- IMG_20180322_020558(7).jpg (29.97 KiB) Viewed 15287 times
By sangtei
"Emilly ka duh che" a aia nasa theih tawp a ka duh leh zualna tur chein min han siam teh le.
"Nilo Raven ka.......
"Emily i taksa hian min hnar theilo!
"I taksa peng tin leh i thlarau pumpui hian min mamawh a ni ti a, ka hming an lam lawm lawm na tur khawp che a nuam in ka siam dawn che a ni.
"Nilo Raven ti ....
"Ka sweet cake Emilly te eng maw sawi i tum?
"Oh min han fawp vat vat teh!
"Ka....ti....
"Eng chu nge sawi ve i tum a?
"Ka duh che' ka mamawh che ."Raven robert stone...
"Ka tih reng kha min mamawh lutuk.
"I taksa hian maw !"min hnar thei lovang ka tih kha.......
Hreptak chuan, Raven ka mumangah ka lo hmu a maw?
Awm ang lo lutuk mai.
A nite chu planet dang a tang a rawn kal buaina nei lian a, greek ho sex Pathian kha a nia.
Engvang teh lul in nge ,ka mumang ah chuan, ka lo hmuh ang ni.
"Ka hming chu Emily a ni a, "kum 16 mi niin Union hills high school kal lai ka ni.
Ka nu nen thingtlang khua a tangin khawpuiah ka nu hna a vangin, kan rawn pem a, hei hi kum 15 ka nih lai khân a ni a.
Ka nu hming chu katty woods a ni a, kapa hming chu christopher woods a ni.
Kum 13 ka nih hmalam pang kha chuan" ka life hi a nuam in a tluangtlam em em a ,tleirawl dawntawi lungkham tak tak neilo.
"Nuleh pa thlazar hnuai ah awm in, Emily tleirawl hlim thei tak ka ni thin.
Chu chu ka pa'n cancer a min thihsan hun hmalam a ni a, tunah chuan a dang ta......
Kum 16 tun ah chuan ka ni tawh a," kapa min boral san a tangkhan kum li lai a lo ral ve ta reng mai.
Vawin hi high school kan chawlh chhung a , second year ka kal leh ṭan na ni hmasa ber tur a ni.
Ka phûr nge ,ka helhhawlh nge, ka peih lo tih pawh ka in hrethiam lo.
Ka mumang ṭhalo zet mangchhia dik tak mai chu ,ngaihtuah pawh ngaihtuah zui hman lovin,
Bathroom ah lûtin ka in tifai nghal a, ka thawmhnaw hâk tur pawh ka thlang uluk hle .
Ka nu chuan, ka mumang chungchang chu hrengat se chuan min zilh duh leh hrim hrim ang.
ka nu breakfast siam pan cake eitur in choka lam ah ka chhuk thla ta nghal a .
"Morning nu ! Oh morning honey" i lo tho tawh a ni maw.
Vawin i second year ni hmasa ber tur chu i zam em ?
"Uh ka tha e "serthlum tui leh pan cake thial ṭalh ṭalh pah chuan ka lo ti a !
" Vawin hna ah i kal a ngem?" ka rin dan in vawin ni chu kan ban hma ka ring a....
"Oh tehreng mai!" kan office ah hian weekend lo chu chawlh ka hmungai em ni Emily ?
"I lo bân hma tâk leh dinner tur lo siam ang che .
"ka rawn bân hma theih pawh ka ring lo.
"Awle ka nu' tiin ka serthlum tui inlai chu tlâk nghalin, ka bag ka ak nghal bawk a , ka nu biang ah chuan fawh zauh pahin, "nihman nuam le," tlaiah kan in hmu leh dawn nia...
Kan school ka thleng chu, ka tlai chhe lutuk lo. Mahse mi an lo awm nuaih nuaih tawh a, kan school ah hian ,mi pathum an awm.
An koh dan pawh bad boy, good boy leh bad girl an ni.
Chûng mi pathum te chu!
Goerge,Raven leh Kat te an ni a,
He mite pathum te hi, kan school a lar ber te chu an ni.
