Love me not BY Zuali Ralte (Completed)

[ngaia]

last chapter 32






SANGZUALA POV




Bawihi te nufa ka hmuh atangin karkhat lai chu a liam leh tawh . Zingtin an nufa chuan ka lam ziah thin a .A tirin Bawihi chuan a duh lo thei khawp mai .Mahse ka tilui zel a , tunah chuan ngaiah a nei deuh tawh in ka hria .




" Bawiha i va chauh hmel ve " ka thianpa Remruata'n a rawn tih chuan nui suk in " nge i rawn tih dawn a " ka lo ti hmuk thung . Lawyer ve si hi hman tak a ni , Mizoram hi chu hnamdang aiin kan zia deuh a , Remruata te pawh an awl thawng khawp mai.





" Thinchhe lutuk , hna i thawk rim a nih kha , hahdam tum ve teh " a rawn ti let ve daih a , ka nuih hak mai.Tun lai chu ka hah tak tak a ni zep lo chuan , Bawihi te nufa tih lawm loh hlau reng reng in hun ka hmang ti ila ka sawi sual lo ang.Zing ah an nufa thlah hman loh hlauin ka tho hma a , chhun ah Bawihtea school bang ka lam leh a ,ka dawr lamah ka lo buai ve nen , in thleng ka thlah hnuah dawrah ka buai leh char char a , zan ah lah Bawihi te in ah ka leng leh thin nen .In ka haw chuan ka bungrua lak na lamah buaina lo awm leh zeuh nen mut na hun ka nei meuh lo . A chauh thlak ve tak zet a ni .






" Zan in chu rawn kal ve ngei ngei rawh aw . Ka piangcham a nih kha , i lo theihnghilh a nge " a rawn ti leh nghal zat a " Ka hman lo ang " ka lo tih chuan a duh lo ngang mai .Kum 32 val tawh in piangcham lawm la tum chu ho ka ti ang reng viau ani .





" I rawn kal ngei ngei tur a ni ,ka rawn pawt chhuak tho ang che " a rawn tih leh chuan ka nuih chhuak hak mai . A thusawi vanga nui pawh ka ni chiah lo , ka ngaituah na chu hria se a duh lo ang chu .





" Ka lo tum dawn nia " ka tih takah chuan " Chhelo an tam ania " tih hram pah in min chhuah san a , lu thing mat mat in ka lo nuih mai .Bawihi te nufa lo chu hmeichhe dang hnaih tum na ka nei tawh miah lo .Min ngaidam thei lo a nih pawh hmeichhe dang hmang a in hnem ka tum chuang lo .Lo in nei leh lo pawh ni ila , ka damchhung in an nufa mamawh pe thei tur in ka hun pum hmang ka tum tawh .






Ka thil ngaihtuah avang chuan ka nui chhuak hak a .Ka fapa te khan min ngaina ve tawh tak zet a nih kha 'Daddy 'tia min koh phei kha chuan ka chhung ril hi sawi fiah thiam si loh hian a hlim veng veng .Thil sual tih leh ka duh lo , ka theih tawp chhuah in neih let ka tum anga , chuti chung pawh a , Bawihi rilru ka nei let thei lo a nih chuan pawm thiam ka zir mai tur a ni .Natna ka pek zozai ngaihtuah chuan hnaih ngam tur ka ni lo , mahse an tel loin khang kum zawng kha ka hmang ral tawh a .A hreawm zia hrechiang tu ka ni bawk a .A hlat a awm ka duh tawh lo em avangin mahni hmasial tak a la chelh tang tang ka ni reng bawk.





Remruata min zawm na avang in phur lo deuh in a resort lam pan chhuan ka in khalh chhuak a , Bawihi te nufa hmuh duh viau mah ila ,Remruata hi ka thian kawm ve ber a ni bawk nen tih lunghnur ka duh chiah lo .A hmun ka thlen chuan ka rin ai tak in min an lo tam phian Mizoram a awmna a la rei vak lo nen , hmel hriat a lo ngah tawh khawp mai.






" Bro i rawn kal pawh ka ring chiah lo a " nui vur vur chung a Remruata'n a rawn tih chuan za lo deuh hian ka lo nuih let sak a ." Lo kal rawh " tih pah in inchung lamah chuan a chho nghal daih a .mak ti ang reng tak chuan ka zui ve nghal mai .Chu lai hmunah lo awm te lah chu an thawmhnaw en mai pawh chuan mi awm thei tak tak tih hriat vek ani .Hmeichhe then khat phei chu tleirawl chhuak lek lek chauh hi an nia.Mizoram hian hnamdang tih dan copy a changkan na kan tih hi kan society hian a zo lo lek lek ni hian ka hre ve thin .






