CHAPTER 12
“Awi u en teh thawnthu ziah ve ka tum kha ka ṭhulh leh" ka nau chu enin ka mit chu ka san aka, “Ih ka ziah hma aṭangin ṭhenkhat in an ziaktute an tih dân ka hmuh hian ka ziah phûrna a bo vek, ṭha deuha hrilh leh tih awm lo in mi pakhatin an writer sawi chhia se an in pun khawm emaw tih turin an rêl nghal par para, a ziaktu kum naupang lam tân phei chuan chawlhsan daihna tham khawpin ṭha deuha va comment ai chuan fiamthu ngeiawm tak takin mi sawiselna comment ah chumi chuan chuti chuan a ziak, an ziak hmelṭha thei si, an ziak changkang em em ringawt tihte a ni nuka, ka ziak peih leh silo, min sawichhe ve vak ang tih ka hlau" tiin a châwl data.
Keiin a thusawi chu ka lo ngaithla ve reng thung, a sawina group ah hian thawnthu ka chhiar ṭhin avangin a sawi ṭhenkhat hi chu ka hre ve chiang viau mai, “A ṭhen te phei chuan a ziak tu ṭha deuha hrilh lo in pakhatin ziaktu ho sawiselna rawn post se an ṭim rawn luai luaia,ka huphurh zo vek an ṭawngkam ana si, ziaktu fuihphura an tih diklohna lai ṭha deuha hrilh aiin nuihzatnan mi hmuh theih in an post a, thawnthu a nihna angin a tak ang vek tura beisei loh tur tih an hre lo nge, a lem chuti khati a awihawm loh an han tia, , mi rilru a ziaktu rilru ngaihtuah lek lo in tuarchhel lutuk turah ngaiin an sawiselin an sawichhia, nuihzatburah an hmang a ni ringawt, Mizo ṭawng chu inzir ngai reng a nia, hetianga mawihnai taka inhrilh awm lo a fiamthuin an runluih zêl chuan ka tan pawh a ṭha vak angem aw?" a tihchuan ka pawmpui viau.
HUAT TURIN KA ZIAK LO A, RILRU ZAU TAK PU CHUNGIN NAUPANG ZÂWK TEN AN RILRU NATNA MIN HRILH ṬHIN AṬANGA ZIAK KA NIA, IN PUI TAWN ṬHEUH ZAWK ANG AW
Naupang te te an awm ve a, nutling patling tena duhtawk maia an han sawisel leh rêl hi chu a ṭha chiah lo, fuih phura, hmasawn thei tura hrilh ai chuan an chhiar lêm loh thawnthu pawh an phun khum hrep hrepa, chutah an duhtawka an sawichhiat sak hnuah a writer in sawi ve se an writer duhzawng an sawi khum fak faka, dawhtheilo, ziaktu chu a dawhthei tur ani an ti thla seka, an thawnthu an chhiar sak duhlo thul, chutah an ṭhiante hnenah an sual zia leh duhsak tlak an nih loh thu in an han sawi darh sak leha.
Mizo te pawh hi kan mak ka ti ṭhin, mi fak ai chuan an tlinlohna lai leh an chêt chhiatna hlir kan in sawisiaka, keimah niin dawng lêt dâwn ila kan duh miah loh ṭawngkam chhia zawng zawng kha mi kan sawi khuma, min rawn chhan lêt lahin a ti hmasa tu kan nih hre lo lêkin kan ṭhiante kan puna, kan chil rawn hrep mai ṭhina, mite hi dawhthei reng leh rilru na ve theilo tûrah dah loh tur, keimah ni ang bawka mihring ve tho an nihna hi hriat ve angai hle bawk.
