CHHUNGKAW CHHEHCHHAWL NULA BY Engtea Fanai (Completed)

[ngaia]

BUNG 32


U Hriata chu kan bulah chuan ngawi rengin a awm ve a, Nu Sangi chuan koh pheiin an titi melh melh a, chhungkaw chungchang an sawi a niang, Keiniho chuan chaw ei hmun chu kan lo tifel sawk sawk a, U Mami teho chu an lo \hu awl leh nghal dar dar tawh a. a ruk chuan kan en leh hrek hrek a, engtin kan ti vak ngam lem hlei lova. Kan tihfel hnu chuan Nu Rini chuan tirawh u, Ruati te in lamah I zuk chhuk tehh ang u a rawn tichhuak hlawl a, kan \hianho chuan kan chhuak peih lo tlang hle a, Mahse chhuah an rawt a, an chhuah vek chuan keimahni chauh chuan kan awm ngam dawn bawk si lo, NU Rini zek zawk hi chu ah,, chhuah hi a ti cheng reng a, a hneawm \hin.



Chutia chhuah peih lo tawka kan awm lai chuan, Pa Hmuaka chuan Naupangho kha chu inrawn kal peih kher loh pawn helamah lo awm ula a ni mai alawm, Kha Hriata a awm thova, Bungrua te kan dah hnem ve sia, a bo te pawh a hlauhawm a lawm le a ti hlauh a, ka lawm lutuk, Anni ho chu an insiam a, an chhuk diak a, Saia te \hian dun leh U Doroi te \hian dun an rawn kal bawk a, kan \hianho chuan inkawmna hun thawl kan nei leh hlauh dawn kan phur ngang mai.



In chungah chuan chhoin Saia’n Guitar alo ken loh avangin zai kan play thung a, Christy leh Kopa chu a fala titi in an nui leh ar ar \hin a, Rami chuan rawn phei tehh u in chhe vel, nei lo pawh kan ni bik lo a ti hluk a, Christy chuan,, aw kan inhmu lo rei leh dawn em alawm a lo ti vat, U Doroi chuan a dik chiah mai, Distance hi chu a hreawm ve dawn e, a lo tih chuan U Hriata chuan Doroi hian distance nat zia chu a hrechiang ber ang tiin a lo fiam ve bawk a, U Doroi chu lo meng rumin, I zak lawmni, I lung leng mu thei lo Nui thlalak en a I \ah kha ka sawi mai tur asin a rawn tih chuan.Keichuan tak tak ami kalo ti vat a, U Hriata chu a nui ringawt, chutia kan titi ho lai chuan u Hriata phone chu a rawn nghawr leh dar dar a, Aw hello, enge ni ta,,a ti zawi sup a, keichuan tunge kalo ti ve sek a, U Hriata chuan min chhang lo, Phone chu a dah a, tunge maw,, ka ti leh hram, ah,, a ho mai mai a ti tlat a, a \ha a nih chu ka ti hmak a, Ka phone chu a rawn ri ve leh, Bena phone call a ni, Bena chuan kan haw hun tur te min zawt a, rei lo te kan inbiak hnu chuan phone chu ka dah a, ka dah rual rual chuan U HRiata chuan tunge a rawn ti ve leh, keichuan lehlam hawi hmak pahin A ho mai mai ka ti ve nghal a.


U Doroi chuan in va han naupangchhia tak., in lo inngaiin in lo inthlahlel hle a nih dawn hi, Nui enge ei tur in kawl kan zuk siam dawn emni a ti a, Rami chuan e,, spicy lei sa kan nei alawmm zuk chhum ila a lo ti ve nghal vat a, Saia chuan HRiata, I Bike chahbi min lo pe tehh, Guitar a awm loh chuan kan inkawm thei lo, a hrang te tein in titi a, zaiho zawk tur , \ing\ang kan zuk la ange tiin Bike chahbi chu a dil a. U Hriata chuan a pe ve mai a.



Saia chu |ing\ang la tur chuan a chhuk thla a, U Doroi leh Rami pawh Spicy chhum turin an chhuk bawk a, Christy leh Kopa chu kan sir a thim laiah chuan awm in an titi melh melh reng a, an nui leh hak hak \hin a, kan va en leh ringawt \hin, kan ngawi dun vang vang a, rei fe kan ngawih hnu chuan U HRiata chuan thawk la halhin, enge maw an sawi bik le a ti zawi sup a, ka nuih a za ru hle, a sawi tur hre lo thei lutuk chu a mangang ve a ni ngei ang.



Keichuan aw,, an duh duh an sawi ve ang chu tiin nui var var chung chuan ka chhang a, U Hriata chu kiai sukin, Nia, ka rawn chhoh hma khan sawi tur ka inbuatsaih lawk nasat nen I bulah ka awm a, sawi tur ka rawn inruahman lawk zawng zawng a bo vek mawle a tih chuan. Keichuan nichina rawn call tu che I sawi duh loh vang a nih chu kalo ti leh hmak, zawh chhuah ngei chu ka duh tlat a ni, U Hriata chuan I thik dawn sia, ka sawi vel peih lo a nih kha a tih chuan ka thik lo ang sawi rawh ka ti tlat a, U Hriata chu kia sakin terei a nih kha. A tih chuan a sawi zawh hma hma chuan chu vang a nih chu I zep vel ka ti nghal, ka thik lo ang itih kha, nangpawh I biak kha I sawi duh bik hleinem alo ti ve leh.



