#lovestory
#funny
#friendship
KA PI DOCTOR
CHAPTER-1
"VALTE tho tawh rawh i tlai dawn",
"Piiiiiii Valte min ti tawh suh ka tih kha", ti hlarin ka tho chhuak, ,
"Ka Valtea kha ini miau si alawm,, tho la chaw rawn ei rawh",,
"Kan Doctor thar tur chu engtikah nge alo kal dawn",,
"Ka hre tawh biklo,, nimin kha lo kal hun tura an sawi chu ania,,,Piii vawin Bazar ni ani tiraw pawisa ka lo la chhuak miahlo",,
"Ka la nei alawm,, Ar ka hralh a",
"Ilo puah leh vek ami?", lungawi lo zetin ka melh
"Aihhhh", ati raih,,
"Aaa ihah tih ka hria alawm Hospital ah in buai ṭhin sia,",,
"Chupawh nise zingah min hrilh la ka kal hma in ka ti mai dawn alawm,, ",,
"Aw le ka ti tawh lo ang",
"Iti leh tho ang", anui tawp,, Kum60 lai ani ve tawh a ka duh angin ka Duat theilo mai pawh a,,
A rual pui te zingah la Nula lawr lak mahse an kum hian adelh ve tawh a,,
Kei hi Lalchhuanvawra ka ni a Chhuana min ti mai ṭhin,, Kan Khua Phuaibuang ah hian Nurse hna thawk in ka Pi leh Pu te nen kan khawsa mek bawk,
Ka Pa hi kum10 ka nih in a boral a, Ka Pa Boral hnu kum 18 ka nih kum in ka Nu hian Pasal dang anei leh a,, Ani chu Aizawl khawpui lamah min pem bo san tawh,, Min hruai tel tum mahse ka Pi leh Pu te ka ngaihtuah vangin ka zui ta lo,
Ka Pu pawh Vawk chaw chhum na tur thing ek in kawmchhak lamah alo ri ve kurh kurh,,
Ka Pi leh Pu te hi an Taima a ka Pi Pension hlawh nen kan Khua ah hi chuan Khawsa thei pawl kan ni ve ,
Ka ei kham rualin ka Eina ka sil nghal sawk sawk,, Hospital kan hnaih tho bawk nen ka kal hma vak ngailo ,,
"Pu ka lo ti dawn ami?", ka ti lang lang ,
"Ka Zo ani mai atlai tawh insiam rawh", , arawn ti ve nghal,,
T-shirts var leh jeans chu phawrh in Bata Chapal chu inrawlh leh thawih ,, kan damdawiin ah hian Nurse in thawk mah ila Ward boy te Technician te Sweeper te nih ngaih chang a awm a maw, a ṭul ṭul hi kan thawk mawp mawp mai ,, kan Doctor te hi an fel ṭhin a Ka in en nasa in ka lo in chhiar zau ve bawk a , ka hriat thiam loh leh ka zawhna te ṭha tak tak in min chhanga ka chhawr thei lutuk kei lah thil chik leh thiam thei ka lo ni kher bawk nen Hymmm
"Ka kal aw, ,",
"Ni hman nuam le",, an rawn ti rual dun ka Scooter chu khik leh hrep in ka tlan chhuak,, ka Pa ta ania ka tiral phal lo tihian ka Modii kual reng mai tun ah pawh siam angai leh tawh ka la khawih hmanlo..
Kan khua ah hi chuan Nurse hi chu ka hna pakhat ve mai,, Mechanic te Vety Doctor te ka nia , kan Vawkin Nau aneih pawn keimah vek in ka buaipuia Chhul lak angaih pawn ka la ve hmiah mai vawikhat tihdan min hrilha kan ko nawn tawh lo hrim hrim..Awl hi ka nei ngailo khawih thiam ka ngah em a ni..
Kan In a ṭang Damdawiin hi Minute15 tlan vel ania, , Darkar chanve hma hian ka thleng hman thlawt ṭhin lo kal kawngah minlo chelh tu an awm zel a thiam ngah chu buaithlak deuh asin.
Damdawiin ka thleng ṭep tihin Papuian minlo ko lung lung,,
"Valte Current minlo siam lawk teh, ka Nu ka rawn Calla ikal tawh thu alo sawia ka lo chang char char che ", alo ti nghal bawrh bawrh
An Current chu kan siam leh rihah,, thingpui no2 ngawt ka in zawh hnuah ka in khalh chhuak leh Kawngpui ka thleng fel awrh tih in Motor ka su ringawt ,,
Ka Scooter athi nghal hmak bawk,, phun nang nang in Motor chu ka hel achhunga chuang ka hmuh hma hma in
"engnge kawnglaiah ilo park rik ngawt man anih kha", kan ti nghal thawrah..