Mahse kei chuan ,pawisa ngah leh thil tithei ho hi ka haw hlur ringawt .
An wallet full reng thei te leh, an mahni an hausak a, ṭhian an ngah mai a vang hian ,engah mah ka ti velo.
Ni e kan school hi ram hnuai ang mai a ni! ka tan chuan, kawmtur ka nei ve lova,kei mahin ka maltlat tawp ṭhin.
Raven leh Goerge hi ṭhiantha tak an ni a.
An hmel a tha dun em em a, pakhat zawk chuan ngaihzawng pawh a neih awm ka hre lo .kan school ah ...A mizia a tha in lehkha a thiamthei bawk a , a zir peih bawk.
An hausa dun em em bawk a, in kawm âwm tak an nih lai in, an mizia a in persan hlauh thung!
Good boy zawk chu sam buangthang mai, mitmu pawl raih a neih lai in, bad boy zawk chuan, mitmu dum fiah kek kawk tak nei in ,a sam hi a dum hlap mai bawk a.
A ni ve thung chu ,hmeichhe kawp lawr zun mai , mahse relationship a neih pui duh miah lo thung.
A ngaih dan chuan, love is doesn't exist a ni ringawt mai a ni .
Nun zalen taka nun hi a duh ber a ni.
"Kei erawh chu ,chutiang mi chu ka ni ve lo .
tumah mipa tak ngial pawh ka la kiss ngai lo a, tunge ka first kiss tur ni ang aw...?ka ti ve thin ..
Chuvang chuan, kan school ah pawh pure' Emily' ti a koh el ka ni fo ṭhin a, ka duh lo thin khawp mai.
mahse ka duhthu a ni lo. Ka pa thû ka tiam vang zâwk a ni e.
Ka pa khan, mipa te hi tumah rintlâk tak tak an awm lo.
Chuvang chuan, nangpawh ṭha takin awm la,i tana pathian ruat chu i zawn ngailo in a rawn la lang mai ang.
Tiin min hrilh ṭhin a vang chuan ,chu chu ka ring nghet bur a ni.
Bad boy zâwk Raven chu, kan school hi a lalna ram a ni a, Amah hi sherk ni ta se,pakhat zawk Goerge hi sakei baknei a ni a, Kat hi chu rul vérther tak a ni.
Kan class ah chuan, bad boy leh good boy pawh an thu ve a ,class khat ah kan ṭhu ho thin !
An pahnih chuan, an luck dun em em a, kan school hmeichhia zawng zawng deuh thaw 'kei' inti chin tawh chuan, an girl freind nih tum in, theih tawp an chhuah thin a.
Good boy Zâwk chuan ,a mah rawn beisei tu hmeichhia te chu ,tumah nei lo in mawitak leh thîamtakin a lo hnar mai thin a , Bad boy ve thung chuan, sawm tu an tam leh a thlâk zing ting a ni mai .
Kei ngei pawh hian, ka suangtuah fo thin! an pahnih hian, ka ngaihzawng tur ni ta se ,tunge ka thlan zawk ang ka ti ve fo thin.
Kan School Union hills ah hian ,kan hmaih miah loh tur thil pakhat a awm, chu chu kan school milehsa zawng zawngin he website hi an join vek a, a hming chu Urban skull a ni.
Hetah hian, kan school chhung a mi zawng zawng mimal nun leh an thuruk zawng zawng an lo zep ṭhin te puan chhuah in a awm thin a, Kan school chhung mai nilo mihausa challang personal life thlengin puanchhuahna Website a ni.
A ti tu hi mipa nge hmeichhia tih a hriat loh a, a rawnlan chuan ,hmaikawr vuahin a in chei danglam vek bawk a, a aw thleng a, a tih danglam ṭhin a vangin, tumahin tunge a nih an hrelo.
Raven, Goerge leh Kat te hi an pathum hian, in kawp tur tak an ni a, keini ang hmeichhe pangngai lutuk ang hi min hmusit tel kher lovin.
Ka locker hawn ka tumlai tak chuan ..."Kan pure Emily pawh a zir laibu kuah leh turin hei a rawn thleng leh ta a lawm.
Rawn titu lam chu ka hawi phei a.Raven a lo ni.
