CHAPTER 9
“U John a ngailo" Christmas thilpek tur ka chhûngte ho lei a tum phet chu ka hnial ve ṭâng ṭâng nangin a la lui zêl thoa, “An hak tâwk tur lo sawi la, chuti lo chu kan lei sual ṭeuh dawn ania" a tihchuan ka thaw hak mai, a luhlul bawk nen ka ti lui thei dâwn lo tih hria in ka naute hak tâwk tur chu ka kawka, a la nghal zung zung mai.
“I nu hak theih tur lo sawi la," a rawn tihleh chuan melh zauhin “Ka hâk ang chu a ha thei vek" ka tih avang chuan nui sukin thawmhnaw lum lam chu a en leh dun duna “Nupa em ni in nih? Couple te tan discount kan kal pui meka, in thil lâk ho kha a man zat ve chiah in pe ang" a rawn tihchuan u John-a nen chuan kan in melh chata.
“Nang ni phei chu in inhmeh bawk sia, in naute hak tur kha kan lo present ang cheu" an tihchuan kan nui ringawta, “In va ti lawmawm dawn ve aw, rawn dawr ziah chi in nih hi" u John-a chuan tiin thawmhnaw man chu an in pe zuia, kan chhuah leh lai chuan ka kutah rawn kaiin a kut lehlamin kan thawmhnaw lei ho chu a khai bâwr lûk mai.
Puipuii chu pawmin ka chhaih pah paha, a nipawh a hlim ve hle. A au chûl reng mai.
U John-a nen kan nih hnu hian u Cindy-i pawhin ala rawn be fo a; mahsela u John-a erawh chuan pawm leh a tum lo tih a lo hrilh thung. Ani pawh a ngaihzâwngpa nupui nen an buai hle an tihchu ka hria a, engmah erawh u John-a bulah tak ngial pawh ka sawi ngailo, sawi tur pawhin mifel famkim ka ni bik miau lova.
“I pheikhawk tur en ila" a rawn tihleh chuan rang zet hian “Keimah in ka pawisa in ka lei tawh ang, hlawh neiin ka awma nang ringawtin i tum chuan a ṭha lo" ka tihchuan a duh loh hmel hle “Ka bialnu i nih hi, ka lei ang che ka tihchuan ka lei dâwn, bialnute mahniin thil lei tîr ka duh lo" a tihchuan ka ner nanga.
“Keimahin ka duh alâwm, i inah hlawh neiin ka awma, nangmah leh zêlin ka thawmhnaw i lei ka duhlo, miin mak min ti lutuk palh ang. Gold digger te min ti ve ang tih te hi ka hlau a sin, bâkah hlawh ka neia nang i inseng hnem dâwn lutuk ka duhlo" ka tihchuan a thaw haka, ka lamah rawn kun hnaiin ka hmui bul chêt ah chuan a rawn awm hnaia.
Ka thaw ham ham mai, “Ka duh a lawm, hna ka la thawk theia, ka thawk chhuak zel bawk ang. Bakah ka nupui i nih hunah phei chuan ka tân i thawk tawh dâwn a, engkim hi i ta tur vek a la ni tho a lawm" tiin ka hmaiah chuan a rawn chula, ka chil ka lem khalh mai.
A hmêl ṭha lutuk chu enin ka nuih saka, “Ka duh chuang lo" ka tihchuan ka chalah a rawn pen nghal fawk mai, tuai nghal vat vatin Puipuii chu ka pawm ṭha a “Hmelchhe pa, a na lutuk" tiin ka melh chho rawm rawma, min lo nuih vur vur ringawt. Ngeiawm thei lutuk, “Kal ang, i duh leh va en rawh, Puipuii nen chuan motor-ah hian kan lo awm ang" tiin a car chu hawngin ka ṭhu lût hmaka.
Pheikhawk dawr lamah chuan min thlêm pawh tum lo in a lût zui nal nal lehnghâl John Zohlimpuia hi chu aw, mahni thu duh si, mahni duh dân a kal reng tum mai. A rawn lêt leh lai chuan ka lo en duh miah lova, amah pawh chuan min be bik mai lo, a thil lei ho chu car hnung lamah chuan dahin driver seat-ah chuan a rawn ṭhu zuia.