Car chhung a ṭang hmeichhe pakhat arawn chhuak alawmloh hmel ngang mai,,
"Ka duh vanga Park pawh ka ni bik hleinem ", tiin ka sut na lai chu ava en kher
"in khua ah hian Workshop te a awm em ?",
Hmeichhia ni mahse a ṭawngkam chuan min buaipui tir peihlo,, A chapo hmel emai
A Motor chu su lo ila chuan ka kalsan hmak ang mawle,
"Kha ka Pi ",
Number pakhat chu pe in ka kal san nal nal,, ka sut ran sakna chawi ka tum ṭhaklo tikhan kan in draw ani mai,
Nau vei mek an lo awm vangin nau neihna Ward ah ka tlan lut leh nghal,, Doctor kan la nei bawk silo a Doctor ka ni leh rih mai ,,
"Ka Usang i Naute chuan lo chhuah aduh ve tawh maw?",
"Iva rawn thleng har ve", alo ti hlar ,, alo kar suah tawh,,
"Aw leee,, Usang han Sang ri leh pawp la alo chhuak mai ang",,
"Lalchhuanvawr ngawi chip cham rawh",,
"Aw le thaw la la han sang leh rawh le alo chhuak full ṭep e,, ",
"Ka theilo anih hi mawle",
"I mi ngei deuh kha han ngaihtuahla kek bawrh bawrh rawh in Pa kha",
"Nangmah hlir ka rilruah i awm",,
"Nge min ngei ve ngawt",,
"Chhuah tir vat ta che", ati vin hlar
"I zaklo nangmah zawk anih kha sang thiam lo lutuk",
"Lalchhuanvawr hmelchhe Pa", ati tuarh
"Kha ithin chhe lutuka i Naute pawh arawn ṭah chhuah rik ngawt hi aw,,,, nakin lawkah aṭap hi hne dawn mah ula tunah rih chuan aṭap lo ang tih hi hlauh hle tur,, ", ka ti zuah zuah An Pa chu pawm tirin Usangi chu ka buaipui leh nghal mawlh mawlh,,
"Tide deuhin mi ka ṭhui leh ang Uvan",, lai zetin anui put put,, an Fa 2 na tur ania an Duh ang thlap in Mipa an nei bawk ahlim vur vur lutuk..
"Ekhai ain hliam nasa lo a nakum tun ang hunah chuan kan in ṭhui pin sak leh thei tawh mai ang,",
"I va han chhe zeh zuah tak Lalchhuanvawr",,
"Anu Pawh a ṭha e", min melh rum ka hmuh rualin,, "mi pawh ala melh rum thei Ani zawng Nau neih hi ngatan mah ati ve vak lo a nih hi nei char char rawh u",,
"Ateuhlo", ati leh hlar,,
Ward lamah sawn phei in ,, Damlo awm ho chu ka en kual leh zung zung,,
"Chhuante Naktuk aṭang OPD kan hawng thei tawh ang aw, ,",
"Alo thleng tawh ami?",, Umahriati chu abu nghat,, Nurse Senior + Nula Senior Ultra Pro ang kha ania ani pawh hi Doctor ang chiah ani mai tawn hriat an ngah tawha kan Khaw Doctor kan ti fiam ṭhin, koh te hi anuam a nui hmel apu sang reng bawk,,
"Nupui anei tawh em?",, mit ko ka san ak ak,,
Ka banah abeng nghal pawp..Doctor kan neih thar apiang hian kan dem nghal ringawt zel alawm lo ve thei lutuk..
"Ahming bulah Tv ala awm",,
"Ehe chu ṭan ava ngai dawn ve",,,
"Nia ,,kan chhuah tawh lo ang akum pawh ka kum nen ain tluk in ka hria",
"Ain tluk azawng in maw?", , dar asan zauh,, Oxygen pu turin min ti nghal,,
"Na Usangi te Naute buaipui ka ngai , Vaccine pawh ka la pe lo,",
"Ka lo ti mai ang, ",, min kalsan nghal hmak
Ka Put lai mek mek in minlo tir leh ava han sual thiam tak aw ,, "khawnge ka dah dawn sawi phawt la mawle",
"Hello", rawn ti tu chu kan en dun vut,,
"Nangmaw?", atih rualin ka hre chhuak ve nghal
"Engnge ilo tih dawn Pawisa min rawn chawi tir itum ami?", ka ti nghal thawr,, ala ner sawk zui
Umahriati batch chu amelh vang vang..
"Puih theihna che kan nei em?", Umahriati chuan ati var,, anui leh sang tawh kei ka tum bar thung..
"Khawnge ka dah dawn sawi phawt teh,, Fan siam ka ngai ania",,
"Heta Doctor an rawn sawn thar kha ka nia, ", , Umahriati nen kan in en he haww,,
"Mipa maw lo kal tur kan tia",, atih chuan bu nghatin,
"Ni e, ka U ania , Nimin Piah khan helam alo pan nalamah achesuala ",
"Ehe", kan ti rual dun kan in en dun leh rih,,
"A aiah adam fel hma ka lo awm rih ang,, Lalruatfeli ka ni e, ",, ati dam dap.. Akut phar chu Umahriati chuan alo chelh nghal vat bawk
"Azia lo hlemai, , nang ilo thleng tluang amaw?",
"Aaa keipawh khu laiah khuan ka Motor arawn chhe daiha,",
"Ava zia lo ve,, mahse pawi ti suh hei ",
"Umahriat khawiah maw ka dah dawn,, ", mit ka siai mawlh mawlh, , aman ve aniang engmah sawilo in ka dahna tur min hrilh ṭha ve mai..