Keipawh chuan Bena a nih kha tiin melh pawh melh lo chuan ka chhang ve a, ani pawh chuan a lo ni vel chu chuvang a nih chu I biak laiin I nuih var var ni a ti ve hmuk a, hepa hi min thik ve ngei a nih hi, kan ngawi leh vang vang a, van lam chu a thlir a, keipawh ka hawi chho ve ngawt a, U Hriata chuan ka kut rawn vuan sat satin, ka kut vawt thler chu a rawn hum lum vung vung a, nghet tak chuan a hmer a. karleh thawh\anah maw in haw dawn a rawn ti leh sup a, Um tihchauhin ka chhang.



U Hriata chuan ka ngai leh dawn hle mai che, tiin min kuah a, keichu a darah chuan bei hle hlein. Kei deuhin ka ngai dawn che tiin ka pangchang leh hle tawh a, Nia, Han titau in han intum khum bar bar mah ila, keini chu kan inthlem leh mai a, kan inrem leh mai \hin, inhuatna tur tam tak leh thik tur tam tak awm mahse, kan inhmangaihna hian a ngaidam leh mai \hin.


Christy te pahnih chuan keini chu dawrah kan chhuk lawk dawn, kan rawn chho leh vat ang tiin min chhuk san a, kan pahnih chauh kan ni ta, kan titi melh melh a, kan hun liam ta te sawiin khang hun hreawm tak kalsanin vawiin hlimawm tak hi kan thleng a, engharsatna pawh lo tawk leh mah ila, inhmangaih tawn reng tawh turin thu kan tiam a, U Hriata chu rawn hawiin, ka mitah tak chuan min en a, ka maimitchhing leh nghal tawh a, muang chang chuan a rawn kun hniam niin ka hria, ka feel thei.



Ka hmui chu a rawn fawp zeuh va, keichuan kalo chhang let vat a, chutih lai tak chuan, Saia chu \ing;\ang nen a rawn zai chho ul ul a, kan inthlah rang lutuk, U Doroi leh Rami pawh rawn chhoin rei lo te chu kan zaiho a, Rami chuan tiru inhnuaiah chhuk ang u, kan thil chhum pawh a hmin a ni mai, kawt laiah zuk zai zawk ang a ti a, keini pawh chuan,, NI e,,in chung chu a vawt hrim hrim ti a chhangin kan chhuk thla ho a.



U Doroi chuan sikri hawh kan va dil leh ang e, ka ngam ve alawm tiin an sikri chu a va hawh sak leh a, Rami chuan eitur chu a lo chhawp a, a rawn phei pah chuan khawiah nge christy te a rawn ti,, Kopa chuan khutah dawr kawtah ka hmu tiin a lo chhang vat, Rami chuan an chawh anih chu eizawh san vek ila ani mai tiin kan ei san a. a thak em em mai leh nghal, U Htriata pawh a mittui a tla ve phung mai, kan ei zawh ve leh chuan Rami te chu rawn thlengin drinks an rawn lei, Christy chu a thinrim lutuk,, hmm,, in in bik lo ang a ti hmuk a.



Rami chuan in kalna tur sawi hek lo che u, in rawn let hun tur kan hre hleinem a lo ti ve sak a, Ani chu ah U Hriata te kan hrilh reng kha a tih chuan U Hriata chuan Nia,, min hrilh sorry a thak lutuk khawimaw ka lo in a tih zawm nghal zat a, ka khawngaih lutuk, Christy lah chuan in awm lo a lo ti hmak, keichu ka ter nghal at, kan lei ve thei reng ka ti nghal, Christy chuan pawisa I nei bawk lo a lo ti, Ka nei ve reng a, vawiinah U Ruati min pek ka tih chuan, Christy chuan I neih chuan zuk lei ula a ni mai alawm a ti.



Ka ngei lutuk U Hriata lah chu a si hluam hluam a, tiang em em hian thak a ngam lo tih kalo hre lo reng reng, sawi ve mai tur hi a nia, Christy lah chu enge ni a hriat ni a titau laklawh tlat a mawl a nia, U Doroi chuan in va han ho mai mai tak, Lalchrist nangpawh pe mai la a ti, Kopa chuan a in lai chu pek a tum, Christy chuan I ngam chuan pe rawh a lo ti hmak, keichuan tikhan maw kan tih dawn tiin, U Hriata in tur tui suah sak tum chuan ka kal a, ka thinrim lutuk chu ka insawh tau phei nghawng nghawng a, ka va chhuak leh chu U Hriata chuan appy chu a lo pet vang a.



