DARK DESIRES BY MAWITEI BAWITLUNG (Completed)

[mawitei bawihtlung]

DARK DESIRES


CHAPTER 2


“Lilia harh teh” Dominic-a min kohna ri ka hriat rualin muangchangin ka meng diar diara, min lo en leh ran tawh mai. Thawk la ham hamin peih lo zet chuan ka ṭhu chhuaka “Enge i duh Dominic?” ti a en in a hmêl chu ka melh rana.




Tûnah tak hi chuan misual tak hmêl a pu mawlh lo, chutih rual erawhin a hmêlṭha tak chu inhneh tir ka tum lo hrim hrim. Ka unaupa that tu a ni ti a in hrilh mawlh mawlhin ka melh rana, ka biangah rawn dawmin ka hmuiah chuan a rawn fâwp a.



“Ka duh chu i hre mai in ka ring, ka mamawh che Lilia” a chau ve thei lo em ni tihchu ka ngaihtuah hial tawh. Nilo, he pa hi ka mutpui fo a nih chuan a fa ka pai thei hial mai ang, chutiang chu ka duh teuh silo ,“Bialnu i neih kha Dominic, chubâkah ka chau lutuk. Khawngaihin hetiang lam zâwng chuan min nawr tawh suh,i bialnu in hria se a lâwm hek lo ang” ka hmui zâwnah chuan a kut a rawn daha.





“A ni ngai pawimawh suh, tin i intiamna kha hre reng rawh. I theihnghilh ta em ni? Ka thu thu a awm tura i intiamna kha i la hria ang chu maw. Lilia ka ta i nih hi, ka duh duh ti tur in zalenna ka nei” tiin ka hmuiah chuan na zet hian a rawn fâwp leh ta buan buana.



Ka dang leh thei dâwn chuang lo tih ka hriat avâng chuan ka dawh leh ta tawpa, hepa hian a duh loh zâwng a ka awm leh a nihchuan a hote kha a ko hreh leh in ka ring hauh lo. Hetiang mi nun rawng lutuk hi engtin nge an lo pianchhuah theih zâwk ni.




Ka chunga a duhtâwka a chêt hnu chuan ka samah rawn chulin kei erawh chu ka hawisawn hmaka, a rawn nui hul hak mai. A tih ngai chu ti mawlh mawlhin a thawmhnaw pawh a la inbel bik chuang lo, a sam chu a phir sâng a, a inhmeh hrep lehnghâl.




Hetiang mi nilo se chuan ka mipa duhzawng tak leh hmêlṭha ka tihchi tak a ni a, mahsela tûnah chuan khawvêla ka mi huat ber leh thah châk ber a ni thung. He mihringpa leh a nau kha lo tawng lo ila chuan ka u pawh a la dam anga, hlim takin kan awm leh thei tur.




A mi kuahna ata awm sawnin bathroom-ah ka luhsan ta daiha, a sûlhnu chu tlen fai ka tum a ni zâwk mah. Na zet zet chuan in nawtin bathroom-darthlalangah chuan ka in en vang vanga.


“I ti thei Lilia, he mihring pa hi i in hmangaih tir anga, natna awm zia leh mi chân nat zia i hriat tir ve ngei ngei tur a ni. He khawvêla mal tlat nun hrehawm zia i hriat tir bawk ang” tiin ka phun sap sapa.



Ka chhuah leh chuan tshirt a lo ha ve teh khiah a, suit nên lova a awm ka vawikhat hmuhna a ni. A pian nalh leh sek ṭang chuan a tshirt chu a phuar mar ṭang a, a inhmeh leh pek viau. Eng vang vangin a room aṭang chuan chhuah tumin ka pêna.




“Enge i tih dâwn?” ti a min zawhna avâng chuan ding leh datin “Ka room ka pan dâwn, hetah inthlâkna tur ka nei ve lo tih i hriat kha” tiin ka pen chhuak zui zata, in chung lamah hian an tihfai lai a nih loh chuan tumah an rawn chho mai mai ngailo, Dominic-a hian a phallo a nih ka ring.