Kan Pi leh Pu ten Lam pui chang khatah mi an be chhe ngailo, an tih kha alo dik anih hi tlem a tlemah kan in hmelma ṭhelh alawm le ka hrawn tur ani tih hria ila chuan ka be chhe tawp nang..
Fan chhia chu siam in fiamthu ka thawh leh nghal bawrh bawrh,, Ka duty tawh hi chuan Damdawiin awm te hi nuam an ti thei ania,,
Night tur UHma-i arawn thlen hnuah Usangi te ka va tlawh leh,, Chaw anlo in barh lai tak ka va nang ka va fiam leh hlak kan kawmthlang lama awm an nia kan in nel kan in zah vak lo..
Ka haw tur leh kan Doctor thari chhuak tur kan in tawk,, Umahriati pawh arawn lang ve hlawl
"E, Chhuante ila haw lo maw khi Bathroom light achhia a han siam sak lawk teh ",
"Hlawh tello in engmah ka ti ngailo tih ilo hrilh tawh em?",
"Kha te chu i thupui alawm engnge ka sawiloh ang,",,
"Good ka han kal nghal ange?",
"Ka Pi Oh Doctor",, aner leh nang tawh,,
"Chahbi",, ka nui lui sang,, ngawi renga min kal pel in achho leh nal nal Umahriati alo nui vur vur kut zungpui ti pir veuhin min kal san ..
Hmanraw ṭhenkhat Kan Doctor chhuak ta ten an dah nual vangin Store room ah ka lut nghal,,
"Bulb thlak ringawt ani mai , ithlak thiam em?",
Ka ti chu
"Khawnge ka lei ang", alo ti ve vat,
"Ele Dawrah",
"Khawnge dawr chu a awm",
"Naktuk ah ka lo ken mai ang che ahla",
"Eng zat nge i in chhiar dawn", a purse aphawrh nghal,,
"Bulb man kha 50 angin chhut ta ila ka va leina a ka petrol sen zat,",
"5oo atawk em?",
"Wowww ", ka kuta hmeh bel in "i rawn thlak na man nen i cut tel nghal dawn nia ka Car kha siam tir ka ngaia ka chhuak dawn a", , awm ze nei zeta aṭawng chu ka lo man ve vat,, a fing kerkawr ang..
"Ok", tisup in ka chhuak,, ka Sikutar duata pawn minlo nghak ve khar,, "tun kum chauh chu in tuar dun leh hram hram ang aw, ", Bike leina tur ka tuak ve ngat ngat ka Nurse hlawh hi chu Inchhungah ka chhung ve ṭhin ngailo ti mahse ka Pi kutah ka dah vek tho tihah Bank ah ka daha keimah bawkin ka la chhuak leha a cash in kawl duh hek lo,,
Ka Nurse hlawh pawh hi awm lo se thlakhatah 5000 chuang hi chu ka la lut ve reng..
Ka ṭhianPa'n min lo Call vangin haw tlang lo in a Workshop ka tlawh ,, min rawn call chhan sawilo mahse ka hre vek..
"Tukin Zingah kan han la a, , a Part hi a chK mah maha",, ka thlek ve vat bu nghatin ka inthlak zui nghal,,
"I Scooter chu rawn dah la ka Scooty hi kawl rawh Ka Nau in Bike alei thara ka kawl rih dawn"
"Yes,, keipawh ka nei daih ṭep,, vawk la leh lo ila chuan ka nei thei tawh ang mawle",
"Nge i pawisa i hman ziah ",
"A pek leh Vawk chaw zawn ka ti ve hman silo a aman tal.ka tumloh chuan ka ei ve duh tho sia",
"Ivan ho tak.i Pi te lakah hian i in thlahrung lutuk a,, an tupa alawm inih i duh zawng lei zawk tur che an nia,,",
"Keiman alawm lei zawk tur an in todelh leh lutuk a abuaithlak anih hi engmah pawh an tih sak ve theih loh",
"In Siam zo tawh em?", , ti ri a hriat rualin apan nghal vat ,,
"Han Start chhin teh",
"Nang bawk maw?", dar san zauhin Chahbi ka pe
"Hna engzat fa ko nge i thawh a",
"Ka thawk thei vek Pawisa awm chuan", aner leh nang tawh..
A start chhung in ka tih ran sak na lai chu ka lo buaipui ,,
"Engzat tur nge",, Ka ṭhiana chuan min rawn melh zauh ka kut ṭang pakhat ka phar rualin 1000 ati nghal,,
"Ok, ka lawm e", ti sapin ain khalh chhuak ,, hneh sawh zeta ain turn pawp chu kan en zui dauh dauh..
"Ava chhelo ve i hmelhriat ami khawi lam mikhual nge?",
"Kan Doctor thar tur aia lo kal anih kha_",,
"Wow in in hmu reng thei dawn bik ani maw ka duh zawng tak",
"Duh zawng tak hi inei ve reng khawi",,, 500 chu min rawn pe , "kha hei pawh hi Ba ah cut rawh", 500 chu min rawn pe leh,,
"Tikhan 2000 ila ba ",
"Yes, naktukah ka U hlawh alut ang ka lo pe dawn che nia",
"ṭhat chu,, ka haw dawn nih aw",
"Phawtss", arawn ti ve lang lang ka Scooter hnut chhiah in a scooty chu ka khalh haw..