“Ee...chuti tur a ni hleinem han post ve phawt la, sawisel tu tam tak kârah hian faktu pawh kan nei ve zel ania, chu chu mihring zia a ni. A ṭhenin an sawisel ang che anga, a ṭhenin i thawnthu chu an ngaina em em ang, mihring kan in ang lo an tih fo kha, ṭhenkhat mi faka fuih phur thiam em em an awm laiin, ṭhenkhat erawh chuan sawisêl nuam an ti em em thunga, an dawn let duh loh ṭawngkam kha an hmang fo a, an rilru a ṭha ngailo, khatiang kha sawisel lêt ila an nasa duh phian ania. Chuvangin ngawi renga enliam tawp a ṭha, khâng te avang khan hnual reng reng loh tur, an famkim bik lo tih hria la, an theih loh tur titu kha an thik ṭhin alawm, engah mah hma a beidawn nghâl mai tum loh tur, u John-a nen kan lo pui dâwn che a nia" ka tihchuan a bu nghat nghata.
A sawi chu a dikna lai chen a awm, tûnlai ah chuan tupawh hi kan fimkhur angai, chutih rual erawh in hengte hi nu leh pa mawhphurhna a ni ve tlat. A sawisêl tute ngei pawh kha an fate enge an nih, ṭawng an thiam reng em? Chûng te chu in en lêt ve a ṭha, mi fate an nih avanga duhtâwk a han tih rawn vak vak ṭhin hi thawnthu chauh loah pawh a tam mai.
English kan uar lutuk vang hi a ni pakhat, tun ang lai ṭhalai ah hian Mizo ṭawng ziak dik theilo an tam tawh lutuk tlat, kan fate lehkhathiam tîr kan duh veka, mahse mahni hnam ṭawng chhiar leh a ziah thlengin thiam tîr kan tum tawh chiah lo niin a ngaih theih, English kan hmang uar lutuka chu chuan kan fate nun thleng a nghawnga, English thiamlo nih kan zak tawh a, chuvang chu niberin ka hria. A enga mah hma a ṭha deuha sawi pawh awm lova kan han insawisel vak vak ṭhin hian eng rah ṭha mah a chhuahlo chiang khawp mai.
“Ziak rawh, post kual la, tin, miin thu ṭha an hrilh che kha haw mai lovin inzirnan hmang ang che, khatiang a sawisêl tu tam tak kha chu an duhsak vang zâwk te ania, hmanniah pawh an sawi kha, an ziah dik loh lai leh an ṭawngkam hman dik loh lai an hrilh in thenkhat in an zâwm duh lova, kha pawh kha an sawisel chhan a ni ang. Mi pakhat tih dik loh hi mi tam takin an tuar tel ṭhin tih hriat tur, tin, mite sawi avang ringawt in mahni nun tihchhiat hi duh hauh loh tur. Kan hmasâwnna tur leh kan hlawhtlinna tur hi midangte thusawi mai avanga kan bânsan a nihchuan hlawhtling tlak kan nilo" tiin a luah chuan ka chulsak heuh heuha.
“Kan damchhung chuan mite min sawidan leh rel dan hian kan nun a hruai chho zêl dâwn, sawiselna hi tumruh nan leh tawrhchhel nan hmang la, fakna tam tak erawh hi chu min ngaihsan vang leh min duhsak tak tak vâng a ni kher lo tih pawh hre tel rawh, a lema min duhsaktu hi an awm thei lutuk ania, a lang apaua min zilhtu te hi kan ṭhatna duh tak tak tu an ni ve fo va, chu chu hriat reng tur, fakna hi min thlêm tu, sawichhiatna erawh kan ṭhian an tih fo kha, hlawhtlin tumin bei ṭang ṭang zawk rawh, i hlawhtlin hma chu engmah kha in dâl tîr tum suh ang che" tiin ka fuih sauh sauha.
