ati hluka ka kut chu chelh in a hmer salh bawk.

" U Mafel " Sawitur hrelo fe a ka tih chuan ka kawngah chelh in min pawt hnai hrawka, ka hmai zawnah ngun fe a min melh in athaw chhuak suai suai a, a thaw lum ham ham chuan minti mur er er thei hial ani. " Kim " tham ṭuak hian ati a, kan in awm hnaih lutuk chu ka thaw tawh pawn ka hrelo reng reng, "Min chhang la " ti duta ka hmui sir a fawh chuan ka ṭek chhawk a, meng kawk in ka ang pham mai.

" Phalna min pe teh, tunah hian ka fawp chak lutuk che ania " Hriam lam lek lek hian ati a, amit chuan ka hmui chiah chu a en ngur ngur tawh, " Ka..englo ka " ti nawk nawkin engmah chu ka sawi thei chuanglo a, " Aw leh aih tih chauh animai, aharsa lo lutuk Kimi, ka laka i rilru puthmang chiah ka hre duh " ka mitah tak a melh a, ka dang ro nghal huam avang chuan ka chil ka lem khalh a, 'Ka duh alawm, ani pawn min duh a, engvangin nge dawihzep takin ka tlanchhiat ang' ti a infuih mawlh mawlh pahin 'Aw' kati ve ta nge nge a, ka aw chu ari chhuak che che a, mahse, U Mafela chuan ka chhanna chu ahre tho ang.

" Ka bialnu " ti chhuak halhin ka hmui chu a kutzungpui chuan atuai zeuh a, awmdan tur hrelo fe in ka chil ka lem a, ka mit ka chhing tawp bawk, a hmui lum in ka hmui alo tawk chiah tih chuan thawm a awm a, a rang arangin U Mafela chu ka nemsawn a, ka ṭhu ṭha nghal sawt sawt bawk. U Mafela chu anui suk a, Kanu ṭawng thawm ka hriatzui avangin ka thaw halh a, kan awmdan kha ka ngaihtuah let thiam tawh lo hrim hrim ka thinphu normal lo zet chu ka dawma " Nangmah vang vek " U Mafela melh ram ram chungin kati ta ngawta, anuih ka ti za zual sauh thung.

Kanu te chu Char lamah anlo chhuak lo hlauh a, U Mafela pawn amah hnaih thei ang berin min pawt hnai leh tawh a, ka ṭang ṭung duh lo nain kanu te an awm tawh bawk nen ka inthlahdul thei vak tawhlo a " Mihring hian Nunna pakhat ṭheuh kan nei a, mi hausa te hian an hausak vangin nunna an nei tam bik chuanglo ania, I hrethiam tiraw? In sit lo la, min phulo anga in ngai turin ka duhlo che, i lak aṭang hian thil tam tak ka beiseilo a, I thinlung min pek chuan ka tan atawk lutuk, chu aia ngaihhlut tur dang ka nei chuanglo a, ka bialnu ni turin lehkha thiam leh mi hausa fanu i nih kher angailo heklo, i thinlung min pe la, duat taka ka enkawl min phalsak rawh" Ka kut chu la kangin a fawp vang vang a, athusawi mal tin khan min fan chhuak veka, phurna mak takin min luah khatin ka kaw chhung ah hian phengphehlep an thlawk nuai nuai mai.


Cont..
Show post links
Top