En lo leh belo chuan Puipuii mutchhuak mit chhing diar diar chu ka zai sak rat rata, chumi chhûng chuan car chu tinungin muangchangin a tlân chhuaka “Ila thinrim em ni?" rawn tiin a car steering chu hnehsawh zet hian a ti vira, hmalam chu uluk zetin a en bawk, a sam a tih phîr sâng leh a sun-glass dum vuah chuan a ti lang pa zual.
“Thinrim lo, Puipuii a mutthilh dâwn hi lo bengchheng tawh suh" tiin Puipuii chu ka ena, mitchhing chung chuan a la phun niah niah zuia, ka nuihsak mai, ava han duhawm tak êm.
“Thinchhe ve thei bawk sia, in kan thlen hunah hremna ka pe ngei ang che" a tihchuan ka chhâng tawhlo, a duh ang hian ka awm tîr miah lovang, hremna pek ve hlak angai dâwn anih hi, a thinrim leh ang chu. In kan thlen chuan a car park fel chhungin in lam panin ka hawng zuia, Puipuii chu pawmzelin ka room-ah luhpui chuan kawngka ka kalh zuia.
Khumah chuan mutthlak puiin Zohlimpuia thâwm chu ka ngaithla paha, a rawn kal leh dâwn tih ka hriat avangin kawngka ka kalh avanga a thinrim leh dân tûr ngaihtuah ran chung chuan ka ṭhensaka, chutah a thawm chu awm ta ngeiin ka kawngkhar chu a rawn ri raka, a rum nghut ri ka hriat rual chuan ka nui hak mai.
“Lalrinfel kawngka hi rawn hawng rawh" a rawn ti thum chhar chhara, kei erawh ka mut ngai rengin ka mu thung. “Rawn hawng vat rawh ka tihchu" a rawn ti vin leh hluka “Teuhlo mai, tikhan nangmahin awm rawh, naute a muhil tih i hriat kha rawn bengchheng vak vak suh, mutkham lova a thawh chuan nangmahin i thlêm ang, kan mu dâwn nangpawh va mu rawh, nakinah rawng chu ka bâwl mai ang a la hma emai" tiin ka nui har hara.
Kawngka chu a rawn sawi leh nawk nawk mai, a va han ninawm tak. “Rawn hawng vat rawh, kan pathumin kan mu ang" a rawn ti bul hmuka. Ka hawng awm hlei lo emai, ka duhdana thil a ti ve duh lo kha rulh let phawt ka duh, mitchhing hmakin hla ngaithla chuan ka mutsan ta daiha.
A ni pawn a beidawng ta nge a reh zui ve ta mai bawka, dar 3 velah harhin Puipuii erawh a lo la mutui viau mai, darkar khat vel ka mut theih avâng erawh chuan ka zâng huaiin ka hria, room ka hawng chiah chu ka au tuar lo chauh a ni, kawngka zâwn chhuatah chuan u John-a chu a lo ṭhu rum ul mai.
Chutia ka chhuah tâkah chuan rawn tho chhuakin ka hmazawn ah chuan a rawn ding thim khupa, ka chil ka lem khawlh mai.
“Rawn hawng turin ka ti che a" tiin ka lamah chuan a rawn tawlh hnai zual sauhva, ka lo tawlh hnung dat dat chu min rawn hnaih ve zel bawk nen kawngkhârah chuan min nek bet ta chata, ka âng phiaua ka en chu rawn kun hniamin “Hremna ka pe ngei ang che" tiin ka hmuiah chuan deuh tak hian a rawn fawp ta ṭâwk a.
Ka lu zâwnah chuan a kut pakhata rawn innem khalhin a kut lehlam chuan ka kâwngah a rawn chelh zuia, min chawi kâng ta lawp chu a nghawngah ka kuah nghal chat bawk. “John" thâm chhala tiin ka chil lem khalh chuan a mitah tak chuan ka ena, a mitmeng thuk ruihin a min lo en leh avang chuan ka hriatna te chu an hla leh duk tawh ni maiin ka hria.