Ka room ka thlen rual chuan thawmhnaw dahna lam chu panin ka inthlâk nghal zung zunga, kekawr hak nuam tur deuh leh t-shirt lian hnekhnawk chu ha in ka sam chu ka hru ro zung zunga. Ka in ngaihtuah pah neuh neuh bawk, a thin ka tirim te a nih loh chuan ka chungah a sual lutuk hauh lo.




Mahsela a fel tih tur pawh a ni chuang lo, mi lerh tak a ni tihchu ka hre tawha. Mahsela hetiang em em a a lerh leh a sual erawh ka ring phalo, chutia ka lo in hruk melh melh lai chuan ka room-ah a rawn lût a “Insiam rawh” a ti ringawt chu zawhna mitmeng chuan ka ena.



“Kan chhuak dawn insiam vat rawh” a rawn tinawn leh hrawka, a aw a rum ṭha bawka keipawh chu ka insiam ve mai bawk. “Ka hman, insiam vak a ngai ka tilo. Tihian ka awm duh” tiin ama lam chu ka pana, ka thawmhnaw hak ti hnek hnawk chu enga tân mah a ngailo tih hriat takin a sawisêl bik lo.




Inhnuaia kan chhuh rualin a bodyguard rinawm te pawhin an rawn zui leh ta diah diaha “Car chu in lo la chhuak sa em? Vawiin kha SS Company nên kan contract sign hun tur a ni tih kha in hria ang chu maw? Ka awm loh chhûngin miss Alfero hi lo vêng ṭha hle ang che u” tiin thupêk a pe zuia.



An ni pawhin “Aw le boss” tiin car kawngkhar chu an hawn zuia. Dominic-a chuan min ṭhut luh hmasak tirin amah chu a rawn ṭhu zuia, car chhûngah pawh chuan min kuah bet rûn mai, pakhat hi car khalh tur chuan rawn lûtin midang zawng chu min vêng turin car dangah an chuanga.



Chutia mi hausa ho nun ka han tem ve chu mak ka ti zâwk, ka ngawih reng lai chuan Dominic-a chuan lamah min pawt hnaiin ka hmuiah chuan a rawn fâwp nghal zata, midang awm ve chu a ngai pawimawh lo a ni tih a hriat hle bawk,ka kut chu la in a kekawr chhûngah chuan min zen luh tira. A mipatna khawng auh mai ka khawih fuh rual chuan ka thaw ve hak mai.





Rum nghatin ka kut chu min tihchet tira “Dominic midang an awm ve reng hi, awm ṭha teh” ti a awmsawn ka tum chu a rem tilo tih hriat tak hian ka kâwngah a hmer chawta “Ka thu chu zawm mai rawh Lilia alfero, nge ni a a hma anga chêt leh kha i duh?” a tih tâkah chuan ka ngawi ta renga.



Ka kut bawk chu la in a kekawr chhûng ata a thil khawng auh chu a la chhuaka, hetiang em em hian engtin nge a hrisêl theih zâwk ni? “Khawih rawh, thil dang ngaihtuah hauh suh ang che” a rawn ti bung nghuta, engtin mah ka ti mai ngam lo.



Driver ka va en chu min lo ngaihsak hauhlo, ngawi rengin hmalam en chuan a khalh mawp mawpa. Mahse kan thil tih chu a hai dâwn lo tih ka hria, ka hreh lutuk chu ka ner sak saka “Lilia” a rawn tih leh ṭhat tâkah chuan in hum ruh sauh sauhin ka thil tum ngaihtuah tharin ka infuih sauh sauha, ka kut chu alamah dahin in a duh ang ngei chuan ka sawngbawla.




A rum nghal hak hak mai, rei vak lo hnu ah a duhtâwk ta a ni ang min namsawn datin a rawmawl chuan a in hru mawlh mawlha. Ka thaw huai mai, hmun dang chu melh daihin ka in ngaihtuah neuh neuha, tunah chuan hmeichhe hur herh lutuk ang maiin ka awm chu a nisia.