Chutia kan lo inkawm lai chuan u John-a pawh a rawn lang hlawl mai “Ka nupui duhtak" a rawn tihchuan ka lo nuih saka, naktuk ani anga a nupui tak tak ka ni tawh dâwn chu a nimai sia, ka zâm ve takzet. Kei ngei pawhin u Cindy chhûngte lam aṭangin sawiselna leh relna ka tâwk nasa, mahse chung chu in hneh tîr ka tumlo, ka hlimna hi midangte thusawi avanga tlanbosan ka tum hauh lo.
“I nalh lutuk" ka mithmul lem vuah chuan ka mitmeng a tilian bawk nên ka inhmeh phian mai, keipawhin mak ka inti, mite chu an inchei hmelchhe veka, hmelṭha sa pawh an chei hmelchhe zela, kei erawh min chei hmelṭha ka in ti thung, hmelah chhuan tur ka neilo ropui sia.
“U John thawnthu ziah ve ka tuma, min pui ve rawh aw. Nang chu hmelhriat i ngah dâwn a" ka nau chuan a lo ti zat zata, u John-a chuan nui sukin a lu ah chuan a chûl saka, ka chhûngte hi a chhûngte ang tak taka a en ṭhinna hian amah min duh zual tîr ṭhin.
“Tehreng mai, i tui zâwng anihchuan ka pui em em ang che, ka ṭhianpa thawnthu chhiar ṭhin a awma, a channel pawh a lar viau kha maw kam be dâwn ania, chutih rual erawh in i thawnthu ziah kha ziak liam mai lovin mite entawn theih tur,in zir theihna tur khawpa ṭha thu ngaihtuah chhuak ang che. Love story i ziak dâwn emaw, Pasalṭha leh detective lam pawh nise, a thawnthu piah lam maiah miten thu ṭha leh zawm mai theih an hman theihna tur khawpin ziak la, chu chuan nangmah ngei pawh kha a hruai puitling ang che" tiin a hrilh ve dap dapa.
A sawi chu dik ka ti viau, hmangaihna thawnthu an ziak a nih pawhin an in ngaihzawnna thawnthu piahlamah thu ṭha tam tak a ziah theiha, a ṭhenin ning viau mahse ṭhenkhat tân erawh fuihtu ṭha tak a ni lawi si, kan hunawla kan ngaihthlak fo anih avang hian a pawimawh ka ti ve tlat.
“Aw le, ka phur tawh lutuk, ni e sawisêlna ka tâwk anih pawhin sawisêlna ṭha chu inzir nân ka hmang anga, sawichhiatna erawh ka en kan zêl ang, ka lawm e" tiin phur zetin a tlanchhuak zuia, kan en zui vang vang ringawt.
“Eng tak ang ang maw?" ti sapin u Johna dârah chuan ka beia, ka bianga rawn chul zauhin “A la hlawhtling viau mai thei a sin, an phur zâwng hi chu ti zel sela a ṭha, an mahni an puitlinna kawngah pawh a ṭha alawm, chhûngte thawhchhuah ring mai lova an mahni an intum theih phei chuan eng hna mah hi zahthlâk a awm lo, a la hlawhtling ngei ngei ang" tiin a sawi sup supa.
“Naktuk ah chuan dân ang ngeiin ka nupui i ni tawh anga, thleng zung zung se ka ti hle mai" tiin ka biangah chuan a piai zauha “Kan innei anga i danglam daih ang tih te hi ka hlau, keichuan engmah pêk tûr che ka nei silo" tiin ka en chho ha a, lu thing nur nurin “I mi hmangaihna leh ka fanu i hmangaihna tur bak ka beiseilo, a dang chu i tih angailo, keimahin engkim pêk che ka tum thung ang" tiin a âwmah chuan min kuah beta, ka thaw chhuak suai suai mai.
A ṭawngkam chhuak reng reng hian min hneh ṭhin. A thusawi a nghet charha, thu a tiamin a sawi liam mai mai ngailo, a takin a ti ngei ngei ṭhin bawk; dâwt min hrilh awm ka la hre hek lo.