An lo nui dar dar a, Christy chuan tih thinrim hi chu I nuam ve e, a ti chu ka ngei lutuk ka tum bar a,, U Hriata pawh a lo nui ve suk a, rum tawkin ka melh a, Nui suh ka ti ringawt, Saia chuan khawi zai ang zai ang, in titi hi ka pawh hlawl lo tiin a zai riai riai a, U Doroi chuan a lo zawm a, keini pawhin zawm ve zelin kan zai ho leh ta, a hlimawm a ni, kan hma hunah enge rawn thleng dawn tih ngaihtuah miah lova tun hun kan hmang hi khuareiah kan la ngai ngawt ang le.



Rei fe inkawm paha kan zai hnu chuan Sumo a rawn thleng a, U Mami te leh Anu te ho an rawn thleng chho a, Remtei chuan hei an rawn haw tawh bawk a, keini pawh kan haw dawn ami, a tih chuan Rami chuan a la hma alawm keini chu kan mu meng leh kar ang a, NU Rini pasal\ha thawnthu play kan ngai thla leh ringawt ang a, la awm rawh u a ti a, Remtei chuan Naktukah huan kal kan ngai dawn a, men rei lutuk chu a chi loh tiin haw \al chu an tum a, U Hriata pawh chuan ka haw ve mai ang tiin a ding ve uai a, Pa HMuaka chuan bawiha, lokal lawk tehh tiin a koh hrang a.



U Hriata chuan a wheelchair nawr sakin Pa Hmuaka thusawi chu a ngaithla a, in ah chuan nawr lutin rei vak loah chuan a rawn chhuak a, Haw tur chuan an inruahman hlawm a, U Hriata chuan bike a rawn ken avangin amahin a haw a, midang chu ke in an in zui thla dam dam a, U Hriata a awm loh hian ka ruak nghal huai zelin ka hria, Aizawlah ka chhoh san daih hunah phei chuan engtin tak awm ang maw.


Nu Rini chuan Aizawl pawh a ngaihawm tawh mai dawn , zan a vawt lutuk hi chu a hreawm a ni a lo ti sur sur a, Nu Sangi chuan nia, zanin phei chu a vawt zual khawp mai a lo ti ve bawk a, keipawhin vawt ka ti thar nghal ni berin ka hria, U Hriata awm lai kha chuan vawt pawh ka hre meuh lo kha a nia, U Mami te chu an mu nghal a, an ti ti a, zan dang ang lo takin an nui uar uar a, U Mahmingi chu a insum thei lo a nui chhuak leh hawk \hin, enge an sawi kan hre bawk si lo.



An beng chheng kan ti hle a, kan hau ngam bawk silo, keini chu kan intifel a, mutna kan phah \ha a, kan mu dal a, U bawihi teho chu an rawn nui leh hak \hin a, Rami chuan zawite hian keini chu ni ila, min hau nasa ngawt ang a ti sup a, christy chuan dik chiah, an fiamthu te chu a ho ngawt ang, a nuih zatthlak loh ngawt ang a lo ti ve bawk, Nakinah chuan Nu Rini chuan Bawihi enge maw in nuih chiam chiam ni a mut theih hleih nem a tih chuan insum tih hriat tak hian an ngawi \hap a, kan lawm lutuk, Mahse a hautu ber chu mut theih loh khawpa pasal\ha play tu ber chu a ni bawk si.



Anniho pawh chuan an hau ngam ve chak ngawt ang, tikhan kan in ang hlawm chiah, tiin kan lawm hle, Nu Rini pawhin a dan ngai te tein Pasal\ha Lianngura a ti leh tawh, kan va han hne tlang tawh tak em, Mahse han ngaihthlak char char chuan kan ngaithla tui ve phian zel a, mahse,, amah ber hian a muthilh san daih zel hi a nia ngeiawm \hin chu ni.
Ni a liam zel a, Inrinni chu kan thleng a, vawk chu talhin U Ruati te kawt chuan kan colony ho chu kan che suau suau va, U Hriata pawh inneitu ang maiin a che tur tur mai, Sa hauh ho an rawn kal khawm sap sap a, Hmanah A PI Saii vawk kan talh \um a, kan intihbuai te kha ka hre chhuak, U Hriata ka la hrilh miah lo, min nuih leh nasa ngawt ang. Tichuan sa chu an hralh zel a, Nu Rini chuan a khat tawk hian Hralh kha in inthlahrung ang e, keini kha min ngaihtuah angai miah lo a nia a lo ti ve sek bawk a.



Pu Zika chuan Ekhai,, in hralh tam lutuk ange,, ruai kan \heh dawn kha, Hriata \hiante ho pawh kha,, zanintlaiah zan riah rawn ei vek tur tiin a ti ti suah suah a, Pa ho an lo kal khawm zel a, U mami chuan Nui thingpui lo va siam tehh u a rawn ti leh tawh, Ninawm, mikhualnaah leh zel pawh ti a phun nung nung chuan thingpui chu kan va lum a, Rami leh christy chuan an siam a, ka va sem a, a \hen chuan ngawiteh zing kara thingpui thlum in zawng an lo ti leh, hmm,, a tirah khan an duhdan sawi nghal mai awm,, Pu Zingkarah in mah lah I thih phah lo ang,, tih ka chak lutuk.