Chaw eiah minlo la nghah vangin kan ei nghal,,
Vawk chhul lak tur ka neih thu min lo hrilh leh nghal pang..
Zingkar ka neih loh vang hian Zan lam ah ka thawk tlangpui kan Veng hi chuan an hre hneh sawh tawh lutuk ,,
Thawh ro roah Zing thawh hi ahar ka ti ber ka tan chuan hna hahthlak ber a ni..
Dar8 velah ka in hawlh chhuak leh ka In ak ṭan bawk,, kan Pi Doctor-i bulb tur lei sak angai tak e, Dawr ah chuan lut in meizial nen ka lei pah,,
"E, Valte tuk in zing aṭang khan ka helai hi ana riai riai renga Zun te hi ahreawm lutuk ka ip tawp",, tiin PiKungi chuan ana chu minlo hrilh siam siam
"Pi OPD an hawng tawh dawn a, lo kal la i Zun te kan test anga i zing zun lo dah ṭha la kan test dawn nia,",
"engnge achhan ni ang",
"I zun kawngah Hnai a awm anih ka ring ve ngawta kan test dawn nia aw,, ",
"Lakhuihthei hnah a ṭha itih kha ka lo in leh mai ang,",,
"Aw Pi anih leh nih loh kan test hmasa phawt anga anih chuan i in dawn nia aw",
"Ka lo kal hman dawn amawni le",
"Ka lo hruai ang che minlo kai tho la aw", anui hak hak
"Aw le,, Va kal tawh an nghak rei lutuk ang che",
"Aw le tawrh ahreawm viau chuan minlo bia la",,
"Um,",,,
Head light nen Torch light nen kan bei ahnawih tur damdawi pe in ka haw san Nula han rim ve na hun pawh hi ka nei meuh lo,,
Ahmingin Bialnu te chu ka nei ve tawh ngeia
Mahse aaaaaa ka sawi peihlo, Nunhlui chu Nunhlui , , ngaihtuah in awm zia anei lo kan siam ṭha leh thei bawk heklo..
In ka thlen chuan ka Pi in minlo la nghak atih ve dan ania ka haw tlai ngamloh phah ṭhin..
Ka Mu chauh amaw tih nak laiin ka Alarm ka Pi aw in min rawn kai tho leh ral ral,, Huiham
"Pi, Pikungi alo kal em?",
"Aw ,, mahse azun atheihnghilha ahaw leh lawk anih kha,",
"Aw aaa",
Chaw ka eikham hnu lawkah arawn lang ve leh hlawl,, Damdawiin lamah in zui chho in ka tih pui nghal sawk sawk, , Ahming pawh ahmasaberah ka dah sak..
"Doctor bulah duty rawh aw nang", Umahriati chu ka melh rum ngai pawimawh lo zetin thildang min tih san hmak..
"Thil tum inei chiang",
"Ka neilo",
"I nei",
"Neilo neilo,, saw alo kal va buaipui rawh",
"Phakar", ti hlarin Doctor chu ka lo be vat, ,
"Ka Pi", ka ti chu arawn hawi vut,
"Nangmah ka ti lo che ania ", tiin Pikungi chu ka hui, ,
"A Vitals ilo la tawh em?",
"Aw Azun pawh ka test tawh", mak tih hmel zetin min en,,
"Aaa Nizanah anat dan min hrilh a, , ", bu zauhin anat dan chu azawt ve leh,,
"Results chu achhuak tawh em?",
"La chhuak lo deuh", abu zauh
"Na dang inei em?",, tiin Pikungi chu abe leh,, Results nghak tura tiin damlo dang ako leh nghal,,
Damlo a en zawhah Ward around leh ka zui ve zel,,
"I chhar maw?", tiin Usangi te Fapa chu aen dar ka lo san ak,,
"Eng nge inihna ber ni a",
"Ka sawi tawh kha,, pawisa awm chuan ka thawk thei vek",
Results a chhuah thu min rawn hrilh Lehkha min rawn pe nghal bawk ka lo en nghal vat,
"Certificate inei em?", ati leh khauh,,
"I en duh chuan ka rawn keng dawn nia,, A zun kawngah hnai chu a awm tak tak anih hi,",
Lehkha chu min lak sakin a en ve nghal,,
"Damdawi ka va chawh ohhh Doctor i awm tawh tak ka va ko ange,", tiin ka kalsan,,
"I hresa reng sia Lakhuih hnah kha min eitir nghal mai mai la ", Pikungi chuan ati bal bal
"Awww Pi kha tia finfiah kha a ṭha ve alawm,, Lakhuih hnah aia thawk chak damdawi ka chawh ohh kan Chawh dawn che nia aw",
"Ato awm si Valte tilo mai rawh",
"To dawn nang aw kan Damdawi ato ngailo tih ihriat kha",,
"Aw le,, itih tlat chuan",
"I ziak zo tawh em?", chik zetin minlo en,,
Paper min rawn pek chu banin en pawh enlo chuan ka chhuak leh nghal,,
"Doctor zir law law ta che,",, ti sap tu chu ka nuih suk
"Certificate nei tur in maw?",
"Ihlawh atam deuh ang chu ka ti",
"Tipawh hian ka hlawh atam tawh tho alawm,, i hlawh ai pawn ka hlawh tam daih zawk ang",
"Ka ring", ati sap
"In khua chuan Doctor pawh in mamawh loh hi",
Avawi khat nan min nuih ve ngei e..