“U Cindy vua leh vâng te ho ka ngaihtuaha, tûnah min lawmpui anga lang tam tak pawh hian min ring chhe ve viau thei a, ka hlauthâwng deuh ṭhin. Mahse chân che ka phal chuang silo, hmeichhe sual tak ka nih hi" tisepin ka thaw chhuak ham hama “Ka sawi tawh kha engmah thiamlohna i neilo, inṭhen hnuah chuan ngaihzâwng chu tupawhin an nei thiang a lawm, keinilo pawh an tam lutuk" tiin a ngawi data.
“A pawi love lenrualte'n min sel se, kan khawvêl ah kei Lal, nang ka Lalnu, thangvan sangah khian ziah ka nuam, khawvêl chhiar atân i sakhming mawi hluan..Zantiang a lo hera, chhawrthla arkai pâr tlanin, lengi leh valrualte kan lêng e, chu ai a mawi zawk chu i chhingmitah hmangaihna pâr ka hmu asin aw Lalrinfel" tihchu a rawn zai khauha, a Biak in zai nilo ka hriat awmchhun a ni.
JOHN
Chu hla kher kher chu a sathiam em em lehnghâl, nui seihin “I va ho tak, mahse Taitea nen in aw a in ang tak tak, mahse a ni chu zaithiam ania, a zaithiam lutuk hi ka tuiral lo chauh" ka tihchuan a rawn nui huka “Chu keiai a hmelṭha zâwk tihna em ni?" a rawn tihchuan ka nui haka.
“Aaa...ih a zaithiamna leh a nungchang hian a ti hmelṭha alawm; mahse nangmah ka duh zawk che. Ka tân chuan John Lalsangliana i ni thung anga" ka tih rual chuan ka zakah min dêk vaka, ka nui nghal uar uar mai.
“A lar sia ani chu ka chang chuang lo, nangmah ka duh che a, ka chang thung dâwn che alâwm" tiin ka nuih sen sena, “Hmmm nangpawh hi i lerh, nitin an chanchin an in post siaka, hmeichhe ho tak hi chu, in mit hian hmelṭha tih pawh hi a ngah sêng lutuk" a tihchuan ka nui chhuak vak vaka, a ti dik ve tho. Hmeichhia te hian duh kan neih fuh tawh chuan a vawrh lar lamah mipa te ai hian kan ṭangkai fe hian ka hria, tûn ṭum kan icon te ho aṭang pawh hian a chiang viau mai.
Mipa ho lah hian mi sawiselna tur ngawt an lo zawnga, “Mizo mipa hi in thikthu a chhe êm alâwm, hnamdang mipa kan duh leh in sawisela, Mizo mipa kan tam lutuk in tia, tûnah Rsa leh Taitea te, Mawimawia te ho an han vawrh larin an han duh em em a, mipa bawkin in sawisel leha, in hmeichhiate hi kan lu in ti hai zo dâwn a lawm, hnamdang duh phal silo, in Mizo mipa pui kan duh lahin in thik tho bawk si, insiam ṭhat in ngai" ka tihchuan a ner nasa mai.
“Ka tel ve kher lo, keimah min duh rawh ka timai ania" a tihchuan ka nuih leh var vara “Taitea chu zaithiam ka tia, ka ngaisang bawka. Nang chu ka hmangaih chea, ka pasal tur i ni bawka. Thik tûr i neilo, a ni chu ka lung ti leng khawp a zaithiam, nang chu ka lungphu tirang thei khawpa ka duh lai i nia" tiin a biangah chuan ka fawhsaka, a lâwm hmêl vur vur viau lehnghâl.
“Ka nupui i nih hunah chuan mipa dang sawi phal i nilo, ka ta chiah i ni anga, keipawh i ta chiah ka ni bawk ang" a tihchuan ka nui haka “Tehreng mai, a nihchuan thutiam bawhpelh hmasa zâwk zâwk chu hremna a nêp hauh lo ang" tiin ka kut chu ka tipir va a, a rawn tiam ve mai bawk.