Kan ngawi zui ta renga, a ni pawhin min biak a tum bik lo. Car din rual chuan min kaiin min kal pui leh dawr dawra, engvanga ka chungah hetiang taka sual leh ngeiawm hian awm nge a nih tih ka in zawh apiangin a nau that tu ka nih thu leh hrehawm taka min siam a tum thu a sawi lai chu ka ngaihtuah thar leh ṭhin.



Ama company building chhûng ngeiah chuan min luhpuiin hnathawk ho chuan zahna chibai an lo bûk sap sapa, ka tel ve miau avângin keipawh zah takin min be hlawm bawk.



“Hetah hian lo awm la, ka rawn chhuah hma chu lo kalsawn suh ang che” tiin room pakhatah hian a kut a. Guard te chuan min vêng leh rûn tawh, ka tlân chhuah chu a hlau viau te pawh aniang, ṭhutthlengah chuan ṭhu thla in ka ngawi zui renga.



Rei fe ka nghah pawha an la rawn chhuak thei lo chu ka ning tawh ngei mai, chutia ngawi renga ka ṭhut lai chuan kha nu a a bialnu ngei mai kha ka lam pan chuan a rawn phei hlawk hlawka. Ka bulah a rawn din rual chuan a ner nghal sak mai.



“A hnathawhnaah thleng i zui amaw? Hey nawhchizuar nu, ka bialpa lo hi i hmu zo thlâwt lo em ni? Nang ang hmeichhe duk dak lo zet hian i lo beisei ve a ni zâwk lo maw?” a rawn ti kher kher chu ka haw ngei mai, insûm hman lo in ding chhuak chuan ahmaiah ka ben sak sawka.



A au nghâl ṭhat mai, min vêngtu te lah chuan engtin mah min ti lêm lo vin kan pahnih chuan min en tawpa “Nang zak theilo nu, tunge ka nih i hria em? Ka bialpa hlatah hian awm ang che, nang ang hmeichhe hurherh lutuk hi Dominic hian enga tân mah a ti rei lovang che. In thiar fihlim hmak ang che i hria em? Mipa i mamawh viau a nihchuan ka zawn sak ang che” a rawn tileh kher kher chu ka dawh theihna in a tlin tawh lo.



Pan hnaiin a samah ka keh saka, a rak nghâl tuar tuar mai. Kan insual zui chu a ni der, leiah bawh beta ka hnek mawlh mawlh lai chuan ka taksa chu an rawn mana, min theh thlu nghal ṭhuai mai. Rum zeta ka hawi lêt leh laiin Dominic-a hmêl ka hmu nghal zat.



A bialnu chuan ṭap ṭuau in min hek nghal zawt zawta, a mittui lah chu aluang zung zung bawk. Dominic-a chuan duat takin a lu ah chuan a chûl saka “Lilia alfero, engvanga Rosie-i khawih nge i nih? Eng mi nge ni a i inhriat?” a rawn ti chang ta hrawk a, rum zet in min melh bawk.




A hmêlah chuan min khawih a châk leh hmêl takzet a ni “Min khawih hmasa a nih kha, engvangin nge ka dawh mai mai bik ang, a thilo kha lâwm rawh se” ka sawi zawh rual rual chuan ka nghâwngah rawn rek in bangah min nawr beta, ka âng nghal chawp chawp chu a bialnu lah chuan chawh tih hmêl zetin min lo en bawk.



“Ka thah che i duh a nih loh chuan vawikhat mah Rosie-i hi hnaih leh tawh suh ang che. Nang hmeichhe laktlak lohnu” a rawn ti kher erawhin ka rilru a tina, hetiang hian tumahin hmuhsitna min la tihlan khum ngailo. Ka ngawi renga, a mah pawh ka melh duh tawh lo.



“Ngaihdam dil rawh” a rawn tih leh ṭhawt avâng chuan in ti huaisen luiin “Ka dil lovang, ka dîl na chhan tur ka hrelo. A dik lo zâwk a nih kha” ka biang chu a ri lehnghâl sawka, Rosie-i lo nui ri chuan ka thin a tirim zual.



“Min thah i duh a ni lo'm ni? Tûnah hian min that rawh min that ta che” tiin ka au khum tuar tuara, thih hrehna ka nei tawh lo. Tlâwm lutuka min dah tu he mihring bula awm reng ai chuan thih pawh ka thlang zâwk.