A Pu Zika chuan a hang khan rawn ti tel rawh u, Thingtlangpa hi chuan a paw thlum hi kan duh vak lo a nia, a rawn ti leh hnuhnawh, Christy leh Rami chuan an lo siam \ha leh a, thingpui sem chuan kan buai zak zak a, Christy chuan min rawn hrilh ru sur surin, a ho e,, sa rawn lei tur mai mai thingpui lo siam zel kha, awi,, keichu thingtlangah chuan ka mo peih lo nghal, thingpui an heh hlawm si a rawn ti chu kan nui suk a, thli mai mai tehh ka ti a, a \henin an lo duh lo ve leh bawk,, hneawm a nia.



Dar 8 vel chuan sa lei tur ho ang ang chu an kim tawh a, keini chuan zing karah chuan kan ei peih kan rin loh avangin in lamah kan han inbawl a, NUho leh Pa ho chuan zing a\angin an ei thung a, U Bawihi, U Mami, U Mahmingi leh keini \hian thum chuan IB ah kan inbawl chawp dawn thung a, sa thang rim nen luak a pawh tlat a, kan ei theih kan rin loh avangin tlai lama ei \euh zawk chu kan duh a ni.



U Hriata te \hian thum chu fatuin an ei ve nghal dawn thung a, IB lama chhoh kan tum lai chuan , U Ruati Nu chuan Thleng sil tur te hi awm ula a rawn ti, keimahni ho min ti ang tih kan hlau lutuk, hlauh ang ngeiin U bawihi chuan lalnu a rawn ti leh,, keichuan rang lutukin Lalnu ti bik zel suu ka ning kalo ti vat a, U mami chuan in \hianho khan awm rawh u a lo ti ve leh nghal, U Ruati chuan ahh, keiman ka thei mai ang a tam hleinem a ti a,
Nu Rini chuan ah,, keini pawn kan pui lawp lawp anga a ni mai lawm han chho rawh u, han chho rawh u, a lo ti,, NU Rini hi chu ka duhnu a nih hi, hun pawimawhah tak hian a zia a rawn lang chhuak leh hlawl zel, amah hi chhiat ni \hat ni a nih hi, a changin a khirhin a phun peih em em a, a chang leh mi hi a hrethiam leh em em a, mahse ka dunu a ni tho tho , a zarah zalen takin IB lam kan pan leh nghal a.



U Mami te chu an hnungah chuan kan zui a, Tlangval pakhat cher pan ve deuh, chuan U Bawihi chu a lo be luam a, amah chu a thu ve reuh bawk sia, a \awngkam a fel fai deuh thlap bawk sia, U bawihi nen chuan an titi tui ve tawp a, chupa chu a kal a, anniho chu an nui leh ar ar hlawm a, sawngho saw enge maw an hriat tun lai chu an ler em em ni.



Christy chuan enge in nuih vak vak zel a, a va ti, U Mahmingi chuan khapa khan Bawihi hi a rawn bem zan alawm, hmanni zan khan a ti chu keini pawh kan nui chhuak ve hak a, Rami chuan awi,, in inhmeh ngawt ang a lo ti chu U Bawihi chu a meng rum lutuk, keichuan tunge a hming ni reng reng ka ti a, U mami chuan nui suk pahin, aw,,Thanrela a ti , keichuan, awi, a hming a\ang chuan an khua ahlat hmel tawp kalo ti vat a, anni ho chu an nui leh,, Rami chuan in za hlawm ve sia, in inti nula thar leh a ni ringawt, Mahse Lalnu I sawi takah chuan amah kha hman a mi a ang, a rawn ti ve leh kan nui dar dar a.



Kan thleng chho a, kan rin ang ngei chuan keimahni ho chuan eirawng kan bawl leh a, mahse an duh khirh lem lova, a awm awm chu kan siam tawp a, chaw chu kan ei ve mai a, rin loh deuhin thleng an sil ve hlauh a, chutia IB a kan awm khawm a, kan mut mai mai lai chuan U HRiata chuan min rawn call in, in ah min rawn insuk pui tehh a rawn ti hlawl, insuk kher hi chu ka thiam ve ber mah nise ka peih lo asin le, keichuan ka peih lo teresai nge lawmkimi emaw kha sawm rawh ka tih chuan, min rawn sawm zawk a, ka peih loh avangin nangmah lo awm la ka tia lawm a tih chuan rang zet hian min rawn hruai rawh ka ti nghal.