"Mamawh e,, Doctor chu Doctor nge nge in nia lawm,, engtikah mah kan tluk dawn lo cheu keini ai chuan alet 100 in an ring feeeee zawk bawk che u ",,
"I thawk ṭha e", ti sapin min luh san, , akal na chu ka en zui vung vung
"Eh, eh eh ehemmm", Umahriati chu ka melh rawm,,
"Nang ma tan hian ṭan lak zawk angai in ka hria,, ",
"Hmmm ka duh zawng anilo e aa",
"Ehhh ,, nilo se kha ti vung vung khan i thlir zui hauhlo ang,, nge Boihboihi ila nghak zawk",
"A tevanggggg",
"Nih chuan ", mit ko asan euh euh,,
"Pasal anei tawh ang",
"A la Nula aw, Nula thianghlim Mari", an ti ngeiah
"Kher zela che ihrelo",
"Hre chiahlo,, Nula Thianghlim Mari chu an tluk dawn hauhlo ahh,,", ati leh nghal..
"Ngaihzawng anei ang,, Khawpui Nula te chuan keini ang te chu melh pawh min melh peihlo ang",
"nghal ngawta a beih pawh beih ahmaa khatia sawi mi dawihzep hna lutuk kan khaw Mipa ah hian Nangaia Chhia an awm lo,",
"Maw!?",
"Ohh ka sawi palh",
"Umahriat",
"Ka tifiam lo ka ti tak tak", atlan chhe zui nghal huiham ,,
Tlai lamah Naupang Ban ruh tliak an rawn luh pui ,, X-ray lo tihsak nghal in Ka Pi Doctor i nen chuan kan pawh rem sak kan Plaster sak zui nghal..
"A tliah dan hi Zai angailo ang Naupang ṭhanglai an nia ain zawm veleh mai ang,", Doctor ka lo sawi khalh leh hman hmawh,,
"Sorry", ti sup in X-ray results chu ka pe,
"Thlakhat hnuah kan X-ray ṭha leh dawn nia damdawi ka ziah hi lo ei tir ula aw",,
Damdawi chu ka lak sak nghal thuai thuai
"Ka tihpalh lutuk ka lo ti ṭhang lutuk a,",, engmah sawilo in akal daih,,
Ka duty hun chhung azawh tawh vangin ka haw,
Ka bulb lei sak ka hre chhuak thut ka tlan let leh nal nal,,
"Eng nge ",, alo ti nghat ava han nelawm loh tak kei ai a upat vak ka ringlo keipawh kum 29 ka kai tawh a ahmelah nilo in a Doctor zir chhuah tawh vang hrim hrim hian anaupang tawh dawn lo tih ka hre ve bawk,
"Hello", akut ati ri khap
"Ahh aw hei ", bulbs chu ka hmuh kawng min kian ve nghal mai
"A spare tur aw store room ah hian kan dah ange,",
"Adang problem a awm em?", ka ti leh,
"Awm lo", ati hmuk biak peih loh tawh sa nak laiah
"Aw le,", awm khawmuanglo in ka chhuak zui nghal ka tih theih chhun a thla ka tawng ringawt..
In ka thlen rualin ka Pi vawk chaw chhum ka chhawk nghal,, ka tih tam lo mahse ka theih leh hman ve hi chuan atam thei ang ber chhawk ka tum ve ṭhin,,
"Zan In tih tur inei em?",
"Tunah rih chuan la neilo,, ",
"Aw,, kungin min lo call a chanchin min rawn hrilh a",
"Lakhuih hnah zawn sak tur anei awm silo a Naktuk zingah ka zawn sak ang",
"Um, , A tu te saw an chhawr tlak vak bawk si lo a akhawngaih thlak anih saw",,
"Engtikah nge Bike chu ilei theih ang", Ka Pu in arawn ti ve khurh,, ka Pu hi chu a ṭawng tlema biak ṭawng te hi ahar ataima ka tih tawh kha Chaw ei dawn vel lai tak te hian eng sawi lo in alo vak bo leh daih zela abuaithlak thei lutuk..
3 chiah ni mah ila chaw hi kan ei rual hlei theilo
"Naktuk aṭang i Night dawn tiraw",
"Um, e Vawk chu talh i duh tawh ami?,",
"Aw,, Bike chu ilei dawn ania",
"Angailo,, ka hlawh in ka lei dawn,, ka khawl daih ṭep tawh,",
"Aw,, tlem kan lo tum sak ve dawn che alawm",
"Angailo,, Vawk man nan duh leh hmang leh mai rawh", ka ti ve tlat ka zirna sen so zawng zawng an tum tawha,, ka Bike man leh zel tum tir thawh chhuah neilo ka ni biklo a,,
"Hna i thawk nasa lutuka hah damna hun pawh inei lo a i Pi in akhawngaih che alawm", ka Pu in arawn ti leh..