“Dominic Johnson ka sawi chu i hrelo em ni? I unaupa ka thata, min that ve ta che. Min that rawh, nang mihring hurherh leh bialnu te pawh kham khawp lo tâna nun reng ai chuan thih pawh ka pawi tilo, min kâp rawh. Min kâp vat rawh, ngaihdam ka dil ai chuan thih pawh ka thlang zawk” tiin ka au khum ta tuar tuara.



Engmah pawisak ka nei tawhlo, he mihring hian ka nun zawng zawng a tichhe tawha, engmah beiseina ka nei tawh heklo. Ka thinrim tih theih nei silo chuan kan bul vela bungraw awm chu ka vawmchhe ṭhuai ṭhuaia, ka au tuarh tuarh bawk.




Hnathawk ho lahin min en ṭhup a, an pu a awm ve reng avâng erawh chuan engmah an rawn sawi lo. “Duhtawk rawh, hremna chu i hmu khawp ang” tiin min kai chhuak dawr dawra,a hote chuan min rawn zui ve vat bawk.



Engmah ka sawi tawh biklo, mihring an tam si a chanchinbu a lan ka duh rêng rêng lo. Car chhûngah min theh lût hnawkin a driver pa chu in lam pan turin a hrilh zuia, kawng tluan chuan a ṭawng leh tawh lo. A inseh ruh ṭûn ringawt.



Keipawh ka thinrimna te a reh leh deuh tawh bawk nên hlauhthâwnna chuan min rawn ṭhâm leh er er tawh, ka bula ṭhu rûn chu ka ena. A hmêlah chuan thinrimna hlir ka hmu thei, ramhuai a ang takzet, a mitmeng rum zet chuan pawisak a neilo tih a ti lang chiang viau bawk.



In kan thlen rualin min hnûk lût dawr dawrin inhnuaia room pakhat ah chuan min luh puia, ka en kual chu silai leh hmanraw hrang hrang a lo awm nawk mai. Talhfiak chu rawn la in ka inrin hma chuan ka taksa ah chuan a rawn vaw nghâl ṭhuaia, a na ka ti lutuk chu chhuatah chuan ka bawk thla nghâl hnawka.




Min hlap chu a tâwp chuang lo, ka hnung zângah te chuan a hlap pawp pawpa, a thip na vawng vawng bawk. Ka ka aṭang chuan thi rawn chhuakin ka taksa na lutuk chu tuar thei tawh lovin ka mit ka chhing zui riai riaia, thih a ni ka châk ber ni.



Ka harh leh chuan khumah ka lo mu a, ka thawmhnaw chu a lo inthlâk vek tawh bawk. Room lehlama hmeichhe nuam tuar thâwm ka hriat chuan ka chunga thil thleng enga tân mah a ngaih loh zia ka hre chiang nawn awn awn mai, ka taksa na vek avâng chuan che sawn theilo in ka mut ngai chuan ka mu renga.




A tla tawh lovang ti a ka infuihna ka mittui bawk chu a rawn luang leh zung zung mai. He mihring Dominic hi thi daih se tih bâka duh ka neilo, khumah chuan in hum ruh fan fanin ka thaw kâwk kâwka, a sawi ang ngeiin ka nun chu hremhmun ni in hmeichhe hrang hrang a rawn hruai lût ziah lehnghâl.




Bialnu nei reng chunga a hmeichhe chhuahpui ho news a an puan ka hmuh hmaih bik der silo. Ka na tuar amah ngei avânga ka tawrhna pawh hre duh hauh lovin tûnah hmeichhia a awm pui leh thei a nia, ka ngaidam ngai hauh lovang, he hmun aṭanga ka chhuak leh thei a nih ngai chuan phuba ka la ngei bawk ang.




Ka tawrh ang tam tak hi a tuar ve ngei tur a ni, ka taksa na chuan ka khua rawn ti sikin ngaihventu leh ngaihsaktu lah chu ka nei der silo, ka nu leh ka u ka ngai takzet. Awm se chuan ngaihtuah takin min enkawl lehin duat takin min enkawl leh ngei awm si a.