Room pakhat hma ah chuan a ding dat a ," lo rawh " a tih chuan ka lut ve mai a .Room chhung a lo awm ka hmuh chhuan Remruata chu rum zet hian ka melh nghal hrawk a " Engthil teh hrep nge i tih a " ka ti zui hrawk bawk " Sangzual " tih pah in Enkawli lah chuan min rawn kuah nghal chuk chuk a .





" In be lawk rawh u " tih pah in Remruata lah chuan min chhuahsan zui nghal daih leh nghal ." Hetiang awm suh " tih paha nem sawn mai ka tum chu min kuah nghet sauh sauh leh ta nghal a " Enkawli " ka ti deuh ngut .Tawngkam vin hman khum ka duh lo , beiseina pe tu ka nia miau a .




" Ka hmangaih che tih i hriat kha, khawngaih in tiang hian awm tawh suh . Nangpawn min duh ve kha " a rawn ti nawk nawk a , a tawng dan atang chuan a rui tawh tih a hriat theih hle " En teh Enkawl nang leh kei chu unau kan ni , chubakah ka nupui lo chu hmeichhia hnaih ka tum tawh lo " hrethiam ti zet in awka dam thlup chuan ka ti a .





TLUANGI POV




Bawihte ka thlah zo chu lawngawi lo deuh in ka haw nghal nal nal a .Sangzuala awmdan chuan ka thin a tirim tak zet , nimin zan a rawn lang loh mai bakah , zingah a mah kan nghah avangin kan tlai tep leh nghal a .Lo ring hman thawr thawt lo tur ka nih vei nen , amah ah rin na ka lo nghat leh hman nasa lutuk hi a pawi ber mai .






" Vawiin chu i nghak lo a " inchhung ka luh rual chuan ka nun a rawn ti nghal vat a " Imm lo nghah reng chu a ninawm ve a , ka lam leh mai ang " tih pah in a bulah chuan ka thu thla ve nghal a " Bawihi ipa Hruaia te an rawn kal a , min rawn bia a " min ngaichang taka a rawn tih chuan a sawi tur awm ang chu ka man thiam nghal thuai a " Let leh lam chu ka ngaihtuah lo ,Samgzuala hian a mizia a sim tak tak chuang lo ang.Chubakah ka lo tawrh na zawng zawng kha ka theih nghilh thei lo " ka ti nghal hmarh hmarh nimin leh vawiin vang khan a lakah ka lo thinrim sa tawh nen sa zual tak chu ka ni.






" Ka lo sawi ve tur awm in ka hre lo na a , pa neih loh hreawm zia chu nang aia hrechiang an awm lo ang , nang phei chu i pa'n i puitling hnuah tak meuh meuh a kalsan che a .Bawihtea'n pa a awh zia chu i hrethiam ang .I awm ang in i fapa hi awm ve se i duh em .A mipa zawk in ngaihdam dil a , tlawm a hreh loh laia hian lo hnawl reng ta la , chhungkaw tha tak din thei reng kha , i tawrh na chauh dah lian in i fapa hi i hrem reng thei dawn em mi?Thisen chu thisen nge nge an tih kha , pahrawn leh an pa dik tak hmangaih na a dan a dang teh a nia .I fapa hi thil hrethiam rual a nih hunah pa a neih loh chhanah hian nangmah a dem zawk mai lo ang che maw .Mipa phei chh thunun an har talh zel ania " Ka nu chuan a rawn ti dap dap a , ka lo ngawi reng thung.A thusawi kha dik lo a awm ka hre lo ,mahse Sangzuala hi ngaihdam mai harsa ka ti tlat a nih chu .






Bawihte school bang ka nghah lai pawn ka nu thusawi chuan ka rilru a luah tlat a , thu tlukna han siam mai dan tur ka hre lo ani .Chance pek ka tum apiang in a mah bawk hian min ti beidawn leh thin .Vawiin a thil thleng ang te kha .





"Mummy " tih riah chuan ka ngaihtuah na atang in ka harh chhuak nghal zawk mai .Bawihte a ka lam pan a rawn tlan ter ter chu ka hmu nghal vat a " Mummy chu ka koh vak vak che pawn i hrethei lo a "ka bul a thaw hluam hluam ding chung hian a rawn ti niah niah reuh a a biang tai hlar nen chuan hmuh nuam tak a ni "sorry" ka ti sep chuan a nui leh ver ver reuh a .