U HRiata chu a rawn chhova, U Mami chuan min lo chhaih leh nghal, Aizawlah mahni bialpa te chaw eiah sawm bawk, helamah Hriata nen in inzui leh bawk a, min rawn ti, U bawihi te ho chu an lo nui a, ka melh rum lutuk, U Mami en pah chuan I zak lo e a, Remthanga ve kha ka bialpa a ni hlawl lo ka ti nghal vat a, christy leh Rami chuan a duh loh vang che a nih kha an lo ti ve bawk a. min duh lo se ka lawm daih zawk, U Mam, hei U hriata hi thawmhnaw suk tur a ngah lutuk a, kan zuk insuk sak lawk ange ka ti a, U mami chuan ka sawi zawh hma hma chuan, kan in ah insuk I nin thu I sawi reng a, tun \um chu insuk I va phur hmel tur tur ve a rawn ti leh. In ninawm ka kal tih pah chuan U hriata nen chuan kan in zui chhuak nghal a.


U Hriata chuan U mami hi chuan min chhaih peih ve ngawt mai, a lo ti ve sup a, ah,, a upa tawh lutuk a thi hul tur in \ham a nghal ve mai mai a nih khi kalo ti ve hmak a, U hriata chu nui sukin an in lam chu kan pan ta a ni. A in kan thleng a, insuk tur chu tam vak lo a lo dah a, ka lo suk pui ang che a tih chuan, a tlem em mai lo awm mai mai rawh ka tih pawhin a ngai lo, ka lo suk pui ang che a ti tlat a, in chhaih dun ar ar chung chuan kan insu dun a.
Nakinah chuan Terei leh Nula pakhat hi an rawn kal a, U Hriata sawi lawmkimi kha a ni ngei ang, a hmel\ha reuh em em mai leh nghal a, kan pathum chuan competition kan nei dawn emaw tih mai turin kan in melh rum \heuh va, u Hriata ber chu a ngawi deuh tlat a. lawmkimi chuan ka lo insuk pui ang che ka tih kha alo ti, Terei chaun keiman ka insuk pui thei alawm, U Hriat heihi I nau ami min lo ti zui.


Ka thin a rim lutuk, chhang lem lo chuan ka insu sawk sawk a, U hriata chuan nilo, ka bialnu a nih hi a tih ka beisei tehh lul nen, Um,, Dinkimi a nih hi tih chauhin a la chhang zui, Lawmkimi chuan Dinkim, I U in rawn tlawh zuai emni tiin nui sen sen chuan min rawn bia a, insuk sawk sawk pah chuan, aw, ka ti mai a, en pawh ka en peih lo, U HRiata pawh chu ka ngei lutuk.



Terei chuan, I U chu I ngai thei ngawt ang a, Aizawl lamah te a luck em, a tih chuan, luck lo, a ler ka ti hmuk a. U Hriata chu a nui mai a. Lawmkimi chuan khawi,, I chau ang, ka lo insuk sak ang che tiin min rawn chhawk a tum , kal rawh, Inkhaw tuikhur kang rawt khawp hian ni khat lek lek chu ka insu thei ang ka ti hmak. Ka mood fuh lo hmel lutuk chu hreawm an ti ve deuh a niang, engtin mah chuan min be zui ta lem lova.



Terei chuan U Hriata chu kan insuk pui ang che kan tia I duh bawk si lo a, thingpui kan lum mai dawn emni a ti a, Thingpui fe awmna te,, chini leh ketli mai bakah no fian dahna engkim a hre vek a, U Hriata chu ka ringhlel ve lek lek, a bialnu ka ni tih a sawi duh lo te chuan ka thinrim a ti zual a, ka insu zo vat vat anga ka haw daih ang ka ti rilru a, Lawmkimi chuan in insuk zawh ah kan machine ah I rawn nuai tir dawn nia, U Ruati te va pan zel kha a hla mai mai alawm alo ti, Keichuan, Nia U Hriata ho hian in chho dawn a nia, keipawh ka insu zo anga ka chho a ni mai tiin ka thawmhnaw suk chu ka tleng mawlh mawlh a.



U Hriata chu rawn kun hniamin min rawn kuah a, an hmuh lai chuan I chau em,,a rawn ti chu min lo en duh dun lutuk, ka lai leh lek lek, Terei chuan mak a tih hmel fal a, ehe,, a ti chhuak hial a, U Hriata chuan min kuah pahin,, heihi ka nau ni bawk, ka boss ni bawk, ka bialnu ni bawk a nih hi a tih chuan,, ka chhung ril chu a hlim lutuk, a nui ver ver ni mai hian ka hria, mahse lawm tak ang chuan ka lang duh chuang lova. U Hriata chuan ka bianga min rawn fawh zeuh pah chuan, kan va zar dawn emni a ti leh phei chu, ka mur chuai thei, ka mumang emaw ka ti hial mawle.