A mitmeng ah chuan, mî a nuihzat hle tih pawh ka hrethei.
A maherawh chu, hetiang sawisakna hi chu he Unoin hills high school a ka thil tawn tharlam tak a nih tawh loh a vangin ,ngaiah ka nei tawh zâwk.
Ka mi huat em em te pathum chu ka hmu nghal.
"Kat chuan "oh Raven tiang hmeichhe ṭhing lutuk engmah neih nei silo hian, eng chu nge kuah vak se i tih reng reng?
"A zirlai bu bâk....
"Goerge chuan "kei chu pure Emily hian, a lehkhabu hi a kuah ṭhin tih pawh ka lo hrelo a...
" Kat chuan "huh Goerge hmeichhe ho hi i hrelo a nih hi.
"Kan pure Emily ngat phei hi chuan ,tuna a lehkhabu kuah lai saw a chhiar leh a nga, "mipa kawp tur leh ṭhian kawmtur a hriat loh a vangin, a buchhung ah sawn chengin lal fanu ah inngai leh in, "a mysterous prince nen a ngaihtuah na ah, an cheng dun leh vang vang mai ang.
Tih pah chuan a lo nui uarh uarh a.
Hei vang hi a nia, kan school ah hian ,tumah ka kawm ve peih loh chhan chu!
Tumkhat chu Raven an a kawp lai mek Kat chu a rawn lût tlai a ,
"Kan teacher chuan "miss Kat i tlâi !
"Oh " ka hria a lawm ka tlâi tih chu ...
"Class hi kan ṭan na a rei tawh lutuk, i rawn zawm ve thei lovang.
"Chutiang chuan min ti emni? "Ka pa hian he school tan a a pawisa pék nasat zia hi i hria em?
"Kapa ka hrilh vaih chuan, i hna i chân thei tih hre rawh" Mrs.Robinson.
"A nih a hnu miss Emily i bul kha a ruak a, "tahkhan lo thu mai ta che.
" Oh i ti tak tak lovang " ka seat ngaiah ka thu mai ang .
"Raven a te bul ah pawh seat ruak a awm tho lawm...
"Chu lovah Emily i hri hi ka kai ve ang tih ka hlâu.
"Mrs.Robinson chuan "eng hri maw ni a? a lo ti a.
"I hrelo em ni ?"mahni té chauh a awmna hri leh 'Nun' ang mai a, "mahni in khunghran na hri hi mawle.
Nilo ve" miss Kat!
"Miss Emily bulah khan thu rawh.
"Raven leh Goerge te chu, ka piah lawk ah chuan, an ṭhu a, a mitmeng dum fiah kak mai a, nuihzat hmel taka min rawn melh pah chuan ,
"Babe thu mai ta che." miss pure Emily hi affair neih dan te kan zirtir ang chu.
"A nuam phian maithei...
"Oh in ti tak tak lovang! in sawithei lovang .... ka lo ti rilru a.
"Kat chuan "oh darling i tih tlat chuan le .."miss pure Emily hian a hrethiam ngût a nge maw?
"Eng ang chiah in nge love affair hi a awm tih te hi.
"Nangmân min tih vang chauhin ka thu ang. tih leh min hlat thei ang ber chuan a thu a.
Raven nen chuan, kei aiin an va inhnaih mah mah zâwk te hian ka hre hial thin .
An thil zirlai pawh an ngaihtuah chang lo.
An awmdan vel chu ,ka lo ngai thei lo khawp mai a,
Nimahse min tih el vel na tih ka hrereng.
"Kan teacher chuan "miss Kat ka thil zawh che chu i hria em?
"Oh Mrs.Robinson sawiṭha leh lawk mai?
"Norway rama tlâng lar tak leh an chhuan em em mipui ho pawhin a an tlawh luai luai kha engtlang nge?
Kat chuan a hre hauh lo "ih norway a tlâng hmingthang tak chu....
"Preikestolen ti rawh tiin zawi te in ka va hrilh zauh a,
"Kat chuan" uhm preikestolen !
"Tikhan mipa hlir buaipui lovin ,"i zirlai chiah buaipui tawh ang che i hria em?