" Mummy khawihah nge ka Daddy " a pa awm leh awn loh hriat tum ni awm tak hian a hawi kual nghal ruai a " Daddy ka a buai a " ka lo ti vat a " naaa nang chu ka Daddy kha a buai i ti zel " lungawi lo deuh hian a ti nghal nang nanga " KCF lei ang aw " a rilru lak pen tum tak chuan ka ti daih a .Naupang tih tak a a khek nghal chul mai .





Nimin zan atang tawh khan Sangzuala hi a lam reng a .A phone i phone a la thei bawk silo , a buai a ti tawp kha nia , tukin zingah lah kan nghak reng chung in kan nghak chhuak zo lo leh a .Bawihtea lunghnur pawh hi awm ka ti pui lutuk tak zet .






Kawngpui kan kan tum lai tak in kan hmaah tak car a rawn ding nghal run a .Phawk zet a ka en laiin Sangzuala chu driver seat atang in a rawn chhuak nalh a " yess " tiin Bawihtea lah chu a khek nghal chul reuh a ." Daddy KCF kan ei dawn " Bawihtea lah chuan Sangzuala bulah chuan a ti nghal siam siam a .Sangzuala chuan min rawn melh nghal vut a .Ka hawisawn nghal nghal daih .




" A nih chuan Mummy te nen kan pathum in kal ila " Sangzuala'n a tih chuan Bawihtea chu a bu nghal ngauh ngauh a " Bawihte I Daddy kha a buai ang " Bawihte a melh mgar chung chuan ka ti a ,Sangzuala'n mi melh reng tih chu ka mitsir in ka hmu reng , ka en duh lo lui ve tlat thung .





" Daddy chu i buai reng a " Bawihtea lah chuan a ti nang nang a " Ka buai lo Bawihte kan kal dawn nia ,ka tih kha " dam thlup hian a ti let nghal sup a .Bawihte pawh a hlim leh tawh khawp mai " kal ila " Sangzuala chuan min rawn en chung hian a ti sup a .Zui duh lo viau mah ila , ka fapa hlim na tih chhiat sak ka duh loh vangin ka sawi ve hram a .






In kan thlen chuan a tlai tawh ang reng khawp mai .Park ah kal a ngen tlat avangin kan kal kawi leh a , min ti tlai zo vek alawm " zanah ka rawn leng ang " a tih chuan chhang loin Bawihtea pawm chunhgin car atang chuan ka chhuak nghal vat a " Bawihi " engtik laiin nge a rawn chhuah ve hman ka hre lo ka hriat leh hmsak ber chu ka bulah a lo ding fel der tawh .




" Bawihi " arawn tih thum leh dut chuan ka en ve ta nge nge a " Sawi la " nelawm loh zet hian ka ti leh hmuk a " zanah chuan ka rawn leng ang " a rawn tih leh chuan " rawn leng a ngai lo " ka ti nghal hlar a , a rawn nui chhuak hawk hawk a nih chu rum zet hian ka han melh nghal rawm rawm ringawt .




Zanah chuan ka nu ,ka nau Rindika leh kei chu TV en in kan thu thap a .Dar 7 a ri tawh Bawihte a chu a tal chau deuh nge chawei kham khan a mu nghal daih a .Sangzuala'n ka rawn kal dawn a tih vang nge ni , sana chu ka bih leh zeuh thin .





Ka awmdan mumal lo zet chu ka hne tak zet .Engvanga a rawn kal hun nghakhlel em em nge ka nih pawh ka in hre chuang lo , Dar 7 leh a chanve a rik phei chuan ka thu hle hle thei tawh lo kawngka lam ka melh sek ti ila ka sawi sual lo ang" tinge U Tluang kawngka chu i va bih sek a " Rindika lah chuan a rawn ti heu a , ka nu erawg alo nui mai thung " eng vak mah " za lo deuh a nuih pah hian ka ti sep ringawt .





Dar 8 a ri tawh Rindika pawh assigment an neih avangin room lamah a awm tawh a .Ka nu chuan in khel a en thung.Ka pa dam lai khan ka pa nen hian an en ve ziah zel ka tui na lam a nk ve lo bawk a .A awmzia ka hre lemlo khawp mai.