"Aho lutuk anuam ka ti alawm Zing thawh chiah hreawm ka ti ",, ka Pu aṭhen sak,, akham zui nghal bawk..
"Pi,, Zira ka va sawm ange aw ", man zetin abu nghat nghat ,, Phone te hi ka va han hmang ṭangkai lo ve tak aw ,, ka Sam Wolf Cut ngat La huh phang chu Dar thlalanga in en in ka tuai rem sauh sauh,, abuk tawha Wolf cut tih pawh ahriat tawhloh..
inbound8956524020385972410.jpg
"Pi Nula ka rim pah dawn ania lo mu rawh aw",, anui var var..
"Khawia Nula nge maw iva rim ve ang le",, ati bal bal,, ka Nula mi loh zia ahria a eee Bialnu ka neih loh ahlau zek zek zawk
"Zira Chiks", ti supin ka chhuak nghal
"Hna thawk turin i chhuak dawn lo ve khiah alaw", ka tlan pelh ten anlo ti sap sap
"Nula kan Rim dawn", ka ti ve lung lung min nuih var var hlawm mai,,
"Vawk kan talh dawn ania Naktukah", ka ti zel bawk Kan veng hi chuan mi hi an hrechiang leh lutuka min khawngaiha lainat tu lah bo lo, atheihna apiangah min duhsak bawk.
Zira te In ka luh rualin min lo be nghal luam,, Anu leh Pa te hi Nu, Pa ka ti ve mai tet te a ṭanga in kawp kan ni bawk nen ka Nu Pasal neih leh hnu phei hi chuan min ngaihven zual an fapa ang chiahin min ena min enhrang lo bawk..
"Nu, Zira hi naktuk zing chu kan lo hawh leh o",
"Vawk in talh leh dawn ami?", ati nghal chat,, Zing tih leh Vawk talh hi ain zawm tlat
"Yes,, Khawnge ", tiin a room ah ka lut nghal thawr,, alo in thlak mek
"Kik ve ta che mawle", alo ti hlar,, ner sakin meizial ka phawrh..
"Ee,, star tu che ka hria asin",,
"Aho e a",, anui suk
"Vengthar ami ania,, Aizawl Return,",
"Ka hria angem?",
"Hria ang, i bialnu hlui nen anin kawm ṭhin,,ka Bialnu nen tunah an in kawm mek",
"Kal vat ang,, haw leh vat bawk ila ",
"Alo leng ve dawn ania ",
"ṭhat chu",
"Iti tak tak em?", ati leh rih..
"Min awi ang che", a ṭhen ṭha.. Engkim hi hneh sawh viau mah ila hmeichhe lamah hian ka lak tlak leh ṭhaklo,,
Abialnu te In lamah in zui pheiin kan ti ti bawrh bawrh,, kawi khat chauh ania Wheel kan keng lem lo
"Saw Kan Doctor thar kha ani em?",,
"Nih saw,, ka va be peihlo ", tiin ka ding chawt
"Va han zeilo thei tak,, lo kal rawh", ti nghutin kan pan pan loh theih anilo kan kal pelh ngei ngei angai..
"Hello Doctor,, engnge i tih a",, Zir an be mahse keimah zawk min en daih,,
"Dawr ka zawnga", , tih ringawt in achhang,, ka lo ngei leh hman hmawh,, Keini ila ka hrilh hauhlo ang Zira erawh chuan ṭha takin a awmna ahrilh,, lawmthu sawiin min kalsan zui nghal.
"Iva han hrilh peih zawk tak", ka ti hluk,,
"A chhiat loh em kha kherh rawh",
"Ka type anilo",
"Ave lutuk ache a",,
Min tih pui loh hi chuan Bialnu pawh hi ka nei ve theilo ka lo khirh ve khanglang bawk sia..
Abialnu U te nen hian kan in kawm vek avangin len pui pawh hi ka hnial ngailo,,tunah pawh Guitar kuahin zai kan ṭan leh der tawh..
Runmawi hla chu Sa in Kan Zai ho dial dial, akarah meizial kan zu leh zauh ṭhin bawk a..
"Tun Sunday hi i Hla hruai ani em?",, Zira Bialnu U Lallawma chuan ati sup,,
"Ka hrelo Sunday hmasa ka inkhawm loh kha,, ",
"Keyboard achan ani in ka hria", Ziran alo ti ve mite hrilh ve tur ania hepa pawh hi..
Thingpui min rawn pe tu chu Ziran mit ko alo san euh euh ka man ve nghal,, ahmel chu apangai hi , Aizawl Return anih vang aniang avun pawh ango puak mai,,
"Naktukah Vawk ka talh dawn ania min rawn dawr ve ang che", ka ti nghal thawr alai teh e
"E, nangni chhungkua pawh kha min rawn dawr ṭeuh ang cheu,, ka in hawn peih miahlo ania aw"
Ka ti nghal khar khar ka Vawktalh hma zan hi chu in vau zan animai..