Ka lung phu chu a rang sauha, ka thawk rawn sa in ka taksa chu a khur dar dar bawk. “Ka mamawh che" tiin ka hmuiah bawk chuan a rawn fawp leha, keipawh chuan lo chhâng lêt ve in a tukkhumah chuan ṭhamin a kawngah ka inkherh bet bawk, chaw eina dawhkân lamah chuan min phei puiin min hlang zuia, ka kap kârah rawn inzepin a kut lian leh hrawl hrup mai chuan ka hnute chu a hrawm bawrh bawrh bawk nen na ka ti deuh chu ka ner sak sak mai.
Ka nghâwng velah fawp leh dan danin a kut hleizet chuan ka taksa vêl chu a khawih kuala, ka lo thaw ham ham mai, thildang ngaihtuah ka tum ngial pawhin a har ṭalh tawh mai. A ni pawh a pangngai tawh bik lo tih a kekawr kap rawn puar ul aṭang chuan a hriat chian theih viau mai, min rawn en leh rual chuan ka dang ro lutuk chuan chil lem khalhin ka hmui chu ka liak zuia.
“Ka ta chiah i nih hi" tiin ka lamah rawn a rawn kûn hniama, ka darah chuan a chal rawn nghatin a thaw ham hama, a taksa lian tak chu kuahin ka thaw ve dep dep bawk. A tâwp tak tak kan thleng ngai lova, hetiang lamah chuan ka fak lo theilo, duh nise min khawih chhe thei tawh ngei ang. Mahse min nawr lui ngailova, amah zâwk insum hmasa a a ṭan zawk châng lah a tam.
Bialpa ka la nei ngai lo nangin u John-a laka ka awmdan chu duhna satliah mai mai a ni bik lo tih ka hrechiang viau, atâna ka inhuam thui zia lah ka hailo, mahse tun thleng hian ka la insum thei zela, amah ka fakna a ni pakhat. Min mamawh lo a ni hauhlo, nupui nei tawh a niin insum theilo lutuk tûr ah ka lo ngai ṭhina; mahse, a lo ni hauh lo. A hunah chuan a insum thei zel mai, hei vang te pawh hi a nimahna ka hlat theih tak tak loh ni.
“Awm sawn tawh la, rawngbawl a hun tawh teh a nia" ka tihchuan muangchang hian a awm sawn riai riaia “Insum hi a har ṭhin, inneih thuai thuai a ngai tawh a ni" a tihchuan ka nuih hak mai. “Kumkhat êm pawh ala nih loh hi, bâkah ka nei kher duh dâwn che em ni?" tiin ka nuih hak a, a ni erawh a thu tak leh tawh viau.
“Min nei duh lo a nihchuan min neih theih dan ka zawng mai ang, le i rawng chu bâwl vat rawh. Chuti lo chu ka insum thei tawh kher lo mai thei a nia" a tih tâkah chuan rang taka awm sawnin chaw chhûm tur chu ka siam zui mawlh mawlha, kan ei a tam lo bawk nen cooker tê in ka chhum tawpa, chu pawh ei zawh loh châng kan ngah mai.
Chaw vil pah chuan Bawkbawn vel chu chan mawlh mawlhin chingit nen chhum pawlh tur chuan ka siama, u John-a hian a ngaina bawk nên ka chhum deuh ziah zêl, kei hi chuan eng pawh hi thlai hring lam a nihchuan ka ei thei hrim hrima.
Antui ka chhum leh lai chuan Puipuii chu a rawn ṭapa, u John-a chuan a va hruai nghal vat bawk, a ni pawh a pa a va lan takah chuan bang nghalin ka awmna lamah an rawn inpawm pheia, “I nu hi rawngbawl pui ang aw" a tihchuan hauh pawh ka tum tawh lêm lo, Puipuii pawh hian a nu ah min ngai tawh tih ka hria a, ka tan lo hauh vak kha naupang mai a ni bawk nen ka duh ta lo kha a nia.
“A nihchuan chawhmeh kan tur lo buaipui ula, alu kha lo chan rawh u" tiin u John-a chu chemtê leh alu dahna chu ka kawh hmuha, a kal ve mai bawk. Puipuii erawh kan bul chhuatah chuan ṭhu in a tea set chu a khalh ve mial miala, a fel ve na chu a dam lo te a nihloh chuan buai lai hian min lo tibuai ngai hauh lo, a mut a chhuah erawh hi chuan ka paw pah mai zel thung.