“Chhuak tawh ang, ka nu in min lo zawng leh tawh in ka ring" tiin pâwnlam chu kan pana, kumthar zawh hnu lawkah Aizawl lamah kan chhûng in min hruai thla vek kha a nia, inneih a duh rang lutuk lah chu a ṭhiante ho in fiam nân tak an hmanga, a vawikhatna atân a ṭhiante ho pawh ka hmu ve a, thil ti thei tak tak officer an ni deuh ṭhum mai, an zahawm khep khup hlawm viau lehnghâl.
Mahsela, an fela, kawm an nuam bawk. Kei ngei pawh an bulah chuan ka tlangnel nghal viaua, nupui neilo an la awm ve nuk bawk. An bula awm a nuama, fiamthu an duh bawk nen u John-an an ni ang ṭhian a nei chu ka lawm pui viau bawk. Puitling rual tih takah thusawi dân pawh an thiam viau mai, kei ngei pawh an ṭhianpa nupui tur ka nihna angin mi ngainep ang emaw pawhin an awm hek lo.
“Ninawm, naktuk aṭang chuan an ko an ko tawh lovang che" tinghutin pâwnlamah chuan min chhuahpui zuia, nui hak hakin ka zui ve mai bawk.
A tûk chu rawn inher in Biak inah chuan kan ṭhu fara, ka zâm lutuk chu ka thaw leh halh ṭhin, mi sâwm tam ka duh vak lo nân Biak in chu kan khat tho mai. Rinai an rawn ngai pawimawh hle tih a hriat, u John-a duhdan ni miau hek.
Pastor in inneih thutiam min chham tîr lai te chuan ka khur dar dara, ṭhianah ka nau ka hmanga, u John-a erawhin Rema a hmang thung, an lian dûn viau mai. Rema hi college-ah zirtirtu niin a thawka, a fel pawh a fel viau mai. Nupui a la neilova, a nelawm hle bawk.
Inneih thutiam zawha zungbun kan inbun tîr lai te chuan ka mumang emaw ka la ti rum rum mai, “Ka awm hi, zâm hauh suh" ka bengbulah chuan u John-a chuan a rawn tisupa, ka bu nghat ringawt.
Pâwnah chhuakin thla kan la ho a, Rema chuan ka nau Lily-i chu fiam zauh zauhin an pahnih chuan thla te an la duna, Lily-i che lai kual lutuk chuan nuih a tiza lek lek, u John-an helama awm turin a ti bawk nen ka hnial viau nangin a awm dawna, a ṭhianpa dawrah hlawh neiin hna a hmuhsak bawk nen ka hnial duh ta lem lo.
Ka nute pawh kan hnênah awm tir a tum viau a, chu erawh kei leh ka nu in kan hnial thei hram, a nu leh pa lakah pawh a inthlahrunawm lutuk dâwna ka hriat vang ani, heti chung hian pawisa a thawn ṭhin tur thu ala sawi zuia, a unaute ho a nu leh pa bula an la awm bakah hna nei vek an nih avangin a ngaihtuah lo te pawh a niang.
In lamah haw hlawmin Puipuii chu a pi leh pu bâkah ka naute ho in an awm bawk nen a tlei viau mai, ka pheikhawk sâng bunna avanga ka ke hmawr na ut ut chu ka kham takzet tawha, lawichalin min hruai hma chuan chapal ka bun ta tawpa, lawichal atâna kan hman lah mi uang lutuk chi a lo ni bawk nen kan nui leh hak ṭhin, u John-a min nghakhlel lutuk tawh lah a tum bur tawh mai.
A thil ngen ho an pek kim takah chuan lawi chu phalin u John-a chuan min rawn pawm nawlh inchhung lamah chuan min luhpuia, kutbengin an lo au dur dur bawk, ka nu hlim hmel chuan ka thla a timuang huai huai thung.