Lawmkimi chu thinrim hmel tawkin a chhuak tau nghawng nghawng a, Terei rawh lai ru tak chuan a che chhunzawm mawlh mawlh a, a inthlahrunhmel tawh lutuk, Ka thawmhnaw suk ho chu kan pahniha zar tur chuan kan chhuak dun a, U HRiata chuan kan chhuah pahin, Tere, thingpui chu a paw thlum khan kan duh ang aw a ti zui zauh va,, Ah,, a nuam vel vek a ni mai, ka thlawk delh delh ni mai hian ka hria, thawmhnaw zar pah chuan kan infiam zuk zuk a, in chhunga Terei awm dan tur te chu ngaihtuahin ka khawngaih reuh tho bawk sia, mahse nuam ka ti bawk sia, ah,, ka awm dan hi ka hrethiam lo.
Kan va lut leh chu thingpui chu min lo siam ve ve tak tak a, ka khawngaih reuh lutuk, U Hriata chuan engatinge i in ve dawn lo emni a tih chuan terei chuan ka chak lo, chhoh ka duh a, hei Ka Pa’n min rawn call a, zanah ka rawn leng leh zawk dawn a nia, I inkhawm dawn em ati zui nghal zat a, U Hriata chuan ka hre lo le, ka inkhawm mai thei a ni, tia chhangin thingpui chu a dawt ri khalh a, I thingpui siam chu a tui hle mai, Nui in ve chhin tehh, a tih chuan nuih var var pah chuan ka in ve a. ka mitthla leh suangtuahna ramah ka cheng leh nghal.



U Hriata nen nupa kan ni a, heihi tuna kan awm mekna hi kan in a ni a, Fa te kan lo nei a, a tak ang maiin ka ngai, U hriata chuan kha I ti baw dawn a rawn tih chuan,, ee,, ti supin ka in ve leh nghal a, teresai chuan Dinkim, engtik nge in haw dawn a, keichuan Monday hian kan chho ang tiin kalo chhang ve vat a, Aw,, Christmas te hmang ve nghal ula \ha tur tiin a chhuak zui ta a. U Hriata chuan a mit ko san zeuhin, I lawm tawh em a ti sap a.




Nui seih pah chuan, ka bu nghauh va, kan nui dun a, U Hriata chuan anni pahnih kha chu ka ning mah mah \hin alawm, an over fal bik lutuk \hin a, ka thla te hi an lo la ru vak zel a, a zahthlak \hin, hmana tuemaw in a lak ruk mah tih tawh nak laiin a ti kher chu ka thin a rim lutuk, ka delete vek tawh ka ti hmak a, U Hriata chuan kan lak dunna te pawh kha maw a ti sup a, keichu ka lo bu nghauh va, U Hriata chu a chek tlak tlak a, engvangin nge I delete kei vein ka roh roh nen a tih chuan,, aw thlalak I duh hleinem ka ti hmak a, U Hriata chuan chumi ka sawi hma daihin a nih chu ilo delete tawh ni a rawn ti leh.



Keichuan nangpawn I nei tawh bik awm lo ka tih rual chuan a phone chu a rawn hmet eng a, walpaper ah chuan serhmuna kan thlalak dunna kha a lo la hmang reng a, ka ka ho a, U hriata chuan ka la thlak lo hrim hrim a ti zawi sap a, ka inthiam lo ve leh deuh a, Ka delete chhan te, zan tin deuh thaw mittui nena ka en \hin dan te sawiin, ka rilru na lutukin ka delte thu te chu ka sawi a, min rawn kuahin duh leh inthlahlel em em chuan kan infawp a, tun hmaa kan duh ngai miah loh kan in kiss lai te chu thla kan la dun ve hial a, U hriata chuan a thawm hnaw te chu min hak tirin mipa ang chuan ka in chei a, thla chu tam tak kan la dun a, kan hlim dun hle a, tunah tak hian khawvel hi a tawp mai ang tih ka hlau tak zet a ni.
Ka hlim em em a, nun chu a nuam ka ti leh tawh a, khawvel te hi a mawi ka ti em em a, nun te chu hahdam thlak ka ti, U Hriata chuan a duh ber chu walpaperah chuan min hman sakin thlak tawh lo tur chuan min ti bawk a, ka bu nghauh ringawt, Saia \ing\ang dah chu a perh a, kan zai dun a, ka hla duh eng pawh mai chu a perh thiam zel a, mahse ka zai thiam lo a tih hmel thei lutuk a, min nuih leh ngawt zel a, Taylori hla ka sak lai phei chuan lehlam hawiin min nuih leh zuk \hin a, ka titau a, ani chuan a ho lutuk I U taylori pawh a zai thiam chuang hleinem tiin a nui a.




Keichuan a thiam reng a, ka lo ti ve kan inhnial leh nghal, ho te teah kan inhnial a, ho tete ah ka thinrim a, hote vang bawkin ka lungawi leh \hin, U Hriata chuan perfect chu min sak sakin a zai thei phian leh nghal a, u luk tak chuan kalo ngaithla a, a hla thu te chu ka feel tak zet a ni, video chuan a zai chu ka la a, U Hriata chuan I ti viral ange, ka zak dawn the mai a nia tiin min melh zauh va, keichuan nakinah ka la ngai dawn sia, ka lunglen chang a en ah ka ti a. kan awm dan a piang chu a hlimawm a ni tawp mai.