"Engnge a an, Be ve la",
"A zia", aner nang
"A number dil rawh, Nurse a training ve mek ania,",
"Aho phone ah mi ka be peihlo,",
"Ivan zeilo thei tak aw, khavang kha anih kha an ban zel che",
"Apawilo emaia hun ka neilo,, Care te an duha buaithlak", aner sak
"Phone aneilo timai rawh",, ka ti leh hram,,
"Kan haw ange, atlai tawh emai",
"Ihaw dawn maw Bawiha va thlah rawh",, tiin min nek nghal sawk,,
"Ahnai ati nilawm ni?", min melh rum nghal ul,,
"Angailo nia ahnai lutuk",
"Kal rawh iva han zeilo tak", phun hluk in ka tho ṭuih ṭuih,, Kan kum hian Romantic a chhawm tawhlo akarah a zeilo chi nih bawk nen buaithlak ve tak ka Ni..,
Sawi mai tur lah chu ka bo, eee ka hria
"I zir zo dawn tawh em?", ngaihtuah chhuak ṭha ka van in ti tak em,
"Tunkum ah ka zo ang,, ",
"Khawnge i zir a", , issss
"Apollo ah ania,, ",
"Apollo ah maw,, In Misstei kha ka hria asin, kan zir ho a,, ",
"Pasal anei dawn asin i hria em?",
"Um min rawn sawma ",
"Ikal dawn em?",,
"Ka hrelo, ka tum vaklo,",
"Kal ila,, kan chawlh lai ania min sawm vek a",,
"In kal dawn maw?",
"Um,,",
"Nia kan tum dawn nia Bike lak pahin nimai",
"Bike maw?",
"Aw,, ka Pa scooter hi hah chawlh tir ka duh ve tawha", anui seih,
"In in hmeh asin", ,
"Bike ineih chuan i luck zual sawt dawn anih chu,, i Scooter nen pawh i luck tawh ania,,", anui deuh hak hak,,
Ka Scooter ri a ṭang te hian minlo hre chat zel
"Luck sawt na chhan tur a awm ami, ?",
"Aw, , kan veng tleirawl te hi chuan an Star ṭhup che alawm ,",
"A awih awm loh emai", ka ti hluai,,
"I number min lo pe",, ati chu ka en hâ
"I phal chuan", aphone min rawn pe nghal bawk
"Aaa,, ka reply loh che pawn induh min lo tilo la phone hi ka en peih vak lo a", tiin ka number chu ka chhu ve mual mual,, min hrechiang tu te chuan min biak duh chuan kei nilo in ka Pi an Call ṭhin,
Ka let leh min hmuh rualin chanchin min zawt nghal
"Amah zawk in min dil alawm?",
"Maw!?",,,
"Minlo be lo se pawi pawh ka tilo e aaa",
"Mawla", ati hluk,,
"Haw ang,",
"Um, ", Abialnu bulah let leh in Meizial ka lo zu thung,, kan In lam pan in kan in zui leh hnak hnak, kan thil sawi zawng zawng hriat atum leh vek tawh hi ning zetin ka hrilh ve leh tho,
Vawk ka Sah chawrh chawrh laiin Kan Pi Doctor ii pawh arawn lang ve leh hlawl mai,,
"A englai nge i duh ve a ka Pi"
"A ti kg chanve", ati ringawt ,, achil per aui deuh aniang aṭawng tlem thei emai..
ṭhenawm khawveng zarah ka in ti ral zo ve leh hlauh e,,
Hna thawh tur dang ka neih loh vangin ka Pi huanah ka feh pui,,
"An hnah hi kan Doctor thar chu ken sak rawh aw",,
"A ei ngai lo ang",
"Engah maw,, awih awm loh loh, Sa thlakah te aduh ve ang chu",
"Sa a ei ngailo",
"Zingah pawh alo lei ve reng kha,, ",, engtin nge alo hriat le ninawm a ka be peihlo asin le,
Ka Night dawn vangin Chaw kan ei hma..
Hospital lut hmasa lo in Quarter lam chu ka pan, mit sen ram in arawn hawng
"Eng nge", ati leh hmuk tawh,, Pi nelawm lohi anih hi,,
"Kha, sa thlak tur ka Pi pek che ,a thar tem ve che anih kha,",,
"Ah aw, ka lawm e", ati bah niaih,,
"Buaina inei em?",
"Neilo",, duh tawi thei tek tawk sia maw
Bu nghatin ka in her, ani pawn kawngka akhar zui nghal,,
Faifuk hlarh hlarhin damdawiin lam ka pan,, Damlo pawh pahnih chiah kan nei,, An Vitals vel la in damdawi pek ngai ka pe nghal zung zung,,
"Hna ka zo der ", ,
Dar11 velah Pumna an rawn kal pui , Doctor kan nei tawh tih hria in ka call reilo ah arawn chhuk thla va nghal,,
A chawh tur ka hre lawk miaua ka lo lak sak nghal vek,, "chiu la", bu nghatin ka chiu nghal,,
"Zu ilo in ru leh tawh ani maw,, Na tawkin kan chiu leh ang che,", ,
"Ana", ati nghal vak,
"Ka sawi lawk vek tawh kha,, chiu iduh loh chuan in tawh suh,, imak em em lutuk", ,
"Ka In tawh lo ang",
"Vawi 1 i sawina", tiin ka kut ṭang10 ka phar,,
"Rawn thawh belh teh", kan Doctor chu ka melh alo hawi hai teh e,,
"I thin te kha a ṭhatloh belh leh tawh ang Naktukah rawn in checkup ang che",,,
"Damdawi min chawh leh ṭeuh ang ka peih tawh lo ka chhungte hian i thu an awih si", ati bul bul,, an kal hnuah Kan Doctor i pawh achho ve leh nghal,,
Mut chhuak areh leh tawh vangin Meizial ka zu hmasa leh te te ,, ka Phone pawh ka phawrh ve ngei Message alo tlim leh hmur tawh tih tur a awm lo bawka ka clear leh nghauh nghauh,,
Private message pawh Open ve diat diat,, ka chhang peih chuang derlo,
"Ila mu dawn nange",,
"Minti phu alawm thawm nei ta che", , ka ti nghal hlar ka Phone thlauh chu min chhar sak in," thil ṭhalo en ang mai,", ati sap
"Zan lai anih tawh hi", ti nghatin ka ak ka meizial zuk lai pawh ka paih dawrh lo chauh alawm le..