Sana ka en sek lai chuan kan door bel chu a rawn ri a , ka in thunun hman lo rang zet hian ka ding chhuak nghal hluai a , ka nu pawn min rawn en zawk nghe nghe engmah a sawi lem lo thung.Khawngkhar ka hawn chuan ka rin ang ngeiin Sangzuala chuan min lo melh nghal run a " rawn lut rawh " ka lo nghahhleh zia thup tum tak chuan ka ti tha ve mai a .







Thutkhawmna kan thlen chuan ka nu nen chuan an in be nghal luam a , rei pawh thu tawh loin ka nu chu mu turin a lut zui nghal mai a ." Bawihi rawn thu phei la " a thutna bul beng thek pah hian Sangzuala chuan a rawn ti sup a .Rum zet hian ka melh hrawk ringawt.Ning ang deuh chuan ka mengkual vel ringawt tawh .Ka nghahhleh zia a hriat ka duh lo .





" Rawn thu phei la " a rawn tih leh sup chuan " teuh lo " ka ti nghal chiam a .A rawn nui chhuak leh hawk hawk mai.Keipawh ka awmdan naupang chhia zet chu tul lo ti deuh in ka nernang ringawt .





A ding deuh hluai chu phawk zet hian ka en a " i haw tawh dawn a mi " ka ti ha bawk .A thu deuh chiah bawk sia , mak ka ti ve em a ni ,min chhang lo chuan ka bulah a rawn thu chat a , ka malchung a ka kut dah chu a rawn hum lum nghal veng veng bawk .





" Bawihi i hnenah hian ngaihdam til ngam tur pawh ka ni tih ka in hria , mahse khawngaih in ka lo tihnat tawh na che ka thawidam theih nan vawikhat chiah chance min pe leh rawh .I rilru nat nan ka awm tawh lo ang .Khawngaih in " ngen ngawl zet a mi en pah hian a rawn ti sup a , a mitmeng dul ruih ah chuan a thu sawi a dik tak zet zia chu a hriat thei.





" Bawihi khawngaih in kan fapa te nen hian chhungkaw hlim tak kan din theih nan chance vawikhat chiah min pe leh rawh " ka chhan mai loh vang nge a rawn ti leh sup a " Ka hlau a ni " thaw chhuak hak chung chuan ka ti sep a " Dik tak chuan maw Sangzuala ka hlau tawh a ni , kalsan nih teh hnawl nih te kha ka hlau tawh em a ni " a ti chhuak sep sep a " Lo ring leh che ila , i laka rin na ka nghah vel ah min kalsan leh mai ka hlau , tunah chuan keimah chiah ka ni tawh lo lehnghal , min tina leh a nih chuan ka tuar chhuam thei tawh kher in ka in ring lo " rilru ipik zet chuan ka ti chhuak sep a .






" Bawihi min ring rawh tun chiah , ka phatsan lo ang che , ka phatsan ngai lo bawk che .I natna tur in ka awm lo ang , ka awm ngai bawk lo ang " ka hma a thingthit sawk sawk pah hian a rawn ti leh sup sup a .A hmel chu ka en reng a ti tak zet ti ka hrethei.



" .Min ti na leh a nih chuan Sangzual chance a awm tawh lo ang " ka ti chhuak ve ta nge nge a " ka lawm e Bawihi , ka lawm lutuk , naktukah palai ka rawn tir nghal ang " min rawn kuah chung hian a ti nghal nawk nawk a , keipawh ka tah nuih ve hak tho.




Tun ah hian ngaidam loin , ka tawrh na chauh ka dah lian a nih chuan ka fapa hi a tuar ber tur ania .Pa tel lova a seilian tur ka ngaingam ngang lo a ni ,Sangzuala nen kan awmdun ve loh chhan mut hmunah min zawt ziah a , ka tan chhang har tak a ni thin .Vawiin kan haw hnu khan ngun tak in ka ngaihtuah a Bawihtea'n Sangzuala a hmuh a a hlim zia te kha , khatiang khan hlim reng thei se ka ti .






5 years ago ti duai ila




" Nu tho tawh rawh school kal ka ngai tawh ania " ka fap chuan tih pah in min rawn sawi det det a "I in siam tawh a mi " zik mar talh talh pah chuan ka ti sep a .





"Aw a pa pawh a in siam tawh , in hnuaiah a pate nen an awm " a tih chuan ka nui sak mai Martina hi pate a ti mai zel a ." Chaw lo zuk ei la , ka lo in ti fai ang " la meng chiang mang hlei lo chuan ka ti sep a , a ke pen thawm hla tial tial ah chuan a kal ve nghal tih ka hre thei .