Mo lawmna vel buatsaih chu ka hlim pui phiana, u John-a ban vuan chung chuan ka nui har har mai, chutih lai chuan ka phone ah chuan message a rawn lût hlawla, enge tih hriat tuma ka en chuan ka thaw chhuak hak mai.
“Zaktheilo nu, min lo bum vêl amaw, ka pasal min chhuhin ilo nei vela, hre rawh in hlim rei hauh lovang, ka fanu pawh kha ka rawn hruai ngei ang, hmeichhe tenawm ila mualpho dâwn, mi pasal chhuhsaktu i nih kha" rawn titu chu u Cindy tih ka hailo, thaw ham hamin boruak chu ka hip kâwk a, inneihnaah a rawn lang lo kha ka lâwm ve hman nen a thusawi erawhin min tihlauthawng viau thung.
Keimah lam ai mahin Puipuii ka ngaihtuah, kum 5 an tlin hma hi chuan nu in an enkawl a, chumi hnuah chuan a duhthlanna a ni tawh dâwn thunga, u Cindy hian buaina a siam a nih vaih chuan kan tân chuan a buaithlâk ve viau ang tih ka hria.
“Eng nge i ngaihtuah?" ka bengbulah a rawn tihchuan harh chhuak zawkin ka ena “Engmah, ka chau e mut mai mai ka châk" ka tihchuan nui vur vurin “I mu hahchawl dâwn ania, mahse ka phal hunah chiah" tiin ka biangah chuan a rawn fâwp zauha, ka lo nui hak ringawt.
Ruai ṭheh lai chuan keini erawh thla te la in khawpui pâwn lamah kan kala, kan hlim viau. Ka nau leh Rema pawh an nui dûn bawk bawka, ka en reng. He mite pahnih hi an inkar a dang riau mai, Rema hi u John-a ai a naupang daiha, mahse an in kawmngeih em em tho, a naupan ang aiin a rilru a puitling riau bawk.
Hei vâng te pawh hi a nimahna u John-a pawhin ṭhianah a hman ni, ina kan haw hnuah chaw te chu ei ho in kan titi nak naka “Felfel i nau hi ka rawn rim ṭhin in phal em?" Reman a rawn tihchuan ka en dûn ha a, Lily lah a zak chu a thil ei lai hâkin a khuh kharh kharh mai.
“I thu thu a nimai, mahse len dan chin tâwk erawh i hriat angai ang" tiin ka lo fiam hlaka, a nui vur vur mai, an kum a inthlau deuh sia mak erawh ka ti viau mai.
Zânah chuan kan nupa room-ah chuan awm in ka inbual fai hnu chuan ka mutkawr pan lam a thar kan lei chu ka ha a, ka zâm ru leh phur deuh bawk si chu awmdân tur pawh ka hrelo,u John-a inbual zo rawn chhuak chuan min rawn melh nghal chata, a vawt bawk nen kei erawh rizai chuan ka lo intuam hlân thung.
“A vawt i ti em ni?" a tihchuan ka bu nghat nghata, nui sukin puan chu rawn hlimin min kuaha, “I in peih tawh em le?" a tihchuan chil lem khawlhin ka aw a, mahse ka huphurh ru hle thung.
Ka mutkawr hak ve chhun chu hlipin ka dar vêlah chuan a rawn fawp dan dana, chu chuan engtin emaw tak hian min ti danglam nghal, ka hmuiah chuan rawn fawp lehin a kut chuan ka taksa chu zei zet hian a chul kuala, keipawh ka awm mai mai thei biklo.
A taksa ruak kang khawvawh lai pawha lum ham ham chu chulin ka lamah ka kuah hnaia, ka mit ka chhing chial bawk. A ni pawh a duhthawh ta viau mai, khumah chuan min delh mu in ka mitah chuan a en vang vanga, “I mawi takzet, in sit hauh suh aw..." tisupin ka bra chu a hmet phelh a, a rawn fawp zui nghal zat bawk.