U Mami chuan min rawn call in rawn kal tawh rawh u, Hriata pawh fatu a ni lawmni hei a \hiante an che suau suau tawh, tiin min rawn call a, U Hriata nen chuan U Ruati te in lamah chuan kan inphur phei leh ta a, Rami teho chu thleng vel leh thil dang silin an lo che sang sang a, U Doroi pawh a lo awm ve bawk a, Remtei pawh a lo awm bawk, U Hriata \hiante chu an kim deuh \hap a, U Ruati te in ah chuan hun hmangin kan ri dar dar reng a, U Ruati nu pawh chu vawiin chu a mood a fuh a niang, a nui ve huah huah a, kawm a nuam ve phian mai a.



Kan haw chhoh leh hun a huphurh thu te chu sawi ve luamin, kan hlim tlang hle a, inrem lehna ruai kan kil dawn a ni ber a, kan phur tlang a ni, Dar 4 vel chuan chaw chu kan ei a, zan inkhawm an duh deuh fur avang chuan kan ei hma a, kan ei kham chuan intifel sawk sawkin, a \ul \ul chu kan khawih a, U Doroi chu a hmanhmawh deuh avangin a haw hmasa a, a haw hnu rei vak loah keini pawh chu kan chho ve a, Puitling deuh ho chu awm fualin motorin an rawn chho dawn thung a, a vawt viau na a,, kan sa khawih na vel a rim a cham tlat avang chuan ka inbual a, vawt tawh tak a ni.



Sunday tlai a ni a, U hriata chuan naktukah in haw tawh dawn sia, kan pahnihin kan leng dawn emni tiin min rawn messege a, chakawm viau mahse, Anu te leh Pa Hmuaka te mit mei ven a ngai bawk nen, ah,, kan vaiin leng mai ang u, chuti lo chu a nuam lo ka tih chuan Nia, a ni ve tho mai, Pa Muana Sumo khan kan leng dawn nia, Kawrthah park velah te kan leng phei mai mai dawn nia, duh leh Motorin kan tlan kual vak dawn a nia a rawn ti, ka \hiante ka hrilh chu an phur ngang mai.
Dar 2 vel chuan rawn chhoin, kan che chhuak ta a, kan phur hi a ni tawp mai, woofer ring tawkin kan play a, kan \e chel chul a, Tuidam lam pan chuan kan tlan phei a, Ni a dul deuh ruih a, chhum a mawi em em mai bawk a, tlang mawi tak tak te chu kan thlir a, hriatrengna atan tiin thla kan la \euh bawk a, Rami pa camera chu phawrh chhuakin, a view mawi laiah chuan kan in pose chhawk sek a, kan hmet mawlh mawlh hi a ni mai. Tuidam khaw chhung kan lut chu a khua chu lo pharh deuh duai a, a khawthleng a remin a mawi viau mai, an khaw laili takah chuan Dil awmin thliar kar nih hmel tak tak te a awm bawk a, mahse zuk tlawh erawh kan hman lo, kan \hiante chuan tlan kual vak vak kha an duh zawk miauva, kawrthah va thlen leh hrim hrim chu an chak a ni.



Tuidam khua kan tlan pel a, Kawngchu khawthlang kawng a ni ta lo emaw tih mai turin tlan a nuam a, mahse heng pan na pui ber kawng a \ha thei tlat lo chu heng khawthlangho buaina a ni kum tin a ni awm e, tichuan kawrthah khaw chhung chu lutin kan tlan kual leh a, Rami te chuan tlan zel chu an chak a, hemi khaw piah hi enge tiin min zawt ha a, hre bik lo lutuk heipawh hi ka hre lo, ka lo ti, U Hriata chuan kawrthah ti mawlh mawlh a, hemi piah hi Rengdil a nia, Chumi zawh zamuang zawlnuam,, ah a tam mai, kan kal chhuak hman lo ang I haw tawh mai ang u a tih takah chuan ni pawh a liam ve \ep tawh a, sumo chhung a ring tak taka zai phei zel chung chuan Kawrte lam chu kan pan leh ta a ni.



Thla lak leh hram kan duh avangin an office hmunah chuan min tlan tlang pui a, ni tla tur chu a mawi tak zet a ni, thla chu kan la mawlh mawlh a, Rami chu a intithiam fal bik viau na a, a thlalak erawh chutin a mawi bik em em lem hlei lova, Kan \hian thum chuan thla kan la bawk a, engtikah emaw kan faten an la en ve ang a, kan vanglai tiin henghun te hi kan la hrilh ve ngei ang, U Hriata nen chuan in kai chunga ni kan thlir liam lai chu kan hriat lohin Rami chuan min lo hmeh sak a, Kan haw lehlamah chuan sumo ah min hmuh tirin a mawi ka ti lutuk chu ka phi cheng a, Christy chuan I over Rami delete leh tehh a lo ti vat.. keichuan I ngam chuan delete rawh, tiin kalo vau ve bawk a. IB lam pan chuan kan haw chho leh ta a ni.
Kan kal hmasak khan Bunghmun lam leh Serhmun lamah kan kal a, tun \umah tuidam lamah khawthlang lam chu ka kal hnem ve ta viau mai, a nawm pawh a nuam a, mahse,, current leh kawng mawlh hi a ni, chuvang chuan U Hriata pawh hian hna dang zawng vat vat se, fur hunah in zin pawh a har dawn em mai tiin nupa ni tawh ang te chuan ka han in chan a, ka ngaihtuahna avang chuan ka nui leh sak \hin a.