U John-a pawh chuan alu chu a vel ve mual muala, a la vel chhah em em lehnghâl. A lian ṭha pawh a vel tê rawih zêl, engmah sawi duh lêm lo chuan ka en zauh zauha, chutia patling rawngbawla a han che vel chu a hmuhnawm ve riau mai.
Hmanlai aṭangin mipa te hi ei rawngbawl lamah hian tel kan tum hauhloa, tûnah erawh mipa te pawhin hmeichhe dinhmun hria in in puih tawnna châng kan hre ve zêl tawh hi a lawmawm ka ti, awm awl lo tum tawp hmeichhia in an fate leh inchhûng chet, ram hnathawh nen zawng zawng an kawp ṭhina. Hmanlai khan hmeichhiate hi an lo hah ṭhin ngawtin ka ring.
A chan zawh chuan laksakin ka thirbel chhuanah chuan ka thlak zuia, a ni pawh ka bulah lo dingin ka chetdan chu a en reng bawk. Christmas a hnai tawh bawk nen an hnalam pawh chawlh an in pe ṭana, ani erawh Manager a nihna ah a duhthawh ṭhin viau thung. Mipui kan tam tawh a, bank dawr kan tam ṭhin nen a chau ve rawih zelin ka ring a ni. Thawktu tam tak awm ve tho mahse nitin an buai em em zêl tho sia.
“Naktip lamah chuan in khaw lam pawh pan kan tum tawh ang chu. I nu makpa duh zawngte min hrilh sa la, ka lo inzir sa te pawh a ngai ang" a tihchuan runluih leh hlak ka chak leh tlat pek.
“Taima, Sawrkar hna emaw kuthnathawh emaw thiam ve ve, min hmangaih thei tur a duh bera, an rethei emaw an hausa emaw, tin pathlawi a duh miah lo bawk" ka thusawi tâwp lam avâng chuan a tum nghal hmuka, ka nuih hak thung, a lungawilo hmêl hmuh hian a duhawm ka ti tlat peka, ka enge dik lo pawh ka hre bik lo.
“Ngeiawm lutuk, a ti kher lovang, ka inzir vek thei, kuthnathawh pawh ka thiam ve awm emai" a tihchuan ka nuih saka “Kan la hria ang chu" tiin chawhmeh chu ka chawk mawlh mawlha, a ni pawhin Puipuii chu infiam puiin an pafa chuan an in lâwm leh durh durh tawh mai.
An hmuhnawm ka ti ṭhin, fate ngaihsak miah lo mipa, hmangaih ve viau si a fate chhawnchhaih thiam lo hi an awm ve nuka, a ṭhen erawh hi chuan an peih loh vâng hrim hrim a ni ve bawk. U John-a erawhin hunawl a neih phawt chuan Puipuii hi a ngaihsak ṭhin viaua, an pafa pawh an in pawh sâwt khawp mai, Puipuii lahin a pa a hmuh loh deuh chuan a lam ve ngei ngei bawka.
Rawngbawl ka zawh tâkah chuan chaw ei zuiin zanlam erawh movie kan en ho a, theitui kan lei nen chuan hmehin kan pathum chuan sofa ah kan ṭhu ṭhapa, kei erawh men rei ka theilo ṭhin bawk nen ka muthlu leh lap lap tawh mai, u John-a dar chu nghengin ka mit ka chhinga, ka meng lui thei ngang lo, inkhel a en vang te pawh chu a niang, football lam hi chu ka tui ve thei hlawl lo thung.
Ka taksa kâng deuh chu hre mah ila ka meng thei tawhlo “Mut duh lutuk, Bawihte ânu hi khumah ka mut anga khatah khân thuawih deuhin lo awm rawh aw" ti a Puipuii a biakna ri chu mang hriat ruai ruaiin ka nuihsaka, engmah ka hre zui tawh lem lo.
DUH ANGIN KA REGU THEI LO VA, MIN HRETHIAM DAWN NIA, BUAI ANA LEH ZUALA, INDAIH A HAR A NI E