"Ihlau tihna ami?",
"Hlau suh eiii,, tinge i rawn chhuk leh a",,
"Ka mut achhuak tawhlo a",
"Anih chu,, ",
"In Khua chu amawi hle mai", ,
"Mawi mai bakah anuam",,
"Iti velo animaw?",, ka ti leh rih, , anui ringawt alawm anuih dan lah khan ki anei hmm
"Nuam ti tur pawn ka la awm reilo e",
"Nia,, I rawn kal hun hi afuh lo, Tlaizawng Par par lai phei chuan anuam teh asin, , ",
"Analh ngawt ang", ati ve sap
"I U dam ṭhat hma chauh maw i awm dawn",
"Um, ,Phai a thawh ka tum a, mahse hei", asawi zawm dawn maw ka tia aduh tawk leh der
"Hlawh a ṭha deuh ang chu",, abu leh ringawt,,
"Thingpui ka siam ang che",
"Angailo",
"I in ngailo ami?",
"Ngai tho e",
"Minlo nghak rawh", ti supin ka luh san
No 2 chawiin ka chhuak leh,,
"I thawhna arei tawh em?",
"Rei tawh e, ",
"I awm chu an chhawr khawp ang che chu",
"Chhawr leh mah mah,, ",,
Anui seih,,
"Va lut rawh, i chau lutuk ang",, ti sap in atho
"Mamawh ineih chuan i rawn sawi dawn nia", ka ti ve thung
"Pads ka duh a,",
"Engnge chu chu ,", ka ti hu
"Sanitary Pads",
"Ahhh awww Dawr kha i hmu ta lo ami?", abu zauh,,
"Umahriati Ka lo chah sak ang che,, Sunday ah kan khua ka fan pui dawn che nia",,
"A number minlo pe la ",,
"E, aw, ", a number chu ka sawi nghal zuah zuah anui tawp,
"I Number minlo pe ve",,
"Engnga tan", , ka ti he haww,, a dar asan zauh ka sawi ve leh nghal ,,
"Chhuantea maw?",
"Yes,, ",
"Ka number anih kha lo save ve la",
"Aw Le ka Pi ",
"Kum engzat nge inih", arawn ti leh,,
"29 ngatan nge", abu nghat ain her leh nghal
"Nang ve",, tih pahin ka zui
"Nangai kum 3 in ka upa, min Pi lo in min U rawh,",
"Ehe ka rin ai i Upa daih,, i tet tet nen i chal zek",,
Lu thing nar narin min kal san, te ka ti tak na chu ate miahlo ania ka chhaih mai mai 5'4 or 5'5 vel anih ka ring
A number chu *KA PI DOCTOR* tih a save in ka lut ve nghal,, Dar12 alo pel duai tawh..
Kan Damlo neih chhun te en leh te te in ka Mutna lam ka pan, , Sana chek ri bak hriat tur a awm lo reh ṭha tak a ni..
Umahriati chu kan Pi Doctor in Pads aduh thu hrilhin ka mu zui nghal,,
"In tho dam em?", ti lut lang lang in an damdawi vel chu ka pe leh vawin ah an chhuah theih vek ka ring,,
Umahriatin min hmuh rualin nui put putin athil khai chu min rawn pe,,
"Eng nge",
"Aw Pads i duh ani lawm ni?",
"Ngatan nge , eee , aihhh kan Pi Doctor i ta tur alawm kha nangman pe rawh,",
"Ka hman lo haw pah in han pe mai rawh, in in close tawh em kha,",
"Kan in close thlawtlo,",
"Close anih kha,", tih pahin ka thil khai chu arawn kawk, ka ner nang,,
Day Duty tur arawn thlen tawh vangin Doctor Quarter lam chu ka pan ,, ka kik thawm achhan loh vangin a kawngka bulah ka daha ka let san daih,,
In ka thlen chuan chaw pawh ei lo in ka mu zui nghal hmak,, Zan khatna hi chu ka Mu thei ngailo Mutna sawn thut hian ka buai ngei ngei buaithlak..
End Of Chapter-1
Show post links
Top