Zanah chuan inthlahna deuh reuh siam in kan chhungkua leh helama kan \hiante zawng zawng chuan a huhoin kan awm khawm a, ei tur kan siam bawk a, quarter nghaktu te nen pawn kan innel tawhin an ni pawh an rawn tel a, kan hlimin kan inngai tlang hle a, Christy leh kopa pawh chuan inthlah chu an hreh hmel tak zet a ni, Rami ve thung chuan nuam la ti viau mahse, Rca avangin haw achak tawh viau thung a.



Mi hriat lohin kei leh U Hriata pawh kan kut chu kan inkhalh sak niap niap a. chu zan chu ral lo se kan ti tak zet a ni., mahse hun te zawng chelh din theih ni hek lo le,, dar 11 vel chuan min \in san ta hlawm a.
U Hriata pawh a haw thla ve nghal a, mahse ani chu karleh maiah, an office khar hunah a rawn haw ve dawn a, christy mawlh chu a ni, ka khawngaih reuh ni, U Hriata nen chuan in text in Rizai a inlukhup chung chuan ka be reng a, Christy leh Rami pawn an bialpa te an be ve bawk a, U bawihi chu thanrela chuan arawn call sek a, a hne lutuk chuan a block tawp a, U Mami te lah chuan dem fiamin an nui ve leh hak hak \hin a, keini ho erawh kan lung a leng lawk a niang, tumah chu han ri huah huah peih kan awm tawh lo.



Nu Rini chu a la insiam sut sut a, rin lawk ang ngeiin bungrua a ngah leh khawp mai, engtik laiin nge a lo lei hman ni, chengkawl, chakai leh luisa lam a lo lei hman hram chu niin, a che rang bik \hin a nia. Tichuan chu zan hlimawm leh lungngaih thlak, a tuk maia hun lunglen thlak chang tur chu kan muthilh san ve leh ta a ni.
A tuk khua a lo var a, Ni chhuah hma chuan Anu chuan min kai tho vek tawh a, Pa Muana te sumoah chuan keini ho chu kan chuang dawn a, Anni chu kawrte sumoah an chuang dawn a ni, paho pawh nizan lam an meng rei deuh nge ni an pawr chhap mai, Pa Muana chu a \hing rim nen a rawn ni chhap leh bik tawh a, NU Rini chuan va inbual rawh a ti lui tlat, a vawt ropui si,, Pa Muana lah chu a kal ve sut sut mai bawk a, kan khawngaih viau naa, kan bula rawn \hut a tum leh awm sia, tikha chuan a rim chhe ve bawk em a ni.



Keini ho chu kan inrem fel vek tawh a, Kawrte Sumo chu kan nghak a, a rawn thleng a, anni pawh an inrem fel a, Ni a rawn lan suar suar ah chuan khua chhuahsan tur chuan kan tlan chhuak ta a ni, Patara kawnah chuan U HRiata te \hianho leh U Ruati te nupa bakah Pu Zika chu an lo awm \hap a, min lo vai liam a, U Doroi chu hmanhmawh tawkin a rawn chho ve a, a tho phan hmel lutuk, mahse,, Ani chu a hmel\ha tho, Mipa ni ila chu ka ngaizawng chiang viau ang. Hah hmel tawk hian ka alarm a ri lo alawm le tiin a rawn thaw hlawp hlawp a.



U Hriata chuan tun ang zing kar I hmu ve te hi a ropui hrim hrim tiin a lo fiam zui a, kan in bye bye tawn a, Kawrte chu kan chhuah san ta a ni, Christy chu ka va en \hin a, a mit chu a sen ram a, a mittui a tling deuh pam a, ni e, an inhmuh leh mai a rinawm si loh va, a hriatthiam awm tak zet, keini inhmu leh mai tur mah kan lung a lengin kan khua a har hle a ni si a, Rami ve chu a phur sur mai a, a ti ti suah suah a.



Kan tlan zel a, Darlak kan thlen dawn hnaih chuan chhum lei vak an tawlh delh delh a, boruak a vawt em em a, an khua chu chhumin a khuh phui vek emaw tih mai turin chhum a zing phui chuk a, kan kal lam te kha chuan Darlak kha a lum uap churh kha a nia, amak ve ngawt mai, tichuan dar lak khaw vawt chu tlan sanin,, kawng tluan deuh thaw chuan suangtuahna kawm chungin nghet vak lo chuan ka muhil siar siar a.



Dar 12 vel chuan aizawl chu kan lut a, khawpui boruak kan chuang chhuak leh ta, chhehchawl Nun \an leh tawh turin Zawlkhawpui chu kan lut leh ta a ni, Mahse tunah chuan U Hriata nen engkim a fel tawh a, Mas kan hmang dun thei dawn bawk a, a phurawm tawh tho tho.
Show post links
Top