" Bawihte au leh a pa school kal thlah kan mgai alawm " tih pah in ka mut chu ka chul zeuh a .Tunah hian thla 7 mi nau ka pai leh mek a.Fa kan nei tawh dawn lo amaw kan tih hnuah ka pai leh chauh kha nia , mut ka duh in ei hi ka duh em em ringawt a ni mai.





Ka in ti fai zo bathroom atanga ka chhuah chuan Sangzuala pawh room ah a rawn lut ve chiah a " i tho tawh a " ka lo tho tawh chu mak tih hmel zet hian a arawn ti ha a " Martina chuan eng nge a rawn tih a " ka lo ti daih thung .Ka zawhna chhang mai lo chuan min rawn pan in ka chalah chuan a fawp zeuh a , ka dul a rawn chul leh heuh heuh hnuah " A nuin dawr siam a duh ve deuh a , bungrua lam mawle , a lakna vel chanchin min rawn zawt a " a ti sup a .





" Chhuk ila Bawihtea a hril hai lutuk palh ang " ka tih chuan " ka la ngai ve rih che lawm " tih pah in min kuah tlat a nih chu chimawm thiam ve tak chu ni .




" Bye aw nu , chuan ka princess tei pawg bye bye aw " Bawihtea chuan kut vai lauh lauh pah hian a ti sep a kawngkhar biang ngheng in a pa car dah na lam a pan chu ka thlir reng " i awm a nawm loh chuan min rawn phone vat la aw , chuan princess a nu lo ti hah lutuk lo la " a tih hnuah ka hmuiah duhthaw zet a min rawn fawp ngawng ngawng a .A fapa in a rawn auh tak avang vhuan a in la hrang thei hram .





An tlam liam thleng chu ka thlir reng ringawt .Tunah chuan ka lo suangtuah thin chhungkaw hlimawm tak kan nei ve ta chu nia , Ngaihdam theih na hi a lo hlu em asin .Sangzuala kha lo in duh khum in , lo ngaidam duh ta lo ila , tiang chhungkaw hlimawm tak hi kan neih kher ka ring lo .





Martina pawh ka ngaidam a tunah chuan ka thiantha tak a ni tawh .Sangzuala nen kan in hruai tirh khan Sangzuala hian a thik thei viau na chu kum te a han vei meuh chuan mipa na na na chu an lo in ngaina chho ve tan a , tunah tak phei chuan keimah ai mah in Sangzuala nen an in kawm ngeih tawh zawk .Hmeichhe pakhat nen an in zui ve det det reng te khan ka hria , ka lawmpui lutuk zawk hmalam a pan thei hi , hmalam pan lo te se ka in thiam thei ngai dawn tlat lova .






Ka sawi hmaih theih loh chu Enkawli leh Sangzuala thianpa Remruata pawh kha an zui ve det det reng a ,Sangzuala nen kan in hruai leh hlim khan Enkawli vang hian kan buai chiam a , ka pa'n home ah a dah phah nghe mghe a , hei a rawn chhuak chu fel viau hran lo mahse zia tak a ni .Tian Remruata nen an in zui nghal chat bawk a .





Ka U Sangi erawh chu va kan ve thin mah ila , tumah min hmu duh ngai lo , ka nu tak ngial pawh , a nu hian hreawm a ti lutuk hi hmuh hreawm ka lo thin .Ka nau Rindika erawh doctor a zir mek a , nau doctor ka nei ve thei tep tawh a , a lawm hle.





Hetiang hlim na min pe tu Pathian chungah hian lawm thu sawi sen loh ka ba a , vanduai viau a , kan in hriat chang in kan tan kawngdang min lo sial sak thin a .Chhungkaw hlim tak kan din theih na chhan bulpui ber pawh Pathian hi ka ti lo thei lo.Ka beidawn chang in chak na min pe a ,Ka lo vui thin te kha a zahthlak ka ti letling zawk .Vui ngam tur ka ni reng reng lo , hetiang chhungkaw tha min pek avang hian lawm thu sawi mawlh mawlh zawk tur ka ni.




A tawp ta




A TAWP NA A LO NI TA RENG MAI , KA STORY LO CHHIAR A , COMMENT THA TAK TAK MIN HNUTCHHIAH THIN TU TE CHUNG AH THINLUNG TAK IN LAWM THU KA SAWI DUH A . KA STORY THAR TE PAWH MIN LO CHHIAR VE LEH THEUH TURIN KA SAWM NGHAL BAWK CHE U A NI .


Show post links
Top