"I chhanna pawh a diklo.
"Aw le.
Kat chuan, min rawn melh kawk a,he nu nen hi chuan ,engtik ah mah kan inkawm thei ngai lovang.
Class kan bân hnu chuan, Kat chuan "hey nangkha tinge min puih chhan?
"Hrilh pawh ka hrilh dik hlei nem che ,tiin ka lo chhâng liam puat a.
"Mahse puih chu min tum thung a lawm,
"Tiang kha tumah kala tawng ngailo.
Ka nu min zirtir dan chuan, ṭhiansual kawm suh! I hruaiṭhat hmain an hruaisual mai ang che tih hi a ni.
Ka kal tur chu, Kat bawk chuan "Emily min rawn tih leh a vang chuan, ka ding dat a, ka leh hawi pah bawk a.
"I theih dawn chuan, naktuk zan hian costume party Raven an a nei dawn sin, "lokal ve rawh.
"Ka lawm lutuk !"Kat mahse sawm ka ni ve silo a.....chuan halloween chu october daih ah a ni si a.
"Tinge tunah te costume party?
"Oh mi ningkhawng i hrelo lutuk !"keini ang ho chuan, kan duh dan dan in advance pawn kan ti thei,
"Tunge sawm la mamawh viau a," keima'n ka sawm che chuan," Raven an a sawm ah che inngai tawp mai rawh.
"Chuan advance halloween costume party a ni tihkha hre bawk ang che aw."dress kha i hriat ka ring,"naktuk zan darriat ah aw.
Min van ngai mawl tak halloween party ah costume dress hâk tur tih te chu ka hre ve bawk.
Kan khawhlui ah kha chuan, ṭhian te nen party na ah te pawh kan kal ve ṭhin kha a ni a.
Hetah hi chuan, ka school luhna in a zirlo bawk nen, ṭhian pawh ka neih ve loh a vangin, inah ka awm tawrh ṭhin.
Thildang chu ka hreve tho mahse, ngaihzawng chung chang chauh a ni ka hriat loh chu ni.ka lo ti rilru a.
"A takah chuan "awle ka lo tum dawn nia, tiin ka chhang thunga.
Ka school bân pawh hian, ṭhian dang te ang in, ka khawtlai hman ve ngailo.
Inah ka haw vat a ngaiṭhin a ni.
Ka leh kha thiamtheih vang pawh nilovin.
He kan school ,mi hausa school ah hian, ka scholarship vang liau liau a lut thei ka ni chauh tih pawh ka hria.
Mahse katan chuan, chûng mi neinung ho fa chu kawm tur ka hreve lo.
Ka kal liam hnu chuan, Lily Kat ṭhiannu, A mize milpui tak chu Kat bulah hian va kal hnaih pah chuan .
Pure Emily kha i sawm ve ringawt em ni a?
Kat chuan, lo nuih vawr pah chuan,
"Sawm chiang e,"naktuk zanah hian tunge party girl chu kan en ang .
Class ah khan ,min tizak khawp mai a, ala hre ve dawn alawm.
"Party pangai a ni a,mahse kan pure Emily kha halloween party dress in a rawn inthuam dawn a lawm," nuam ngawt ang tiin a nui uarh uarh a.
"Chu lovah Raven hian kan pure Emily te i kha nuihza bur turin, a lawm riau tih pawh ka hria, tiin a ṭhianu Lily bulah chuan a sawi siam siam a.
Kat chuan a phone chu la chhuakin, Urban skull website ah chuan lutin ,naktuk zanah i tan news ṭha tak tur ka nei dawn a, i lo kal ve dawn nia.
A hmun chu, Raven private flat ah a ni ang tih thu chu a thawn ta a.
An pahnih chuan, za tak a nuichungin, Kati car nalhtak leh changkang zet ah chuan, an ṭhulut dun ta a.
In ka thleng chu, ka inthlak sawk sawk a, zanriah tur chu ka siam sawk sawk a, chumi pah chuan, lehkha ka zir nghal bawk a, ka lehkha zirlai chu, ka rilru ah a awm thei tak tak lo.