“Nu, u ka ngai lutuk che u. Thih ve daih ka duh, ka tuar theiin ka ring tawhlo” tiin ka insût chhuak hraiha, chutia mahnitea ka lo phun mawlh mawlh lai chuan ka room kawngkhâr chu rawn inhawng in Dominic-a chu a rawn pên lût zuia.




Vawikhat ka melh bâk ka melh zawm leh tawhlo, hmalam melh ngawt ngawt chung chuan ka ngawi renga.



“Ilo harh tawh maw? Ka thu zâwm lo ngai tawh suh ang che” a rawn ti chu ka chhâng lo, ka khabeah rawn hmer chawtin “Ka sawi chu i hria em?” a rawn tileh hrawk chu ka nuih haka “Thi la hremhmunah kal rawh, thi turin ka duhsakna ka hlan a che. Min thah i chak viau a ni lo'm ni? Min that la chuan i nau phuba la in i duh duhin i awm thei tawh ang chu, thih hi ka hlau ther tê lo, ka chungah engpawh tileh mahla ka pawi ti tawh lo. Nang hian mihring hlutna pawh i hrethiam ngai lovang, Setana sâwn i ni hial lo maw?” tiin ka nuih hak haka.




A thinrim hmêl chu a inseh ruh ṭawlh ṭawlh mai, a thaw hrawka. Chutah a inher a, a chhuak leh nghâl nal nal chu mak ka ti zâwk, kut min thlâk leh kha ka ring a nia. Mahse chutiang a ti hauh lo chu mak tihloh chi a nilo rêng a ni, saw mihring nunrawng lutuk sâwn engkim neih a phu lo.




Engtikah emaw chuan na takin ka la siam ve ang, a bialnu avângin hetiang khawp hian min sawisa a, kha hmeichhia pawh kha ka zuah hauh lovang, tual a that thei a nih chuan engah nge ka thah theih loh bik ang ni. Ka nunah eng hrehawmna mah tawrh belh tur chuang ka nei tawh lo, ka tân chauh ka nung ve mai tur a ni.



Tho chhuak ṭham ṭhamin tlân chhuah dân tur chu ka ngaihtuaha, ka room tukverh bula thingzar rawn uai sung mai chu ka en vang vang, a kûng chu Gate pâwn lamah daih ani a awm ni. Ka ngaihtuahna avâng chuan ka nui saka, helai hmun aṭang hian ka chhuak ngei tur a ni.




Ka taksa na pawh ngaihtuah duh lo chuan ka thawmhnaw chu thlâk leh te te in tukverh chu ka hawng zuia, thingzar ah chuan thâwm chhuah lo thei ang bera pakai pheiin a thim tawh bawk nên fîmkhur tak chuan ka in ban kai phei zela, a zâr chu zawh pheiin a kungpui ka thlen tâkah chuan ka thaw huai mai.




Muangchang thei ka nilo tih ka hriat avâng chuan hmanhmawh leh thâwm dim thei ang ber chuan lei lam pan chuan ka chhuk a, lei ka thlen tâkah chuan ka thaw huai mai. Chutah kawng pui lam pan chuan ka tlân nghal hlawk hlawka, motor phar din tur a awm beisei chuan ka hawikual ruai bawk.



Mahsela ka hmu mai hauh lo, chutih lai chuan Dominic-a in lam aṭang chuan au nuaih nuaih thâwm ka hria a, Dominic-a thinrim râwl pawh ka hailo, min rawn zawng thuai dawn tih ka hriat avângin a in bul ngaw ah chuan ka tlân lût ta tawpa,a thim bawk nen engmah ka hmu theilo.




Ka tlân risk pawp pawpa, ka tlu leh hnawk ṭhin. Ramhnuai lah chu a reh bawk nên ka hlau takzet, mahse kha ina lêt erawh kha chu ka duh tawh der lo, lêt leh ai chuan he ram hnuai a bo pil daih pawh ka duh zâwk.

TÛNLAI CHU LO LAMAH KA ṬUL AVANGIN KA CHAU ṬHIN BAWK NEN KA TYPE ṬHA THEI RIHLO A NI E.