Er ngang ngangin a lu chu ka âwmah chuan ka kuai beta, ka thaw tawi hak hak bawk. Ka taksa vawt chu rawn lum chhuakin amah mamawh na hlir chuan ka khat tawh. Ka kekawrte chhûngah zen lutin a kut ṭang chuan min play kuala, ka rum chhuak nghal hak mai.
“Ka nupui ka ta bik liau liau i ni tawh" tisupin a underwear chu a hlip ve a, ka chil ka lem nghal khawlh mai, puan chu hlim vekin ka kapkarah chuan a inzepa, ka hmeichhiatna hnawng chhap a en chuan zam zet leh nghâkhlel ru si chuan lo emin a kut chu ka vuan bet ṭai bawk.
Chutah a thil khawng auh chu ka kap bawrah chuan nawr thuak thuakin ka hmuiah bawk chuan a rawn fawp leha, ka lo chhang let nghal vat bawk. “I in peih em?" a tihchuan bu nghatin amah chu ka kuah beta, chutah muangchanga a thil chu rawn ti lût zuiin a tirah chuan ana mai lo, mahse a lût thuk tual tuala, ana tawlh tawlh bawk. A hnungah chuan ṭhamin ka ṭhen chak chaka, a ni pawh a rum hawk mai.
“John..." phun chhuakin a hnung zangah chuan ka ham tawn tawn mai, ana lutuk chu ka mittui a tla lo theilo. Ka taksa chu a tawt nghal vekin ka hria, a vaia a tihluh phei chuan ka mit ka chhing sawka, a ni pawh a che mai bik lo, thawk la ham hamin a hnu feah chuan ka thu hmu in a che zuia, a nat em avâng chuan a tîrah chuan nuam tihna pakhat mah ka neilo; mahsela a rei telh telha, a na chu a zia ve zêl bawk.
A tâwpah chuan thlan hliam chung chuan ka taksa chu khur ngawt ngawtin ka zal ta hnaka, a nipawh a bang lo, ka chungah chuan zawi zeta rawn mu thla in min chul hauh hauha, thawk a la ham ham bawk. Tûnah chuan ka pasal ngei chuan ka thianghlimna chu la in a nupui ka nihzia a fiah ta ngei e.
Inthiamlohna ka nei heklo, a chhan chu ka pasal a ni tawh miau a “Hmeichhe ropui tak i ni, i thianghlimna keimah ngeiin ka la thei hi ka chhuang takzet che" a tihchuan mittui nen chuan ka nuih ver vera, kan pasalte ngeiin inneih zâna kan thianghlim tih an hriat tluka hlu dang hi a awm tam bik hauh lovang, hmeichhiate kan zahawmna a ni tlat bawk.
Hei hi kan hriat reng a ṭha, kan pasalte tân lo hi chuan kan hmangaih ngawih ngawih te lakah pawh nupa nih hma chu in phal lo ila. Kan pasal tur an ni ngei em tih kan hriat chian loh avângin nupa nih hma chuan a tu a te pawh hi in veng uluk ila inneih zânah inthiamlohna tur a awm miah lo bawk, mipa in min zahna pawh a ni chiang khawp mai.
“Ka hmangaih che John" tisapin kuah nghet sauh chung chuan ka mit ka chhing zui ta riai riaia.
REGU IN A SEI IN DUH TIH KA HRIA,MAHSE KA BUAI IN NITIN THING KA PHURA, ZÂN LAM LAH INKHAWM ZÂN A LO NIHCHUAN INKHAWM LOVA TYPE CHI A NI SILOA, CHAUH NEN KA MIT IN A TUAR ṬAN BAWK SIA, MIN LO DAWH HRAM HRAM ULA, REGU LO LUTUK CHU KA NILO IN KA HRIA