A chhan chu ,party na a sawmtu tur ṭhian te pawh ka hmuve ngai tlat lo.
Ka thawmnaw chu a ṭhingthei em em a, kei mah ah hian fashion hmuh tur a awm ngai lo tlat a ni.
School ah pawh midang te angin, thawmhnaw manto tak tak, designer kawr pawh ka ha ve ngailo.
Tunah chuan, tleirawl ka ni chho ve tawh a.ka nu hian min veng reng thei bîk tawh lovang.
Chulovah, ka nu a vang a pure Emily nih reng mai pawh hi ka kham ve tak zet tawh.
Ka rualpui party chu eng ang chiah nge a nih tih chu, tem ve chhin ka châk ta tlat mai a.
Ka pawisa khawlsa chu ka en a, dolar sawmsarih panga chiah a ni e.naktuk a ka thawmhnaw leina tur chu a daih dawn hi.
Kanu hi ka hrilh chhin ang, kal a lo phal mial takin.
Kum chanve chhung ngawt mai, he kan school ah hian ṭhian nei lovin leh khawiah mah lengchhuak ngai lovin ka lo kal tawh a ni.
A tukah chuan ,shool chu a ngai te bawkin, kan kal leh ta a,
Kat chuan, min lo hmuh veleh chuan
"Emily party naah chuan sawm bîk i nih kha aw,
"Raven pawh ka hrilh tawh a, "lo kal ngei ngei rawhse a ti che a nia.
Ka lo nuih let var var a, "awle ka lo tum dawn nia tiin ka chhang a,
Ka hnunglam ah chuan, min nuihzat tih reng ka hrelo.
Kan School chu hrehawm titakin, ka hmang liam veleh ta hram a, Kat hian tunlai hi min beṭha lutuk! enge maw chu a awm chiang ang.
Heng a vang te hian, ṭhian a tan ka duh phah chuang lo.
Tlaiah chuan, kanu chu a lo hawng a,a bulah chuan, va ṭhu ve in!
"Nu ka ṭhiante party naah ka kal ve thei a ngem ?
Ka nu chuan, phawk hra mai hian min lo en a.
A nilah tak a, thingtlang a ṭanga, kan rawn pem luh hnu hian, lénchhuah hi kanu hnenah ,ka vawikhat sawi chhuahna tur a ni.
"Emily tunge party chu nei dawn reng reng a?
Raven an a ma flat ah a nei dawn an ti.
"Emily Raven chu i hriat kha, helai hmun a virgin suat tu an tih luai luai, mihausa fapa awmṭha duhlo zet kha a ni lawm ni?
"A mah tak chuan min sawm lova," Kat zawk in a nia.
"Kat pawh chu ka lo hriat dan chuan, Raven ang tho a mihausa fanu awmṭha duhlo bawk.
"Emily i kal thei lovang.
"Ka nu vawikhat va kal ve mai mai chu ,enge a pawina awm?" Chu lovah tleirawl ka nih ve tawh hi.
"Emily min tilui suh, "ka theihang tawkin, venhim che hi ka hna a ni.
"Ka kal ve dawn em tih min zawt a, ka chhân na che chu 'aih' tih hi a ni.
A ti ta hmiah a.
Thinrim tak chuan ,ka room lam chu ka pansan ta a.
Lehkha zir ka tum a, mahse ka rilru ah a lut thlawt lo.
Rei vaklo hnuah chuan, ka nu chu rawn lutin"Emily naktuk a mi turin, bawnghnute ka lei theihnghilh daih mai a, "min va leisak lawk mai ta che? a rawn ti a.
"Keichuan la thinrim hle chung chuan, a ṭha a lawm ka lo ti hmak a.
Idea ka neita ka bawnghnute lei pah chuan, ka va lang ve lawk ang tih pah chuan kanu pawisa min pek chu ka la a.
Kanu chhuah leh hnu chuan ka pawisa khawl pawh chu kala chhuak ve ta nghal a.
Pawn ka va chhuah chuan, kan veng hnaitak nepnawi an zawrhna dawr chu pan lovin, thawmhnaw dawr lamah chuan ka kal ta zawk a.